ផ្ដន្ទាទោស អតីតយោធាផ្កាយ ២ ដាក់ពន្ធនាគារ ៨ ខែ និងបង្គាប់ឲ្យសងជំងឺចិត្ត ២០ លានរៀល

Sorn Phanith — Fri, 25 Feb 2022 07:25:24 +0000

ចៅក្រមសាលាដំបូងរាជធានីភ្នំពេញ លោក ធាម ច័ន្ទពិសិដ្ឋ នៅថ្ងៃទី ២៥ ខែកុម្ភៈ ឆ្នាំ ២០២២ នេះ បានប្រកាសសាលក្រមសម្រេចផ្ដន្ទាទោសអតីតផ្កាយ ២ សូយ ចាន់សឿន ដាក់ពន្ធនាគារកំណត់ ៨ខែ ក្រោមការចោទប្រកាន់ពីបទបរិហារបង្កាច់កេរ្តិ៍។

ចំណែកបក្សពួកម្នាក់ទៀតឈ្មោះ សូ បិនឡា ក៏ត្រូវបានតុលាការផ្ដន្ទាទោសដូចគ្នានេះដែរ និងបង្គាប់ឲ្យរួមគ្នាសងជំងឺចិត្តដល់ដើមបណ្ដឹងរដ្ឋប្បវេណីចំនួន ២០ លានរៀលផងដែរ ។

បច្ចុប្បន្ននេះ ទណ្ឌិតឈ្មោះ សូយ ចាន់សឿន ភេទប្រុស អាយុ ៤៥ ឆ្នាំ ជាអតីតយោធាផ្កាយ ២ មានទីលំនៅផ្ទះលេខ ៣១០ អឺ០ មហាវិថីព្រះមុនីវង្ស សង្កាត់ចតុមុខ ខណ្ឌដូនពេញ រាជធានីភ្នំពេញ កំពុងជាប់ឃុំនៅ ពន្ធនាគារខេត្តកំពង់ស្ពឺ និងម្នាក់ទៀតឈ្មោះ សូ បិនឡា ភេទប្រុស អាយុ ៤៣ ឆ្នាំ ស្នាក់នៅផ្ទះគ្មាន លេខផ្លូវបេតុង ភូមិ ត្នោតជ្រុំ ៣ សង្កាត់បឹងទំពុន ខណ្ឌមានជ័យ រាជធានី ភ្នំពេញ ។ ជនត្រូវចោទទាំង ២ នាក់ បានរងនូវពាក្យបណ្តឹង របស់ឈ្មោះ កើត ខេង ភេទ ប្រុសអាយុ ៥០ឆ្នាំ មុខរបរជាអាជីវករនៅ រាជធានីភ្នំពេញ ។

យោងតាមពាក្យបណ្តឹងរបស់ជនរងគ្រោះ បានចោទប្រកាន់ជនត្រូវចោទទាំង ២ នាក់ ពីបទបរិហារបង្កាច់កេរ្តិ៍ ប្រព្រឹត្តនៅចំណុចរាជធានី ភ្នំពេញកាលពីអំឡុងឆ្នាំ ២០២០ ដែលបទល្មើស នេះមានបញ្ញត្តិឲ្យផ្តន្ទាទោសតាមមាត្រ ៣១១ នឹងមាត្រា ៣១២ នៃក្រមព្រហ្មទណ្ឌ។ ដើមហេតុគឺ នៅក្នុងអំឡុងឆ្នាំ ២០២០ ឈ្មោះ សូយ ចាន់សឿន និងឈ្មោះ សូ បិនឡាបាន ប្តឹងលោកកើត ខេង និង ឈ្មោះជា ឡង់ឌី ពីបទឆបោកនិងក្លែងលិខិតសាធារណៈ ហើយពាក្យបណ្តឹងនោះ ត្រូវបានតំណាង អយ្យការអមសាលាដំបូង រាជធានីភ្នំពេញ បើកការស៊ើបអង្កេតតាមនីតិវិធីដោយរកឃើញថា មិនមានបទល្មើសដូចតាម ការចោទប្រកាន់នោះទេ ទើបតំណាងអយ្យការសម្រេចតម្កល់ទុកឥត ចាត់ការ។

ផ្អែកទៅលើទង្វើរបស់ ឈ្មោះ សូយ ចាន់សឿន និងសូ បិនឡា បានឃុបឃិតគ្នាប្តឹងលោក កើត ខេង គ្មានមូលដ្ឋានច្បាស់លាស់ និងគ្មានឯកសារគ្រប់គ្រាន់នេះហើយ ទើបលោក កើត ខេង បានប្ដឹងបកវិញ រហូតតុលាការចាត់ការជាបន្តបន្ទាប់ដល់ដំណាក់កាលកាត់ទោស និងផ្ដន្ទាទោស ហើយបង្គាប់ឲ្យសងជំងឺចិត្តជនរងគ្រោះនេះ៕

អត្ថបទ៖ មករា

The post ផ្ដន្ទាទោស អតីតយោធាផ្កាយ ២ ដាក់ពន្ធនាគារ ៨ ខែ និងបង្គាប់ឲ្យសងជំងឺចិត្ត ២០ លានរៀល appeared first on Kampuchea Thmey Daily.

