ក្នុងឱកាសជំនួបនេះ លោកប្រធានមន្ទីរ បានថ្លែងកោតសរសើរចំពោះក្រុមភ្លេងទាំងអស់ ដែលបានរួមចំណែកក្នុងការថែរក្សាវង់ភ្លេងមួយនេះ ព្រោះថា “ វង់ភ្លេងការ ” បានដើរតួនាទីសំខាន់បំផុត ក្នុងប្រពៃណីអាពាហ៍ពិពាហ៍ខ្មែរ និងជាពិធីឆ្លងវ័យមួយដែលគ្រប់ស្រទាប់វណ្ណៈ នៃពលរដ្ឋខ្មែរម្នាក់ៗតែង ប្រណិប័តតាមទំនៀមទំលាប់ តាំងពីអតីតកាលដ៏យូរលង់រហូតមកទល់នឹងបច្ចុប្បន្ន។

ប៉ុន្តែកន្លងមកនេះ ក៏សង្កេតឃើញថា មានការរិះគន់កែលម្អចំពោះសកម្មភាពអសីលធម៌របស់ក្រុមសិល្បៈសម្តែង ក្នុងពិធីកាត់សក់អាពាហ៍ពិពាហ៍មួយចំនួន ដែលធ្វើឱ្យអាប់ឱនដល់ប្រពៃណីដ៏ផូរផង់របស់ជាតិ និងបង្ហាញពីកាយវិការជ្រុលហួសហេតុ ខ្វះចំណេះដឹង និងការអប់រំ ដែលជាសកម្មភាពបែបអាត្មានិយម និងប៉ះពាល់ដល់ប្រយោជន៍សង្គមទាំងមូល។

អាស្រ័យហេតុនេះ លោកប្រធានមន្ទីរ បានស្នើសុំដល់ក្រុមភ្លេងទាំង ៤ក្រុម ដែលបានជួបសំណេះសំណាលជាមួយនឹងមន្ត្រីនៃមន្ទីរវប្បធម៌ផ្ទាល់ ឱ្យបន្តរួមគ្នាលើកស្ទួយតម្លៃសីលធម៌សង្គម តាមរយៈការសម្តែង ក៏ដូចជាការចែករំលែកព័ត៌មានទៅកាន់ក្រុមផ្សេង។

ឆ្លៀតក្នុងឱកាសនេះ លោកក៏អំពាវនាវដល់បណ្តាក្រុមសិល្បៈនានា ដែលចូលរួមសម្តែងក្នុងពិធីមង្គលការខ្មែរ ត្រូវបញ្ឈប់នូវសកម្មភាពអសីលធម៌ សម្តែងមិនសមរម្យ ហើយខិតខំស្វែងយល់ប្រឹងប្រែងរៀបចំឱ្យបានត្រឹមត្រូវ ទៅតាមប្រពៃណីទំនៀមទម្លាប់ដ៏ថ្លៃថ្លារបស់ជាតិដែលជាកេរដំណែលពីដូនតាមក។ លោកបន្ថែមថា ពិធីអាពាហ៍ពិពាហ៍ គឺជាពិធីផ្តល់សិរីមង្គលដល់កូនៗដែលជាគូស្រករថ្មី។ ក្នុងន័យនេះ សូមអាណាព្យាបាលទាំងឡាយ គួរពិនិត្យ និងពិចារណាឱ្យបានដិតដល់ក្នុងការស្វែងរកក្រុមសិល្បៈនីមួយៗ ដែលមកចូលរួមក្នុងពិធីមង្គលដ៏សំខាន់បំផុតក្នុងជីវិតរបស់កូនចៅខ្លួន។

ស្របទៅនឹងបំណងខាងលើនេះ តំណាងក្រុមដែលបានអញ្ជើញចូលរួមសំណេះសំណាលជាមួយមន្ត្រីជាន់ខ្ពស់នៃមន្ទីរវប្បធម៌ ក៏បានថ្លែងអំណរគុណចំពោះថ្នាក់ដឹកនាំនិងមន្រ្តីរាជការនៃមន្ទីរប្បធម៌ ខេត្តកំពង់ឆ្នាំង ដែលបានផ្តល់ឱកាស ជួបសំណេះសំណាល ខណៈជំនួបនេះ ហាក់បីដូចបានបង្កើតនូវភាពស្និទ្ធស្នាល និងផ្តល់ភាពកក់ក្តៅសម្រាប់ក្រុមសិល្បៈមហាជនឱ្យមានទំនាក់ទំនងល្អជាមួយក្រុមការងារមន្ទីរ។

