តាមរយៈសារជាសំឡេង នៅរសៀលថ្ងៃទី ២០ ខែធ្នូ ឆ្នាំ ២០២១នេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចប្រកាសបិទបញ្ចប់ព្រឹត្តិការណ៍ «សហគមន៍ ២០កុម្ភៈ» ដែលជាព្រឹត្តិ​ការ​ណ៍សោកនាដកម្ម សម្រាប់ប្រទេសកម្ពុជា ដោយសារតែការឆ្លងរាលដាលជំងឺកូវីដ-១៩។

សម្ដេចតេជោ ហ៊ុន សែន មានប្រសាសន៍ថា «ចាប់តាំងពីថ្ងៃទី ២០ កុម្ភៈ រហូតមកដល់ថ្ងៃទី ២០ ខែធ្នូ មានរយៈពេល ១០ខែ ដែលធ្វើឲ្យប្រជាពលរដ្ឋរបស់យើង បានឆ្លងជំងឺកូវីដចំនួន ១២៤,០២៣នាក់ និងបាត់បង់ជីវិតចំនួន ៣,០០៥​នាក់»។

សម្ដេចតេជោនាយករដ្ឋមន្ត្រី មានប្រសាសន៍បន្តថា នៅថ្ងៃទី ២០ ខែធ្នូនេះ គឺជាថ្ងៃដំបូងដែលប្រទេសកម្ពុជា ពុំមានអ្នកមនុស្សស្លាប់ដោយសារជំងឺកូវីដ-១៩ ហើយអត្រាឆ្លងក៏មានតែ ៧នាក់ប៉ុណ្ណោះ។ សម្ដេចតេជោ ហ៊ុន សែន បានលើកឡើងថា ចាប់តាំងពីកើតមានព្រឹត្តិការណ៍ «សហគមន៍ ២០កុម្ភៈ» មក គឺមានប្រជាពលរដ្ឋកម្ពុជា បានឆ្លងរាប់រយនាក់ និងស្លាប់រាប់សិបនាក់។

ក្នុងនោះ ក៏មានឆ្លងរហូតដល់ជាង ១ពាន់នាក់ ក្នុងរយៈពេលពីរថ្ងៃ។ ប៉ុន្តែ ក្នុងពេលប៉ុន្មានសប្ដាហ៍ចុងក្រោយនេះ ការឆ្លង​កូវីដ​-​១៩​ មានការធ្លាក់ចុះជាបន្តបន្ទាប់ ដែលនៅសល់ត្រឹមតែក្រោម ១០នាក់ប៉ុណ្ណោះ។ ចំណែកឯការ​ស្លា​ប់ ក៏មានការធ្លាក់ចុះជាបន្តបន្ទាប់ រហូតដល់ថ្ងៃទី ២០ ខែធ្នូ ឆ្នាំ ២០២១នេះ ពុំមានអ្នកស្លាប់ដោយ​សារកូវីដ-១៩នេះ ឡើយ។

សម្ដេចតេជោនាយករដ្ឋមន្ត្រី បានថ្លែងថា «អាចចាត់ទុកថា នេះជាជោគជ័យមួយ ឬអាចថា ការកាត់ប​ន្ថយ​នៃបរាជ័យ ដោយសារកូវីដ-១៩ ដែលខ្ញុំ ព្រះករុណខ្ញុំ តែងតែនិយាយថា គ្មានទេពាក្យជោគជ័យ ប៉ុន្តែគ្រាន់តែពាក្យថា ការខូចខាតនេះវាមិនធំ គឺយើងមិនមានជោគជ័យទេនៅលើជំងឺនេះ តែក៏អាចនិយាយបានថា វាក៏ជោគជ័យនៃការទប់ស្កាត់ មិនឲ្យយើងធ្លាក់ទៅក្នុងជ្រោះមរណៈ ដែលយើងមានការបារម្ភខ្លាំង នៅក្នុងពេលចូលឆ្នាំ ប្រពៃណីជាតិរបស់យើង ដែលនាំទៅដល់ការបិទខ្ទប់នៅទីក្រុងភ្នំពេញ និងនៅទីក្រុងតាខ្មៅ ព្រមទាំងការបិទខ្ទប់រារាំងការធ្វើដំណើរពីខេត្តមួយ ទៅកាន់ខេត្តមួយ ទាំងដែលពេលនោះ បង្កការលំបាកយ៉ាងខ្លាំង សម្រាប់ទាំងរដ្ឋ ទាំងប្រជាពលរដ្ឋរបស់យើង»។

