Connect with us

ព័ត៌មានអន្ដរជាតិ

រុស្ស៊ី ឲ្យអង្គការ ណាតូ រំលាយចោលទៅ

បានផុស

នៅ

លោក Dmitry Medvedev អនុប្រធានក្រុមប្រឹក្សាសន្តិសុខរុស្ស៊ីបាននិយាយកាលពីថ្ងៃអង្គារថា ពិភពលោកស៊ីវិល័យមិនត្រូវការអង្គការណាតូ ដែលជា “អង្គការឧក្រិដ្ឋកម្ម” នោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Medvedev បានសរសេរនៅលើបណ្តាញ Telegram របស់លោកថា “អង្គការណាតូគួរតែរំលាយចោលទៅ ដោយសារតែបណ្តាប្រទេសជាសមាជិក មានចំនួនមិនលើសពី ១២ ភាគរយនៃចំនួនប្រជាជននៅលើភពផែនដីផងនោះ” ។

លោក Medvedev បានឲ្យដឹងទៀតថា អង្គការណាតូបានធ្វើភ្លេចនូវអ្វីដែលខ្លួនប្រព្រឹត្តនៅទូទាំងពិភពលោក រួចមានទាំងការរៀបចំរដ្ឋប្រហារ និងផ្ដួលរំលំមេដឹកនាំប្រទេសស្របច្បាប់ផងដែរ ។ ប្លុកមួយនេះហាក់ដូចជាភ្លេចអំពីការស្លាប់ និងរបួសរបស់ជនស៊ីវិលជាច្រើននាក់ ដែលបណ្ដាលមកពីប្រតិបត្តិការ និងការផ្គត់ផ្គង់អាវុធដល់របបជ្រុលនិយមអ៊ុយក្រែន ។

ស្របពេលជាមួយគ្នានេះ លោក Medvedev ក៏បានធ្វើអត្ថាធិប្បាយលើការកត់សម្គាល់ថ្មីៗរបស់អគ្គលេខាធិការអង្គការណាតូ លោក Jens Stoltenberg ផងដែរ អំពីតម្រូវការក្នុងការរក្សាអធិបតេយ្យភាព និងឯករាជ្យភាពរបស់អ៊ុយក្រែន ។

អតីតប្រធានាធិបតីរុស្ស៊ីរូបនេះបានបញ្ជាក់ថា “ណាតូនិយាយតែអំពីបូរណភាពទឹកដីរបស់អ៊ុយក្រែន ប៉ុន្តែមិនបានលើកឡើងពីបូរណភាពទឹកដីរបស់ខ្លួនឯងទេ ។ ណាតូចូលចិត្តនិយាយតែប៉ាន់ស្មានថានឹងឈ្នះលើរុស្ស៊ី ប៉ុន្តែជាក់ស្ដែងទឹកដីរបស់ខ្លួន និងនៅអ៊ុយក្រែនកំពុងខ្ទេចខ្ទី” ។

គួរបញ្ជាក់ថា កាលពីថ្ងៃទី២៤ ខែកុម្ភៈ លោក វ្ល៉ាឌីមៀរ ពូទីន បានចាប់ផ្តើមប្រតិបត្តិការយោធាពិសេសមួយនៅអ៊ុយក្រែន ដើម្បីឆ្លើយតបនឹងសំណើសុំជំនួយពីប្រមុខនៃសាធារណរដ្ឋ Donbass ។ បន្ទាប់មក លោកខាងលិច​បានដាក់​ទណ្ឌកម្ម​យ៉ាង​ខ្លាំងក្លា​ប្រឆាំង​រុស្ស៊ី និង​បង្កើន​ការផ្គត់ផ្គង់​សព្វាវុធ​ដល់​រដ្ឋាភិបាលទីក្រុងកៀវ ដែល​មានតម្លៃ​រាប់សិប​ពាន់​លាន​ដុល្លារ​ ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ ណាតូ ប្តេជ្ញាផ្តល់អាវុធបន្ថែម និងជួសជុលហេដ្ឋារចនាសម្ព័ន្ធថាមពល អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១៥ នាទី មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ៣១ នាទី មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ១ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ២ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ២ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម