ថ្លែង​នៅក្នុងឱកាស​ចូល​ជួប​សម្ដែងការគួរសម ជាមួយ​លោក​ម៉ៅ ធនិន នាថ្ងៃទី២១ ខែកុម្ភៈ ​ឆ្នាំ២០២៥នេះ ប្រធាន​ក្រុមហ៊ុន KENPAX មកពីប្រទេសចិន​ លោក Wayne Lin បាន​មានប្រសាសន៍ថា ក្រុមហ៊ុន​របស់​លោក ​គឺ​ជា​ក្រុមហ៊ុន​ផលិត​នូវ​ផលិតផល​ផ្អែក​វេជ្ជសាស្រ្ត​ មក​ដល់​បច្ចុប្បន្ន​នេះ​បាន​ធ្វើការចែកចាយ និង​ផ្គត់ផ្គង់​សម្ភារៈ​ជាង៤០​ប្រទេស​ នៅ​ជុំវិញ​ពិភព​លោក។

លោក​បាន​បន្ត​ថា​ ដោយ​មើល​ឃើញ​ពី​សក្តានុពល និង​ភាព​អំណោយផល​របស់​ខេត្ត​កំពត​ ទើប​ក្រុម​ហ៊ុន​សម្រេចយកធ្វើការវិនិយោគ ដោយ​សាងសង់រោងចក្រ​ផលិត​គ្រឿងបរិក្ខារពេទ្យ​ ស្ថិតនៅក្នុងភូមិព្រៃថ្មី ឃុំស្រែចែង ស្រុកជុំគីរី ខេត្តកំពត​ ហើយ​រោងចក្រ​នេះ​នឹង​ផ្ដល់​ការងារ​ចំនួន៣ ០០០ កន្លែង​ជូន​ប្រជាពលរដ្ឋនៅក្នុងខេត្តកំពត។

លោក​ប្រធាន​ក្រុមហ៊ុន​បាន​បញ្ជាក់ទៀត​ថា រោងចក្រ​នេះ​គ្រោង​នឹង​បើក​ការដ្ឋាន​សាងសង់​នៅ​ពាក់កណ្តាល​ខែមីនា ហើយគ្រោងនឹងបញ្ចប់ការសាងសង់នៅចុងឆ្នាំ២០២៥ខាងមុខនេះ។

លោក​ម៉ៅ ធនិន អភិបាលខេត្តកំពត បានសំដែងនូវការស្វាគមន៍ចំពោះការវិនិយោគ និងបង្កើតរោងចក្រផលិតបរិក្ខារពេទ្យ (ផលិតផលវេជ្ជសាស្រ្ត) របស់ក្រុមហ៊ុន KENPAX ក្នុងខេត្តកំពត ព្រោះ​នឹង​ផ្តល់ការងារជូនបងប្អូនកូនក្មួយ​ ដែល​រស់​នៅ​ក្នុងខេត្ត ព្រម​ទាំង​លើក​កម្ពស់​ជីវភាព​រស់​នៅ​របស់​បងប្អូន​ប្រជាពលរដ្ឋ​នៅ​តំបន់​នោះ​ផ្ទាល់។

លោក​អភិបាល​ខេត្តកំពត បានគូសបញ្ជាក់ដែរ​ថា ប្រទេស​កម្ពុជា​ក្រោម​ម្លប់នៃសុខសន្តិភាព ក្រោម​ការ​ដឹកនាំ​របស់សម្តេចតេជោ ហ៊ុន សែន អតីតនាយករដ្ឋមន្ត្រី បន្ត​មក​ដល់​ការ​ដឹក​នាំ​ប្រកប​ដោយ​គតិ​បណ្ឌិតរបស់សម្តេចមហាបវរធិបតី ហ៊ុន ម៉ាណែត  នាយករដ្ឋមន្ត្រី សម្តេច​តែង​តែ​លើក​ទឹកចិត្ត​ចំពោះ​អ្នក​វិនិយោគ​ជាតិ និងអន្តរជាតិទាំងអស់ ឱ្យមកចូលរួមវិនិយោគក្នុងប្រទេសកម្ពុជា ដើម្បី​បង្កើត​ការងារ​ជូនពលរដ្ឋ ក៏ដូចជាឱ្យកំណើនសេដ្ឋកិច្ចជាតិ និង​សេដ្ឋកិច្ច​គ្រួសារ​របស់ពលរដ្ឋកាន់តែប្រសើរឡើង។