សម្ដេចតេជោ ហ៊ុន សែន បានលើកឡើងទៀតថា ជាមួយនឹងការខិតខំប្រយុទ្ធប្រឆាំងនឹងជំងឺកូវីដ-១៩នេះ គឺរាជរដ្ឋា​ភិ​បាល បានខិតខំស្វះស្វែងរកវ៉ាក់សាំង ដើម្បីចាក់ជូនប្រជាពលរដ្ឋ ឲ្យបានទាន់ពេលវេលា។ សម្ដេចតេជោ បានគូសបញ្ជាក់ថា វ៉ាក់សាំងបានជួយអាយុជីវិត របស់ប្រជាជនកម្ពុជា ហើយសម្ដេចក៏អរគុណដល់មន្ត្រីរាជការ កងកម្លាំងប្រដាប់អាវុធ អាជ្ញាធដែនដីគ្រប់លំដាប់ថ្នាក់ និងគ្រប់ស្ថាប័ន ជាពិសេសស្ថាប័នសុខាភិបាល ក៏ដូចជាក្រុមគ្រូពេទ្យ ដែលចូលរួមប្រយុទ្ធប្រឆាំងនឹងជំងឺកូវីដ-១៩ ហើយត្រូវបានមហាជនដាក់ឈ្មោះជូនថា កងទ័ពអាវស៕

អត្ថបទ៖ ឃួន សុភ័ក្រ

The post Breaking News ៖ សម្ដេចតេជោ ហ៊ុន សែន ប្រកាសបិទបញ្ចប់ព្រឹត្តិការណ៍ «សហគមន៍ ២០កុម្ភៈ» appeared first on Kampuchea Thmey Daily.

ករណីទី១ មានប្រភពចម្លងចេញពីផ្សារកំពង់ក្តី ករណីទី២ ដល់ទី២១ មានប្រភពចម្លងចេញពីផ្សារលើធំថ្មី ករណីទី២២ មានប្រភពចម្លងចេញពីសង្កាត់ស្រង៉ែ និងករណីទី២៣ មានប្រភពចម្លងចេញពីភោជនីយដ្ឋានហេង ហេង២។ ក្នុងនោះ ករណីទី២៤ មានប្រភពចម្លងចេញពីផ្សារព្រះដាក់ ករណីទី២៥ ដល់ទី៣១ មានប្រភពចម្លងចេញពីផ្សារដំដែក ករណីទី៣២ ដល់ទី៣៣ ជាករណីឆ្លងពីអ្នកជំងឺឈ្មោះ ហ៊ុល សុខង៉ា ករណីទី៣៤ ជាអ្នកធ្វើដំណើរមកពីខេត្តកំពង់ធំ។ ជាមួយគ្នានេះ ករណីទី៣៥ ដល់ទី៦៣ គឺជាករណីពុំទាន់អាចសន្និដ្ឋានពីប្រភពចម្លងច្បាស់លាស់នៅឡើយ។ ចំពោះ ករណីទី៦៤ ដល់ទី៨០ គឺជាប្រជាពលរដ្ឋត្រឡប់ពីប្រទេសថៃ មកដល់ខេត្តសៀមរាប ហើយជាករណីសង្ស័យ ត្រូវបានក្រុមគ្រូពេទ្យដាក់ឱ្យធ្វើចត្តាឡីស័ក នៅវិទ្យាល័យសម្តេចឪ។

ចំណែកអ្នកជាសះស្បើយ៩នាក់ ត្រូវបានក្រុមគ្រូពេទ្យបានអនុញ្ញាតឱ្យចេញពីមន្ទីរពេទ្យបង្អែកខេត្ត និងមន្ទីរពេទ្យបង្អែកស្រុកសូទ្រនិគម ត្រឡប់ទៅលំនៅឋានវិញ ដោយត្រូវបន្តការធ្វើចត្តាឡីស័ករយៈពេល១៤ថ្ងៃ។

ក្នុងនោះដែរ មានករណីស្លាប់អ្នកវិជ្ជមានជំងឺកូវីដ-១៩ ចំនួន១នាក់ ឈ្មោះ សៀង ស្រីនី ភេទស្រី អាយុ៥១ឆ្នាំ អាសយដ្ឋានភូមិពោធិ៍បន្ទាយជ័យ សង្កាត់សៀមរាប ក្រុងសៀមរាប ដែលបានរកឃើញវិជ្ជមានជំងឺកូវីដ-១៩ នៅថ្ងៃទី២៥ ខែមិថុនា ឆ្នាំ២០២១ វេលាម៉ោង១២:០០នាទី និងបានស្លាប់នៅថ្ងៃទី០៥ ខែកក្កដា ឆ្នាំ២០២១ វេលាម៉ោង១៩:១០នាទី ដោយសារជំងឺរលាកសួត បង្កដោយមេរោគកូវីដ-១៩។

មកទល់ពេលនេះ ខេត្តសៀមរាប មានអ្នកវិជ្ជមានជំងឺកូវីដ-១៩ ចំនួន១,៨១៤នាក់ បានព្យាបាលជាសះស្បើយចំនួន៦១៤នាក់ ស្លាប់១៩នាក់ និង១១៨១នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប មណ្ឌលចត្តាឡីស័កគរុកោសល្យ និងវិក្រឹតការខេត្ត និងវិទ្យាល័យដំដែក។

រដ្ឋបាលខេត្តសៀមរាប សូមជម្រាបជូនបងប្អូនប្រជាពលរដ្ឋ ដែលបានពាក់ព័ន្ធដោយផ្ទាល់ ឬដោយប្រយោល ជាមួយអ្នកវិជ្ជមានខាងលើ សូមរួសរាន់ធ្វើចត្តាឡីស័កតាមផ្ទះក្នុងក្រុមគ្រួសាររៀងៗខ្លួនឱ្យបានគ្រប់១៤ថ្ងៃ ដោយមិនត្រូវពាក់ព័ន្ធ និងប៉ះពាល់ជាមួយអ្នកដទៃជាដាច់ខាត ក្នុងករណីមិនអនុវត្តកាតព្វកិច្ចចត្តាឡីស័ក រដ្ឋបាលខេត្តនឹងចាត់វិធានការផ្លូវច្បាប់ចំពោះបុគ្គលទាំងឡាយណាដែលលើ្មសនឹងវិធានសុខាភិបាលនេះ។ ប្រសិនបើមានការប្រែប្រួលសុខភាព សូមផ្តល់ព័ត៌មានមកកាន់លេខទូរស័ព្ទ០១២ ៩៥៥ ៤៧៤/០៧៧ ៧៨៩ ០០៧ ដើម្បីក្រុមការងារចាត់វិធានការក្នុងការយកសំណាកធ្វើតេស្តស្រាវជ្រាវ៕

អត្ថបទ៖ គឿន វេត

The post ខេត្តសៀមរាប រកឃើញអ្នកវិជ្ជមានជំងឺកូវីដ-១៩ ៨០នាក់ទៀត សរុបឡើងដល់ ១,៨១៤នាក់ appeared first on Kampuchea Thmey Daily.

