ការបង្ហោះវីដេអូលើបណ្ដាញ Facebook របស់នាយកដ្ឋានប៉ូលិសទីក្រុង Crawford បានឲ្យដឹងថា អត្តសញ្ញាណមន្ត្រីអនុវត្តច្បាប់ដែលពាក់ព័ន្ធនឹងការចាប់ខ្លួននេះមានដូចជា លោក Zack King និង Levi White ជាមន្ត្រីប៉ូលិសរងទីក្រុង Crawford ។

ចំណែកប៉ូលិសម្នាក់ទៀតនោះគឺលោក Thell Riddle ជាមន្ត្រីនៃនាយកដ្ឋានប៉ូលិសទីក្រុង Mulberry ខណៈជនសង្ស័យមានឈ្មោះ Randal Worcester អាយុ ២៧ ឆ្នាំមកពីទីក្រុង Goose Creek រដ្ឋ South Carolina ។

ទន្ទឹមនោះ ការិយាល័យមេធាវីអាមេរិកប្រចាំតំបន់ភាគខាងលិចនៃរដ្ឋ Arkansas បានបញ្ជាក់ថា ការស៊ើបអង្កេតសិទ្ធិពលរដ្ឋលើឧប្បត្តិហេតុនេះត្រូវបានបើកដំណើរការ ខណៈការិយាល័យ FBI និងផ្នែកសិទ្ធិស៊ីវិលនៃក្រសួងយុត្តិធម៌សហរដ្ឋអាមេរិកក៏កំពុងស៊ើបអង្កេតផងដែរ ។

សេចក្តីថ្លែងការណ៍របស់ការិយាល័យមេធាវីអាមេរិកបានឲ្យដឹងថា “FBI និងប៉ូលិសរដ្ឋ Arkansas នឹងប្រមូលភស្តុតាងដែលមានទាំងអស់ ហើយនឹងធានាថា ការស៊ើបអង្កេតត្រូវបានធ្វើឡើងដោយយុត្តិធម៌ ហ្មត់ចត់ និងមិនលម្អៀងឡើយ” ៕

ប្រែសម្រួលដោយ ៖ ជិវ័ន្ត

ប្រភព ៖ CNN

ចុចអាន ៖ កូរ៉េខាងជើង អាចបាញ់នុយក្លេអ៊ែរ មុនការបោះឆ្នោតពាក់​កណ្ដាលអាណត្តិរបស់ អាមេរិក

The post ប៉ូលិសអាមេរិក ៣ នាក់ទៀតយកជង្គង់សង្កត់ និងវាយក្បាលជនសង្ស័យ​ផ្ទប់ដី (មានវីដេអូ) appeared first on Kampuchea Thmey Daily.

លោក Lang Holland ប្រធានប៉ូលិសនៃទីក្រុង Marshall ដែលមានប្រជាជនប្រហែល១,៣០០នាក់បានបង្កឲ្យមានកំហឹងពីសំណាក់ប្រជាពលរដ្ឋក្នុងតំបន់និងប្រជាជននៅទូទាំងប្រទេសបន្ទាប់ពីបានធ្វើអត្ថាធិប្បាយដ៏ចម្លែកតាមអ៊ីនធើណិតក្នុងរយៈពេលប៉ុន្មានថ្ងៃថ្មីៗនេះ។ ក្រៅពីនិយាយម្តងហើយម្តងទៀតថាអ្នកប្រជាធិបតេយ្យគួរតែត្រូវបានសម្លាប់នោះ គាត់បានចែករំលែក meme ពីទ្រឹស្តីឃុបឃិត QAnon ហើយបានអះអាងថា សន្លឹកឆ្នោតត្រូវបានគេលួច។

លោក Holland បានបង្ហោះលើ Parler ដែលជាគេហទំព័រប្រព័ន្ធផ្សព្វផ្សាយសង្គមថ្មីពេញនិយមសម្រាប់អ្នកអភិរក្សនិងត្រូវបានប្រើជាជម្រើសជំនួស Twitter ថា “ស្លាប់ទៅអ្នកប្រជាធិបតេយ្យម៉ាក្សនិយមទាំងអស់។ មិនត្រូវឲ្យអ្នកទោសណាម្នាក់មានជីវិតរស់ទេ”។

រូបភាពមួយដែលគាត់ចែកចាយបានបង្ហាញពីអ្នកប្រជាធិបតេយ្យមួយក្រុមរួមទាំងលោកស្រី Hillary Clinton និងលោក Barack Obama ផងដែរដែលពាក់សម្លៀកបំពាក់ជាប់ពន្ធនាគារ។ នៅក្រោមរូបភាព គាត់បានសរសេរថា “ខ្ញុំសូមអធិស្ឋានដល់អស់អ្នកដែលនៅក្នុងរូបភាពត្រូវគេព្យួរ.ក!!!! អ្វីដែលទាបគឺមិនអាចទទួលយកបានទេ”។

ទោះបីជាយ៉ាងណាក៏ដោយ CNN មិនអាចទាក់ទងសុំការអត្ថាធិប្បាយបានទេ។ គណនី Parler របស់គាត់ត្រូវបានដាក់ជាលក្ខណៈឯកជនកាលពីថ្ងៃសៅរ៍៕

ប្រែសម្រួលដោយ៖ Vann Vann

ប្រភព៖ CNN

The post មេប៉ូលិសរដ្ឋ Arkansas អំពាវនាវឲ្យមានអំពើហិង្សាប្រឆាំងក្រុមអ្នកប្រជាធិបតេយ្យ appeared first on Kampuchea Thmey Daily.