យន្តហោះបំបាំងកាយ Archives - Kampuchea Thmey Daily

ចិនបង្កើតយន្តហោះចម្បាំងប្រភេទថ្មី PADJ-X ប្រជែង B-21 របស់អាមេរិក

Minea Neu — Thu, 08 Jan 2026 03:46:34 +0000

អ្នកវិទ្យាសាស្ត្រ និងវិស្វករចិន បានបង្កើតឧបករណ៍គំរូលំហអាកាសដ៏មានឥទ្ធិពលមួយ គឺកម្មវិធី [Software] ដែលប្រើប្រាស់បញ្ញាសិប្បនិមិត្ត (AI) មិនត្រឹមតែរចនាសម្រាប់តែយន្តហោះប៉ុណ្ណោះទេ ប៉ុន្តែថែមទាំងកំណត់អត្តសញ្ញាណដែលអាចហោះបានលឿន ឆ្ងាយ និងគ្រោះថ្នាក់ខ្លំាង ជាងយន្តហោះទូទៅដែលបានផលិតរួចមកហើយ និងដ្រូន [យន្តហោះគ្មានមនុស្សបើក] ផងដែរ។ យោងតាមប្រព័ន្ធផ្សព្វផ្សាយប្រទេសចិន

លោក ស៊ី ជីនពីង។ Reuters

ដោយប្រើកម្មវិធីបង្កើតយន្តហោះប្រភេទ (PADJ-X) អ្នកឯកទេសចិនកំពុងធ្វើការ លើការរចនាយន្តហោះបំបាំងកាយ។ យោងតាមផែនការរបស់ចិន យន្តហោះនេះអាចទប់ទល់នឹងការរកឃើញពីរ៉ាដារបស់សត្រូវ ក៏ដូចជាបន្សាបឥទ្ធិពលនៃប្រព័ន្ធសង្គ្រាមអេឡិចត្រូនិក (EW) បានផងដែរ។

តែយ៉ាងណា អ្វីដែលភ្នាក់ងារ Military Review បានរាយការណ៍ពីមុនមក ប្រព័ន្ធទប់ទល់យន្តហោះបំបាំងកាយ និងសង្រ្គាមអេឡិចត្រូនិក គឺផ្អែកស្រទាប់ខាងក្រៅ [កូតធីង (Coating)] ដែលមានលក្ខណៈពិសេសដែលបំប្លែងរ៉ាដារបស់សត្រូវ ទៅជាថាមពលអគ្គិសនីដែលមានប្រយោជន៍។ ភាគីចិនមិនទាន់បង្ហាញពីសម្ភារៈដែលប្រើសម្រាប់បង្កើតពីកូតធីង នេះនៅឡើយទេ។

អ្នកធ្វើការនៅក្រុមហ៊ុន Acta Aeronautica et Astronautica Sinica ដែលបោះពុម្ភការផ្សព្វផ្សាយមួយ បញ្ជាក់ថា PADJ-X គឺជាប្រព័ន្ធកម្មវិធីដែលមានគោលបំណងទូទៅ ផ្អែកលើបច្ចេកវិទ្យាបង្កើនប្រសិទ្ធភាពជាប់ៗគ្នា។ តែយ៉ាងណា អត្ថន័យច្បាស់លាស់នៅពីក្រោយនិយមន័យមិនច្បាស់លាស់នេះ មិនទាន់ត្រូវបានបង្ហាញនៅឡើយទេ។

ទោះជាយ៉ាងណាក៏ដោយ មានចំណុចសំខាន់ខ្លះៗត្រូវបានផ្សព្វផ្សាយនិងបង្ហាញនូវគុណវិបត្តិនៃយន្តហោះនោះ។

ជាក់ស្តែងកម្មវិធីរបស់ចិន បានកំណត់គុណវិបត្តិមួយចំនួន ដែលអាចកើតមាននៅក្នុងការកំណត់រចនាសម្ព័ន្ធយុទ្ធសាស្រ្តនៃយន្តហោះទម្លាក់គ្រាប់បែក B-២១ Raider ជំនាន់ចុងក្រោយរបស់អាមេរិក។ កម្មវិធីនេះបានវិភាគប៉ារ៉ាម៉ែត្រខាងក្រៅរបស់យន្តហោះចម្បាំងអាមេរិក និងសកម្មភាពនៃការហោះហើរ ដោយប្រើវិធីសាស្រ្ត និងក្បួនដោះស្រាយនានា ដើម្បីគណនាប៉ារ៉ាម៉ែត្រដែលល្អបំផុតក្នុងពេលដំណាលគ្នា សម្រាប់ប៉ារ៉ាម៉ែត្រទាំងអស់។ ក្នុងចំណោមគុណវិបត្តិដែលបានកំណត់គឺការផ្ទុកស្លាបខ្ពស់ ការលើកចុះថយ និងការកើនឡើងនៃកំដៅខ្លាំង។

