តាមការប្រកាស ស្ថានភាពបែបនេះ ចាប់ពីថ្ងៃទី២៣ ដល់ថ្ងៃទី២៥ ខែមិថុនា ឆ្នាំ២០២៥ នឹងធ្វើឱ្យតំបន់វាលទំនាប មាន
សីតុណ្ហភាពមធ្យមអប្បបរមា២៤°C និងសីតុណ្ហភាពមធ្យមអតិបរមា៣៣°C។ ខ្យល់បក់មកពីទិសនិរតី និងអាគ្នេយ៍មានល្បឿនមធ្យម៥ម៉ែត្រ ក្នុងមួយវិនាទី។ ខេត្តបន្ទាយមានជ័យ បាត់ដំបង ពោធិ៍សាត់ កំពង់ឆ្នាំង សៀមរាប កំពង់ធំ កំពង់ចាម ត្បូងឃ្មុំ ព្រៃវែង កណ្តាល តាកែវ ស្វាយរៀង និងភ្នំពេញ អាចមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់គ្របដណ្តប់លើផ្ទៃដី២០%។

តំបន់ខ្ពង់រាប មានសីតុណ្ហភាពមធ្យមអប្បបរមា២៣°C និងសីតុណ្ហភាពមធ្យមអតិបរមា៣៣°C។ ខ្យល់បក់មកពីទិសនិរតី និងអាគ្នេយ៍មានល្បឿនមធ្យម៤ម៉ែត្រ ក្នុងមួយវិនាទី។ ខេត្តកំពង់ស្ពឺ ប៉ៃលិន ឧត្តរមានជ័យ ព្រះវិហារ ក្រចេះ ស្ទឹងត្រែង រតនគិរី មណ្ឌលគិរី ជួរភ្នំដងរែក និងតំបន់ជួរ ភ្នំក្រវាញ អាចមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់គ្របដណ្តប់លើផ្ទៃដី២៥%។

តំបន់មាត់សមុទ្រ មានសីតុណ្ហភាពមធ្យមអប្បបរមា២៣°C និងសីតុណ្ហភាពមធ្យមអតិបរមា៣៣°C។ ខ្យល់បក់មកពីទិសនិរតី និងបស្ចិម មានល្បឿនមធ្យម៣ម៉ែត្រ ក្នុងមួយវិនាទី។ ខេត្តកោះកុង ព្រះសីហនុ កំពត កែប និងជួរភ្នំបូកគោ អាចមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់គ្របដណ្តប់លើផ្ទៃដី៣០%។ រលកសមុទ្រមានកម្ពស់មធ្យមអប្បបរមា ០,៥០ម៉ែត្រ និងកម្ពស់មធ្យមអតិបរមា ១,៥០ម៉ែត្រ៕

The post កម្ពុជា បន្តមានភ្លៀងធ្លាក់ជាមួយផ្គររន្ទះ​ និងខ្យល់កន្ត្រាក់ដល់ថ្ងៃទី២៥មិថុនា ខណៈសីតុណ្ហភាពធ្លាក់មកនៅត្រឹម៣៣°C appeared first on Kampuchea Thmey Daily.

បាតុភូតនេះ នឹងធ្វើឱ្យតំបន់មួយចំនួននៅកម្ពុជាមានភ្លៀងធ្លាក់ក្នុងកម្រិតខ្សោយចាប់​​ពី​ថ្ងៃ​​ទី​២០ ដល់ថ្ងៃទី២២ ខែកុម្ភៈ ឆ្នាំ២០២៤ ក្នុងនោះ តំបន់វាលទំនាប និងតំបន់ខ្ពង់រាប នឹងមានភ្លៀងធ្លាក់ក្នុងកម្រិតខ្សោយគ្រប់ដណ្តប់លើផ្ទៃដី៥% និងមានខ្យល់បក់មកពីទិសបូព៌មានល្បឿន២ម៉ែត្រ/វិនាទី។