ជាមួយគ្នានេះ ជំនួយការរដ្ឋបាលខេត្ត និងជាសេនាធិការឱ្យក្រសួងវប្បធម៌ និងវិចិត្រសិល្បៈ ថ្នាក់ដឹកនាំនិងមន្រ្តីរាជការនៃមន្ទីរវប្បធម៌ និងវិចិត្រសិល្បៈខេត្តកំពង់ឆ្នាំង ក៏គោរព និងថ្លែងអំណរគុណយ៉ាងជ្រាលជ្រៅចំពោះស្មារតី ស្រលាញ់ ការពារ និងចូលរួមថែរក្សាតម្លៃវប្បធម៌ជាតិ របស់ប្រជាពលរដ្ឋខ្មែរគ្រប់ៗរូប និងស្នើឱ្យចូលរួមទប់ស្កាត់នូវរាល់រូបភាព អវិជ្ជមានគ្រប់ទម្រង់ដែលធ្វើឱ្យប៉ះពាល់តម្លៃនៃមរតកដូនតា៕

The post ប្រធានមន្ទីរវប្បធម៌ខេត្តកំពង់ឆ្នាំង កំពុងយកចិត្តទុកដាក់លើតម្លៃ “សិល្បៈសម្តែង វង់ភ្លេងប្រពៃណីខ្មែរ” ក្នុងមង្គលការ appeared first on Kampuchea Thmey Daily.

លោក យិន សាវ៉េន អភិបាលរងនៃគណៈអភិបាលខេត្តកំពង់ឆ្នាំង បានលើកឡើងថា លោក សូមវាយតម្លៃខ្ពស់ចំពោះកិច្ចខិតខំប្រឹងប្រែងរបស់មន្ត្រីរាជការគ្រប់លំដាប់ថ្នាក់ លោកគ្រូ អ្នកគ្រូ សិល្បករ សិល្បការិនី សិស្ស និស្សិត ដែល​តែង​តែចូលរួមគាំទ្រដល់កិច្ចការអភិរក្ស លើកស្ទួយ និងអភិវឌ្ឍន៍វប្បធម៌ជាតិ។ ជាពិសេសក្នុងឱកាសនៃការប្រារព្ធទិវាវប្បធម៌ជាតិ ៣មីនា លើកទី២៧ ឆ្នាំ២០២៥ នេះ មន្ទីរវប្បធម៌ និងវិចិត្រសិល្បៈខេត្ត បានសហការជាមួយរដ្ឋបាលខេត្ត្តដោយរៀបចំដំណើរការប្រកបដោយភាពរលូន និងអធិកអធមក្នុងឱកាសដ៏ឧត្តុង្គឧត្តមនេះ។

ប្រធានបទ “យុវជនដើម្បីវប្បធម៌ជាតិ” គឺ​មាន​ចាប់​តាំង​ពីឆ្នាំ២០១៥ រហូតមកទល់ពេលនេះ ដើម្បី​ធ្វើ​ជា​របៀបវារៈ​នៃ​ការ​រៀប​ចំ​ប្រារព្ធទិវាវប្បធម៌ជាតិ ៣មីនា លើកទី២៧ ឆ្នាំ២០២៥ ក្នុងគោលបំណងជំរុញ​ឱ្យ​ប្រជាជន មហាជនទូទៅ ជាពិសេសយុវជនដែលជាសសរទ្រូងរបស់ជាតិ និង​ជា​អ្នក​បន្ត​វេន​បង្កើន​ការ​ស្រឡាញ់ និងការទទួលយកនូវចំណេះ សំដៅ​លើក​កម្ពស់​ការ​អភិរក្ស បំផុស​ស្មារតី​ចូល​រួម​ក្នុង​ការ​ផ្ទេរ​ជំនាញ​បច្ចេកទេស​សិល្បៈ​វប្បធម៌ និងការអភិវឌ្ឍវប្បធម៌ជាតិ ដែលជាមូលដ្ឋាននៃសាមគ្គីភាពនិងភាពសុខដុមរបស់សង្គមជាតិ។

ម្យ៉ាង​វិញ​ទៀត​តម្លៃ​មហាសាល​នៃវប្បធម៌ជាតិ គឺ​ជា​ប្រភព​ធនធាន​មិន​ចេះ​រីងស្ងួត​ប្រកប​ដោយ​សក្តានុពល​ខ្ពស់​ក្នុង​ការ​រួមចំណែកតាមរយៈការបង្កើតសេវាកម្ម និង​ផលិតផល​វប្បធម៌​សម្រាប់គោលដៅពាណិជ្ជកម្ម និងទេសចរណ៍ ដើម្បីចូលរួមចំណែកអភិវឌ្ឍន៍ផ្នែកសេដ្ឋកិច្ចសង្គម។

