លោក ងន សាំង ​អគ្គនាយកក្រុមហ៊ុន អ អិម អេ ខេមបូឌា ​មានប្រសាសន៍ថា ​ទីផ្សាររថយន្ត​នៅ​កម្ពុជា មានកំណើនពីមួយ​ឆ្នាំទៅមួយឆ្នាំ បន្ទាប់ពីវិបត្តិជំងឺកូវីដ១៩។

លោក ងន​ សាំងបន្ថែមថា ​កំណើន​នៃទីផ្សារ​រថយន្ត ដោយសារប្រជាជនកម្ពុជា​សម្បូរ​ដោយ​មនុស្ស​វ័យ​ក្មេង ហើយដល់ពេល​ដែល​ពួក​គាត់មាន​តម្រូវ​ការរថយន្ត។​

ស្ថានភាពសេដ្ឋកិច្ចកម្ពុជាមានភាពល្អប្រសើរជាងមុន មនុស្សម្នាក់ៗ មានការងារធ្វើ ដែល​នាំឱ្យពួកគាត់មានចំណូលច្រើនជាងមុន ហើយធ្វើឱ្យមានតម្រូវការរថយន្តក៏កើនឡើងដែរ ខណៈអ្នកវិនិយោគ ក៏ច្រើនជាងមុនដែរ ព្រោះអ្នកវិនិយោគក៏ត្រូវការវិនិយោគច្រើនជាងមុនដែរ។​

​នៅ​ឆ្នាំ២០២៤ កម្ពុជាបានចំណាយប្រាក់ជាង១ពាន់លានដុល្លារ ក្នុងការនាំចូលនូវ​យានយន្តគ្រប់​ប្រភេទ​ធៀបនឹងឆ្នាំ២០២៣​ ដែលមានទឹកប្រាក់សរុបជិត ៩០៣ លានដុល្លារ៕

The post កម្ពុជា​នាំចូល​រថយន្ត​មាន​ទំហំជិត ១ ​ពាន់លានដុល្លារ ​កើន​ជាង ៥០% appeared first on Kampuchea Thmey Daily.

លោក Jim Dukhovny នាយក​ប្រត្តិបត្តិ​​ Alef Aeronautics បាន​សម្តែង​អារម្មណ៍​រំភើបថា​៖​«ពួក​យើង​សប្បាយ​ចិត្ត​ដែល​​អាច​ផលិត​រថយន្តនេះ​បាន​ តាម​អ្វី​ដែល​យើង​រំពឹង​ទុក។ ហើយទី​បំផុត ​ពួក​យើង​បាន​សម្រច​បំណង​ដែល​អាច​ធ្វើឱ្យ​រថ​យន្ត​អាច​ហោះ​បាន​»។ នេះ​បើតាម​អ្វី​ដែល​លោក​បាន​និយាយ​កាល​ពី​ថ្ងៃទី៩​ខែ​ឆ្នូ ឆ្នាំ​២០២៥ តាម​រយៈ​កាសែត New York Post។

ក្រុមហ៊ុន​ បាន​​ឲ្យ​ដឹង​​ថា រថយន្តម៉ូដែល A គឺ​ប្រើ​ថាម​ពល​​អគ្គិសនី​សុទ្ធ​ដែល​អាច​ចល័តដោយ​សុវត្ថិភាព​​ ជាមួយ​សមត្ថភាព​ចុះ​ចត​ដោយ​ពុំ​​មាន​គ្រោះ​ថ្នាក់​។ រថ​យន្ត​នេះ​ផលិត​នៅ​រោង​ចក្រ Silicon Valley ម៉ាក​ Alef ហើយ​វា​មាន​តម្លៃ ៣០ម៉ឺន​ដុល្លាអាមេរិក សម្រាប់ការ​កក់​​​ទុក​​មុន​។ រថយន្ត​​ដែល​ចេញ​ដំបូង​គេ​ នឹង​មាន​ការ​ធានា​ដោយ​អ្នក​ជំនាញ​យានយន្ត​​ជា​ច្រើន​ខែ ជាពិសេស​ក្រុម​ហ៊ុន​បាន​ឱ្យ​អតិថិជន​សាកល្បង​ជាក់​ស្តែង​ផង​ដែរ មុនពេល​ទិញ​យក​ទៅ​ប្រើ​ប្រាស់។

គួរឱ្យ​ដឹង​ផង​ដែរ​ថា រថយន្ត​ម៉ូដែល A អាច​បើកបរ​បាន​ទាំង​នៅ​លើ​ដី​​ ហើយ​មាន​មុខ​ងារ​ដូច​រថយន្តអគ្គិសនី​ធម្មតា​ ដែល​ដំណើរ​ការ​ដោយ​ម៉ាស៊ីន​តូចៗ​ចំនួន៤​ ម៉ាស៊ីន​នោះ​​មាន​ទី​តាំង​នៅ​ក្នុង​កង់​នីមួយៗ​របស់​រថ​យន្ត​។ ទោះ​ជា​យ៉ាង​ណា​ក៏​ដោយ នៅពេល​ដែល​រួចរាល់ដាក់ឱ្យ​ដំណើរ​​​ការនៃ​ការ​ហោះ​ហើរ រថយន្ត​នេះ​ប្រើ​ប្រាស់​ម៉ាស៊ីន​រុញដ៏​មាន​ថាមពល​ជុំវិញ​កៅ​អី​អ្នក​បើក​បរ​ដើម្បី​លើក​ចេញ ដោយ​ឈានដល់ល្បឿន ១១០ម៉ាយក្នុងមួយម៉ោង (ស្មើនឹង​១៧៧គីឡូម៉ែត្រក្នុងមួយម៉ោង) នេះ​បើ​យោង​តាម​សារព័ត៌​មាន Daily Mail។

