ព្រំ រដ្ឋា Archives - Kampuchea Thmey Daily

អតីតតារាសម្តែង ចេញទៅអាមេរិកអះអាងមិនមែនគេចវេសបំណុលទេ

Dy Bunnara — Sun, 16 Jul 2023 07:25:02 +0000

កាលពីថ្មីៗកន្លងទៅ មានការទម្លាយយ៉ាងភ្ញាក់ផ្អើលនូវរឿងរ៉ាអាស្រូវរបស់អតីតតារាសម្តែង និងជាចាងហ្វាងផលិតកម្មPR គឺអ្នកនាង ព្រំ រដ្ឋា ដែលជំពាក់លុយបុគ្គលក្នុងរង្វង់សិល្ប:ដូចគ្នាមិនព្រមសង។ ប៉ុន្តែយ៉ាងណាក្តីពុំមានការឆ្លើយតបណាមួយពីអ្នកនាង ព្រំ រដ្ឋា ពាក់ព័ន្ធដំណឹងដ៏រសើបនិងក្តៅគគុកនេះឡើយ។

បន្ទាប់ពីបញ្ហាទើបតែស្ងប់ស្ងាត់មួយរយ:ខ្លី ស្រាប់មុននេះបន្តិចផ្ទុះព័ត៌មានដ៏គួរចាប់អារម្មណ៍ថ្មីមកថា អតីតតារាសម្តែងអ្នកនាងព្រំ រដ្ឋា បានសម្ពាយបង្ខិចឡើងយន្តហោះចាក់ចេញពីកម្ពុជាទៅរស់នៅទឹកដីសហរដ្ឋអាមេរិក ដោយមិនខ្វល់ពីរឿងបំណុលទៀតឡើយ។ ត្រង់ហេតុផលនេះបានផ្ទុះការវែកញែកថា ព្រំ រដ្ឋា ប្រហែលជាលែងមកខ្មែរទៀតហើយដោយទំនងទៅរស់សប្បាយលើទឹកដីនៃប្រទេសឥទ្ធិពលដុល្លារមហាអំណាចមួយនេះ។

ជុំវិញរឿងរ៉ាវខាងលើនេះប កស្រាយពីទឹកដីអាមេរិកអ្នកនាង ព្រំ រដ្ឋាបានបញ្ជាក់ទៅមហាជនថា នាងមិនបានគេចវេសពីបញ្ហាបំណុលឬរត់មករស់នៅអាមេរិកទេ។ មូលហេតុដោយសារគ្រួសាររបស់នាងកំពុងមានទុក្ខធំទើបនាងត្រូវចេញមករស់នៅដើម្បីមើលថែកូនៗមួយរយ:ខ្លី។

នាងបន្តថា ចំពោះរូបនាងផ្ទាល់គឺនៅតែមានទំនូលខុសត្រូវក្នុងការដោះស្រាយបំណុលទាំងអស់។

អ្នកនាងព្រំ រដ្ឋាបាននិយាយទៀតថា កន្លងមកនាងមានបញ្ហាវិបត្តផ្លូវចិត្តខ្លាំងទើបពេលខ្លះនាងសម្ងំដើម្បីពង្រឹងស្មារតីឲ្យរឹងមាំដើម្បីដោះស្រាយបញ្ហា។ ចំណែកឯការចេញមករស់នៅអាមេរិកនេះគឺជាការមើលថែនិងផ្តល់កំលាំងចិត្តឲ្យកូនបន្ទាប់គ្រួសាររបស់នាងកំពុងមានទុក្ខ។ នាងថា រយ:ពេលនេះដែរនាងក៏អាចពង្រឹងខ្លួនជាថ្មីជាមួយការធ្វើការងារ រកប្រាក់ចំណូលដោះស្រាយបញ្ហាឲ្យបានឆាប់ចប់នាពេលខាងមុខ។

អ្នកនាង ព្រំ រដ្ឋា បាននិយាងថា “រឿងរបស់ខ្ញុំគឺខ្ញុំចេះដោះស្រាយហើយ ហើយក៏គ្មានអ្នកណាមករករឿងខ្ញុំទេដោយសារតែខ្ញុំបានឆ្លើយតបខ្ញុំក៏សុំគាត់បងប្អូនសិល្ប:ដែលខ្ញុំបានខ្វះពួកគាត់ ព្រោះពួកគាត់សុទ្ធធ្លាប់ធ្វើការងារជាមួយខ្ញុំច្រើនឆ្នាំមកហើយ។ ហើយក៏មិនមែនខ្ញុំជំពាក់រាប់ឆ្នាំដែរ។ មានពេលខ្លះគាត់ក៏អាណិតខ្ញុំអំឡុងពេលសម័យកាលកូវីដ-១៩ព្រោះខ្ញុំខកខានអត់បានធ្វើការងារ និងអត់មានចំណូលអ្វីឡើយ”។

បន្ថែមពីនេះ អតីតតារាសម្តែងអ្នកនាងព្រំ រដ្ឋា បានបញ្ជាក់ថា នាងពុំមានចេតនាគេចវេសពីបំណុលទេ។ ហើយនៅពេលដែលនាងរឹងមាំនាអំឡុងចុងឆ្នាំនេះនឹងវិលត្រឡប់មកប្រទេសកម្ពុជាវិញផងដែរ៕

អត្ថបទ៖ ចាន់រ៉ា

The post អតីតតារាសម្តែង ចេញទៅអាមេរិកអះអាងមិនមែនគេចវេសបំណុលទេ appeared first on Kampuchea Thmey Daily.