លោក​ក៏​បាន​លើក​ទឹក​ចិត្ត​ ដល់ក្រុមហ៊ុនឱ្យធ្វើការជ្រើសរើសបុគ្គលិកខ្មែរ និងកម្មករ​ដែលរស់នៅក្បែរតំបន់សាងសង់រោងចក្រជាជម្រើសទី១ ហើយបន្តជ្រើសរើសតាមបណ្តាក្រុង-ស្រុក ក្នុងខេត្តកំពត  ក្នុងន័យដើម្បីបង្កើនការងារ​ជូនប្រជាពលរដ្ឋក្នុងខេត្តកំពត៕

ដោយ ៖ សឹង រ៉ាត់

The post ក្រុមហ៊ុន KENPAX របស់​ចិន គ្រោងនឹង​សាងសង់​រោងចក្រ​បរិក្ខារ​ពេទ្យ​ដ៏​ធំ​មួយនៅក្នុងស្រុកជុំគីរី ខេត្តកំពត appeared first on Kampuchea Thmey Daily.

ដោយក្នុងដំណើរកម្សាន្តរបស់ភ្ញៀវទេសចរណ៍មកកាន់ខេត្តកំពតក្នុងរយៈពេល ពីរថ្ងៃនេះមិនមានបាតុភាពណាមួយ ដែលបង្កឡើងធ្វើឱ្យប៉ះពាល់ដល់បណ្តាភ្ញៀវទេសចរណ៍នោះឡើយ។

នេះបើតាមការបញ្ជាក់ពីលោក សយ សុីណុល ប្រធានមន្ទីរទេសចរណ៍ខេត្តកំពត នារសៀលថ្ងៃទី៣១ ខែមករា ឆ្នាំ២០២៥នេះ។

នេះបើយោងរបាយការណ៍របស់លោក សយ សុីណុល ប្រធានមន្ទីរទេសចរណ៍ខេត្តកំពត បានឱ្យដឹងថា នាថ្ងៃទី៣០ ខែមករា ឆ្នាំ២០២៥នេះ មានភ្ញៀវទេសចរណ៍សរុបចំនួន ៣០,២១៥ នាក់ ក្នុងនោះភ្ញៀវទេសចរណ៍ជាតិមានចំនួន២៩,៦៧៧ នាក់ និងភ្ញៀវទេសចរណ៍បរទេសមានចំនួន ៥៣៨នាក់ បានធ្វើដំណើរកម្សាន្តមកកាន់ខេត្តកំពត ដោយឡែកកាលពីថ្ងៃទី២៩ កន្លងទៅខេត្តកំពត បានទទួលស្វាគមន៍ ភ្ញៀវទេសចរណ៍ប្រមាណជាង ២ មុីននាក់ផងដែរ។

លោកសយ សុីណុល ប្រធាន​មន្ទីរទេសចរណ៍ខេត្តកំពតបានលើក​ឡើងឱ្យដឹងថា សម្រាប់ពិធីបុណ្យ​ប្រពៃណីចិននិងវៀតណាមរយៈពេល២ ថ្ងៃ មានភ្ញៀវ​មក​លំហែ​កម្សាន្ត​សរុប៣០,២១៥នាក់ ភ្ញៀវទេសចរណ៍កើនឡើង ១៤,៣៨ភាគរយ បើប្រៀបធៀបនិងរយៈពេល ២ ថ្ងៃ ឆ្នាំ២០៣៤ មានចំនួន២៦,៤១៦នាក់។