ដោយគិតត្រឹមថ្ងៃទី៩ ខែមិថុនា ឆ្នាំ២០២១នេះ ខេត្តឧត្តរមានជ័យ រកឃើញអ្នកវិជ្ជមានជំងឺកូវីដ១៩ ចំនួន ១០១ករណី ក្នុងនោះករណីនាំចូលពីក្រៅប្រទេសចំនួន ៩៦ករណី និងករណីឆ្លងក្នុងសហគមន៍ ២០កុម្ភៈ ចំនួន ៥ករណី បានព្យាបាលជាសះស្បើយចំនួន ៣០ករណី និងកំពុងសម្រាកព្យាបាលចំនួន ៧១ករណី។

ដើម្បីចូលរួមទប់ស្កាត់នូវការចម្លងជំងឺកូវីដ-១៩ ឱ្យកាន់តែមានប្រសិទ្ធភាព រដ្ឋបាលខេត្តឧត្ដរមានជ័យ ជំរុញឱ្យប្រជាពលរដ្ឋគ្រប់រូបចងចាំ និងចូលរួមអនុវត្តឱ្យបានខ្ជាប់ខ្លួនជានិច្ចនូវវិធានការការពារខ្លួនសាមញ្ញៗ និងត្រូវបន្ដប្រុងប្រយ័ត្នផ្ទាល់ខ្លួនពីការឆ្លងជំងឺកូវីដ-១៩ ដោយអនុវត្តឱ្យខាងតែបាននូវវិធានការ បីកុំ និង បីការពារ៕

អត្ថបទ៖ចាន់ ធី

The post ខេត្តឧត្ដរមានជ័យ រកឃើញ៤ករណីកូវីដ-១៩ នាំចូលពីថៃ និង០១ករណីលាប់ឡើងវិញ appeared first on Kampuchea Thmey Daily.

ដូច្នេះមកដល់ព្រឹកនេះកម្ពុជាមានអ្នកជំងឺកូវីដ-១៩សរុបចំនួន ៣០,៧១០នាក់ អ្នកជំងឺជាសះស្បើយសរុប ២៣,៣៨៩នាក់ និងអ្នកស្លាប់សរុប ២២០នាក់៕

The post អ្នកជំងឺកូវីដនៅកម្ពុជា ឡើងជាង ៣ម៉ឺននាក់ ខណៈអ្នកស្លាប់កើនដល់២២០ករណី appeared first on Kampuchea Thmey Daily.

ទីតាំងទី១ ហាងហ្គាសទាន់សម័យ មានទីតាំងស្ថិតនៅផ្ទះលេខ A1Eo ផ្លូវលេខ២១៧ សង្កាត់ផ្សារថ្មី២ ខណ្ឌដូនពេញ ចាប់ពីថ្ងៃទី១៥ ដល់ថ្ងៃទី២៥ ខែឧសភា ឆ្នាំ២០២១។ មូលហេតុ អ្នកជំងឺកូវីដ-១៩ ជាបុគ្គលិកខាងផ្នែកដឹកជញ្ជូន ធ្វើការនៅទីតាំងខាងលើនេះ។​​

ទីតាំងទី២ ត្រូវបានរកឃើញស្រ្តីជាអ្នកជំងឺកូវីដ-១៩ ម្នាក់ ជាអ្នកលក់ភេសជ្ជៈ និងប្រដាប់ក្មេងលេង នៅមុខមន្ទីរពេទ្យ គន្ធបុប្ផា វត្តភ្នំ។

ទីតាំងទី៣ ក្រុមហ៊ុន វីរៈ ប៊ុនថាំ ដែលមានទីតាំងនៅផ្លូវលេខ ៨៦ កែងផ្លូវលេខ៤៧ សង្កាត់ស្រះចក ខណ្ឌដូនពេញ ចាប់ពីថ្ងៃទី១៩ ដល់ថ្ងៃទី២៦ ខែឧសភា ឆ្នាំ២០២១។ មូលហេតុ អ្នកជំងឺកូវីដ-១៩ បានទៅផ្ញើអីវ៉ាន់នៅទីតាំងខាងលើនេះ។

ទីតាំងទី៤ ហាង នំបុ័ង 3A នៅសង្កាត់ផ្សារកណ្តាល កាលពីថ្ងៃទី២៣ ឧសភា២០២១ មុនពេលទៅធ្វើតេស្ដ។ មូលហេតុ អ្នកជំងឺកូវីដ-១៩ ម្នាក់បានទៅទិញនំបុ័ង នៅទីនោះ។