លោកអភិបាលរងខេត្តបានបន្តទៀតថា រាជរដ្ឋាភិបាលនីតិកាលទី៦ ក្រោម​ការ​ដឹក​នាំ​ប្រកប​ដោយ​គតិ​បណ្ឌិត​របស់ សម្តេចអគ្គមហាសេនាបតីតេជោ ហ៊ុន សែន អតីត​នាយករដ្ឋមន្ត្រី​នៃព្រះរាជាណាចក្រកម្ពុជា និងរាជរដ្ឋាភិបាលនីតិកាលទី៧ មាន​ចក្ខុ​វិស័យ​វែងឆ្ងាយ និងច្បាស់លាស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី​នៃព្រះរាជាណាចក្រ​កម្ពុជា តែងតែគាំទ្រ លើកទឹកចិត្ត និងបានផ្តល់អាទិភាពខ្ពស់ដោយចាត់ទុកថា វប្បធម៌ គឺ​ជា​ព្រលឹងជាតិ និងជាអត្តសញ្ញាណជាតិខ្មែរ ដែលមានតម្លៃមិនអាចកាត់ថ្លៃបាន ព្រមទាំងជាមូលដ្ឋាន​គ្រឹះ​ក្នុង​ការ​ផ្សះផ្សា​សង្គម ឱ្យចេះរួមរស់ជាមួយគ្នាប្រកបដោយភាពសុខដុមរមនា និងគ្មានការរើសអើង។

យើងទាំងអស់គ្នាបានដឹងហើយថាកម្ពុជាជាប្រទេសមួយដែលសម្បូណ៍ទៅដោយសម្បត្តិបេតិកភណ្ឌវប្បធម៌ទាំងរូបី និងអរូបី ដែលបុព្វបុរសរបស់យើងបានកសាង និងបន្សល់ទុកសម្រាប់អ្នកជំនាន់ក្រោយ៕

The post មន្ទីរ​វប្បធម៌​ខេត្តកំពង់ឆ្នាំង​រៀប​ចំ​ទិវាវប្បធម៌ជាតិ៣មីនា ក្រោមប្រធានបទ “យុវជនដើម្បីវប្បធម៌ជាតិ” appeared first on Kampuchea Thmey Daily.

បើតាមសេចក្តីប្រកាសរបស់មន្ទីរវប្បធម៌ និងវិចិត្រសិល្បៈខេត្តកំពង់ឆ្នាំង ដែលចុះនៅថ្ងៃទី២៦ ខែមករា ឆ្នាំ២០២៥ បានបញ្ជាក់ថា ជំនាញសិល្បៈ៤ប្រភេទ ដែលនឹងត្រូវបើកវគ្គបណ្តុះបណ្តាលមានដូចជា៖ ១.របាំបុរាណ, ២.របាំប្រពៃណី, ៣.ល្ខោន (យីកេ បាសាក់ ល្ខោននិយាយ) និងទី៤ គឺភ្លេងពិណពាទ្យ។ ការបើកវគ្គបណ្តុះបណ្តាលនេះ ធ្វើឡើងក្នុងគោលបំណងចូលរួមអភិរក្ស លើកស្ទួយរបាំបុរាណ របាំប្រពៃណី ល្ខោន និងភ្លេងពិណពាទ្យឱ្យបានគង់វង្ស។

តាមរយៈវគ្គបណ្តុះបណ្តាលនេះ មន្ទីរវប្បធម៌ខេត្តកំពង់ឆ្នាំងជឿជាក់ថា សាធារណជន សិស្សនិស្សិតយុវជនខ្មែរដែលស្រឡាញ់ និងចង់លើកស្ទួយវប្បធម៌ខ្មែរចូលរួមចុះឈ្មោះរៀនឱ្យបានផុសផុល។ ហេតុនេះហើយ ចំពោះសាធារណជនដែលស្រឡាញ់លើវិស័យសិល្បៈ វប្បធម៌ខ្មែរ ឬមានបំណងចង់យល់ដឹង និងរៀនជំនាញទាំង៤ខាងលើ អាចចុះឈ្មោះពីថ្ងៃផ្សាយដំណឹងរៀងរាល់ម៉ោងធ្វើការ។ ចំពោះទីតាំងហាត់រៀន គឺធ្វើនៅសាលាបង្ហាត់សិល្បៈនៃមន្ទីវប្បធម៌ និងវិចិត្រសិល្បៈខេត្តកំពង់ឆ្នាំង៕

The post មន្ទីរវប្បធម៌ខេត្តកំពង់ឆ្នាំង ប្រកាសបើកវគ្គបង្រៀនជំនាញសិល្បៈ៤ប្រភេទ ដើម្បីលើកស្ទួយវប្បធម៌ខ្មែរ appeared first on Kampuchea Thmey Daily.

