យោងតាមរដ្ឋមន្ត្រីច្បាប់ ភាពចលាចលបានផ្ទុះឡើង នៅពេលដែលអ្នកទោសប្រហែល១០០០នាក់ បានប្រមូលផ្តុំគ្នានៅទីវាលអំឡុងពេលរញ្ជួយដី ដែលបង្កការលំបាកដល់ឆ្មាំគុកក្នុងការថែរក្សាសណ្តាប់ធ្នាប់។ អ្នកទោសខ្លះត្រូវបានគេរាយការណ៍ថា បានប្រើកម្លាំងឆក់យកអាវុធ​ពី​ឆ្មាំគុក​ ហើយបានទម្លុះទ្វារធំ បណ្តាលឱ្យមានការបាញ់ប្រហារមួយ បណ្តាលឲ្យអ្នកទោសម្នាក់ស្លាប់ និងបុគ្គលិកពន្ធនាគារចំនួន ៣នាក់រងរបួស។

មក​ដល់​ថ្ងៃ​អង្គារ អ្នក​រត់​គេច​ខ្លួន​ប្រហែល ៨០​នាក់ ត្រូវ​បាន​ចាប់​ខ្លួន​ឡើង​វិញ។ អ្នករត់គេចខ្លួនជាច្រើននាក់ត្រូវបានគេនិយាយថាជាឧក្រិដ្ឋជនតូចតាច ប៉ុន្តែក្រុមមន្ត្រីបានព្រមានថាការរត់គេចពីមន្ទីរឃុំឃាំងអាចនាំឱ្យមានការចោទប្រកាន់ពាក់ព័ន្ធនឹងអំពើភេរវកម្មកាន់តែធ្ងន់ធ្ងរ។

ប៉ូលិស និងកងកម្លាំងប្រដាប់អាវុធរបស់ទីក្រុង Karachi កំពុងបន្តការតាមប្រមាញ់ ខណៈដែលឧបទ្ទវហេតុបង្កការព្រួយបារម្ភយ៉ាងខ្លាំងអំពីសន្តិសុខពន្ធនាគារ និងការឆ្លើយតបគ្រាអាសន្ននៅក្នុងប្រទេស៕

អត្ថបទ៖​ ប៊ុន សុភាព

The post អ្នកទោសជាង២០០ នាក់រត់គេចពីគុកនៅប៉ាគីស្ថាន ចំពេលមានរញ្ជួយដី appeared first on Kampuchea Thmey Daily.

សូមរម្លឹកថា កាលពីរសៀលថ្ងៃទី២៨ ខែតុលា វេលាម៉ោង ៤៖៤០នាទីរសៀល ជនជាប់ឃុំជនជាតិវៀតណាម ឈ្មោះ ង្វៀង តុងហ្វឹង(NGUYEN TRONG NGUYEN) បានធ្វើ សកម្មភាពរត់គេចខ្លួនក្នុងអំឡុងពេលទទួលបានការអនុញ្ញាតឱ្យជួបគ្រួសារមកសួរសុខទុក្ខ ហើយឆ្លៀតពេល ដែលមន្ត្រីយាមកាមមានការធ្វេសប្រហែសមិនបានចាក់សោរសុវត្ថិភាព ជនជាប់ឃុំរូបនេះក៏រត់ចេញពីបន្ទប់ សំដៅទៅគូកន ឈ្មោះថា ហ្វៀង ឌីងទន់ ភេទប្រុស អាយុ១៧ឆ្នាំ ដែលបានរង់ចាំជាស្រេច និងបានយកអាវុធខ្លីពីគូកនតម្រង់គំរាមទៅមន្ត្រីដែលដេញតាមពីក្រោយ រួចហើយឡើងជិះម៉ូតូដែលត្រៀមរង់ចាំនៅរបងកំផែងខាងក្រៅជិះគេចខ្លួនបាត់ទៅ។

ក្រោយទទួលកើតមានករណីនេះ អគ្គនាយកដ្ឋានពន្ធនាគារ បានចាត់តាំងក្រុម ការងារជំនាញចុះធ្វើការស្រាវជ្រាវជាបន្ទាន់បន្ទាប់ពីហេតុការណ៍នេះបានកើតឡើង។

ក្រោមកិច្ចសហការរួម  និងអនុវត្តតាមបទបញ្ជារបស់ នាយឧត្តមសេនីយ៍ ស ថេត អគ្គស្នងការនគរបាលជាតិ, អគ្គស្នងការរងទទួលផែន និងឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ, កម្លាំងជំនាញរបស់នាយកដ្ឋាននគរបាលព្រហ្មទណ្ឌ ដឹកនាំដោយលោកឧត្តមសេនីយ៍ត្រី ហ៊ុន មុន្នីរ័ត្ន, វរសេនីយ៍ឯក ហែម បូណា, វរសេនីយ៍ឯក ឆាន់ គិតលី អនុប្រធាននាយកដ្ឋាន បានដឹកនាំសហការជាមួយកម្លាំងជំនាញរបស់ស្នងការដ្ឋាននគរបាលខេត្តស្វាយរៀង ដើម្បីធ្វើការស៊ើបអង្កេត និងស្រាវជ្រាវទណ្ឌិត និងបក្ខពួកមកផ្តន្ទាទោស។

