គណៈកម្មាធិការរៀបចំការបោះឆ្នោតរបស់ប្រទេសថៃ (ECT) កាលពីពេលថ្មីៗនេះ បានចុះហត្ថលេខាលើកិច្ចព្រមព្រៀងសហប្រតិបត្តិការជាមួយកម្មវិធីវីដេអូខ្លី TikTok របស់ក្រុមហ៊ុនបច្ចេកវិទ្យា ByteDance ដើម្បីផ្សព្វផ្សាយព័ត៌មានឲ្យត្រឹមត្រូវអំពីការបោះឆ្នោតសកលឆ្នាំ២០២៣ នាពេលខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមកិច្ចព្រមព្រៀងដែលចុះហត្ថលេខារវាង ECT និង Tik Tok, មជ្ឈមណ្ឌលព័ត៌មានបោះឆ្នោតថៃ នឹងត្រូវបានបង្កើតឡើងលើ TikTok ដើម្បីដោះស្រាយរាល់ព័ត៌មានក្លែងក្លាយនៅលើវេទិកាក្នុងអំឡុងពេលដំណើរការបោះឆ្នោត និង​យុទ្ធនាការឃោសនា​របស់​គណបក្ស​នយោបាយ​នីមួយៗនៅ​ក្នុង​ប្រទេស​ថៃ។

ខ្លឹមសារនៃកិច្ចព្រមព្រៀងនេះក៏រួមបញ្ចូលផងដែរ នូវការបង្កើតដំណើរការមួយដើម្បីទប់ស្កាត់ព័ត៌មានមិនពិត និងព័ត៌មានប្រឆាំងនៅលើ TikTok។

ក្រុមហ៊ុន​ ByteDance និយាយថា​ មានមនុស្សពេញវ័យ៤០.៣លាននាក់ បានប្រើប្រាស់ TikTok នៅក្នុងប្រទេសថៃ។

នៅជុំវិញពិភពលោក ប្រទេសលោកខាងលិចជាច្រើន បានហាមឃាត់វេទិកាដ៏ពេញនិយមនេះពីឧបករណ៍ចល័តរបស់រដ្ឋាភិបាលទាំងអស់។

យោងតាមទីភ្នាក់ងារសារព័ត៌មាន AP, សេតវិមាននឹងផ្តល់ពេល៣០ថ្ងៃដល់ទីភ្នាក់ងារសហព័ន្ធទាំងអស់ដើម្បីលុបកម្មវិធី TikTok ចេញពីឧបករណ៍របស់រដ្ឋាភិបាលទាំងអស់ ខណៈទីក្រុងវ៉ាស៊ីនតោន កំពុងត្រួតពិនិត្យកម្មវិធីប្រព័ន្ធផ្សព្វផ្សាយសង្គមរបស់ចិនមួយនេះកាន់តែខ្លាំង ​ដោយ​សារ​ក្តី​ព្រួយ​បារម្ភ​ផ្នែក​សន្តិសុខ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ VN Plus

ចុចអាន៖ លោក Zelensky ទើបដឹងថា ខ្លួនក្លាយជាតារា TikTok