នៅក្នុងAPPនេះ ក៏មានដូចជា វីដេអូកម្សាន្ត អប់រំ ព័ត៌មាន មេរៀន និងការដាក់បញ្ជូលនូវព័ត៌មាន របស់មជ្ឈមណ្ឌលអប់រំកែប្រែ ទូទាំងប្រទេសរបស់រដ្ឋ និងឯកជនផងដែរ។ ហើយប្រជាពលរដ្ឋ អាចរាយការណ៍នូវរាល់ករណគ្រឿងញៀន ទៅកាន់អាជ្ញាធរ ជាសម្ងាត់ និងឆាប់រហ័ស។

អ្នកចូលមើល ក៏ អាចទទួលបាននូវចំណេះដឹងទូទៅ ពាក់ព័ន្ធនឹងគ្រឿងញៀន និងចំណេះដឹងពាក់ព័ន្ធ នឹងការពង្រឹងសមត្ថភាព បំណិនជីវិត ដែលជាមូលដ្ឋានក្នុងការបង្ការ និងការពារខ្លួន ការពារគ្រួសារ ក៏ដូចជាមិត្តភក្តិកុំឱ្យពាក់ព័ន្ធ ឬចាញ់ការបោកបញ្ឆោតឱ្យទៅប្រើប្រាស់គ្រឿងញៀន៕

The post មន្ទីរវប្បធម៌ និងវិចិត្រសិល្បៈខេត្តកំពង់ឆ្នាំងចូលរួមផ្សព្វផ្សាយកម្មវិធីទូរសព្ទដៃឈ្មោះ App No Drug appeared first on Kampuchea Thmey Daily.

លោក មួន សុភាព នៅថ្ងៃទី២៥ ខែកញ្ញានេះ បានបញ្ជាក់ថា ដើម្បីការជំរុញ និងផ្សព្វផ្សាយពីសិល្បៈខ្មែរមួយនេះ មន្ទីរវប្បធម៌ខេត្តសៀមរាប បានសហការជាមួយនាយកដ្ឋានសិល្បៈទស្សនីយភាព និងសិល្បករល្ខោនមហាជនខេត្តសៀមរាប នឹងរៀបចំទស្សនីយភាពខ្មែរទម្រង់សិល្បៈល្ខោននិយាយ រឿង “ផ្កាស្រពោន” ដែលនឹងសម្ដែងជូននាថ្ងៃទី២៨ និងទី២៩ ខែកញ្ញា ឆ្នាំ២០២៤ ចាប់ពីម៉ោង៥ល្ងាចតទៅ នៅផ្សារហេរីថេកវ៉ក ក្រុងសៀមរាប ជាមួយនឹងការទស្សនាដោយសេរី។

លោកបន្ថែមថា នេះជាលើកទី១ នៃការរៀបចំផ្ទាំងទស្សនិយភាពមួយនេះ ទោះបីជាមានពេលវេលាខ្លី ប៉ុន្តែ ក្រុមសិល្បៈបានលះបង់ខ្ពស់ក្នុងការហ្វឹកហាត់ ហើយតាមរយៈការហ្វឹកហាត់នេះ ឃើញថាក្រុមសិល្បៈមានភាពល្អប្រសើរក្នុងការសម្ដែងផងដែរ។ ក្នុងនោះលោកក៏រំពឹងថា ផ្ទាំងទស្សនីយភាពមួយនេះ នឹងធ្វើឱ្យសាធារណជនទូទៅស្គាល់កាន់តែច្បាស់ពីសិល្បៈខ្មែរមួយនេះ។ ប្រសិនជាការសម្ដែងលើកនេះទទួលបានជោគជ័យ មន្ទីរនឹងបន្តរៀបចំផ្ទាំងទស្សនីយភាពមួយនេះបន្តទៀត ជាពិសេសនោះគឺការត្រៀមបង្កើតនូវសាច់រឿងផ្សេងៗ នឹងដាក់ជាផែនការនៃផ្ទាំងទស្សនីយភាពប្រចាំឆ្នាំផងដែរ។

លោកប្រធានមន្ទីរក៏សូមអំពាវនាវដល់សាធារណជនទូទៅ សូមចូលរួមគាំទ្រ និងផ្សព្វផ្សាយពីសិល្បៈល្ខោននិយាយនេះ ខ្មែរឱ្យបានផុសផុល ព្រោះវាជាចំណែកមួយក្នុងការផ្សព្វផ្សាយអំពីវប្បធម៌ខ្មែរដែលមានតាំងពីដូនតា ហើយក៏ជាការលើកទឹកចិត្តដល់ក្រុមសិល្បករយើងដែលមានឆន្ទៈខ្ពស់ក្នុងការខិតខំហ្វឹកហាត់ និងជាផ្នែកមួយក្នុងការទាក់ទាញភ្ញៀវទេសចរ បានស្វែងយល់ពីវប្បធម៌ខ្មែរថែមទៀតផង៕

ដោយ៖ គឿនវេត

The post ប្រធានមន្ទីរវប្បធម៌សៀមរាប រំពឹងថា ការសម្តែងល្ខោននិយាយរឿង“ផ្កាស្រពោន” នឹងធ្វើឱ្យយុវជនស្គាល់ច្បាស់ពីសិល្បៈនេះ appeared first on Kampuchea Thmey Daily.