ទោះជាយ៉ាងណាលោក សយ ស៊ីណុល ប្រធានមន្ទីរទេសចរណ៍ខេត្តកំពតបានបញ្ជាក់ថា ពាក់ព័ន្ធសភាពការណ៍ទេសចរណ៍ រយៈពេលពីរថ្ងៃនេះ ពុំមានគ្រោះថ្នាក់ផ្សេងៗ ក៏គ្មាន ហើយបាតុភាពផ្សេងៗដែលបង្កឡើងធ្វើឱ្យប៉ះពាល់ដល់ភ្ញៀវទេសចរក៏គ្មាននោះដែរ ក្នុងនោះលោកប្រធានបន្ទីរទេសចរណ៍ខេត្តកំពតបានធ្វើការបែងចែកក្រុមការងារចុះតាមគោលដៅកន្លែងរមណីយដ្ឋានទេសចរណ៍ជាង៣០កន្លែងទូទាំងខេត្តកំពត៕

ដោយ ៖ សឹង រ៉ាត់

The post ខេត្តកំពត ទទួលស្វាគមន៍ភ្ញៀវទេសចរណ៍ជាង ៣ ម៉ឺននាក់ ក្នុងរយៈពេលពីរថ្ងៃនៃពិធីបុណ្យចូលឆ្នាំចិន appeared first on Kampuchea Thmey Daily.

ជាមួយគ្នានេះ រដ្ឋបាលខេត្តកំពត លើកទឹកចិត្តដល់ភ្ញៀវទេសចរដែលអញ្ជើញមកកម្សាន្តនៅខេត្តរបស់ខ្លួនរាយការណ៍ចូលមកកាន់ផេក​ ក្នុងករណីម្ហូបអាហារ និងកន្លែងស្នាក់នៅឡើងថ្លៃមិនសមហេតុផល។
រដ្ឋបាលខេត្តបញ្ជាក់ថា៖«ភ្ញៀវទេសចរដែលអញ្ជើញមកកម្សាន្តនៅខេត្តកំពត ប្រសិនបើមានកន្លែងស្នាក់នៅ កន្លែងលក់ម្ហូបអាហារក្នុងខេត្តកំពតមានការតម្លើងថ្លៃ ដែលបងប្អូនយល់ថាមិនសមស្រប សូមថតឈ្មោះទីតាំង និងតម្លៃនោះ ចូលមកផេកយើងខ្ញុំបាន រដ្ឋបាលខេត្តនឹងធ្វើការត្រួតពិនិត្យជូនភ្លាមៗ»។

បន្ថែមពីលើនេះ រដ្ឋបាលខេត្តកំពត សូមអំពាវនាវដល់អាជីវករលក់ម្ហូបអាហារ និងអ្នកផ្តល់កន្លែងស្នាក់នៅទាំងអស់រក្សាតម្លៃដើមរបស់ខ្លួន ដើម្បីជាប្រយោជន៍ដល់មនុស្សគ្រប់គ្នា និងលើកកម្ពស់ឧស្សាហកម្មវិស័យទេសចរណ៍កម្ពុជា។

គួររំឭកថា ក្នុងឱកាសបុណ្យភ្ជុំបិណ្ឌ ដែលជាពេលវេលាដ៏ពេញនិយមសម្រាប់ប្រជាជនកម្ពុជា ធ្វើដំណើរកម្សាន្ត និងទៅលេងកន្លែងទេសចរណ៍នានា គេសង្កេតឃើញតម្លៃម្ហូបមានការឡើងថ្លៃគួរឱ្យកត់សម្គាល់។ តួយ៉ាង ក្នុងឱកាសបុណ្យភ្ជុំបិណ្ឌនេះ ភ្ញៀវដែលទៅលេងខេត្តកែប បានសម្តែងការមិនពេញចិត្តចំពោះបាយឆាមួយចានតម្លៃ ៦០,០០០រៀល ដោយចាត់ទុកថាតម្លៃនេះលើសពីតម្លៃធម្មតា៕

The post រដ្ឋបាលខេត្តកំពត ប្រមូលបញ្ជីរាយនាមមុខម្ហូបសេវាកម្មទេសចរណ៍ដើម្បីរក្សាតម្លៃសមរម្យ appeared first on Kampuchea Thmey Daily.

