ជាក់ស្តែង រយៈពេល៣ថ្ងៃនៃព្រឹត្តិការណ៍អង្គរសង្ក្រាន្តឆ្នាំ២០២៥នេះខេត្តសៀមរាបទទួលបានភ្ញៀវទេសចរជាតិ អន្តរជាតិ និងបងប្អូនប្រជាពលរដ្ឋ ចូលមកទស្សនាកម្សាន្តចំនួនប្រមាណ២,៧៥២,៨១៨នាក់ ក្នុងនោះរួមមានភ្ញៀវទេសចរអន្តរជាតិប្រមាណចំនួន១២,៨១៨នាក់ និងភ្ញៀវទេសចរជាតិ និងប្រជាពលរដ្ឋមានចំនួន ប្រមាណ ២,៧៤០,០០០នាក់ ស្របពេលដែលខេត្តសៀមរាបមានកម្មវិធីធំៗជាច្រើនទៀតបន្ថែមពីកម្មវិធីអង្គរសង្រ្កាន្ត។​​ ក្នុងនោះ មានព្រះរាជពិធីបួងសួងចម្រើនសេចក្តីសុខជូនកម្ពុជា ក្រោមព្រះរាជាធិបតីដ៏ខ្ពង់ខ្ពស់បំផុត ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជានៅប្រាសាទអង្គរវត្ត។

តាមរយៈទំព័រហ្វសប៊ុកផ្លូវការ នាថ្ងៃទី១៨ ខែមេសានេះ រដ្ឋបាលខេត្តសៀមរាប ក៏បានថ្លែងអំណរគុណយ៉ាងជ្រាលជ្រៅចំពោះអនុគណៈកម្មការនីមួយៗ នៃព្រឹត្តិការណ៍អង្គរសង្ក្រាន្ត ដែលបានរៀបចំ និងសម្របសម្រួលបានយ៉ាងល្អប្រសើរ និងថ្លែងអំណរគុណចំពោះកងកម្លាំងប្រដាប់អាវុធទាំងអស់ដែលបានសម្រួលចរាចរណ៍ដែលមិនឱ្យមានការកកស្ទះយូរ និងបានការពារបាននូវសន្តិសុខ សណ្តាប់ធ្នាប់បានយ៉ាងល្អ ទាំងការងារសម្អាតអនាម័យបរិស្ថាន បានយកអស់កម្លាំងកាយចិត្តក្នុងការសម្អាត ដឹកយកកាកសំណល់ចេញបានទាន់ពេលវេលា ដែលធ្វើឱ្យអនាម័យបរិស្ថានក្នុងព្រឹត្តិការណ៍អង្គរសង្ក្រាន្ត ពោពេញដោយសោភណភាពល្អប្រសើរ។

សូមបញ្ជាក់ដែរថា ក្នុងព្រឹត្តិការណ៍អង្គរសង្រ្កាន្តនេះ បើតាមលោក ហួត សុធី ស្នងការនគរបាលខេត្តសៀមរាប អនុវត្តតាមបទបញ្ជាដ៏ម៉ឺងម៉ាត់របស់គណៈបញ្ជាឯកភាពខេត្ត លោករៀបចំកម្លាំងរបស់ស្នងការដ្ឋាននគរបាលខេត្តជាង២ពាន់នាក់ បូករួមទាំងកម្លាំងប្រជាការពារ និងកម្លាំងអន្តរាគមន៍សរុបទាំងអស់ជាង៣ពាន់នាក់ ដែលមាន១៥ស្ថាប័ន នៃអង្គភាពដែលពាក់ព័ន្ធចំណុះគណៈបញ្ជាការឯកភាពខេត្ត គឺបានត្រៀមខ្លួនក្នុងការការពារសុវត្ថិភាពជូនភ្ញៀវជាតិ និងអន្តរជាតិដែលអញ្ជើញមកចូលរួមទស្សនាកម្សាន្តសប្បាយ ទាំងពេលយប់និងពេលថ្ងៃ ពោលគឺ២៤លើ២៤ម៉ោងនៅគ្រប់គោលដៅទាំងអស់៕

The post រដ្ឋបាលខេត្តសៀមរាប បង្ហាញភាពស្ញប់ស្ញែង និងក្ដីមោទកៈចំពោះជោគជ័យនៃព្រឹត្តិការណ៍អង្គរសង្ក្រាន្ត appeared first on Kampuchea Thmey Daily.

យោងតាមរបាយការរបស់មន្ទីរទេសចរណ៍ខេត្តសៀមរាប បានឲ្យដឹងថា ក្នុងរយៈពេល ៣ថ្ងៃមកនេះ ចាប់ពីថ្ងៃទី១៤ ដល់ទី១៦ មេសា ឆ្នាំ២០២៥ មានភ្ញៀវជាតិ អន្តរជាតិចូលមកកាន់ខេត្តសៀមរាប មានចំនួនប្រមាណ ២,៧៥២,៨១៨នាក់ កើនឡើង ២៩.៨៣% ប្រៀបធៀបនឹងព្រឹត្តិការណ៍អង្គរសង្ក្រាន្ត ឆ្នាំ២០២៣។ (ភ្ញៀវទេសចរមកពីតាមបណ្តារាជធានី ខេត្តមានចំនួនប្រមាណ ២,៧៤០,០០០ នាក់ កើនឡើង ២៩.៩០% ប្រៀបធៀបនឹងព្រឹត្តិការណ៍អង្គរសង្ក្រាន្ត ឆ្នាំ២០២៣) ដែលធ្វើដំណើរកម្សាន្តជាលក្ខណៈគ្រួសារទៅទស្សនាកម្សាន្ត ក្នុងព្រឹត្តិការណ៍អង្គរសង្ក្រាន្តក្នុងតំបន់អង្គរ និង ក្នុងក្រុងសៀមរាប  នៅរមណីយដ្ឋានឧទ្យានជាតិភ្នំគូលែន , តំបន់ទន្លេសាប និង ទៅទស្សនានៅសហគមន៍ទេសចរណ៍-អេកូទេសចរណ៍ និងតំបន់ផ្សេងៗ និង ភ្ញៀវទេសចរបរទេស មានចំនួន ១២,៨១៨ នាក់ កើនឡើង ១៦.២៨% ធៀបនឹងព្រឹត្តិការណ៍អង្គរសង្ក្រាន្តឆ្នាំ២០២៣ ។ 

ម៉្យាងទៀត មុនពេលពលរដ្ឋ ចេញដំណើរទៅកាន់តំបន់រមណីយដ្ឋានវប្បធម៌ ធម្មជាតិ ក៏មិនបានភ្លេចឡើយ ក្នុងការចូលទៅគោរព ប្រតិបត្តិបូជាទៀន ធូប ថ្វាយផួងផ្កា ដល់ព្រះអង្គចេកព្រះអង្គចម ដែលជាព្រះពុទ្ធរូបដ៏ស័ក្តសិទ្ធិនៃទឹកដីអង្គរ ដើមី្បសុំសេចក្តីសុខ ចម្រើនជូនដល់ក្រុមគ្រួសារ ញ្ញាតិមិត្តបងប្អូនកូនចៅ សំខាន់សូមឲ្យបារមីជួយថែរក្សាឲ្យបានគង់វង្សជា រៀងរហូតនូវសុខសន្តិភាព នៃព្រះរាជាណាចក្រកម្ពុជាទៀតផង។

ការប្រារព្វប្រតិបត្តិប្រពៃណីទំនៀមទម្លាប់ដូនតា នៅលើទឹកដីប្រវត្តិសាស្ត្រអង្គរ ក្នុងរយៈពេល៣ថ្ងៃនេះ ទាំងភ្ញៀវជាតិ អន្តរជាតិ ក៏ដូចប្រជាពលរដ្ឋខេត្តសៀមរាប បានសម្តែងការកោតសរសើរចំពោះប្រមុខរាជរដ្ឋាភិបាលកម្ពុជា សហភាពសហព័ន្ធយុវជនកម្ពុជា រដ្ឋបាលខេត្តសៀមរាប និង អាជ្ញាធរជាតិអប្សរា ដែលបានសហការគ្នារៀបចំកម្មវិធីសប្បាយៗកម្សាន្តនានា ដែលជាការបង្ហាញពីកិច្ចខិតខំប្រឹងប្រែងថែរក្សាសម្បត្តិវប្បធម៌ និងកេរដំណែលដ៏មានតម្លៃនៃវប្បធម៌ អរិយធម៌ខ្មែរ បានស្ថិតស្ថេរគង់វង្ស តាមពាក្យស្លោកពោលថា ( វប្បធម៌រលត់ ជាតិរលាយ វប្បធម៌ពណ្ណរាយ ជាតិថ្កើងថ្កាន) ព្រមទាំងបានបង្ហាញនូវស្នាដៃធំៗបន្ថែមទៀត ក្នុងការបង្ហាញដល់អន្តរជាតិ ។

បើក្រឡេកមកមើលទៅគ្រប់រមណីយដ្ឋាន និង ទីកន្លែងដើរកម្សាន្តនៅខេត្តសៀមរាប មានការការពារសុវត្ថិភាពខ្ពស់ពីកងកម្លាំងប្រដាប់អាវុធ ធ្វើយ៉ាងណាឱ្យភ្ញៀវទេសចរជាតិ និងអន្តរជាតិ ដែលទៅកម្សាន្តនៅខេត្តសៀមរាបក្នុងឱកាសបុណ្យចូលឆ្នាំខ្មែរ ទទួលបានសុវត្ថិភាព និងភាពសប្បាយរីករាយគ្រប់ទីកន្លែង៕

ដោយ៖ គឿនវេត

The post អង្គរសង្ក្រាន្តឆ្នាំនេះ ភ្ញៀវទេសចរទៅកម្សាន្តនៅខេត្តសៀមរាបបានកើនឡើង ២៩.៨៣% បើធៀបនឹងឆ្នាំ២០២៣ appeared first on Kampuchea Thmey Daily.

ការដង្ហែព្រះពុទ្ធបដិមា និងស្រង់ព្រះគឺជាកិច្ចពិធីសាសនា ដែលប្រជាជនកម្ពុជា ជាពិសេសប្រជាពុទ្ធបរិស័ទតែងតែមិនរំលងឡើយ។ ក្នុងពិធី មានទឹកជាមួយផ្កាភ្ញី និងទឹកអប់ យកមកស្រង់ព្រះពុទ្ធបដិមា, អ្នកមានគុណ, អ្នកមានឋានៈខ្ពង់ខ្ពស់ជាង ឬចាស់ព្រឹទ្ធាចារ្យ ដើម្បីសុំខមាទោសចំពោះកំហុសឆ្គងកន្លងមក និងទទួលបានមកវិញនូវសេចក្ដីសុខចម្រើន ត្រជាក់ត្រជុំនាឱកាសឆ្នាំថ្មី។

ព្រឹត្តិការណ៍អង្គរសង្រ្កាន្តបានប្រមូលផ្តុំមិនត្រឹមតែកម្មវិធីកម្សាន្តសប្បាយៗប៉ុណ្ណោះទេ ប៉ុន្តែថែមទាំងមានកម្មវិធីសាសនា ស្របតាមលំអាននៃប្រពៃណី និងទំនៀមទម្លាប់ខ្មែរយ៉ាងខ្ជាប់ខ្ជួន ដែលប្រជាពុទ្ធបរិស័ទ លោកយាយ លោកតា ក៏ដូចជាយុវជន បានចូលរួមធ្វើបុណ្យរួមគ្នា ក្នុងឱកាសនៃថ្ងៃបុណ្យចូលឆ្នាំថ្មីទៀតផង៕

ដោយ៖ គឿនវេត

The post លោក ហ៊ុន ម៉ានី អញ្ជើញចូលរួមដង្ហែព្រះពុទ្ធបដិមា និងធ្វើពិធីស្រង់ព្រះនៅបរិវេណសួនច្បារព្រះរាជដំណាក់ appeared first on Kampuchea Thmey Daily.

លោក ជា ស៊ីដេត គឺជាជនមានពិការភាពដៃខាងឆ្វេងផងនោះបានឆ្លងកាត់វគ្គប្រកួតជម្រុះជាច្រើនដំណាក់កាលមុនដល់វគ្គផ្ដាចព្រ័ត្រដែលរៀបចំនៅក្នុងទីតាំងភូមិខ្ញុំ ដែលបានចាប់ផ្ដើមការប្រកួតនៅម៉ោង ៨:០០ ព្រឹក ថ្ងៃទី១៦ មេសា ២០២៥។

ក្នុងការប្រកួតនេះជ័យលាភីលេខ៣បានទៅលើលោក ឈាវ បូរ៉ា។

គួរឱ្យដឹងផងដែរថា ក្នុងព្រឹត្តិការណ៍អង្គរសង្គ្រានចុងក្រោយកាលពីឆ្នាំ២០២៣ ពានស្តេចអុកចត្រង្គប្រចាំឆ្នាំបានទៅលើលោក សុខ លឹមហេង លេខ២បានទៅលើលោក ឈាវ បូរ៉ា និងលេខ៣បានលើលោក ហេង សៅឌី៕

អត្ថបទដោយ ហ៊ុន សិរីវឌ្ឍន៍

The post រកឃើញស្ដេចអុកឆ្នាំ២០២៥ appeared first on Kampuchea Thmey Daily.

ពិធីនេះមានការចូលរួមពីសំណាក់អនុប្រធាន និងសមាជិកសមាជិកាក្រុមការងារ និងយុវជនស្ម័គ្រចិត្តក្រុមការងារទំនាក់ទំនងសាធារណៈប្រមាណ៦០នាក់។ ពិធីនេះធ្វើឡើងក្នុងបំណងបួងសួងម្ចាស់ទឹកម្ចាស់ដី ទសបារមី ដើម្បីសុំសេចក្តីសុខ និងជោគជ័យសម្រាប់ការងារផ្សព្វផ្សាយ និងទំនាក់ទំនងសាធារណៈ នៃគណៈកម្មការរៀបចំព្រឹត្តិការណ៍អង្គរសង្រ្កាន្ត ក៏ដូចជាព្រឹត្តិការណ៍អង្គរសង្រ្កាន្តទាំងមូល។

សូមជម្រាបថា មជ្ឈមណ្ឌលព័ត៌មាន ជាកន្លែងក្រុមការងារទំនាក់ទំនងសាធារណៈអនុវត្តការងារបច្ចេកទេស និងការងារផ្សព្វផ្សាយ ជាពិសេសនោះជាទីតាំងសម្រាប់អ្នកសារព័ត៌មានមកទទួលកាត សាកសួរព័ត៌មាន និងជាទីតាំងដែលពួកគាត់អាចផលិតមាតិកា។

ឆ្នាំនេះ ជាឆ្នាំទី១២ នៃព្រឹត្តិការណ៍អង្គរសង្ក្រាន្ត ដែលគឺជាព្រឹត្តិការណ៍នៃការលើកយកនូវកេរតំណែលអរិយធម៌ វប្បធម៌ ទំនៀមទម្លាប់ និងស្នាដៃរបស់បុព្វបុរសខ្មែរមករំលេចឡើងជាផ្ទាំងទស្សនីយភាពវប្បធម៌ជាច្រើន ដូចជា ល្បែងប្រជាប្រិយ របាំបុរាណ របាំប្រពៃណី និងរបាំប្រជាប្រិយ ការបង្ហាញពីជីវភាពរស់នៅរបស់ប្រជាជនកម្ពុជានៅតាមតំបន់ និងសិល្បៈទស្សនីយភាពជាច្រើនទៀត៕ គឿនវេត

The post លោក សោម រតនា ដឹកនាំក្រុមការងារទំនាក់ទំនងសាធារណៈនៃព្រឹត្តិការណ៍អង្គរសង្ក្រាន្ត ក្រុងពាលីសុំសេចក្តីសុខ appeared first on Kampuchea Thmey Daily.

លោកឧត្ដមសេនីយ៍ទោ បានបន្តថា កម្លាំងនគរបាលប្រមាណ ២ ០០០នាក់ និងមានការចូលរួមពីស្ថាប័នអង្គភាពពាក់ព័ន្ធ ដែលចំណុះឱ្យបញ្ជាការឯកភាពខេត្តសរុបប្រមាណជាង ៣ ០០០នាក់ នឹងបានបែងចែកទៅតាមគោលដៅធំៗចំនួន៦ ក្នុងនោះគោលដៅសំខាន់ៗដែលត្រូវដាក់កងកម្លាំងការពារសន្ដិសុខសុវត្ថិភាពនោះ រួមមាន ក្នុងតំបន់អង្គរចំនួន២៥គោលដៅ ក្នុងក្រុងសៀមរាប ៣៤គោលដៅ។ ដោយឡែកនៅតាមបណ្ដារមណីយដ្ឋាន តាមបណ្ដាក្រុងស្រុកផ្សេងៗទៀត ស្នងការដ្ឋានខេត្តសៀមរាប ក៏បានណែនាំឱ្យអធិការក្រុងស្រុក ត្រៀមកម្លាំងការពារឱ្យរួចជាស្រេច ដើម្បីការពារដល់ភ្ញៀវទេសចរឱ្យមានសុវត្ថិភាពល្អ។

បើតាមលោក ហួត សុធី សម្រាប់ក្នុងក្រុងសៀមរាប មានកងកម្លាំងសរុបប្រមាណ ៤០០នាក់ រួមមាន កងកម្លាំងនគរបាល និងប្រជាការពារសម្រាប់ត្រៀមជួយសម្រួលដល់សន្ដិសុខ សណ្ដាប់ធ្នាប់សាធារណៈ ខណៈដែលកម្លាំងអន្តរាគមន៍ចំនួន ២ក្រុម ព្រមទាំងម៉ូតូ១៤គ្រឿងទៀត សម្រាប់ត្រៀមទៅជួយសម្រួលបញ្ចៀសចរាចរណ៍ដែលមានការកកស្ទះនៅតាមដងផ្លូវផ្សេងៗ ទាំងក្នុងក្រុង និងក្រៅក្រុងសៀមរាប ដែលផែនការទាំងអស់បានដាក់ចេញរួចហើយ ត្រៀមតែអនុវត្តតែប៉ុណ្ណោះ៕

ដោយ៖ជុន កុសល

The post ស្នងការនគរបាលខេត្តសៀមរាប ត្រៀមកម្លាំងជាង ៣ពាន់នាក់ រក្សាសន្ដិសុខ សណ្ដាប់ធ្នាប់ ក្នុងព្រឹត្តការណ៍អង្គរសង្ក្រាន្ត appeared first on Kampuchea Thmey Daily.

ព្រឹត្តិការណ៍អង្គរសង្ក្រាន្តឆ្នាំ២០២៥ នឹងត្រូវរៀបចំឡើង រយៈពេល ៣ ថ្ងៃ ចាប់ពីថ្ងៃ ១៤ ១៥ និង ១៦ ខែមេសា ឆ្នាំ ២០២៥ខាងមុខនេះ នៅលើទីតាំងចំនួន៦ រួមមានទីតាំងបរិវេណប្រាសាទអង្គរវត្ត ទីតាំងសួនច្បារព្រះរាជដំណាក់ ទីតាំងដងស្ទឹងសៀមរាប ទីតាំងKing’s Road ទីតាំង Pub street និងទីតាំងអង្គរឃ្យុងយូ ដោយមានកម្មវិធីចំនួន ៣៨ កម្មវិធី ដែលសុទ្ធសឹងជាកម្មវិធីដែលផ្ដល់ជូននូវភាពសប្បាយរីករាយដល់មហាគ្រួសារខ្មែរ។

នៅថ្ងៃទី៦ខែមេសានេះអភិបាលខេត្តសៀមរាបលោក ប្រាក់ សោភ័ណ ក៏​បាន​អញ្ជើញដឹកនាំអនុគណ:កម្មការសម្របសម្រួល និងពិធីការ របស់រដ្ឋបាលខេត្ត ចុះពិនិត្យទីតាំងរៀបចំអង្គរសង្ក្រាន្ត និងផ្ដល់អនុសាសន៍ដល់ក្រុមការងារខេត្ត ដើម្បីត្រៀមសហការជាមួយ ក្រុមការងារសហភាពសហព័ន្ធយុវជនកម្ពុជា ក្នុងការរៀបចំព្រឹត្តិការណ៍អង្គរសង្រ្កាន្ត និងពិធីបើកព្រឹត្តិការណ៍ ក្រោមវត្តមានដ៏ខ្ពង់ខ្ពស់ពីសំណាក់សម្ដេចមហាបរវធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាផងដែរ៕