សារព័ត៌មានចិនមួយបានលើកឡើងថា ក្រុមអ្នកស្រាវជ្រាវមិនបានបញ្ជាក់ពីទិន្នន័យដែលពួកគេបានប្រើសម្រាប់វិភាគនៅឡើយទេ ហើយយពួកគេបានប្រើប្រាស់ប៉ារ៉ាម៉ែត្រចំនួន ២៨៨ ទៅនឹងការកំណត់រចនាសម្ព័ន្ធ B-២១ ដែលបានក្លែងទៅប្រើកម្មវិធីថ្មីមួយ។

បន្ទាប់មកអ្នកស្រាវជ្រាវចិន បានធ្វើការបង្កើនប្រសិទ្ធភាពលំហអាកាស ដែលបានបង្កើនលើសមាមាត្រលើកកម្ពស់បន្ថែម ១៥ភាគរយ និងកាត់បន្ថយរលកឆក់ (នៅក្នុងកោណ Mach) សម្រាប់ម៉ូដែលនេះ ដោយសន្មត់ថា វាកំពុងធ្វើដំណើរក្នុងល្បឿនបំផុត [supersonic]៕

ប្រែសម្រួល៖ ណឺ មិនា

យន្តហោះបំបាំងកាយ B-21 របស់អាមេរិក។ nationalsecurityjournal.org

The post ចិនបង្កើតយន្តហោះចម្បាំងប្រភេទថ្មី PADJ-X ប្រជែង B-21 របស់អាមេរិក appeared first on Kampuchea Thmey Daily.

បែកធ្លាយវីដេអូ ថតជាប់ស្តែងៗ យន្តហោះបំបាំងកាយអាមេរិកតម្លៃ ១០០លានដុល្លារ ធ្លាក់ក្នុងសមុទ្រចិនខាងត្បូង

Sok Sovann — Tue, 08 Feb 2022 01:24:59 +0000

វីដេអូដ៏រន្ធត់ បង្ហាញពីខណៈពេលដែលយន្តហោះចម្បាំងបំបាំងកាយធុន F-35C របស់កងទ័ពអាកាសអាមេរិក ធ្លាក់នៅលើនាវាដឹកយន្តហោះ USS Carl Vinson ហើយឥឡូវនេះ មន្រ្តីយោធាកំពុងស៊ើបអង្កេតថាតើអ្នកណាដែលទម្លាយវីដេអូនេះ។

យន្តហោះចម្បាំងតម្លៃ១០០លានដុល្លារ បានផ្ទុះឆេះខណៈរអិលពេលចុះចតលើនាវាផ្ទុកយន្តហោះ ហើយធ្លាក់ចូលទៅក្នុងសមុទ្រចិនខាងត្បូង។

វីដេអូលេចធ្លាយថតដោយទូរសព្ទដៃហើយគេយកទៅបើកមើលក្នុងកំព្យូទ័រ បានបង្ហាញស្តែងៗពីខណៈពេលដែលយន្តហោះចម្បាំងមួយគ្រឿងនេះ ជួបហេតុការណ៍។

ឥឡូវ ការស៊ើបអង្កេតកំពុងដំណើរការ ដើម្បីរកការពិតថាតើវីដេអូនេះត្រូវបានទម្លាយនៅលើអ៊ីនធើណិតដោយរបៀបណា។

ស្របពេលជាមួយគ្នានោះ ឃ្លីបវីដេអូនេះត្រូវបានក្រសួងការពារជាតិអាមេរិក បញ្ជាក់ថា ជាវីដេអូពិតប្រាកដមែន។

គួរបញ្ជាក់ថា អ្នកបើកយន្តហោះ បានរំដោះខ្លួនចេញក្នុងអំឡុងពេលធ្លាក់ ហើយត្រូវបានគេរាយការណ៍ថារងរបួស រួមជាមួយនឹងសមាជិកនាវិក៦នាក់នៅលើនាវា Vinson៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ កងទ័ពអាកាសចិនបញ្ចេញវីដេអូដំបូងនៃការរចនាយន្តហោះទម្លាក់គ្រាប់បែកបំបាំងកាយ H-20

The post បែកធ្លាយវីដេអូ ថតជាប់ស្តែងៗ យន្តហោះបំបាំងកាយអាមេរិកតម្លៃ ១០០លានដុល្លារ ធ្លាក់ក្នុងសមុទ្រចិនខាងត្បូង appeared first on Kampuchea Thmey Daily.