ឆ្នេរខ្សាច់កោះស្នៅ រួមទាំងព្រែកចំនួន៥ផ្សេងទៀត ដែលមានទីតាំងស្ថិតនៅក្នុងក្រុងបូកគោ ស្រុក​ទឹក​ឈូ និង​ស្រុក​កំព​ង់ត្រាច បានទទួលជ័យលាភី​ក្នុង​​ការ​ប្រឡង​ប្រណាំង​ឆ្នេរ​ខ្សាច់​កម្សាន្ត​ស្អាត​លើ​ទី៤ ​និង​ព្រែកកម្សាន្តស្អាតលើកទី១ ឆ្នាំ២០២៣ ដែល​នេះ​បាន​បង្ហាញ​ឱ្យ​ឃើញ​ថា​ ខេត្ត​កំពត​ពិត​ជា​មាន​ទីតាំង​ជា​ច្រើន​ ដែល​មាន​ភាពទាញ និង​ស្អាត​ល្អ​សម្រាប់ទទួលភ្ញៀវទេសចរ។

នៅថ្ងៃទី ២ ខែធ្នូនេះ លោក ម៉ៅ ធនិន អភិបាលខេត្តកំពត បានដឹកនាំគណៈប្រតិភូ​ដើម្បី​ចូល​រួម​ក្នុង​ពិធី​ប្រកាស​ និង​ប្រគល់ជ័យលាភីចំណាត់ថ្នាក់ដល់ ឆ្នេរ​ខ្សាច់​ និង​ព្រែក​ជ័យលាភី នៃ​ការ​ប្រឡង​ប្រណាំង​ឆ្នេរខ្សាច់កម្សាន្តស្អាតលើទី៤ និងព្រែកកម្សាន្តស្អាតលើកទី១ ឆ្នាំ២០២៣ ក្រោម​អធិបតី​ភាព​លោក សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម សំណង់ និងជាប្រធានគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា (គ.អ.ឆ.ក)។

ក្នុងការប្រកួតប្រជែងប្រឡងប្រណាំងឆ្នេរខ្សាច់កម្សាន្តស្អាតលើទី៤ និងព្រែកកម្សាន្តស្អាតលើកទី១ ឆ្នាំ២០២៣នេះ ខេត្តកំពតមានឆ្នេរខ្សាច់ចំនួនមួយ និងព្រែកចំនួន៥ ផ្សេងទៀតទទួលបានជ័យលាភី និងចំណាត់ថ្នាក់ ដែលក្នុងនោះរួមមាន៖ ឆ្នេរកោះស្មៅ ស្ថិតក្នុងស្រុកទឹកឈូ ទទួលបានជ័យលាភី “ឡាប៊ែលឆ្នេរខ្សាច់កម្សាន្តស្អាត” កម្រិតៈ ឆ្នេរខ្សាច់កម្សាន្តស្អាតកម្រិតមធ្យម, ព្រែកសហគមន៍​ទេសចរណ៍​ត្រពាំងសង្កែ ស្ថិតក្នុងស្រុកទឹកឈូ ទទួលបានជ័យលាភី “ឡាប៊ែលព្រែកកម្សាន្តស្អាត” កម្រិតៈ ព្រែកកម្សាន្តស្អាតកម្រិតល្អណាស់, ព្រែកកោងកាងកំពង់សាមគ្គី ស្ថិតក្នុងស្រុកទឹកឈូ ទទួល​បានជ័យលាភី “ឡាប៊ែលព្រែកកម្សាន្តស្អាត” កម្រិតៈ ព្រែកកម្សាន្តស្អាតកម្រិតមធ្យម, ព្រែកសហគមន៍ទេសចរណ៍កែបថ្មី ស្ថិតក្នុងក្រុងបូកគោ ទទួលបានជ័យលាភី “ឡាប៊ែល​ព្រែក​កម្សាន្ត​ស្អាត” កម្រិតៈ ព្រែកកម្សាន្តស្អាតកម្រិតមធ្យម, ព្រែកសហគមន៍ទេសចរណ៍ព្រែកត្នោត ស្ថិតក្នុងក្រុងបូកគោ ទទួលបានជ័យលាភី “ឡាប៊ែលព្រែកកម្សាន្តស្អាត” កម្រិតៈ ព្រែកកម្សាន្ត​ស្អាត​កម្រិត​មធ្យម, និងព្រែកសហគមន៍ទេសចរណ៍អន្លង់ព្រីង ស្ថិតក្នុងស្រុកកំពង់ត្រាច ទទួលបាន​ជ័យ​លា​ភី “ឡាប៊ែលព្រែកកម្សាន្តស្អាត” កម្រិតៈ ព្រែកកម្សាន្តស្អាតកម្រិតមធ្យម។