ចំណែកឯតំបន់មាត់សមុទ្រ សីតុណ្ហភាពមធ្យមអប្បបរមា២៥ អង្សា និងសីតុណ្ហភាពមធ្យមអតិបរមា៣៦ ផ្ទៃមេឃមានពពកពីតិចទៅមធ្យម មានភ្លៀងធ្លាក់ក្នុងកម្រិតខ្សោយគ្រប់ដណ្តប់លើផ្ទៃដី២០% ខ្យល់បក់មកពីទិសនិរតី មានល្បឿន ៥ម៉ែត្រ/វិនាទី។ រលកសមុទ្រមានកម្ពស់អប្បបរមា១,២៥ម៉ែត្រ និងកម្ពស់​អតិបរ​មា២,៥០​ម៉ែត្រ​៕

The post កម្ពុជានឹងមានភ្លៀងធ្លាក់ ក្នុងកម្រិតខ្សោយនៅទូទាំងប្រទេស appeared first on Kampuchea Thmey Daily.

ស្ថានភាពបែបនេះនឹងធ្វើឱ្យតំបន់វាលទំនាបមានសីតុណ្ហភាពអប្បបរមាពី២៤-២៦°C និងសីតុណ្ហភាពអតិបរមា​ពី៣០-៣៤°C ហើយខ្យល់បក់មកពីទិសឦសាន ទិសខាងកើត និងទិសអាគ្នេយ៍ក្នុងល្បឿនពី១-៣ម៉ែត្រ/វិនាទី។

ហើយភ្លៀងធ្លាក់លាយឡំជាមួយផ្គររន្ទះ និងខ្យល់កន្ត្រាក់ក្នុងកម្រិតពីតិចទៅបង្គួរ តាមបណ្ដាខេត្ដមួយចំនួន និងរាជធានីភ្នំពេញ ដែលអាចគ្របដណ្តប់លើផ្ទៃដីពី ៣០% ទៅ ៦០%។

ចំណែកឯតំបន់ខ្ពង់រាប សីតុណ្ហភាពអប្បបរមាពី២២-២៤°C និងសីតុណ្ហភាពអតិបរមាពី៣០-៣៤°C ហើយខ្យល់បក់មកពីទិសឦសាន និងទិសខាងកើតក្នុងល្បឿនពី១-៣ម៉ែត្រ/វិនាទី។

ភ្លៀងធ្លាក់ក្នុងកម្រិតពីតិចទៅបង្គួរ លាយឡំផ្គររន្ទះ និងខ្យល់កន្ត្រាក់ លើខេត្តត្បូងឃ្មុំ កំពង់ចាម ក្រចេះ មណ្ឌលគិរី និងរតនគិរី ដែលអាចគ្របដណ្ដប់លើផ្ទៃដីពី ២០-៤០% និងភ្លៀងធ្លាក់ក្នុងកម្រិតពីតិចទៅមធ្យម លើខេត្តព្រះវិហារ និងខេត្ដស្ទឹងត្រែង ដែលអាចគ្របដណ្ដប់លើផ្ទៃដីពី ១០% ទៅ ២០%។

ដោយឡែកតំបន់មាត់សមុទ្រ សីតុណ្ហភាពអប្បបរមាពី២៤-២៦°C និងសីតុណ្ហភាពអតិបរមាពី៣០-៣២°C ហើយខ្យល់បក់មកពីទិសឦសាន ទិសខាងលិច និងទិសនិរតីក្នុងល្បឿនពី១-៣ម៉ែត្រ/វិនាទី ខណៈភ្លៀងធ្លាក់ក្នុងកម្រិតពីមធ្យមទៅបង្គួរ លាយឡំជាមួយផ្គររន្ទះ ដែលអាចគ្របដណ្តប់លើផ្ទៃដីពី ៥០% ទៅ ៦០%។

