ម៉ាស៊ីនសម្ងួត Archives - Kampuchea Thmey Daily

ខេត្តពោធិ៍សាត់ មានឡសម្ងួត ស្រូវអង្ករ ស្របតាមស្តង់ដា អាចនាំចេញភ្លាមៗ

Din Thary — Sun, 12 Mar 2023 01:42:29 +0000

លោក ខូយ រីដា អភិបាលខេត្តពោធិ៍សាត់បានឱ្យដឹងថា ខេត្តពោធិ៍សាត់មានឡសម្ងួតស្រូវអង្ករស្របតាមស្តង់ដាចំនួន ៦៣ កន្លែង ដែលអាចនាំចេញអង្ករចបានភ្លាមៗទៅកាន់ទីផ្សារក្នុងស្រុកនិងក្រៅស្រុក។

លោក ខូយ រីដា បានអះអាងនៅក្នុងសន្និសីទសារព័ត៌មាន ដែលរៀបចំដោយអង្គភាពអ្នកនាំពាក្យកាលពីពេលថ្មីៗនេះថា ក្នុងរយៈពេលប៉ុន្មានឆ្នាំចុងក្រោយ វិស័យស្រូវអង្ករក្នុងខេត្តពោធិ៍សាត់មានការរីកចម្រើនខ្លាំងគួរឱ្យកត់សម្គាល់។ ទូទាំងខេត្តមានរោងម៉ាស៊ីនកិនស្រូវសម្រាប់ទីផ្សារក្នុងស្រុក និងនាំចេញក្រៅស្រុកចំនួន ១០ កន្លែង និងឡសម្ងួតរហូតដល់ ៦៣ ទីតាំង ដែលមានឈ្មួញមកពីតាមបណ្ដាខេត្តមួយចំនួន ចុះប្រមូលទិញដល់ទីតាំងដើម្បីនាំចេញទៅលក់នៅទីផ្សារប្រទេសវៀតណាមផងដែរ។

ពាក់ព័ន្ធឡសម្ងួតក្នុងខេត្តលោក ខូយ រីដា បានមានប្រសាសន៍ថា «ដោយសារបច្ចុប្បន្ន វិទ្យាសាស្ត្រកាន់តែទំនើប ដូច្នេះ ស្រូវដែលបានប្រមូលផលរួចរាល់ មិនចាំបាច់យកដាក់ហាលនៅតាមវាលស្រែ ឬចំណីផ្លូវដូចមុនឡើយ គឺគ្រាន់តែយកមកដាក់ចម្អិននៅក្នុងឡសម្ងួតរយៈពេលត្រឹម ២-៣ ម៉ោង ដែលក្រោយពេលសម្ងួតរួចរាល់ ស្រូវ អង្ករ ទាំងនោះចេញទៅប្រកបដោយគុណភាព ស្របតាមស្តង់ដា អាចនាំចេញភ្លាមៗ»។

ពាក់ព័ន្ធវិស័យពាណិជ្ជកម្ម លោក ខូយ រីដា បានគូសបញ្ជាក់ថា បច្ចុប្បន្នខេត្តពោធិ៍សាត់មានក្រុមហ៊ុនសហគ្រាស ពាណិជ្ជកម្មសរុប ១.១៦២ ក្រុមហ៊ុន។

ក្នុងចំណោមក្រុមហ៊ុន/សហគ្រាសទាំងអស់នោះ មានក្រុមហ៊ុនពាណិជ្ជកម្មឯកជនចំនួន ២៩២ ក្រុមហ៊ុន, សហគ្រាសឯកបុគ្គលមាន ៤៨២ សហគ្រាស និងមានសាខាក្រុមហ៊ុន ៣៨៨សាខា ហើយស្ថិតិក្រុមហ៊ុន សហគ្រាស ពាណិជ្ជកម្ម និងអាជីវកម្មសរុបចំនួន ៦.៤១១ មូលដ្ឋាន។

លោកអភិបាលខេត្ត បានឱ្យដឹងថា ដើម្បីអាចជំរុញការងារក្នុងវិស័យពាណិជ្ជកម្ម និងស្វែងរកទីផ្សារ ខេត្តបានកៀរគរ កសិករ ពាណិជ្ជកម្ម សហគមន៍បានចំនួន ១៤ ផលិតករ មានផលិតផលប្រមាណ ១០មុខ រួមមាន ក្រូចពោធិ៍សាត់ ចម្លាក់ថ្មកែវ ពោធិ៍សាត់ ស្ករត្នោត អំបុកអូរតាប៉ោង បង្គីវល្លិរពាក់ សិប្បកម្មធ្វើចេញពីដើមត្នោត ត្រីកែច្នៃ ត្រីងៀត គោងៀត បន្លែសុវត្ថិភាព និងពូជស្រូវសែនក្រអូបជាដើម។

បើតាមរបាយការណ៍បន្ថែមរបស់រដ្ឋបាលខេត្ត បានបញ្ជាក់ច្បាស់ថា ក្រូចពោធិ៍សាត់ ដំឡូងមី ពោតក្រហម ម្រេច ស្វាយកេវរមៀត មៀនប៉ៃលិន សិប្បកម្មចម្លាក់ថ្មកេវ សិប្បកម្មកែច្នៃពីដើមត្នោត និងសិប្បកម្មស្ករត្នោត ជាផលិតផលដែលមានសក្ដានុពលក្នុងខេត្តពោធិ៍សាត់ដែរ៕

ដោយ៖ ថារី

The post ខេត្តពោធិ៍សាត់ មានឡសម្ងួត ស្រូវអង្ករ ស្របតាមស្តង់ដា អាចនាំចេញភ្លាមៗ appeared first on Kampuchea Thmey Daily.