សូមបញ្ជាក់ថា ការប្រឡងប្រណាំង ឆ្នេរខ្សាច់កម្សាន្តស្អាតលើទី៤ និងព្រែកកម្សាន្តស្អាតលើកទី១ ឆ្នាំ២០២៣ គឺធ្វើឡើងតាមគោលការណ៍ណែនាំស្តីពី “ការគ្រប់គ្រងឆ្នេរខ្សាច់កម្សាន្ត” ដែល​គោល​ការណ៍​នេះ​នឹង​ត្រូវដាក់ឱ្យអនុវត្ត ក្នុងក្របខ័ណ្ឌតំបន់ឆ្នេរសមុទ្រកម្ពុជាទាំងមូល ដោយ​ប្រកាស​អន្តរក្រសួងរវាងក្រសួងរៀចំដែនដី នគរូនីយកម្ម និងសំណង់ ក្រសួងទេសចរណ៍ ក្រសួងបរិស្ថាន ឬដោយប្រកាសគណៈកម្មការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា និងដើម្បីជំរុញ និង​លើកទឹកចិត្តដល់ការរៀបចំកែលម្អឆ្នេរខ្សាច់កម្សាន្តស្របតាមគោការណ៍ណែនាំស្តីពី “ការគ្រប់​គ្រង​ឆ្នេរខ្សាច់កម្សាន្ត” របស់គណៈកម្មាធិការគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា ហើយត្រូវ​បាន​ដាក់​ចេញប្រកាសស្តីពី “ការប្រឡងប្រណាំងឆ្នេរខ្សាចកម្សាន្តស្អាត”។

ហើយជ័យភីដែលទទួលបានទាំងអស់សម្រាប់ឆ្នេរខ្សាច់កម្សាន្ត និងព្រែកកម្សាន្តមានរយៈ​សុពលភាព​ចាប់ពី​ឆ្នាំ២០២៣ ដល់ឆ្នាំ២០២៥។​

អត្ថបទ៖ សឹង រ៉ាត់​

The post ឆ្នេរ​ខ្សាច់​១ និង​ព្រែក​ចំនួន​៥ ​ក្នុង​ខេត្ត​កំពត ទទួល​​បាន​ជ័យលាភី​ ​ការ​ប្រឡង​ប្រណាំង​ឆ្នេរ​ខ្សាច់​កម្សាន្ត​ស្អាត​លើក​ទី​៤ ​និង​ព្រែក​កម្សាន្ត​ស្អាត​លើក​ទី​១ ​ឆ្នាំ២០២៣ appeared first on Kampuchea Thmey Daily.

លោក ម៉ៅ ធនិន អភិបាលខេត្តកំពត តម្រូវឱ្យរដ្ឋបាលខេត្តកំពតរៀបចំ ព្រឹត្តិការណ៍កំពតសង្ក្រាន្ត មានរយៈពេលចំនួន ៣ ថ្ងៃ ចាប់ពីថ្ងៃទី ១៤ រហូតដល់ ១៦ ខែមេសា ឆ្នាំ២០២៣ នៅបរិវេណនៅតាមបណ្ដោយមាត់ព្រែកកំពត និងនៅរង្វង់មូលទុរេនកំពត។

ព្រឹត្តិការណ៍កំពតសង្ក្រាន្តនេះ មានជាការរៀបចំកម្មវិធីសប្បាយៗជាច្រើន ទន្ទឹមគ្នានេះ រដ្ឋបាលខេត្តកំពតក៏បានអំពាវនាវឱ្យមន្ត្រីរាជការ និងប្រជាពលរដ្ឋ ភ្ញៀវជាតិ និងអន្តរជាតិ ចូលរួមលេងកម្សាន្តឱ្យបានច្រើនកុះករ។