ឆ្លងតាមការសម្តែង ក្នុងការបញ្ចេញសមត្ថភាពរបស់សិល្បករ សម្តែងទៅតាមទម្រងខ្នាតល្ខោននិយាយ ទៅតាមសាច់រឿង (បុប្ផាស្រពោន) ព្រមទាំងការច្រៀងចម្រៀងទម្រង់បាសាក់ របស់សិល្បករ សិល្បការិនី ដែលជាក្រុមសិល្បៈមកពីបណ្តាក្រុង និងស្រុក  ។ ក្នុងនោះក្រុមសម្តែងល្ខោននិយាយ មកពីភូមិកន្ត្រក់ សង្កាត់ស្វាយដង្គំ ក្រុមមកពីភូមិស្វាយធំ និង ភូមិស្ពានក្អែង ឃុំកណ្តែក ស្រុកប្រាសាទបាគង និង ក្រុមច្រៀងចម្រៀងបាសាក់ មកពីក្រុងរុនតា ឯកតេជោសែន , ស្រុកប្រាសាទបាគង និង ស្រុកអង្គរជុំ  ។

មានប្រសាសន៍បិទវគ្គបណ្តុះបណ្តាលនោះ លោក មួន សុភាព បានធ្វើការថ្លែងអំណរគុណ ចំពោះគ្រូបង្រៀន មកពីនាយកដ្ឋានសិល្បៈទស្សនីយភាពនៃក្រសួងវប្បធម៌ និងវិចិត្រសិល្បៈ បានជួយធ្វើការបង្ហាត់បង្រៀនដល់សិល្បករ នូវក្បួនខ្នាតល្ខោននិយាយ ឲ្យបានត្រឹមត្រូវតាមស្តង់ដារបច្ចេកទេស ។ ក្នុងនោះលោកប្រធានមន្ទីរក៏បានបញ្ជាកឲ្យដឹងអំពីការបណ្តុះបណ្តាល និងសកម្មភាពគ្រូបង្រៀនទាំង៣ជំនាញ នៅដើមឆ្នាំសិក្សាមានសិស្សសរុប ១៥២  នាក់ ស្រី ៨៥នាក់   ក្នុងនោះសិស្សផ្នែករបាំបុរាណសរុបចំនួន ៩២នាក់ ស្រី៧៦នាក់ (ក្នុងប្រព័ន្ធ៥៣ ស្រី៤៤នាក់ ក្រៅប្រព័ន្ធ៣១ ស្រី២៩នាក់ សិស្សផ្ញើ០៨ ស្រី៣នាក់) និង សិស្សផ្នែកភ្លេងបុរាណសរុបចំនួន ៣០នាក់ ស្រី ០៤នាក់   (ក្នុងប្រព័ន្ធ១៥នាក់ ស្រី៣នាក់ ក្រៅប្រព័ន្ធ១៣នាក់ស្រី០១នាក់)  និង សិស្សផ្នែកសូនរូបសរុបចំនួន ៣១នាក់ ស្រី០៥នាក់  (ក្នុងប្រព័ន្ធ០៤នាក់ ស្រី០១នាក់ ក្រៅប្រព័ន្ធ២៧នាក់ ស្រី០៤នាក់)។

ជាមួយគ្នានេះលោក មួន សុភាព បានឲ្យដឹង អំពីតួនាទីរបស់ស្ត្រីក្នុងវិស័យសិល្បៈ ក្នុងការទ្រទ្រង់វប្បធម៌ជាតិ ហើយក្នុងវិស័យសិល្បៈភាពច្រើនជាស្ត្រី ។ លោកបានស្នើសុំទៅដល់មន្ទីរកិច្ចការនារីខេត្តសៀមរាប ចូលរួមជួយរកទីផ្សារជូនដល់សិល្បករ និងជំរុញដល់ក្រុមសិល្បះចេះរៀបចំ ធ្វើជាពាណិជ្ជកម្ម អប់រំខ្លីៗទៅតាមទម្រង់ល្ខោននិយាយ ក្នុងការជួយលើកស្ទួយយេនឌ័រក្នុងវិស័យសិល្បៈ ។  លោកបានលើកឡើងថា ល្ខោននិយាយ គឺជាសម្បត្តិបេតិកភណ្ឌអរូបី នៅក្នុងទម្រង់ល្ខោនមានជាង២០ ទម្រង់ ហើយមកដល់ពេលបច្ចុប្បន្ននេះ ល្ខោនទាំងនោះស្ទើរតែបាត់បង់អស់ទៅហើយ នៅសល់តែ៥ប៉ុណ្ណោះ ។ ល្ខោនបាសាក់ គឺមានទាំងការនិយាយ មានទាំងការច្រៀង ហើយកំដរដោយភ្លេងបាសាក់  ហើយល្ខោននេះទៀតសោតមានឥទ្ធិពលមកពីល្ខោនអូប៉េរ៉ារបស់ចិន និងវៀតណាមផងដែរ។

