មន្ត្រីរាជការ និង​ប្រជាពលរដ្ឋ លើក​ឡើង​ថា រាជរដ្ឋាភិបាល​របស់​កម្ពុជា ជា​មេដឹកនាំ​ប្រកបដោយ​គតិបណ្ឌិត ប្រកប​ដោយ​ការ​គិតគូរ​វែងឆ្ងាយ​ណាស់ សម្រាប់​ទំនាក់ទំនង​ប្រទេសជិតខាង សំដៅ​ធ្វើ​យ៉ាងណា​ឱ្យ​មាន​ការ​ប្រាស្រ័យ​ទាក់ទង​ល្អ​រវាង​គ្នា​និង​គ្នា ដើម្បី​ចំណេញ​ប្រយោជន៍​សម្រាប់​ប្រជាជន និង​សង្គមជាតិ ក៏ប៉ុន្តែ ថ្នាក់ដឹកនាំ​កម្ពុជា ក៏​មិន​ឱ្យ​ប្រទេស​ណាមួយ​មក​ជាន់​ឈ្លី ឬ​មាក់ងាយ​បាន​តាម​តែ​អំពើ​ចិត្ត​នោះ​ដែរ។

ពួកគាត់​បន្ត​លើក​ឡើង​ថា ទង្វើ​ក្នុងនាម​អ្នកជិតខាង​របស់​ភាគី​ថៃ ជា​ទង្វើ​ដែល​មិន​គប្បី​សម្រាប់​ប្រទេស​កម្ពុជា​នោះ​ឡើយ ព្រោះ​រាល់ពេល​ខ្លួន​ចង់​បិទ ឬ​ចង់​បើក​ព្រំដែន តែង​ធ្វើឡើង​ឯកតោភាគី គ្មាន​ពិភាក្សា​យោបល់​ជាមួយ​កម្ពុជា​នោះ​ឡើយ ដូច្នេះ​ហើយ រាជរដ្ឋាភិបាល​កម្ពុជា មាន​សិទ្ធិ​គ្រប់​គ្រាន់​ក្នុង​ការ​ឆ្លើយតប​ជាមួយ​ភាគី​ថៃ តាម​រូបភាព​បិទ​ព្រំដែន ក្នុង​ដែន​អធិបតេយ្យភាព​របស់​ខ្លួន​បាន​ដោយ​មិន​គួរ​គិត​ថា​ជា​ទង្វើ​ខុសឆ្គង​សម្រាប់​ថៃ​នោះ​ឡើយ។

គួរ​រំលឹក​ថា សម្តេច​ធិបតី ហ៊ុន ម៉ាណែត នាយករដ្ឋមន្ត្រី នៃ​កម្ពុជា កាលពី​ថ្ងៃ​ទី ២៩ ខែ​មិថុនា ឆ្នាំ ២០២៥ ម្សិលមិញ បាន​ចេញ​សារ​ទៅ​ភាគី​ថៃ​ថា មិន​ចាំបាច់​សុំ​ការ​ចរចា​ជាមួយ​កម្ពុជា​រឿង​សុំ​បើក​ច្រក​ព្រំដែន​នោះ​ទេ ព្រោះ​ថៃ​ខ្លួនឯង​ជា​អ្នក​តែង​ចង់​បិទ ឬ​បើក ដោយ​ឯកតោភាគី​មក​រហូត។

សម្តេច សង្កត់​ធ្ងន់​ថា កូនសោ​នៅ​នឹង​ដៃ​ថៃ​ខ្លួនឯង​ទេ បើ​ថៃ​ចង់​ឱ្យ​ព្រំដែន​ប្រទេស​ទាំង ០២ វិល​ទៅ​សភាព​ដើម​វិញ ភាគី​ថៃ ត្រូវ​បើក​ច្រក​ព្រំដែន​របស់​ខ្លួន​ទាំងអស់​ឱ្យ​វិល​ទៅ​ដូចដើម ដូច​មុន​ថ្ងៃ​ទី ០៧ ខែ​មិថុនា ឆ្នាំ ២០២៥ ទៅ នោះ ភាគី​កម្ពុជា នឹង​ពិនិត្យ​សម្រេច​បើក​ច្រក​ព្រំដែន​តាម​ក្រោយ​វិញ​ហើយ៕

អត្ថបទ ៖ សុភា

The post មន្ត្រីរាជការ និងពលរដ្ឋ គាំទ្រយ៉ាងពេញទំហឹងនូវគោលជំហរ រាជរដ្ឋាភិបាលកម្ពុជា ឆ្លើយតបទៅភាគីថៃពាក់ព័ន្ធបិទព្រំដែន appeared first on Kampuchea Thmey Daily.