ជេស៊ីកា ប្រកាសលែងយកលុយដែល ព្រំ រដ្ឋា ជំពាក់ តែបញ្ចេញសារចាក់ដោត

អ៊ិន ពិសី — Wed, 14 Jun 2023 09:08:03 +0000

កាលពីថ្មីៗកន្លងមកនេះបានធ្វើឲ្យអ្នកគាំទ្រ និងមហាជន មានការភ្ញាក់ផ្អើល បន្ទាប់ពីតារាស្រីរូបស្រស់ កញ្ញា ជេស៊ីកា ទម្លាយរឿងរ៉ាវដែលអតីតតារាសម្ដែង និងជាចាងហ្វាងផលិតកម្ម PR គឺ អ្នកនាង ព្រំ រដ្ឋា ជំពាក់លុយមិនព្រមសង។ ក្នុងនោះ ស្រាប់តែថ្មីៗនេះដែរ ជេស៊ីកា ក៏បានបន្តទម្លាយជាថ្មីទៀត។

បើយោងតាមសំណេររបស់តារាស្រីកញ្ញា ជេស៊ីកា បានលើកឡើងជាថ្មីដូច្នេះថា «បងកុហកខ្ញុំ ក៏ជិត២ ឆ្នាំ ដែលបងមកខ្ចីលុយខ្ញុំ ហើយឲ្យខ្ញុំចាំចាំ មកដល់ពេលនេះបងបានធ្វើកិច្ចសន្យាមុខច្បាប់ហើយនៅតែបំពាន»។

តារាសម្ដែងវ័យក្មេងកញ្ញា ជេស៊ីកា បាននិយាយទៀតថា «បងដឹងហើយថា តាមច្បាប់បងត្រូវជួបនឹង អ្វីខ្លះ តាំងពីបងធ្វើកិច្ចសន្យាជាមួយខ្ញុំមក ៥ ខែ ដែរហើយ បងដឹងខ្លួនឯងហើយថាមនុស្សដូចខ្ញុំគឺស្រួលណាស់»។ យ៉ាងណាមិញទំនងប្រហែលជាអស់លទ្ធភាពក្នុងការទារលុយ ស្រាប់តែតារាសម្ដែង ជេស៊ីកា ប្រកាសលែងយកលុយដែលអ្នកនាង ព្រំ រដ្ឋា ជំពាក់។ បន្ថែមនោះ នាង ក៏បានបោះពាក្យសម្ដីធ្ងន់ៗ ផ្ដាំទៅអ្នកនាង ព្រំ រដ្ឋា ដែរ។

តារាវ័យក្មេងកញ្ញា ជេស៊ីកា បានបន្ថែមទៀតថា «អ្នកឯងមិនសងលុយគេ កុំគិតថាជាតិនេះអ្នកឯងងើបមុខរួចឲ្យសោះ លុយដែលអ្នកនៅជំពាក់ ខ្ញុំលែងយកហើយ តែខ្ញុំសុំ share មុខមនុស្សដែលបោកគេម្នាក់នេះដល់ជាតិក្រោយ»។ នាងនិយាយដែរថា ធ្វើបុណ្យជាមួយមនុស្សដើរបោកគេ មួយជាតិនេះអ្នកឯងងើបមុខមិនរួចទេ បើមិនសងលុយគេនោះ៕

អត្ថបទ ៖ ចាន់រ៉ា

The post ជេស៊ីកា ប្រកាសលែងយកលុយដែល ព្រំ រដ្ឋា ជំពាក់ តែបញ្ចេញសារចាក់ដោត appeared first on Kampuchea Thmey Daily.

ជេស៊ីកា បន្តទម្លាយរឿង ព្រំ រដ្ឋា ជំពាក់លុយមិនទាន់សង

អ៊ិន ពិសី — Mon, 12 Jun 2023 07:00:35 +0000

កាលពីថ្មីៗកន្លងទៅ អ្នកគាំទ្រ និងមហាជន មានការភ្ញាក់ផ្អើល បន្ទាប់ពីតារាស្រីរូបស្រស់កញ្ញា ជេស៊ីកា បានទម្លាយនូវរឿងរ៉ាវអតីតតារាសម្ដែង និងជាចាងហ្វាងផលិតកម្ម PR គឺ អ្នកនាង ព្រំ រដ្ឋា ជំពាក់លុយមិនព្រមសង។