ជាមួយគ្នាេនះលោកបានវាយតម្លៃខ្ពស់ ដល់ក្រុមសិល្បករ វ័យក្មេង ដែលធ្លាប់តែសម្តែងល្ខោនបាសាក់ ហើយមកសម្តែងល្ខោននិយាយនេះ បានធ្វើការសម្តែងជូនដល់ទស្សនិជនបានល្អឥតខ្ចោះទៀតផង ។ លោក មួន សុភាព បានចាត់ទុកថា វគ្គបណ្តុះបណ្តាលនេះ មិនត្រឹមតែជាវេទិកាសម្រាប់ការបញ្ចេញនូវសមត្ថភាព និងទេពកោសល្យរបស់ក្រុមនីមួយៗតែប៉ុណ្ណោះទេ ប៉ុន្តែនេះគឺជាពេលវេលាមួយដ៏សំខាន់សម្រាប់សិល្បករទាំងក្នុង និងក្រៅប្រព័ន្ធ មានឱកាសបានជួបជុំគ្នា និងផ្លាស់ប្ដូរនូវបទពិសោធន៍ថ្មីៗរវាងគ្នានិងគ្នា។ លោកបានគូសបញ្ជាក់បន្ថែមទៀតថា សម្រាប់ទិសដៅការងារទៅថ្ងៃខាងមុខ ដើម្បីពង្រឹង និងពង្រីកវិសាលភាពនៃវិស័យសិល្បៈទស្សនីយភាពនៅកម្ពុជា ក្នុងនាមជាថ្នាក់ដឹកនាំមន្ទីរវប្បធម៌ និងវិចិត្រសិល្បៈខេត្ត បានប្តេជ្ញា ចំពោះសកម្មភាពវប្បធម៌ ក្នុងគោលបំណងថែរក្សា និងលើកស្ទួយសិល្បះល្ខោនទាំង២០ទម្រង់ បង្កើតឲ្យមានឡើងវិញ នៅក្នុងព្រឹត្តិការណ៍វប្បធម៌នានា គឺជាការផ្សព្វផ្សាយ និងផ្តល់ឱកាសដល់សហគមន៍ យុវជន យុវនារី ដើម្បីចូលរួមថែរក្សា ការពារនូវសម្បត្តិវប្បធម៌ជាតិរបស់ខ្លួន។

លោក មួន សុភាព បញ្ជាក់យ៉ាងច្បាស់ថា មន្ទីរនឹងរៀបចំនូវទិវាវប្បធម៌សប្តាហ៍  ដែលជាព្រឹត្តិការណ៍វប្បធម៌ ក្នុងការបម្រើជូនដល់ទស្សនិជនជាតិ អន្តរជាតិ និងជាចលករដ៏សំខាន់  ដើមី្បទាក់ទាញដល់ភ្ញៀវទេសចរជាតិ អន្តរជាតិ ចូលមកទស្សនាកម្សាន្តនៅខេត្តប្រវត្តិសាស្ត្រមួយនេះឲ្យកាន់តែច្រើន ទ្វេរ ឡើងទៀតផង ៕

 ដោយ៖ គឿនវេត

The post មន្ទីរវប្បធម៌ ខេត្តសៀមរាប បានបណ្តុះបណ្តាល និងពង្រឹងគុណភាព ល្ខោននិយាយដល់សិល្បករ appeared first on Kampuchea Thmey Daily.

បើតាមសេចក្តីបំភ្លឺរបស់មន្ទីរវប្បធម៌និងវិចិត្រសិល្ប: បានបញ្ជាក់ថា ករណីពីធីសែនព្រេនកាលពីថ្ងៃទី២៩ ខែមីនាឆ្នាំ២០២៣កន្លងមកនេះ គឺជាពិធីសែនឧបករណ៍សម្ភារ:របស់ក្រុមសាងសងមុនដំណើរការរៀបចំកម្មវិធី “សង្រ្កាន្តវត្តភ្នំ” ឆ្នាំ២០២៣។

ដោយឡែកកិច្ចពិធីបួងសួងសុំម្ចាស់ទឹកម្ចាស់ដីដើម្បីរៀបចំ “សង្រ្កាន្តវត្តភ្នំ” ឆ្នាំ២០២៣ នឹងប្រារព្ធធ្វើឡើងនៅថ្ងៃទី១៣ ខែ មេសា ឆ្នាំ២០២៣នៅរមណីយដ្ឋានវប្បធម៌ប្រវត្តិសាស្ត្រវត្តភ្នំ៕

អត្ថបទ៖ ចាន់រ៉ា

The post មន្ទីរវប្បធម៌បំភ្លឺក្រោយផ្ទុះការវែកញែកលើការរៀបចំពិធីសែនព្រេន”សង្ក្រាន្តវត្តភ្នំ” appeared first on Kampuchea Thmey Daily.