លោក ម៉ៅ ធនិន អភិបាលខេត្តកំពត សូមឱ្យបងប្អូនប្រជាពលរដ្ឋសូមចូលរួមថែរក្សាបរិស្ថាន ដោយយកចិត្តទុកដាក់ខ្ពស់ក្នុងការទុកដាក់សំរាមឱ្យមានរបៀបរៀបរយ ឬ ចោលសំរាមនៅតាមធុង និងថង់ដែលក្រុមការងារបានរៀបចំសង្ក្រាន្តបានដាក់ធុងសំរាមនៅគ្រប់ទីកន្លែងនៅតាមដងផ្លូវក្នុងក្រុងកំពត។

រដ្ឋបាលខេត្តធ្វើបែបនេះដើម្បីសម្រួលដល់ប្រជាពលរដ្ឋដែលមកលេងកម្សាន្តកំពតសង្ក្រាន្តបុណ្យចូលឆ្នាំថ្មី ជួយថែរក្សាបរិស្ថាន និងគ្រប់គ្របសំរាមបានល្អ ព្រមទាំងផ្តល់ភាពងាយស្រួលដល់ពលរដ្ឋក្នុងការទុកដាក់សំរាម៕

អត្ថបទ៖ សឹង រ៉ាត់

The post អភិបាលខេត្តកំពត អំពាវនាពលរដ្ឋយកចិត្តទុកដាក់លើសំរាម ក្នុងឱកាសចូលឆ្នាំខ្មែរ appeared first on Kampuchea Thmey Daily.

សូមជម្រាបថា ​ខេត្តកំពត​ទទួលបាន ផ្ការ​រំដួល​បី​ទង​ក្នុង​ទិវា​ជាតិ​ទីក្រុង​ស្អាត​លើក​ទី​១១​ឆ្នាំ​២០២៣​នៅក្រោម​ប្រធានបទ​ទីក្រុង​កំពត​ជាទី​ក្រុង​ស្អាត​បដិសណ្ឋារកិច្ច​ល្អ​ម្ចាស់ផ្ទះ​កម្ពុជា​ផ្ដល់​ភាពកក់ក្ដៅ ត្រូវ​បាន​រៀបចំ​ពិធី​ប្រកាស​ជ័យលាភី​ជាទី​ក្រុង​ស្អាត​លើក​ទី ៣ ក្រោម​អធិបតីភាព​ដ៏​ខ្ពង់ខ្ពស់​របស់​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​កាល​ពីថ្ងៃ​ទី​២៧​ ខែកុម្ភៈ ​ឆ្នាំ​២០២៣​នៅ​សណ្ឋាគារ​សុខា​ភ្នំពេញ​។

​ជ័យលាភី​ដែល​ខេត្ត​កំពត​ទទួល​បាន​មាន ១-​ក្រុង​ទេសចរណ៍​គ្មាន​ផ្សែង​បារី​ទី​១ នៅ​កម្ពុជា របស់​សហព័ន្ធ​ត្រួតពិនិត្យ​ថ្នាំជក់​អាស៊ី​អាគ្នេយ៍​។ ២-​ពាន​ជ័យលាភី ទីក្រុង​ទេសចរណ៍​គ្មាន​ផ្សែង​បារី របស់​ក្រសួងទេសចរណ៍ និង​៣-​វិញ្ញាបនបត្រ​ទទួលស្គាល់ ក្រុង​កំពត ទីក្រុង​ទេសចរណ៍​គ្មាន​ផ្សែង​បារី របស់​ក្រសួងទេសចរណ៍​បន្ទាប់ពី​ពិធី​ប្រកាស​ជា​ផ្លូវការ ទីក្រុង​កំពត ជាទី​ក្រុង​ទេសចរណ៍​គ្មាន​ផ្សេង​បារី​រួចមក ឯកឧត្តម លោកជំទាវ​ជា​ថ្នាក់ដឹកនាំ​ក្រសួង ខេត្ត មន្ទីរ អង្គភាព​ជុំវិញ​ខេត្ត កងកម្លាំង​ទាំងបី​ប្រភេទ សិស្ស និស្សិត កម្លាំង​យុវជន​សហភាព​សហព័ន្ធ​យុវជន​កម្ពុជា​ខេត្តកំពត​ ​សមាជិក សមាជិកា សម្ពន្ធ​យុវជន​ស្រលាញ់​សន្តិភាព​ខេត្តកំពត ព្រមទាំង​ប្រជាពលរដ្ឋ​មកពី​សង្កាត់​ទាំង​៥​នៃ​ក្រុង​កំពត យ៉ាងច្រើន​កុះករ បាន​ចូលរួម​ដង្ហែ​ពាន​ទីក្រុង​ស្អាត​រំដួល​៣​ទង ឆ្នាំ​២០២២-២០២៤ ដោយបាន​ចេញដំណើរ​ពី​សាលា​ខេត្តកំពត រហូតដល់​រង្វង់​មូល​ទុរេន៕​