ដោយ គឿន វេត

The post រដ្ឋបាលខេត្តអំពាវនាវម្ចាស់អាជីវកម្មកុំតម្លើងថ្លៃក្នុងពេលអង្គរសង្ក្រាន្តជិតចូលមកដល់ appeared first on Kampuchea Thmey Daily.

យ៉ាងណាមិញ សណ្ឋាគារនៅតាមបណ្តោយផ្លូវចាប់ពីស្តុបពេទ្យគន្ធបុប្ផាទៅដល់ស្ពានអតីតអាងក្រពើមានកក់បន្ទប់ស្នាក់នៅប្រមាណ៩៥% ហើយសណ្ឋាគារនៅតាមបណ្តោយផ្លូវជាតិលេខ៦ ចាប់ពីស្តុបចុងកៅស៊ូរហូតមកដល់រង្វង់មូលជ័យវ័រ្មនទី៧ មានការកក់បន្ទប់ស្នាក់មានប្រមាណ៨៥%។ ចំពោះសណ្ឋាគារដែលនៅឆ្ងាយៗពីតំបន់ទាំងនេះ មានការកក់ប្រមាណជា៦០ទៅ៦៥%។ សម្រាប់ផ្ទះសំណាក់វិញឃើញថា ផ្ទះសំណាក់ដែលនៅតាមបណ្តោយផ្លូវជាតិលេខ៦ នៅតំបន់ផប់ស្រ្ទីត និងកៀកតំបន់នេះ គឺមានការកក់បន្ទប់ស្នាក់នៅប្រមាណជា៨៥%។ ដោយឡែកសម្រាប់ផ្ទះសំណាក់ ដែលនៅតំបន់ជាយក្រុងមានការកក់ប្រមាណជា៦០ទៅ៦៥%។ ដូចនេះ ភ្ញៀវទេសចរដែលមានបំណងចង់មកកម្សាន្ត នៅខេត្តសៀមរាប ក្នុងឱកាសនៃពិធីបុណ្យចូលឆ្នាំប្រពៃណីជាតិខ្មែរខាងមុននេះ នៅតែអាចរកកន្លែងស្នាក់នៅបាន។

លោក ង៉ូវ សេងកាក់ រំពឹងថា ព្រឹត្តិការណ៍អង្គរសង្ក្រាន្តឆ្នាំ២០២៥ នេះ នឹងផ្តល់ចំណូលមកដល់ប្រតិបត្តិករទេសចរណ៍ ប្រជាពលរដ្ឋនៅមូលដ្ឋាន ក្នុងខេត្តសៀមរាប ទាំងដោយផ្ទាល់ និងប្រយោល ដែលនឹងជួយធ្វើឱ្យសេដ្ឋកិច្ចមូលដ្ឋានមានភាពល្អប្រសើរ។ លោកបានសំណូមពរដល់ប្រជាពលរដ្ឋ ក៏ដូចជាភ្ញៀវទេសចរណ៍ជាតិ និងអន្តរជាតិ ដែលមកកម្សាន្តក្នុងឱកាសអង្គរសង្ក្រាន្តឆ្នាំថ្មីនេះ សូមមកកម្សាន្តដោយសប្បាយរីករាយ ប៉ុន្តែសូមជួយថែរក្សាអនាម័យផង នៅពេលដែលហូបចុករួច សូមវេចខ្ចប់អាហារដែលនៅសល់ដាក់ធុងសំរាមឱ្យបានត្រឹមត្រូវ។