ចាប់វាយខ្នោះមន្ត្រីយោធាស័ក្ដិ៣ម្នាក់ បន្ទាប់ពីបើកម៉ូតូបុកបារ៉ាសបិទខ្ទប់ រួចវាយសមត្ថកិច្ចបណ្តាលឲ្យរបួស

Sorn Phanith — Tue, 20 Apr 2021 04:35:30 +0000

មន្ត្រីយោធាម្នាក់ ត្រូវបាននគរបាលខណ្ឌជ្រោយចង្វារចាប់វាយខ្នោះភ្លាមៗ ក្រោយជិះម៉ូតូបុកបារ៉ាស់ «បិទខ្ទប់» ហើយជេរប្រមាថមើលងាយ និងវាយមកលើសមត្ថកិច្ច ដែលកំពុងអនុវត្តបទបញ្ជារបស់រាជរដ្ឋាភិបាលនៅគោលដៅ បណ្តាលឲ្យរងរបួសកាលពីវេលាម៉ោង៩នឹង៣០នាទីព្រឹកថ្ងៃទី២០មេសាឆ្នាំ២០២១ នៅចំណុចជិតរង្វង់មូលបាយ័នផ្លូវជាតិលេខ៦សង្កាត់-ខណ្ឌជ្រោយចង្វារ។

ជនសង្ស័យឈ្មោះ ខៀវ ចាន់សុភក្ក្រា អាយុ៣១ឆ្នាំ ជាមន្ត្រីយោធាសកលវិទ្យាល័យការពារជាតិ រស់នៅផ្ទះលេខ២២អឺ០ ផ្លូវ៥៧២ ខណ្ឌទួលគោក ជិះម៉ូតូCPXពណ៌ពាក់ស្លាកលេខភ្នំពេញ1GV-5578បានប្រើមួកសុវត្ថិភាពវាយទៅលើសមត្ថកិច្ចម្នាក់ ឈ្មោះ វេង ឌីណា ភេទប្រុស ពាក់ស័ក្តិ៣ រងរបួសបែកចិញ្ចើម ផ្នែកខាងស្ដាំ ត្រូវបញ្ជូនទៅកាន់មន្ទីរពេទ្យ ព្យាបាលភ្លាមៗ ។

សមត្ថកិច្ចឲ្យដឹងទៀតថា មុនពេលកើតហេតុ ជនបង្កបានជិះម៉ូតូមួយគ្រឿង មកដល់ចំណុចគោលដៅកើតហេតុ ពេលនោះសមត្ថកិច្ចសួរនាំរកឯកសារ ប៉ុន្តែជនបង្កពុំមាននោះទេ ដោយប្រាប់ថានៅផ្ទះ។ ពេលនោះសមត្ថកិច្ចបានឲ្យត្រឡប់ក្រោយ ប៉ុន្តែជនបង្កនៅតែព្យាយាមទៅមុខបុកឆ្លងបារ៉ាស ទើបមានការឃាត់ម៉ូតូ ខណៈពេលឃាត់ក៏ជនបង្កយកមួកសុវត្ថិភាព វាយមកលើសមត្ថកិច្ចតែម្ដង។

ក្រោយកើតហេតុ សមត្ថកិច្ចជាច្រើនបាននាំគ្នាព័ទ្ធទម្រាំតែបាន រួចបញ្ជូនខ្លួនមកអធិការខណ្ឌ ជ្រោយចង្វារ។ ខណៈពេលនេះ សមត្ថកិច្ចបានខ្លួន មន្ត្រីយោធារូបនេះ មកអធិការដ្ឋានខណ្ឌជ្រោយចង្វារ ដើម្បីធ្វើការសាកសួរ និង បញ្ជូនទៅតុលាការ ដើម្បីចាត់ការតាមច្បាប់៕

អត្ថបទ៖ ឌីរៀ

សូមចុចអាន៖ សមត្ថកិច្ចម្នាក់បាក់ម្រាមដៃ ខណៈកំពុងចាប់ជនសង្ស័យលួចម៉ូតូ

The post ចាប់វាយខ្នោះមន្ត្រីយោធាស័ក្ដិ៣ម្នាក់ បន្ទាប់ពីបើកម៉ូតូបុកបារ៉ាសបិទខ្ទប់ រួចវាយសមត្ថកិច្ចបណ្តាលឲ្យរបួស appeared first on Kampuchea Thmey Daily.

មន្ដ្រីយោធា Archives - Kampuchea Thmey Daily

ផ្ដន្ទាទោស អតីត​យោធា​ផ្កាយ ២ ដាក់ពន្ធនាគារ ៨ ខែ និងបង្គាប់ឲ្យសងជំងឺចិត្ត ២០ លានរៀល

ផ្ដន្ទាទោស អតីតយោធាផ្កាយ ២ ដាក់ពន្ធនាគារ ៨ ខែ និងបង្គាប់ឲ្យសងជំងឺចិត្ត ២០ លានរៀល