​មន្ត្រី​នៃ​មន្ទីរ​វប្បធម៌ និង​វិចិត្រសិល្បៈ​ខេត្តកំពង់ស្ពឺ បាន​ថ្លែងថា ដោយមាន​ការអនុញ្ញាត​ពី​រដ្ឋបាល​ខេត្តកំពង់ស្ពឺ​សហការ​ជាមួយ​សហភាព​សហព័ន្ធ​យុវជន​កម្ពុជា​ខេត្ត នឹង​រៀបចំ​មហោស្រព​ចម្រៀង​ប្រពៃណី​ជនជាតិដើម​ភាគតិច​សួយ លើក​ទី​១ ឆ្នាំ​២០២៣​។​

​ពិធី​បើក​មហោស្រព​ចម្រៀង​ជនជាតិដើម​សួយ​នេះ បានរៀបចំ​ឡើង​នៅ​ថ្ងៃទី​២៣ ខែមីនា ឆ្នាំ​២០២៣ នៅ​បណ្ណាល័យ​កំពង់ស្ពឺ ក្រោម​អធិបតីភាព លោក សុន ជា សមាជិក​ក្រុមប្រឹក្សា​ខេត្ត តំណាង​ប្រធាន​ក្រុមប្រឹក្សា​ខេត្ត និង​លោកស្រី ឡុង បូ​ណា​រេ​ត អភិបាលរង អភិបាលខេត្ត ព្រមទាំង​មានការ​ចូលរួម​ពី សំណាក់​លោក លោកស្រី អភិបាល អភិបាលរង​នៃ​គណៈ​អភិបាលក្រុង ស្រុក កងកម្លាំង​ទាំងបី​ប្រភេទ ប្រធាន អនុប្រធាន​មន្ទីរ​ជុំវិញ​ខេត្ត មន្ត្រីរាជការ សិស្សានុសិស្ស យុវជន ស​.​ស​.​យ​.​ក​. យុវជន​កាកបាទក្រហម យុវជន​កាយឫទ្ធិ សរុប​ប្រមាណ​៣០០​នាក់​។

លោកស្រី ឡុង បូ​ណា​រ៉េត អភិបាលរង​ខេត្តកំពង់ស្ពឺ បាន​លើកឡើងថា «​គោលបំណង​នៃ​ការរៀបចំ​ឱ្យ​មហោស្រព​ចម្រៀង​ជនជាតិដើម​ភាគតិច​សួយ​នេះ​ឡើង ដើម្បី​ជំរុញ​ឱ្យ​ប្រជាជន មហាជន ជាពិសេស​យុវជន​ដែលជា​សសរស្ដម្ភ​របស់​ប្រទេសជាតិ និង​ជា​អ្នក​បន្តវេន​ដើម្បី​ស្វែងយល់​អំពី​តម្លៃ​នៃ​វប្បធម៌​ជនជាតិដើម​ភាគតិច​សួយ និង​ការចូលរួម​អភិរក្ស និង​អភិវឌ្ឍ​ឱ្យ​កាន់តែ​ប្រសើរ​ថែមទៀត»។

លោកស្រី ឡុង បូ​ណា​រ៉េត អភិបាលរង​ខេត្តកំពង់ស្ពឺ បាន​បន្ថែមទៀត​ថា គោលបំណង​សំខាន់ នៃ​កម្មវិធី​មហោស្រព​នេះ រួមមាន​៖

១- បង្កើន​ការស្រឡាញ់ បំផុសស្មារតី​ចូលរួម​ក្នុងការ​ផ្ទេរ និង​ការទទួលយក​នូវ​ចំណេះ ជំនាញ​បច្ចេកទេស​សិល្បៈ​វប្បធម៌ សំដៅ​លើកកម្ពស់​ការអភិរក្ស និង​ការអភិវឌ្ឍ​វប្បធម៌​ជាតិ ក៏ដូចជា​វប្បធម៌​ចម្រុះ​នៅ​កម្ពុជា​ឱ្យបាន​ស្ថិតស្ថេរ គង់វង្ស ដែលជា​មូលដ្ឋាន​នៃ​សាមគ្គីភាព ឯកភាព​ជាតិ សុខដុមរមនា និង​ភាពសុខសាន្ត​របស់​សង្គម​ជាតិ​។

២- លើកកម្ពស់​ការ​យល់ដឹង​ឱ្យ​កាន់តែច្បាស់​អំពី​តម្លៃ​នៃ​វប្បធម៌​ជនជាតិដើម​ភាគតិច​សួយ និង​ការចូលរួម​អភិរក្ស និង​អភិវឌ្ឍ​ឱ្យ​កាន់តែ​សកម្ម​ថែមទៀត​។