សេចក្តីជូនដំណឹងនេះ ធ្វើឡើងតាមការកំណត់របស់រដ្ឋាភិបាលកម្ពុជា ក្នុងការផ្តល់ប្រាក់ឧបត្ថម្ភ ៥ម៉ឺនរៀល ក្នុងម្នាក់ៗ សម្រាប់មន្ត្រីរាជការ ក្នុងឱកាសពិធិបុណ្ឌភ្ជុំបិណ្ឌខាងមុខ នៅក្នុងខែកញ្ញា ឆ្នាំ២០២៤នេះ។ សេចក្តីប្រកាស បានបញ្ជាក់ថា សូមគ្រប់ក្រសួង ស្ថាប័នថ្នាក់ជាតិ និងក្រោមជាតិ  រៀបចំបើកប្រាក់ឧបត្ថម្ភក្នុងឱកាសបុណ្យភ្ជុំបិណ្ឌ ដំណាលគ្នាជាមួយនឹងការបើកប្រាក់បៀរវត្សប្រចាំខែកញ្ញា តែមួយលើក ឱ្យបានដល់សាមីជនម្នាក់ៗយ៉ាងយូរបំផុតត្រឹមថ្ងៃទី១៥ ខែកញ្ញា ឆ្នាំ២០២៤។

បន្ថែមពីនេះ ត្រូវរៀបចំបើកផ្តល់ប្រាក់បៀរវត្សលើកទី១ សម្រាប់ខែតុលា ឆ្នាំ២០២៤ ឱ្យបានក្នុងសប្តាហ៍ទី១ នៃខែតុលា និងលើកទី២ ឱ្យបានក្នុងសប្តាហ៍ទី៣ ក្នុងខែតុលា ជូនមន្ត្រីរាជការរបស់ខ្លួន។ ក្រសួងក៏សង្ឃឹមថា គណៈគ្រប់គ្រងគ្រប់ក្រសួង ស្ថាប័ន អង្គភាពពាក់ព័ន្ធទាំងអស់ ចូលរួមសហការអនុវត្តខ្លឹមសារក្នុងសេចក្តីជូនដំណឹងឱ្យមានប្រសិទ្ធភាពខ្ពស់៕

ដោយ៖ អុន ស្រីមាន

The post ក្រសួងមុខងារសាធារណៈ ឱ្យស្ថាប័នរដ្ឋបើកប្រាក់ឧបត្ថម្ភភ្ជុំបិណ្ឌ៥ម៉ឺនរៀលដល់មន្ត្រីរាជការ នៅខែកញ្ញាតំណាលគ្នានឹងប្រាក់ខែ appeared first on Kampuchea Thmey Daily.

សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអំពាវនាវយ៉ាងដូច្នេះថា៖ «សូមអំពាវនាវឱ្យបងប្អូនទាំងអស់គ្នា ទាំងគណៈកម្មការ ទាំងអ្នកពាក់ព័ន្ធទាំងអស់ សូមចូលរួមដើម្បីជំរុញការបង្កើតសុក្រឹតភាព ធានាសុក្រឹត្យភាព ដើម្បីធានានូវការជឿជាក់ ធានានូវការដែលចូលបានដោយសមត្ថភាពរបស់មន្ត្រីរបស់យើង… ជាពិសេសសុំការចូលរួមពីបេក្ខជន និងក្រុមគ្រួសារតែម្ដង»។

សម្ដេចធិបតី សង្កត់ធ្ងន់ថា អ្នកដែលមានបំណងចង់ក្លាយជាមន្ត្រីរដ្ឋ ត្រូវតែជាមន្ត្រីដែលមានសមត្ថភាពពឹងផ្អែកលើខ្លួនប្រកបដោយទំនុកចិត្ត ឆន្ទៈ និងចំណេះដឹង តែផ្ទុយទៅវិញ មិនត្រូវយកថវិកាសូកគេ ដើម្បីជាថ្នូរឱ្យខ្លួនឯងបានក្លាយជាមន្ត្រីនោះឡើយ។ សម្ដេចធិបតី លើកឡើងដូច្នេះថា៖ «មន្ត្រីបម្រើរដ្ឋ ត្រូវចាប់ផ្ដើមពីខ្លួនឯង មានការទុកចិត្ត មិនមែនជាការវិនិយោគទេ តែវិនិយោគកម្លាំងចិត្ត កម្លាំងកាយ ខិតខំរៀនសូត្រ មិនត្រូវវិនិយោគរកខ្សែ វិនិយោគរកថវិកាដើម្បីសូកគេនោះទេ»។

