សារព័ត៌មាន CNN បាននិយាយថា ប៉ូលិសបានទៅដល់កន្លែងកើតហេតុភ្លាមៗ នៃការបាញ់ប្រហារនៅឯបារ៍ Torch Club Bar & Grille ក្នុងទីក្រុង នៅម៉ោង ២ ព្រឹក (ម៉ោងនៅសហរដ្ឋអាមេរិក) ។

ទន្ទឹមនោះ បណ្តាញសារព័ត៌មានក្នុងស្រុក WKBN ក៏បានឲ្យដឹងដែរថា ហេតុការណ៍នោះ ផ្ដើមចេញពីការឈ្លោះប្រកែកគ្នានៅជិតបារ៍ បន្ទាប់មកក៏មានការបាញ់តបតគ្នា ដោយកាំភ្លើង ។

សារព័ត៌មាន WKBN បាននិយាយថា ពេលនោះក៏មានឧប្បត្តិហេតុគ្រោះថ្នាក់ចរាចរណ៍ រវាងរថយន្ត ៤ គ្រឿងបុកគ្នាផងដែរ នៅលើផ្លូវក្បែរបារ៍នោះ បន្ទាប់ពីការបាញ់ប្រហារបានផ្ទុះឡើង ។

គេនៅមិនទាន់ដឹងទេថាតើ ជនរងគ្រោះណាម្នាក់នៃការបាញ់ប្រហារ បានជាប់ពាក់ព័ន្ធនឹងគ្រោះថ្នាក់ចរាចរណ៍ រវាងរថយន្ត ៤ គ្រឿងនេះឬក៏យ៉ាងណានោះទេ ខណៈការស៊ើបអង្កេតរបស់ប៉ូលិស កំពុងដំណើរការ ។

សារព័ត៌មាន WKBN បន្តថា ទីក្រុងនេះមានករណីឃាតកម្មចំនួន ១១ ករណីហើយនៅឆ្នាំនេះ ខណៈមនុស្ស ៤២ នាក់ត្រូវបានបាញ់ និងរងរបួស ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ ផ្ទុះការបាញ់ប្រហារក្នុងហាងលក់កាំភ្លើងនៅអាមេរិក ស្លាប់ ៣ នាក់

ចុចអាន ៖ ផ្ទុះការបាញ់ប្រហារក្នុងពិធីជប់លៀងនៅអាមេរិក ស្លាប់ និងរងរបួសមនុស្ស ១៥ នាក់

The post ទៀតហើយ! ផ្ទុះការ បាញ់ ប្រហារក្នុងបារ៍មួយកន្លែងនៅអាមេរិក ស្លាប់ និងរបួស ៨ នាក់ appeared first on Kampuchea Thmey Daily.