តាមរយៈសំណេររបស់តារាស្រីកញ្ញា ជេស៊ីកា បានលើកឡើងជាថ្មីថា «បងកុហកខ្ញុំ ក៏ជិត ២ ឆ្នាំដែលបងមកខ្ចីលុយខ្ញុំ ហើយឲ្យខ្ញុំចាំ ចាំមកដល់ពេលនេះបងបានធ្វើកិច្ចសន្យាមុខច្បាប់ហើយនៅតែបំពាន។ បងដឹងហើយថា តាមច្បាប់ បងត្រូវជួបនឹងអ្វីខ្លះ… តាំងពីបងធ្វើកិច្ចសន្យាជាមួយខ្ញុំមក ៥ ខែដែរហើយ បងដឹងខ្លួនឯងហើយថា មនុស្សដូចខ្ញុំស្រួលណាស់»។

ការទម្លាយរបស់តារាស្រីកញ្ញា ជេស៊ីកា ខាងលើនេះ ស្របពេលដែលអ្នកនាង ព្រំ រដ្ឋា បានបង្ហោះសារដោយរៀបរាប់ថា «រយៈពេល ២ ឆ្នាំហើយដែលខ្ញុំបានបាត់បង់គ្រប់យ៉ាង កិត្តិយស ការងារ ទ្រព្យសម្បត្តិ សឹងទាំងជីវិត ដោយការទទួលមិនបាន…។ កូវីដ បានបំផ្លាញខ្ញុំឆ្នាំ ២០១៩ ការចាប់ផ្ដើមកូវីដ ទោះមិនទាន់មកដល់ប្រទេសយើង តែយើងគ្រប់គ្នាគឺខ្លាច….»។

អ្នកនាង ព្រំ រដ្ឋា បន្តថា «ការងាររបស់ខ្ញុំចាប់ផ្ដើមជួបបញ្ហាព្រោះតួមួយចំនួនគាត់ខ្លាច ទោះជាយើងមានវិធីការពារ…ខាងTV ក៏តម្រូវឲ្យខ្ញុំកាត់សាច់ ព្រោះគាត់ខ្លាចខ្ញុំថតមិនចប់ ព្រោះរឿងកំពុងចាក់ផ្សាយ…ទាំងដែលខ្ញុំថតជិតចប់។ ខ្ញុំចាប់ផ្ដើមខាតបង់ ខ្ញុំតស៊ូធ្វើការងារដែលជាបេះដូងរបស់ខ្ញុំ។ ទីបំផុតខ្ញុំត្រូវបាត់បង់ការងារមួយនេះនៅចុងឆ្នាំ ២០២១ ខាងអ្នកធ្វើការឲ្យទូរទស្សន៍លើកឡើង ខ្ញុំធ្វើលើសកុងត្រា ៥ ខែ ត្រូវបញ្ចប់កុងត្រាទាំងដែលប្រទេសត្រូវបិទក្រុង….»។

អ្នកនាង ព្រំ រដ្ឋា បន្ថែមទៀតថា «ចុះការខាតបង់របស់ខ្ញុំដែលគិតថាចប់កូវីដ នឹងប្រឹងប្រែងជាថ្មី ខ្ញុំគិតថាមិននិយាយ តែពេលនេះខ្ញុំមានអារម្មណ៍ថា ហេតុអ្វីពេលដែលយើងស្លូតត្រូវគេធ្វើបាបបែបនេះ តែយ៉ាងណាខ្ញុំក៏សូមអរគុណប្អូនស្រីThyda Pnn ខាងទូរទស្សន៍P NN ដែលនៅតែផ្ដល់ឱកាស និងខ្វល់ខ្វាយពីសុខទុក្ខខ្ញុំ បានផ្ដល់ការងារដល់ខ្ញុំ។ ខ្ញុំពិតជាចង់Live និយាយរឿងក្នុងចិត្ត និងភាពអយុត្តិធម៌ដែលខ្ញុំជួបបានបៀមទុក្ខ ២ ឆ្នាំ មកនេះណាស់៕

អត្ថបទ ៖ ចាន់រ៉ា

The post ជេស៊ីកា បន្តទម្លាយរឿង ព្រំ រដ្ឋា ជំពាក់លុយមិនទាន់សង appeared first on Kampuchea Thmey Daily.

ព្រំ រដ្ឋា Archives - Kampuchea Thmey Daily

អតីត​តារាសម្តែង ចេញ​ទៅអាមេរិក​អះអាង​មិនមែនគេចវេសបំណុលទេ

ជេស៊ីកា ប្រកាសលែងយកលុយដែល ព្រំ រដ្ឋា ជំពាក់ តែបញ្ចេញសារចាក់ដោត

ជេស៊ីកា បន្តទម្លាយរឿង ព្រំ រដ្ឋា ជំពាក់លុយមិនទាន់សង

អតីតតារាសម្តែង ចេញទៅអាមេរិកអះអាងមិនមែនគេចវេសបំណុលទេ