ទីតាំងទី៥ នៅ អេអ៊ឹម ភឺអ៊ឹម ម៉ាត ផ្ទះលេខ១០៨ ផ្លូវលេខ១៧២ សង្កាត់ជ័យជំនះ ខណ្ឌដូនពេញ ចាប់ពីថ្ងៃទី១៨ ដល់ថ្ងៃទី២៦ ខែឧសភា ឆ្នាំ២០២១។ មូលហេតុ អ្នកជំងឺកូវីដ-១៩ បានចូលទៅទិញអីវ៉ាន់នៅទីនោះ។

ទីតាំងទី៦ នៅហាងមាសពេជ្រ ហេង គន្ធា ផ្ទះលេខ ២០Eo ផ្លូវលេខ១២៨ សង្កាត់ផ្សារថ្មី២ ខណ្ឌដូនពេញ។ មូលហេតុ នៅថ្ងៃទី១៦ ខែឧសភា ឆ្នាំ២០២១ ចន្លោះម៉ោង ៩និង០០ ដល់ម៉ោង ១០និង៣០ ព្រឹក អ្នកជំងឺកូវីដ១៩ បានចូលទៅទិញក្រវិល នៅទីតាំងខាងលើនេះ។

ទីតាំងទី៧ នៅផ្សារទំនើប Aeon Maxvalu សាខា ផ្សារ ខាលែនឌែលម៉ល ស្ថិតនៅសង្កាត់ស្រះចក ខណ្ឌដូនពេញ។ មូលហេតុ នៅថ្ងៃទី១៨ ខែឧសភា ឆ្នាំ២០២១ ចន្លោះម៉ោង ១៨និង៤០ ដល់ម៉ោង ១៩និង០០ អ្នកជំងឺកូវីដ-១៩ បានចូលទៅទិញទឹកដោះគោ នៅទីតាំងខាងលើ។

ទីតាំងទី៨ វត្តសារាវ័នតេជោ (ជាពិសេសកុដិលេខ២៥) ដែលមានទីតាំងស្ថិតនៅក្នុង សង្កាត់ជ័យជំនះ ខណ្ឌដូនពេញ។

ប្រសិនបើមានរោគសញ្ញាដូចជា គ្រុនក្ដៅ ក្អក កណ្ដាស់ ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ទៅធ្វើតេស្តរកមេរោគកូវីដ-១៩ សូមដាក់ខ្លួនដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល១៤ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ៕

អត្ថបទ៖ រស្មី

The post សូមប្រុងប្រយ័ត្ន ៨ ទីតាំងក្នុងខណ្ឌដូនពេញមានឆ្លងកូវីដ-១៩ appeared first on Kampuchea Thmey Daily.

លោកវេជ្ជបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀងបានឱ្យដឹងនៅរសៀលថ្ងៃទី២៣ ខែឧសភានេះថា ក្រមការងារបានយកសំណាកពីកម្មកររោងចក្ររោងចក្រ យូលី ស្ថិតនៅក្នុងតំបន់សេដ្ឋកិច្ចពិសេសសាន់ដុង សាន់សែល ក្រុងបាវិត ខេត្តស្វាយរៀង ចំនួន៣៤នាក់​ ជាលទ្ធផលមានកម្មករចំនួន២០នាក់ ក្នុងនោះស្រី១៦នាក់មានវិជ្ជមានកូវីដ‑១៩ ដែលធ្វើឱ្យចំនួនកម្មកររោងចក្រនេះមានឆ្លងរហូតដល់ជាង១០០នាក់។

