TikTok អះអាងថា ការហាមប្រាមកម្មវិធីនេះ គឺមិនស្របនឹងរដ្ឋធម្មនុញ្ញ និងរំលោភបំពានលើសិទ្ធិវិសោធនកម្មទី១ ក៏ដូចជាច្បាប់សហព័ន្ធផ្សេងទៀតជាដើម ។ រដ្ឋ Montana មិនមានសិទ្ធិអំណាចក្នុងការអនុម័តច្បាប់ដែលជាគោលនយោបាយការបរទេសរបស់សហរដ្ឋអាមេរិក ឬផលប្រយោជន៍សន្តិសុខជាតិរបស់ខ្លួននោះទេ ហើយរដ្ឋមួយនេះក៏មិនអាចហាមឃាត់វេទិកាទាំងមូលសម្រាប់ការទំនាក់ទំនងដោយផ្អែកលើការយល់ឃើញរបស់ខ្លួនផងដែរ ។

ទន្ទឹមនោះ អ្នកនាំពាក្យ TikTok លោក Brooke Oberwetter បាននិយាយថា ក្រុមហ៊ុនកំពុងធ្វើការប្រឈមនឹងការហាមឃាត់មិនស្របតាមរដ្ឋធម្មនុញ្ញរបស់រដ្ឋ Montana ដើម្បីការពារអាជីវកម្មរបស់ពួកគេ និងសិទ្ធិរបស់អ្នកប្រើប្រាស់រាប់ពាន់នាក់នៅរដ្ឋមួយនេះ ។  

គួរឲ្យដឹងថា ចំពោះច្បាប់ពិន័យ និងហាមប្រាមនេះ ត្រូវបានចុះហត្ថលេខាដោយអភិបាលរដ្ឋ Montana លោក Greg Gianforte កាលពីសប្តាហ៍មុន ហើយអ្នកដែលល្មើសច្បាប់នឹងត្រូវពិន័យ​ ១ ម៉ឺនដុល្លារក្នុងមួយថ្ងៃ ខណៈដែលច្បាប់មួយនេះត្រូវបានសមាជិកសភានៅរដ្ឋ Montana​ បានបោះឆ្នោតគាំទ្រកាលពីខែមេសាកន្លងទៅ ។

ស្របពេលជាមួយគ្នានេះ ក្រៅពីរដ្ឋ​ Montana, សហរដ្ឋអាមេរិកទាំងមូល និងប្រទេសមួយចំនួនទៀតក៏បានដាក់កម្រិតលើ TikTok រួចទៅហើយផងដែរ ដោយបារម្មណ៍ពី​សុវត្ថិភាពទិន្នន័យអ្នកប្រើប្រាស់ ៕​

ប្រែសម្រួល ៖ នាង រតនៈ

ប្រភព ៖ Anadolu

The post TikTok ប្ដឹងបកទៅរដ្ឋ Montana របស់អាមេរិក ជុំវិញការហាមឃាត់កម្មវិធី​របស់ខ្លួន appeared first on Kampuchea Thmey Daily.

អភិបាលរដ្ឋលោក Greg Gianforte បានចុះហត្ថលេខាលើបម្រាមនេះឲ្យទៅជាច្បាប់ នៅថ្ងៃព្រហស្បតិ៍ទី១៨ខែឧសភា ហើយវានឹងចូលជាធរមាននៅថ្ងៃទី១ខែមករាឆ្នាំ២០២៤។

ទោះបីជាយ៉ាងណាក៏ដោយ កម្មវិធីចែករំលែកវីដេអូនេះនិយាយថា ការហាមឃាត់នេះ គឺរំលោភលើសិទ្ធិវិសោធនកម្មទីមួយនៃពលរដ្ឋ Montana។

TikTok បានស្ថិតនៅក្រោមការត្រួតពិនិត្យពីអាជ្ញាធរជុំវិញពិភពលោក ពាក់ព័ន្ធក្តីព្រួយបារម្ភថា ទិន្នន័យរបស់អ្នកប្រើ អាចត្រូវបានបញ្ជូនទៅរដ្ឋាភិបាលចិន។

លោក Gianforte មកពីគណបក្សសាធារណរដ្ឋ បានប្រាប់សមាជិកសភាថា “ការហាមឃាត់កាន់តែទូលំទូលាយ នឹងជួយឲ្យយើងការពារពលរដ្ឋ Montana ពីការឃ្លាំមើលរបស់គណបក្សកុម្មុយនិស្តចិន កាន់តែរឹងមាំជាងមុន”។

យ៉ាងណា TikTok ត្រូវបានគេរំពឹងថា នឹងជំទាស់ចំពោះច្បាប់នេះ នៅក្នុងតុលាការ។

គួរបញ្ជាក់ថា យោងតាមច្បាប់នេះ វានឹងក្លាយជារឿងខុសច្បាប់ចំពោះ App Store ដែលដាក់កម្មវិធី TikTok ឲ្យ Download ប៉ុន្តែវាមិនហាមឃាត់ពីការប្រើប្រាស់នោះទេ​ ចំពោះអ្នកណាដែលមានកម្មវិធី TikTok រួចហើយ៕

ប្រែសម្រួល៖ Vann Vann

ប្រភព៖ BBC

ចុចអាន៖ ថៃ សហការជាមួយ TikTok ប្រយុទ្ធប្រឆាំងព័ត៌មានក្លែងក្លាយ ទាក់ទងការបោះឆ្នោត

The post Montana ក្លាយជារដ្ឋដំបូងគេរបស់អាមេរិក ហាមឃាត់ពលរដ្ឋមិនឲ្យលេង TikTok appeared first on Kampuchea Thmey Daily.