ដោយ ៖ សឹង រ៉ាត់

The post រដ្ឋបាល​ខេត្ត​កំពត​ រៀបចំ​ប្រកាស​ទីក្រុង​កំពត​ជា​ផ្លូវការ​ជាទី​ក្រុង​ទេសចរណ៍​គ្មាន​ផ្សែង​បារី appeared first on Kampuchea Thmey Daily.

​ក្នុងនោះ​មានទំនាស់​រវាង​ប្រជាពលរដ្ឋ និង​ប្រជាពលរដ្ឋ​ចំនួន ៦៧៦​ករណី​, ទំនាស់​រវាង​ប្រជាពលរដ្ឋ នឹង​ក្រុមហ៊ុន​ចំនួន ៣៣​ករណី​, ទំនាស់​រវាង​ប្រជាពលរដ្ឋ និង​អាជ្ញាធរ​ចំនួន ៣៥​ករណី​, ទំនាស់​ដី​កេរ្តិ៍មរតក និង​ទំនាស់​គ្រួសារ ចំនួន ២០៩​ករណី​, ករណី​រំលោភ​ផ្លូវ និង​បិទផ្លូវ​ចំនួន ២៦​ករណី​, សំណូមពរ​ផ្សេងៗ ១២៣​ករណី​, ករណី​ជំពាក់​ប្រាក់ ៤៧​ករណី គ្រឿងញៀន ចោរកម្ម ពលរដ្ឋ និង​សហគមន៍ គ្រោះថ្នាក់​ចរាចរណ៍ និង​ករណី​លុយ​តុងទីន​ចំនួន ៨​ករណី​។

លោក ម៉ៅ ធនិន អភិបាលខេត្ត​កំពត​បា​ន​លើកឡើង​ក្នុង​វេទិកា​អំពី​លក្ខខណ្ឌ និង​សំណូមពរ​របស់​ឱ្យ​ពលរដ្ឋ​ទាំងអស់ ចូលរួម​ដោយមាន​ការយោគយល់​គ្នា សណ្តោស​គ្នា អធ្យាស្រ័យ​គ្នា នៅ​គ្រប់​ចំណុច​ទាំងអស់​។

ការ​សម្របសម្រួល​ដោះស្រាយ​រាល់​ទំនាស់ និង​បញ្ហា​ទាំងអស់ ត្រូវ​ធ្វើ​ឡើង​តាមរយៈ​ឋានានុក្រម​ច្បាប់ និង​ឋានានុក្រម​គ្រួសារ ហើយ​ក្រោយពេល​ដោះស្រាយ​គូរ​ទំនាស់​ទាំងអស់ ត្រូវ​ទទួលស្គាល់ និង​ទទួលយក​នូវ​ការដោះស្រាយ​នេះ ព្រោះ​ការ​ដោះស្រាយ​មានការ​វាយ​តម្លៃ និង​ចូលរួម​ពី​អាជ្ញាធរ និង​មន្ទីរជំនាញ​ដែល​ពាក់ព័ន្ធ​ទាំងអស់​។

លោក​ម៉ៅ ធនិន អភិបាល​ខេត្ត​កំពត ក៏បាន​អះអាង​ថា ​នាពេល​កន្លងមក ធ្វើឱ្យ​ប្រជាពលរដ្ឋ​ក្នុង​ខេត្តកំពត​រស់នៅ​បាន​យ៉ាង​សុខដុម​រម្យ​នា​បំផុត ពិសេស​ការរស់នៅ​ដោយ​គ្មាន​ទំនាស់ ឬ​វិវាទ​នៅ​គ្រប់​មូលដ្ឋាន​ក្នុង​ក្រុង​-​ស្រុក ទូទាំង​ខេត្តកំពត៕

ដោយ ៖ សឹង រ៉ាត់

The post អភិបាល​ខេត្តកំពត បាន​បញ្ចប់​ដំ​ណោះស្រាយ​រឿង​ទំនាស់​ដីធ្លី​ក្រៅ​ប្រព័ន្ធតុលាការ​បាន​ជាង​១០០០​ករណី​ appeared first on Kampuchea Thmey Daily.