៣- បង្កើន​ការចូលរួម​ក្នុងការ​បណ្តុះ​ការអប់រំ ការសិក្សា​ស្រាវជ្រាវ ឈ្វេងយល់​អំពី​ចំណេះដឹង​សិល្បៈ​វប្បធម៌​របស់​ជនជាតិ​ដើម​ភាគតិច​សួយ ដើម្បីឱ្យ​យុវជន​របស់ខ្លួន​បាន​យល់​ពី​ឧ​ត្ត​ម​ប្រយោជន៍​ដ៏​មាន​សារៈសំខាន់​ក្នុងការ​ផ្ទេរ និង​ទទួលយក​នូវ​ចំណេះ​ជំនាញ និង​ចងក្រង​រក្សាទុក​ឱ្យបាន​គង់វង្ស​ល្អ នូវ​រាល់​ឯកសារ​ដែលមាន​នៅក្នុង​មូលដ្ឋាន​របស់ខ្លួន ព្រមទាំង​ធ្វើការ​ផ្សព្វផ្សាយ​ឱ្យបាន​កាន់តែ​ទូលំទូលាយ​។

៤- បំផុស​ស្មារតី​យុវជន ដែលជា​អ្នក​បន្តវេន ក្នុងការ​ចូលរួម​បង្កើត​ស្នាដៃ​ថ្មីៗ ដែលមាន​គុណភាព រក្សា​ឱ្យបាន​នូវ​មូលដ្ឋាន​ក្បួនខ្នាត និង​លើកស្ទួយ​ការប្រើប្រាស់​សក្តានុពល​វប្បធម៌​របស់ខ្លួន ក្នុងការ​ចូលរួម​អភិវឌ្ឍ​សេដ្ឋកិច្ចជាតិ ក្នុងន័យ​ដើម្បី​បង្កើន​ការងារ និង​កាលានុវត្តភាព សំដៅ​កាត់បន្ថយ​ភាពក្រីក្រ និង​កាត់បន្ថយ​ការហូរចូល​ឥតឈប់ឈ​រ នៃ​វប្បធម៌​អវិជ្ជមាន​ពី​ចរន្ត​សកលភាវូបនីយកម្ម​។

៥- ជំរុញឱ្យមាន​ការចូល​រួម​របស់​យុវជន​ដែលជា​ជនជាតិដើម​ភាគតិច​សួយ ក្នុង​កិច្ច​អភិរក្ស និង​អភិវឌ្ឍន៍ ប្រកបដោយ​និរន្តរភាព និង​សន្តិភាព ដោយ​មិន​ប្រកាន់​នូវ​និន្នាការ​នយោបាយ​។​

​លោកស្រី​អភិបាលរង បាន​បន្ត​ទៀត​ថា «​គោលបំណង​ជា​សារវន្ត​នេះ​ទៀតសោត គឺ​ដើម្បី​បំផុស​ចលនា​មហាជន​ឱ្យ​ចូលរួម​គាំទ្រ និង​លើកទឹកចិត្ត​ក្នុងការ​រួមចំណែក​ថែរក្សា​ការពារ លើកកម្ពស់​តម្លៃ​សិល្បៈ​វប្បធម៌ និង​ប្រពៃណី​ទំនៀមទម្លាប់​របស់​ជន​ជាតិ​ដើម​ភាគតិច​សួយ ឱ្យ​កាន់​តែមាន​ភាពប្រសើរឡើង​។ មន្ទីរ​វប្បធម៌ និង​វិចិត្រសិល្បៈ​ធ្វើ​យ៉ាង​ខិតខំ​បន្ត​រៀបចំ​មហោស្រព​នេះ​ឱ្យបាន​ជាប្រចាំ​ព្រមទាំង​ស្នើ​ទៅ​ក្រសួង​វប្បធម៌ និង​វិចិត្រសិល្បៈ ឱ្យមាន​ការរៀបចំ​មហោស្រព​សិល្បៈ​ជនជាតិដើម​ភាគតិច​ទូទាំងប្រទេស​។

តាម​ការ​បញ្ជាក់​របស់​ប្រធាន​មន្ទីរ​វប្បធម៌ និង​វិចិត្រសិល្បៈ​ខេត្តកំពង់ស្ពឺ មហោស្រព​ចម្រៀង​ជនជាតិដើម​ភាគតិច​សួយ​នេះ មានការ​ចូលរួម​ពី​ក្រុម​សិល្បៈ​ជនជាតិដើម​ភាគតិច​សួយ ចំនួន​៦​ក្រុម សរុប ៧២​រូប ដែល​មកពី ឃុំ​ត្រពាំង​ជោ និង​ឃុំ​សង្កែ​ស្រទប ស្រុក​ឱ​រ៉ា​ល់ ដោយ​ក្រុម​នីមួយៗ​ទទួលបាន​នូវ​ប័ណ្ណសរសើរ បាច់ផ្កា និង​អមដោយ​ថវិកា​មួយចំនួនទៀត​ផងដែរ​៕

ដោយ ៖ ភួង រដ្ឋា

The post មន្ទីរ​វប្បធម៌ និង​វិចិត្រសិល្បៈ​ខេត្តកំពង់ស្ពឺ រៀបចំ​មហោស្រព​ចម្រៀង​ប្រពៃណី​ជនជាតិដើម​ភាគតិច​សួយ លើក​ទី​១ ក្នុង​ឆ្នាំ​២០២៣ appeared first on Kampuchea Thmey Daily.