ការិយាល័យសារព័ត៌មានបាននិយាយនៅក្នុងសេចក្តីថ្លែងការណ៍មួយថា “ក្រុមហ៊ុនយន្តហោះ Tupolev បានប្រគល់យន្តហោះទម្លាក់គ្រាប់បែកល្បឿនលឿនជាងសំឡេង Tu-22M3 ជំនាន់ចុងក្រោយបង្អស់ ទៅកាន់កងកម្លាំងអាកាសរុស្ស៊ី សម្រាប់ប្រតិបត្តិការផ្សេងៗ” ។

មុនប្រគល់ឲ្យកងកម្លាំងរុស្ស៊ី, អ្នកឯកទេសបានអនុវត្តការងារថែទាំជាប្រចាំយ៉ាងដិតដល់លើយន្តហោះទម្លាក់គ្រាប់បែកមួយនេះ ហើយការប្រគល់យន្តហោះ Tu-22M3 ទៅឲ្យប្រតិបត្តិការរុស្ស៊ីក៏ធ្វើឡើង បន្ទាប់ពីការហោះហើរសាកល្បងដឹកជញ្ជូនប្រកបដោយភាពជោគជ័យផងដែរ ។

Tu-22M3 គឺជាយន្តហោះទម្លាក់គ្រាប់បែកដែលផ្ទុកមីស៊ីលរយៈចម្ងាយឆ្ងាយច្រើនម៉ូដែល ដែលត្រូវបានរចនាឡើងដើម្បីវាយប្រហារលើគោលដៅកងទ័ពដីគោក និងជើងទឹកនៅទូទាំងតំបន់ទាំងរយៈកម្ពស់ខ្ពស់ មធ្យម និងទាប ។

យន្តហោះទម្លាក់គ្រាប់បែកនេះត្រូវបានទទួលយកសម្រាប់បម្រើការងារក្នុងឆ្នាំ ១៩៨៩ ហើយសរុបមក រោងចក្រអាកាសចរណ៍ Kazan បានប្រមូលផ្តុំយន្តហោះទម្លាក់គ្រាប់បែក Tu-22M យកទៅកែប្រែដើម្បីដាក់បច្ចេកវិទ្យាថ្មីៗប្រហែល ៥០០ គ្រឿងហើយ ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ រុស្ស៊ី ឲ្យអង្គការ ណាតូ រំលាយចោលទៅ

The post ក្រុមហ៊ុនការពារជាតិបញ្ជូនយន្តហោះទម្លាក់គ្រាប់បែកឲ្យទ័ព រុស្ស៊ី ទុក​សម្រាប់ប្រតិបត្តិការផ្សេងៗ appeared first on Kampuchea Thmey Daily.