ផ្អែកតាមការស្រាវជ្រាវយ៉ាងយកចិត្តទុកដាក់ ជាមួយបណ្ដាអង្គភាព និងស្ថាប័នពាក់ព័ន្ធ នាយកដ្ឋាននគរបាលព្រហ្មទណ្ឌ បានសហការ និងផ្ដល់ព័ត៌មានជូនសមត្ថកិច្ចវៀតណាម ហើយឈានដល់ការចាប់ខ្លួនជនសង្ស័យទាំង២នាក់ ម្នាក់ជាទណ្ឌិតដែលត្រូវរំដោះ និងម្នាក់ដែលជាអ្នកមករំដោះ។

បច្ចុប្បន្នកម្លាំងនាយកដ្ឋាននគរបាលព្រហ្មទណ្ឌ កំពុងសហការជាមួយអង្គភាព ស្ថាប័នពាក់ព័ន្ធ ដើម្បីចាត់ការបន្ដតាមនីតិវិធី៕

The post Breaking News! ជនជាប់ឃុំជនជាតិវៀតណាមដែលរត់ចេញពីពន្ធនាគារស្វាយរៀង ត្រូវចាប់ខ្លួនបានមកវិញហើយ appeared first on Kampuchea Thmey Daily.

ក្រោយកើតមានករណីនេះ អគ្គនាយកដ្ឋានពន្ធនាគារ បានចាត់តាំងក្រុម ការងារជំនាញចុះធ្វើការស្រាវជ្រាវជាបន្ទាន់។ តាមរយៈសេចក្ដីបំភ្លឺចេញនៅថ្ងៃទី៣១ ខែតុលា នេះ  អគ្គនាយកដ្ឋានពន្ធនាគារ អះអាងថា ឆ្លងតាមការពិនិត្យ គឺឃើញថា ខ្លឹមសារមួយចំនួនដែលបានចុះផ្សាយលើបណ្តាញសារព័ត៌មានមិនបានឆ្លុះបញ្ចាំងនូវការពិតទាំងស្រុង អំពីហេតុការណ៍ជាក់ស្តែងក្នុងអំឡុងពេលកើតហេតុនោះឡើយ។

តាមសេចក្ដីបំភ្លឺអគ្គនាយកដ្ឋានពន្ធនាគារទទួលស្គាល់ថា ពិតជាមានហេតុការណ៍ជនជាប់ឃុំជនជាតិវៀតណាម ម្នាក់ ឈ្មោះ ង្វៀង តុងហ្វីង (NGUYEN TRONG NGUYEN) ភេទប្រុស បានរត់គេចចេញពីពន្ធនាគារខេត្ត ស្វាយរៀងកាលពីរសៀលថ្ងៃទី២៨ ខែតុលា ឆ្នាំ២០២៤ ពិតប្រាកដមែន។

តាមអគ្គនាយកដ្ឋានពន្ធនាការ ការរត់គេចខ្លួនរបស់ជនជាប់ឃុំជនជាតិវៀតណាមខាងលើ មិនមែនជាសកម្មភាពចូលរំដោះ អ្នកទោសចេញពីក្នុងពន្ធនាគារ ឬសកម្មភាពប្រដាប់អាវុធរំដោះអ្នកទោសនោះទេ។

អគ្គនាយកដ្ឋានពន្ធនាគារបានឱ្យដឹងថា ជនជាប់ឃុំជនជាតិវៀតណាម ឈ្មោះ ង្វៀង តុងហ្វីង បានធ្វើ សកម្មភាពរត់គេចខ្លួនក្នុងអំឡុងពេលទទួលបានការអនុញ្ញាតឱ្យជួបគ្រួសារមកសួរសុខទុក្ខ ហើយឆ្លៀតពេល ដែលមន្ត្រីយាមកាមមានការធ្វេសប្រហែសមិនបានចាក់សោរសុវត្ថិភាព ជនជាប់ឃុំរូបនេះក៏រត់ចេញពីបន្ទប់ សំដៅទៅគូកនដែលបានរង់ចាំជាស្រេច និងបានយកអាវុធខ្លីពីគូកនតម្រង់គំរាមទៅមន្ត្រីដែលដេញតាមពី ក្រោយ រួចហើយឡើងជិះម៉ូតូដែលត្រៀមរង់ចាំនៅរបងកំផែងខាងក្រៅជិះគេចខ្លួនបាត់ទៅ។

សេចក្ដីបំភ្លឺ បានឱ្យដឹងទៀតថា អគ្គនាយកដ្ឋានពន្ធនាគារ និងសមត្ថកិច្ចពាក់ព័ន្ធបាននឹងកំពុងតាមស្វែងរកចាប់ជនជាប់ឃុំ ឈ្មោះ ង្វៀង តុងហ្វីង មកវិញ រួមទាំងគូកន ដើម្បីយកមកផ្តន្ទាទោសតាមច្បាប់។

តាមរយៈការបំភ្លឺអគ្គនាយកដ្ឋានពន្ធនាគារ អំពាវនាវដល់សារព័ត៌មាន គួរផ្សព្វផ្សាយអំពីករណីនេះដោយផ្អែកលើមូលដ្ឋាន ប្រភពច្បាស់លាស់ និងដោយសុភវិនិច្ឆ័យ ចៀសវាងការធ្វើអត្ថាធិប្បាយខុសពីការពិតនាំឱ្យមានការភ័ន្តច្រឡំ ប៉ះពាល់ដល់កិត្តិយស និងសេចក្តីថ្លៃថ្នូរ៕

ដោយ៖ ង៉ិល ណារ៉ាត់

The post សមត្ថកិច្ច លម្អិតករណីវៀតណាមជាប់ឃុំម្នាក់ រត់ចេញពីពន្ធនាគារស្វាយរៀង ពេលមន្ត្រីយាមកាមធ្វេសប្រហែស appeared first on Kampuchea Thmey Daily.