កងទ័ពអាកាសចិនបញ្ចេញវីដេអូដំបូងនៃការរចនាយន្តហោះទម្លាក់គ្រាប់បែកបំបាំងកាយ H-20

Sok Chivon — Sat, 09 Jan 2021 04:24:08 +0000

វីដេអូផ្សព្វផ្សាយនាពេលថ្មីៗនេះរបស់កងទ័ពអាកាសរំដោះប្រជាជនចិន (PLAAF) បានបង្ហាញពីយន្តហោះទម្លាក់គ្រាប់បែកបំបាំងកាយប្រភេទ H-20 របស់ប្រទេសចិន ហើយវានឹងជិតកើតមានពិតប្រាកដនាពេលខាងមុខនេះ ។

វីដេអូដែលត្រូវបានបង្ហោះក្នុង YouTube កាលពីថ្ងៃអង្គារដោយគណនីមួយត្រូវបានកំណត់អត្តសញ្ញាណដោយ YouTube ថាជារបស់ទូរទស្សន៍ចិន (CCTV) ដោយបានពណ៌នាពីរឿងរ៉ាវរបស់អ្នកបើកយន្តហោះចម្បាំងវ័យក្មេងចិនម្នាក់ដែលមានក្ដីសុបិនចង់បើកយន្តហោះនៅលើអាកាស ។

ភាគច្រើននៃវីដេអូភាគនេះផលិតដោយកុំព្យូទ័រ ហើយផ្តោតលើយន្តហោះចម្បាំងបំបាំងកាយ Chengdu J-20 ដែលជាដៃគូជាមួយយន្តហោះចម្បាំង F-22 Raptor របស់អាមេរិក ហើយក្នុងនោះក៏បានបង្ហាញយន្តហោះចម្បាំងចិនផ្សេងទៀតដូចជា J-10 ផងដែរ ។ វីដេអូគួរឲ្យកត់សម្គាល់មួយទៀតគឺការត្រឡប់ទៅសកម្មភាពយោធាលើកដំបូងរបស់ PLAAF ក្នុងអំឡុងពេលសង្គ្រាមកូរ៉េ នៅពេលដែលទាហានចិនបានបង្កើតកងទ័ពប្រជាជនស្ម័គ្រចិត្តក្រោមបញ្ជាការកូរ៉េខាងជើង និងយន្តហោះ MiG-15s របស់ PLAAF ប្រឈមមុខនឹងយន្តហោះចម្បាំងអាមេរិក ។

ទោះជាយ៉ាងណាក៏ដោយនៅចុងបញ្ចប់អ្នកទស្សនាទទួលបានទស្សនីយភាពមួយដោយមើលឃើញពីយន្តហោះដ៏ទំនើបជាមួយនឹងអាថ៌កំបាំងដែលលាក់នៅក្រោមកម្រាលមួយ ។ យន្តហោះពេញលេញមិនត្រូវបានគេមើលឃើញទេ ហើយរូបភាពនេះក៏គ្រាន់តែជាការបង្កើតដោយកុំព្យូទ័រប៉ុណ្ណោះ ហើយមិនមែនជារូបភាពជាក់ស្តែងរបស់យន្តហោះ H-20 ពេញលេញនោះទេ ។ ទន្ទឹមនោះវាក៏បានបង្ហាញពីយន្តហោះទម្លាក់គ្រាប់បែកបំបាំងកាយចិន B-21 Raider ដែលនឹងជិតកើតមានក្នុងពេលឆាប់ៗខាងមុខនេះផងដែរ ។

យោងតាមរបាយការណ៍កន្លងមកបានឲ្យដឹងថា ទិដ្ឋភាពពិតទាំងយន្តហោះ H-20 និង B-21 ហាក់ដូចជានឹងកើតមាននៅឆ្នាំនេះ។ យន្តហោះទាំងពីរនឹងជាយន្តហោះវាយប្រហាររយៈចម្ងាយឆ្ងាយដែលអាចផ្ទុកទាំងគ្រាប់បែកធម្មតា និងគ្រាប់បែកនុយក្លេអ៊ែរក៏ដូចជាមីស៊ីលជាដើម ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ចិនចោទអាមេរិកថាបង្កហេតុក្រោយបើកនាវាចម្បាំងឆ្លងកាត់ច្រកសមុទ្រតៃវ៉ាន់

The post កងទ័ពអាកាសចិនបញ្ចេញវីដេអូដំបូងនៃការរចនាយន្តហោះទម្លាក់គ្រាប់បែកបំបាំងកាយ H-20 appeared first on Kampuchea Thmey Daily.

យន្តហោះបំបាំងកាយ Archives - Kampuchea Thmey Daily

ចិន​បង្កើតយន្ត​ហោះ​ចម្បាំងប្រភេទថ្មី​​ PADJ-X ប្រជែង​​ B-21 របស់​អាមេរិក​

បែកធ្លាយវីដេអូ ថតជាប់ស្តែងៗ យន្តហោះបំបាំងកាយអាមេរិកតម្លៃ ១០០លានដុល្លារ ធ្លាក់ក្នុងសមុទ្រចិនខាងត្បូង

កងទ័ពអាកាសចិនបញ្ចេញវីដេអូដំបូងនៃការរចនាយន្តហោះទម្លាក់គ្រាប់បែកបំបាំងកាយ H-20

ចិនបង្កើតយន្តហោះចម្បាំងប្រភេទថ្មី PADJ-X ប្រជែង B-21 របស់អាមេរិក