ម៉ាស៊ីនសម្ងួត និងក្រដាសជូតដៃ មួយណាអាចកម្ចាស់មេរោគបានល្អជាង?

Sonya — Sat, 03 Jul 2021 02:17:00 +0000

គ្នាយើងខ្លះក្រោយពីលាងដៃហើយ អ្នកខ្លះក៏និយមប្រើម៉ាស៊ីនសម្ងួតដៃ និងខ្លះទៀតក៏ប្រើក្រដាសជូតដៃវិញ។ តើមួយណាល្អប្រើជាង? ក្រុមអ្នកស្រាវជ្រាវវិទ្យាសាស្រ្តបានបង្ហាញនូវ លទ្ធផលស្រាវជ្រាវមួយថា ក្រដាសជូត ដើម្បីសម្ងួត គឺជាជម្រើសប្រសើរជាង ម៉ាស៊ីនសម្ងួត។

ក្រុមអ្នកស្រាវជ្រាវនៃសាកលវិទ្យាល័យ Leeds នៃចក្រភពអង់គ្លេស បានដាក់ម៉ាស៊ីនអតិសុខុមទស្សន៍ (មីក្រូស្កូប) ពិនិត្យមើលលើដំណើរនៃមេរោគ លើម៉ាស៊ីនផ្លុំសម្ងួតដៃ និងក្រដាសអនាម័យជូតសម្ងួតដៃ ក្នុងបំណងប្រៀបធៀបរកឱ្យឃើញថា តើវិធីសម្ងួតដៃមួយណា ដែលបន្ថយហានិភ័យមេរោគបានប្រសើរជាង។

ក្រុមអ្នកស្រាវជ្រាវបានតាមដានទៅលើ អ្នកស្ម័គ្រចិត្ត៤នាក់ ដោយឲ្យអ្នកទាំងនោះលាងសម្អាតដៃ និងសម្ងួតដៃ ដោយប្រើម៉ាស៊ីនផ្លុំសម្ងួត ឬក្រដាសជូតសម្ងួតតាមទម្លាប់ធម្មតារបស់ខ្លួន។ បន្ទាប់មក អ្នកស្រាវជ្រាវបានទៅ ប្រមូលទិន្នន័យ ដោយពិនិត្យមើលវត្ថុ និងកន្លែងដែលអ្នកស្ម័គ្រចិត្តប៉ះពាល់ក្រោយលាងសម្អាតដៃភ្លាមៗ មានទាំង ដៃទ្វារ កៅអី ទូរសព្ទ -ល- បានរកឃើញថា ការសម្ងួតដៃដោយម៉ាស៊ីន គឺសល់ហានិភ័យមេរោគច្រើនជាង ប្រើប្រៀបនឹងការសម្ងួតដៃដោយក្រដាសអនាម័យ។

ករណីខាងលើ លោកវេជ្ជបណ្ឌិត Graham Wheeler អ្នកដឹកនាំការសិក្សាខាងលើបានឱ្យដឹងថា ក្រោយការពិនិត្យ ក្រុមការងារឃើញថា ទោះបីម៉ាស៊ីនសម្ងួត និងក្រដាសជូតដៃ អាចសម្ងួតដៃបានស្ងួតដូចគ្នា ប៉ុន្តែយើងពិនិត្យឃើញថា ក្រដាសជូតអនាម័យ គឺបានបន្ថយហានិភ័យមេរោគបានល្អប្រសើរជាង ម៉ាស៊ីនផ្លុំសម្ងួតដៃ។ ក្រដាសជូតគួរតែមាន នៅជាមួយម៉ាស៊ីនផ្លុំសម្ងួតនោះ ពិសេសនៅបន្ទប់ទឹកទីសាធារណៈ នៅមន្ទីរពេទ្យ ឬហាងនានាជាដើម៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អ្នកជំនាញព្រមានគ្រោះថ្នាក់ដោយសារប្រើជែលលាងដៃញឹកញាប់ពេក

ចុចអាន៖ ជាការពិត! លាងដៃនឹងផេះសម្លាប់មេរោគ ស្អាត ដូចលាងជាមួយសាប៊ូ?

The post ម៉ាស៊ីនសម្ងួត និងក្រដាសជូតដៃ មួយណាអាចកម្ចាស់មេរោគបានល្អជាង? appeared first on Kampuchea Thmey Daily.

ម៉ាស៊ីនសម្ងួត Archives - Kampuchea Thmey Daily

ខេត្តពោធិ៍សាត់ មាន​ឡ​សម្ងួត​ ស្រូវអង្ករ ​ស្របតាមស្តង់ដា អាចនាំ​ចេញ​​ភ្លាម​ៗ

ម៉ាស៊ីនសម្ងួត និងក្រដាសជូតដៃ មួយណា​អាច​កម្ចាស់មេរោគបាន​ល្អជាង?​

ខេត្តពោធិ៍សាត់ មានឡសម្ងួត ស្រូវអង្ករ ស្របតាមស្តង់ដា អាចនាំចេញភ្លាមៗ

ម៉ាស៊ីនសម្ងួត និងក្រដាសជូតដៃ មួយណាអាចកម្ចាស់មេរោគបានល្អជាង?