ចំណែកនៅលើផ្ទៃសមុទ្រ អាចមានភ្លៀងធ្លាក់ក្នុងកម្រិតពីតិចទៅបង្គួរ លាយឡំជាមួយផ្គររន្ទះ និងខ្យល់កន្ត្រាក់ ហើយខ្យល់បក់មកពីទិសពាយ័ព្យ និងទិសឦសានក្នុងល្បឿនពី១-៣ម៉ែត្រ/វិនាទី និងរលកសមុទ្រមានកម្ពស់ពី០,៥-១ម៉ែត្រ៕

The post ភ្លៀងខ្យល់កន្ត្រាក់ បន្តធ្លាក់ដោយសារបាតុភូតប្រព័ន្ធសម្ពាធខ្ពស់ពីចិន appeared first on Kampuchea Thmey Daily.

របាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយបញ្ជាក់ថា ខ្យល់កន្ត្រាក់បានកើតឡើង ១៥៥ លើក នៅទូទាំង ២៥ រាជធានីខេត្តបណ្ដាលឱ្យផ្ទះ ១ ១៦៤ ខ្នង ដួលរលំ និង ៩ ៧១៥ ខ្នង របើកដំបូល ខណៈមនុស្ស ៦ នាក់ស្លាប់ និងរបួស ៩៩ នាក់។

លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយបានឱ្យដឹងថា បាតុភូតខ្យល់កន្ត្រា​ក់រយៈពេល៥ខែនេះបើប្រៀបធៀបទៅនឹងពេញមួយឆ្នាំ២០២២កន្លងទៅឃើញថាការខូចខាតនិងមនុស្សរងគ្រោះមានកើនឡើង ខណៈករណីខ្យល់កន្ត្រាក់ឆ្នាំ២០២២បាន កើតឡើងចំនួន ២១០ លើកបានបណ្តាលឱ្យរលំផ្ទះចំនួន១១១០ខ្នងផ្ទះរបើកដំបូលចំនួន៩៥៣៣ខ្នង ខូចខាតសាលារៀនចំនួន៦៤ខ្នង ស្លាប់មនុស្សចំនួន៣នាក់និងរបួស៦៦នាក់ប៉ុណ្ណោះ។

លោក សុទ្ធ គឹមកុលមុនី បានពន្យល់ថា ការដែលខ្យល់កន្ត្រាក់កើតមានឡើងច្រើន និងបង្កគ្រោះថ្នាក់ច្រើននេះដោយសារ​កក្តាការប្រែប្រួលអាកាសធាតុហើយនៅឆ្នាំនេះខ្យល់កន្ត្រាក់បានកើតច្រើននៅដើមរដូវវស្សាតែម្តងហើយកើតឡើងស្ទើរតែរាល់ថ្ងៃនៅពេលដែលមានភ្លៀងធ្លាក់។

លោកបានបន្តទៀតថា «អីចឹងទេសូមអាជ្ញាធរនិងប្រជាពលរដ្ឋមេត្តាយកចិត្តទុកដាក់ខ្ពស់ចំពោះបញ្ហាខ្យល់កន្ត្រាក់នេះដើម្បីចូលរួមកាត់បន្ថយនូវផលប៉ះពាល់និងការខូចខាតផ្សេងៗពិសេសប៉ះពាល់ដល់អាយុជីវិតប្រជាពលរដ្ឋ»។

យោងតាមក្រសួងធនធានទឹកនិងឧតុនិយមបានឲ្យដឹងថាចាប់ពីថ្ងៃទី៣១ ខែឧសភាដល់ថ្ងៃទី៦ ខែមិថុនាឆ្នាំ២០២៣​ព្រះរាជាណាចក្រកម្ពុជា និងទទួលរងនូវឥទ្ធិពលជ្រលងសម្ពាធទាប និងខ្យល់មូសុងក្នុងកម្រិតពីមធ្យមទៅបង្គួរដែលលក្ខណៈបែបនេះធ្វើឲ្យមានភ្លៀងធ្លាក់ក្នុងកម្រិតពីខ្សោយទៅមធ្យមលាយឡំជាមួយផ្គររន្ទះ និងខ្យល់កន្ត្រាក់។