ចំណែក លោក ខាន់វ៉ាន់ ឆាយ តំណាងឱ្យបណ្តាញសហគមន៍ទេសចរណ៍ស្រុកបន្ទាយស្រី បានឱ្យដឹងដែរថា បណ្តាញសហគមន៍ទេសចរណ៍ស្រុកបន្ទាយស្រី  បានត្រៀមលក្ខណៈរួចរាល់ហើយ ដោយបានរៀបចំយ៉ាងយកចិត្តទុកដាក់ និងរក្សាគុណភាព និងតម្លៃជូនភ្ញៀវទេសចរ ពុកម៉ែបងប្អូន ដែលបានមកកម្សាន្ត មកទទួលទានអាហារ និងប្រើប្រាស់សេវាកម្មទេសចរណ៍ផ្សេងៗ ដែលមាននៅក្នុងសហគមន៍របស់លោក។ លោកសន្យាថា នឹងផ្តល់សេវាជូនភ្ញៀវដោយយកចិត្តទុកដាក់បំផុត ហើយលោកក៏មានការជឿជាក់ថា អង្គរសង្ក្រាន្តបានរុញច្រានឱ្យសេដ្ឋកិច្ចនៅក្នុងខេត្តសៀមរាបនឹងមានការកើនឡើង។

លោកស្រី សេង នី អាជីវករលក់ដូរនៅតំបន់ផប់ស្ទ្រីត បានលើកឡើងថា នៅពេលដែលខេត្តមានរៀបចំព្រឹត្តិការណ៍ធំៗជាពិសេសដូចជាអង្គរសង្ក្រាន្តនេះ គឺពិតជាមានសារសំខាន់ណាស់ ព្រោះនឹងមានភ្ញៀវទេសចរមកលេងខេត្តសៀមរាបច្រើន ហើយច្បាស់ណាស់ថា ភ្ញៀវទេសចរណ៍ទាំងនោះ ក៏នឹងមកទទួលទានអាហារនៅកន្លែងគាត់ដែរ។

ជាមួយគ្នានេះ លោក សឹង្ហ សំរិទ្ធិ ម្ចាស់សណ្ឋាគារចំប៉ីអង្គរ បានឱ្យដឹងថា លោកមានក្តីសប្បាយរីករាយយ៉ាងខ្លាំងដែល ប្រមុខរាជរដ្ឋាភិបាលកម្ពុជា បានផ្តួចផ្តើមរៀបចំកម្មវិធីអង្គរសង្ក្រាន្តនេះឡើងដើម្បីឱ្យភ្ញៀវទេសចរណ៍ជាតិ និងអន្តរជាតិ បានមកកម្សាន្តសប្បាយ ជាពិសេធ្វើឱ្យពលរដ្ឋក្នុងខេត្តសៀមរាប មានចំណូលពីវិស័យទេសចរណ៍យ៉ាងច្រើន។ លោកបន្តថា មកទល់ពេលនេះ សណ្ឋាគាររបស់លោកមានភ្ញៀវកក់ពេញអស់ហើយ លោកពិតជាសប្បាយចិត្តណាស់។

សូមរម្លឹកថា កាលពីឆ្នាំ២០១៣ ដែលជាឆ្នាំចាប់កំណើតព្រឹត្តិការណ៍អង្គរសង្ក្រាន្តនេះ ខេត្តសៀមរាប ទទួលបានអ្នកទេសចរណ៍ប្រមាណ ១៧ម៉ឺននាក់ ហើយចំនួននេះ មានការកើនឡើងជាលំដាប់ដោយនៅក្នុងនោះ ក្នុងឆ្នាំ២០២៣ ដែលជាខួប១០ឆ្នាំរបស់អង្គរសង្ក្រាន្ត ខេត្តសៀមរាប ពោលទទួលបានអ្នកទេសចរចូលមកកម្សាន្តក្នុងព្រឹត្តិការណ៍នេះ ប្រមាណជាង ២លាននាក់ និងមានលំហូសាច់ប្រាក់ចូលមកក្នុងខេត្តនេះប្រមានជាង ១២៦លានដុល្លាអាម៉េរិក៕

ដោយ៖ជុន កុសល

The post ព្រឹត្តិការណ៍អង្គរសង្ក្រាន្ត! កន្លែងស្នាក់ក្នុងក្រុងសៀមរាប មានការកក់ច្រើន ខណៈទីតាំងខ្លះកក់រហូតដល់៩៥% appeared first on Kampuchea Thmey Daily.