លោកប្រធានមន្ទីរ បានបន្តថា ការឆ្លងជំងឺកូវីដ‑១៩នៅរោងចក្រ យូលី ត្រូវបានរកឃើញតាំងពីថ្ងៃទី២២ឧសភា ដែលការចម្លងគឺផ្តើមចេញពីកម្មករ១នាក់បានឆ្លងពីប្តីរបស់ខ្លួនដែលជាអ្នកដឹកបន្លែលក់ពីខេត្តស្វាយរៀងទៅលក់នៅផ្សារដើមគររាជធានីភ្នំពេញ។

លោក កែរ រដ្ឋា បានបន្តទៀតថា៖ “ម្សិលមិញមានកម្មកររោង យូលី កំពុងធ្វើចត្តាឡីស័កចំនួន៣៤នាក់មានអាការៈក្តៅខ្លួន ក្អក។ ដល់អ៊ីចឹងទៅបានក្រុមការងារបានទៅយកសំណាកពីពួកគាត់ធ្វើតេស្តមួយសារទៀត ហើយជាលទ្ធផលវិជ្ជមានកូវីដ‑១៩ ចំនួន២០នាក់”។

លោក បណ្ឌិត បន្ថែមទៀតថាការរកឃើញ២០នាក់បន្ថែមទៀតនេះបានធ្វើឱ្យខេត្តស្វាយរៀងមានចំនួនអ្នកឆ្លងសរុបចំនួន៥៨៣នាក់ ស្រី៣១១នាក់ ដោយមានអ្នកជាសះស្បើយចំនួន៣៦៩នាក់ ស្រី១៤៩នាក់ អ្នកជំងឺកំពុងសម្រាកព្យាបាលនៅមន្ទីរពេទ្យចំនួន២០៨នាក់ ស្រី១៦០នាក់ និងស្លាប់ចំនួន៥នាក់ ស្រី២នាក់៕

អត្ថបទ៖ សំអឿន

The post យកសំណាកកម្មកររោងចក្រ៣៤នាក់ រកឃើញវិជ្ជមានជំងឺកូវីដ‑១៩ ចំនួន២០នាក់ appeared first on Kampuchea Thmey Daily.

ដូច្នេះមកដល់ព្រឹកនេះកម្ពុជាមានអ្នកជំងឺកូវីដ-១៩សរុបចំនួន ២៦,៩៨៩នាក់ អ្នកជំងឺជាសះស្បើយសរុប ១៩,៧៧២នាក់ និងអ្នកស្លាប់សរុប ១៩០នាក់។

The post កម្ពុជារកឃើញអ្នកឆ្លងថ្មីកូវីដ-១៩ ចំនួន៦៦០នាក់ ខណៈមានស្លាប់៧ករណីបន្ថែម appeared first on Kampuchea Thmey Daily.

នេះបើតាមសេចក្តីសម្រេចដែលបណ្តាញព័ត៌មាន កម្ពុជាថ្មី ទទួលបាននៅថ្ងៃទី២៤ ខែឧសភា ឆ្នាំ២០២១នេះ។

បើតាមសេចក្តីសម្រេច បានឱ្យដឹងថា ការបិទជាបណ្តោះអាសន្ននេះ ក្នុងគោលបំណងដើម្បីទប់ស្កាត់ការរាលដាលនៃជំងឺកូវីដ-១៩ ក្រោយពីបានរកឃើញអ្នកជំងឺម្នាក់មានជំងឺកូវីដ-១៩ នៅថ្ងៃទី២២ ខែឧសភា ឆ្នាំ២០២១។

បច្ចុប្បន្នក្រុមគ្រូពេទ្យ និងអ្នកពាក់ព័ន្ធទាំងអស់ត្រូវបានរដ្ឋបាលខេត្ត ប្រកាសឱ្យចូលខ្លួនដើម្បីយកសំណាកធ្វើតេស្តរកមេរោគកូវីដ-១៩៕

អត្ថបទ៖ សោ និយមរ័ត្ន

The post រដ្ឋបាលខេត្តបាត់ដំបងបិទមន្ទីរពេទ្យ យីគក់ បណ្តោះអាសន្នក្រោយរកឃើញអ្នកជំងឺមានកូវីដ-១៩ appeared first on Kampuchea Thmey Daily.