រីឯនៅតាមតំបន់មាត់សមុទ្រអាចមានភ្លៀងធ្លាក់ក្នុងកម្រិតពីមធ្យមទៅច្រើនលាយឡំ និងខ្យល់ ផ្គររន្ទះ។នៅលើផ្ទៃសមុទ្រអាចមានខ្យល់ផ្គរ រន្ទះនិងរលកសមុទ្រខ្ពស់។ អាស្រ័យហេតុនេះសូមសាធារណជនបង្កើនការប្រុងប្រយ័ត្នចំពោះបាតុភូតធម្មជាតិដែលអាចកើតមានឡើងជាយថាហេតុ៕

អត្ថបទ៖ សំអឿន

The post ផ្ទះជាង១ ម៉ឺនខ្នងរងការបំផ្លាញដោយខ្យល់កន្ត្រាក់រយៈពេល ៥ ខែឆ្នាំនេះ appeared first on Kampuchea Thmey Daily.

តាមរបាយការណ៍របស់សមត្ថកិច្ចបានបញ្ជាក់ថា នៅថ្ងៃទី២៩ ខែមេសា ឆ្នាំ២០២៣ វេលាម៉ោង ១៧ និង៣៥នាទី នៅក្នុងស្រុករុក្ខគិរី ខេត្តបាត់ដំបង ដោយមានករណីគ្រោះធម្មជាតិភ្លៀងខ្យល់កន្រ្តាក់ និងផ្គររន្ទះយ៉ាងខ្លាំង។

ភ្លាមនោះ រន្ទះក៏បានបាញ់ទៅលើក្មេងប្រុស២នាក់ បណ្តាលឱ្យស្លាប់ និងរងរបួសក្មេងស្រី ០១នាក់។ តាមរបាយការណ៍​បានបញ្ជាក់ថា ជនរងគ្រោះទាំងបីនាក់ រួមមានទី ÷ ១. ឈ្មោះ និត ប្រុសនុត ភេទប្រុស អាយុ០៨ ឆ្នាំ រស់នៅភូមិចុងពរ ឃុំព្រៃត្រឡាច ស្រុករុក្ខគិរី ទី២. ឈ្មោះ និត ប្រុសនុន ភេទប្រុស អាយុ១០ឆ្នាំ ត្រូវជាបងប្អូនបង្កើត និង ៣. ឈ្មោះ វុធ ធារា ភេទស្រី អាយុ១៥ឆ្នាំ រស់នៅភូមិ ថ្នំ ឃុំព្រែកជីក ស្រុករុក្ខគិរី  ត្រូវបានរន្ទះបាញ់បណ្តាល​ឱ្យសន្លប់ ខណៈដែល​កំពុង​ដេញគោចូលក្រោលពេលមេឃកំពុងភ្លៀងខ្លាំង និងបានដឹងខ្លួនក្រោយពេលដែលបានបញ្ជូន​ទៅកាន់មន្ទីរពេទ្យ​បង្អែក​ស្រុកមោងឫស្សី ។

អាជ្ញាធរ បានស្នើដល់ពលរដ្ឋត្រូវប្រុងប្រយ័ត្ន ជាពិសេសនៅពេលមានភ្លៀងធ្លាក់ ព្រោះគ្រោះថ្នាក់អាចកើត​ឡើងជាយ​ថាហេតុ ដោយគ្រោះធម្មជាតិ៕

អត្ថបទ ÷ សោ និយមរ័ត្ន

The post សូមប្រុងប្រយ័ត្ន៖ ក្មេងប្រុស២នាក់ ជាបងប្អូនបង្កើត ត្រូវរន្ទះបាញ់ស្លាប់​ពេលកំពុងបេះផ្លែព្រីង appeared first on Kampuchea Thmey Daily.