រដ្ឋបាលខេត្តកំពត លើកឡើងថា កំពុងរៀបចំកម្មវិធីបុណ្យឆ្លងឆ្នាំសាកល ធំជាងព្រឹត្តិការណ៍បុណ្យអុំទូកកន្លងមកនេះ និងមានកន្លែងកម្សាន្តជាច្រើនកន្លែង ដោយរំពឹងថា ជនរួមជាតិ ភ្ញៀវអន្តរជាតិ នឹងយកខេត្តកំពត ជាគោលដៅទេសចរណ៍សម្រាប់បុណ្យចូលឆ្នាំសាកលឆ្នាំ២០២២ ឈានចូល ឆ្នាំ២០២៣នេះ។

អាជ្ញាធរខេត្តកំពត សូមអំពាវនាវដល់ប្រជាពលរដ្ឋ ដែលធ្វើដំណើរមកលេងកម្សាន្តខេត្តកំពតទាំងអស់ សូមចូលរួមគោរពច្បាប់ចរាចរណ៍ ចូលរួមសម្អាតបរិស្ថានដោយមិនត្រូវចោលសំរាមពាសវាលពាលកាល និងបានកោតសសើរដល់បងប្អូនដែលកន្លងមកបានចូលរួមថែរក្សាបរិស្ថាន និងសុំចូលរួមបន្តទៀត។

នាយករដ្ឋបាលខេត្ដកំពត បានប្រាប់ឱ្យដឹងថា រដ្ឋបាលខេត្តបានសហការជាមួយមន្ទីរ អង្គភាពពាក់ព័ន្ធនានាជុំវិញខេត្ត បានរៀបចំកម្មវិធីប្រណាំងទូកម៉ាស៊ីន និងប្រណាំងទូកអុំ ប្រជានេសាទរ មានចំនួន ១០៤គូ ស្មើនឹង ២០៨ទូក ដើម្បីបង្ហាញនៅតាមបណ្តោយធ្នេរខ្សាច់ កោះស្មៅ ស្ថិតនៅក្នុងភូមិជុំគ្រៀល ឃុំជុំគាល ស្រុកទឹកឈូ។

អាជ្ញាធរបានសហការជាមួយ សហភាពសហព័ន្ធយុវជនកម្ពុជា ខេត្តកំពត បានរៀបចំតុបតែងដាក់អំពូលភ្លើងពណ៌ចម្រុះលម្អតាមដងផ្លូវ និងតាមសួនច្បារ សណ្ឋាគារ មានភាពស្រស់ស្អាត និងរក្សាបាននូវសន្តិសុខសណ្តាប់ធ្នាប់ ជាពិសេសចរាចរណ៍ ដើម្បីប្រជាពលរដ្ឋមកលេងកម្សាន្តសប្បាយរីករាយ។

អាជ្ញាធរបានរៀបចំកន្លែងកម្សាន្តសម្រាប់ថ្ងៃឆ្លងឆ្នាំ ក្រៅពីកន្លែងដើរកម្សាន្តនៅតាមបណ្តោយមាត់ព្រែកមុខសាលាខេត្តកំពត ថែមទាំងមានការប្រគំតន្ត្រីនៅតាមទីតាំងមួយចំនួន និងមានរៀបចំបំភ្លឺភ្លើងនៅលើទូកទេសចរណ៍នៅតាមដងព្រែកកំពតផងដែរ៕

អត្ថបទ៖ សឹង រ៉ាត់

The post អាជ្ញាធរខេត្តកំពត រៀបចំបុណ្យឆ្លងឆ្នាំសាកល ៣ថ្ងៃ កាន់តែទាក់ទាញ appeared first on Kampuchea Thmey Daily.