សម្ដចធិបតី បានចាត់ទុកការធានាបានសុក្រឹតភាព និងភាពត្រឹមត្រូវនូវកិច្ចប្រឡង ជាឧទាហរណ៍មួយ ប៉ុន្តែវាក៏ជាកិច្ចការសំខាន់ណាស់ដែរសម្រាប់ការលើកទឹកចិត្តដល់កូនខ្មែរដែលចង់ក្លាយជាមន្ត្រីដែលបម្រើប្រជាជនពិតប្រាកដ។

ការលើកឡើងទាំងនេះរបស់សម្ដេចធិបតី ហ៊ុន ម៉ាណែត នៅក្នុងពិធីបិទវគ្គបណ្តុះបណ្តាលឆ្នាំ២០២៣ និងបើកវគ្គបណ្តុះបណ្តាលឆ្នាំ២០២៤ របស់សាលាភូមិន្ទរដ្ឋបាល នាព្រឹកថ្ងៃចន្ទ ទី១០ ខែមិថុនា ឆ្នាំ២០២៤នេះ៕

The post សម្ដេច ហ៊ុន ម៉ាណែត ប្រាប់ឱ្យពង្រឹងសុក្រឹតភាពក្នុងការប្រឡងជ្រើសរើសមន្រ្ដីចូលក្របខ័ណ្ឌ appeared first on Kampuchea Thmey Daily.

ក្នុងពិធីដែលរៀបចំឡើងនៅទីស្ដីការក្រសួងព័ត៌មាន លោក នេត្រ ភក្ត្រា  ថ្លែងដូច្នេះថា «បន្ទប់សុខភាពមន្ត្រីជាផ្នែកមួយក្នុងក្របខណ្ឌនៃការផ្តល់ការគាំពារដល់មន្ត្រីនៃក្រសួងព័ត៌មានក្នុងការថែទាំសុខភាព និងផ្តល់នូវការប្រឹក្សយោបល់បឋមដល់មន្ត្រី ករណីពួកគាត់មានបញ្ហាសុខភាពជាយថាហេតុនៅក្នុងអំឡុងពេលនៃការបំពេញការងារ ឬមានបញ្ហាសុខភាពតិចតួច» ។

តាមលោក នេត្រ ភក្ត្រា ការគាំពារមន្ត្រីដែលជាផ្នែកមួយដើម្បីឱ្យមន្ត្រីមានសុខភាពល្អ និងជួយសម្រាលការចំណាយរបស់មន្ត្រី។  លោកបានគូសបញ្ជាក់ថា សុខភាពមន្ត្រីជាកត្តាសំខាន់ដែលក្រសួងព័ត៌មានបានយកចិត្តទុកដាក់។ បន្ថែមពីការគាំពាររបស់រាជរដ្ឋាភិបាលតាមរយៈបេឡាសន្តិសុខសង្គម ប.ស.ស, ក្រសួងព័ត៌មានបានខិតខំប្រឹងប្រែងក្នុងការផ្តល់ការគាំពារសុខភាពមន្ត្រី ដោយស្វះស្វែងរកដៃគូក្នុងការបញ្ចុះតម្លៃការពិនិត្យសុខភាពរបស់មន្ត្រីនិងក្រុមគ្រួសារ របស់គាត់ ក៏ដូចជាជូនដល់អ្នកកាសែតដែលបានចុះបញ្ជីត្រឹមត្រូវជាមួយមជ្ឈមណ្ឌលវិភាគវេជ្ជសាស្ត្រប៊ូយ៉ូមេឌិក។លោករដ្ឋមន្ត្រីក៏បានបង្ហើបឱ្យដឹងថា ជាប្រចាំក្រសួង ក៏បានផ្តល់ការឧបត្ថម្ភអង្ករ និងគ្រឿងឧបភោគបរិភោគប្រចាំខែដល់មន្ត្រីដែលជួបការលំបាកក្នុងជីវភាពប្រមាណ ៣០០ នាក់ក្នុងមួយខែៗ។

បន្ទប់សុខភាពមន្ត្រីដែលជាផ្នែកនៃការផ្តល់ប្រឹក្សាដល់មន្ត្រីមានក្រុមគ្រូពេទ្យស្ម័គ្រចិត្ត ប្រចាំការដែលមន្ត្រីដែលមានបញ្ហាសុខភាពអាចមកទទួលសេវាដោយមិនគិតថ្លៃ។ លោករដ្ឋមន្ត្រី នេត្រ ភក្ត្រា បានថ្លែងអំណរគុណចំពោះក្រុមគ្រូពេទ្យស្ម័គ្រដែលដឹកនាំដោយលោកវេជ្ជបណ្ឌិត សៅ សំបូរ និងក្រុមការងារ ដែលបានខិតខំប្រឹងប្រែង និងជួយដល់ក្រសួងព័ត៌មានក្នុងការរៀបចំបន្ទប់សុខភាពមន្ត្រីសម្រាប់មន្ត្រីរាជការក្រសួងព័ត៌មាន។ ជាមួយគ្នានេះ ក្រសួងព័ត៌មានបាននិងកំពុងរៀបចំទារកដ្ឋានសម្រាប់ មន្ត្រីជាស្ត្រី និងកូនៗរបស់មន្ត្រីផងដែរ៕

The post ក្រសួងព័ត៌មាន មាន«បន្ទប់សុខភាពមន្ត្រី» សម្រាប់សង្គ្រោះមន្ត្រីដែលមានបញ្ហាសុខភាពក្នុងពេលបំពេញការងារ appeared first on Kampuchea Thmey Daily.

កិច្ចប្រជុំ​នេះ​មាន​ការ​អញ្ជើញ​ចូលរួម​ពី លោក​កិត្តិ​នីតិកោសល​បណ្ឌិត ឱម យ៉ិនទៀង ទេសរដ្ឋមន្ត្រី ប្រធាន​អង្គភាព​ប្រឆាំង​អំពើ​ពុករលួយ និង ឯកឧត្ដម លោកជំទាវ លោក លោកស្រី ដែល​ជា​ថ្នាក់​ដឹកនាំ​តំណាង​ក្រសួង​អប់រំ យុវជន និង​កីឡា​, ក្រសួង​សេដ្ឋកិច្ច និង​ហិរញ្ញវត្ថុ​, ក្រសួង​សាធារណការ និង​ដឹកជញ្ជូន​, ក្រសួងកសិកម្ម រុក្ខា​ប្រមាញ់ និង​នេសាទ​, ក្រសួង​អភិវឌ្ឍន៍​ជនបទ​, រួម​ទាំង​មន្ត្រី​បច្ចេកទេស​ជា​ច្រើន​រូប​របស់​ក្រសួង​មុខងារ​សាធារណៈ និង​ក្រសួង​ពាក់ព័ន្ធ សរុប​ចំនួន​ប្រមាណ ១២០ នាក់។

កិច្ច​ប្រជុំ​បាន​ដំណើរការ​ទៅ​ដោយ​ការ​ធ្វើ​របាយការណ៍ និង​ពិភាក្សា ដើម្បី​កំណត់​កាលបរិច្ឆេទ​សម្រាប់​ការ​ប្រឡងប្រជែង រួម​ទាំង​នីតិវិធី​នានា​អនុលោម​គោលការណ៍​មាន​ចែង ហើយ​ដើរ​ស្រប​តាម​និយាម​នីតិវិធី​ប្រតិបត្តិ ក្នុង​ការ​កែលម្អ​ប្រព័ន្ធ​ជ្រើសរើស​មន្ត្រីរាជការ​ស៊ីវិល ដែល​ជា​ទស្សនវិស័យ​របស់ សម្ដេច​ធិបតី នាយករដ្ឋមន្ត្រី។

សូម​ជម្រាប​ថា រាជរដ្ឋាភិបាល​អាណត្តិ​ទី ៧ នៃ​រដ្ឋសភា បាន​យក​យន្តការ​កែលម្អ​ប្រព័ន្ធ​ជ្រើសរើស​មន្ត្រីរាជការ ជា​វិធានការ​គន្លឹះ​មួយ ក្នុង​គោលដៅ​កែទម្រង់​រដ្ឋបាល​សាធារណៈ។ ជាង​នេះ​ទៅ​ទៀត រាជរដ្ឋាភិបាល​កម្ពុជា តាមរយៈ​ក្រសួង​មុខងារ​សាធារណៈ មាន​ឆន្ទៈ​ខ្ពស់​ក្នុង​ការ​ផ្តល់​ឱកាស​ស្មើៗ គ្នា ក្នុង​ការ​ប្រឡងប្រជែង​ជា​មន្ត្រីរាជការ​ស៊ីវិល ជា​បន្តបន្ទាប់៕

The post ឯកឧត្ដម ហ៊ុន ម៉ានី ដឹកនាំកិច្ចប្រជុំពិភាក្សារៀបចំការប្រឡងជ្រើសរើស មន្ត្រីរាជការស៊ីវិល ៥ ក្រសួងស្ថាប័ន appeared first on Kampuchea Thmey Daily.