រថយន្ត​នេះ​មាន​ទម្ងន់​ត្រឹម​តែ ៣៨៥​គីឡូក្រាម ហើយ​ម៉ូដែល A មានលក្ខណៈ​សម្បត្តិ​គ្រប់គ្រាន់​ជារថយន្ត​ដែល​មាន​ល្បឿន​យឺត​ល្មម​ វា​កំណត់​បាន​ ២៥ម៉ាយ ​ក្នុង​មួយ​ម៉ោង​នៅ​លើ​ផ្លូវ​សាធារណៈ (​​ក្នុង១ម៉ាយ​មាន​​ចម្ងាយស្មើ​១.៦​គីឡូម៉ែត្រ​)។ រថយន្ត Alef បាន​ទទួល​ការ​បញ្ជា​ទិញ​ជា​មុន​ពេល​ចេញ​ជា​ផ្លូវ​ការ​ចំនួន ៣៥០០គ្រឿង ដែល​មាន​តម្លៃ ១ពាន់​​លាន​ដុល្លារអាមេរិក៕

ណឺ មិនា​​

The post ​សហរដ្ឋអា​មេរិកចាប់​ផ្តើម​ផលិត​រថយន្ត​ដែល​អាច​ហោះ​ហើរ​បាន​ដំបូង​គេ​ នៅ​លើ​ពិភព​លោក appeared first on Kampuchea Thmey Daily.

លោក ងន សាំង អគ្គនាយកក្រុមហ៊ុន អ អិម អេ ខេមបូឌា មានប្រសាសន៍នៅថ្ងៃទី ២២ ខែសីហា ឆ្នាំ ២០២៥ ថា ក្រុមហ៊ុន បានសហការជាមួយក្រសួងការងារ និងបណ្ដុះ​បណ្ដាល​វិជ្ជាជីវៈ​ និងសាលា BKI នៅអូស្ត្រាលី នឹង​បង្កើតសាលាបច្ចេកវិទ្យាយាន​យន្តមួយដ៏ទំនើប​ជាង​គេ​នៅកម្ពុជា ឬក៏ប្រហែល​ជា​ទំនើប​ជាងគេនៅក្នុងតំបន់អាស៊ាន។

លោក ងន សាំង បញ្ជាក់ថា ក្រុមហ៊ុន អ អិម អេ ជាអ្នកដាក់ទុន ដោយគ្រោងនឹង​ចាប់​ផ្ដើម​នៅ​ខែ ១១ ឆ្នាំ ២០២៥ ដែលវា​ជាការបណ្ដុះបណ្ដាលធនធាន​មនុស្ស​សម្រាប់ប្រជាជនកម្ពុជា និង​​អាចពង្រឹងអាជីវកម្ម ឬតម្រូវការពលកម្មសម្រាប់អ្នកវិនិយោគនៅកម្ពុជា។

លោក ងន សាំង បានបញ្ជាក់បន្ថែមថា ទីផ្សាររថយន្តមានកំណើនទីផ្សាររថយន្តនៅកម្ពុជា មានកំណើនពីមួយឆ្នាំទៅមួយឆ្នាំ បន្ទាប់ពីវិបបត្តិជំងឺកូវីដ១៩។ កំណើននៃទីផ្សាររថយន្ត ដោយសារប្រជាជនកម្ពុជាសម្បូរដោយវ័យ​ក្មេង ហើយដល់ពេលដែលពួកគាត់មានតម្រូវការរថយន្ត។

ម្យ៉ាងទៀតស្ថានភាពសេដ្ឋកិច្ចកម្ពុជាមានភាពល្អប្រសើរជាងមុន មនុស្សម្នាក់ៗ មានការងារធ្វើ ដែលនាំឱ្យពួកគាត់មានចំណូលច្រើនជាងមុន ហើយធ្វើឱ្យមានតម្រូវការរថយន្ត ក៏កើនឡើងដែរ ខណៈអ្នកវិនិយោគ ក៏ច្រើនជាងមុនដែរ ព្រោះអ្នកវិនិយោគក៏ត្រូវការ​វិនិយោគ​ច្រើន​ជាងមុន​ដែរ​។

យោងតាមក្រសួងពាណិជ្ជកម្ម គិតត្រឹមឆមាសទី ១ ឆ្នាំ ២០២៥ កម្ពុជាបានចំណាយប្រាក់ជាង ៤៨៧ លានដុល្លារ ក្នុងការនាំចូលរថយន្តគ្រួសារ កើនឡើង ៦៦% ធៀបនឹងរយៈ​ពេលដូច​គ្នានៅឆ្នាំ ២០២៤។

កាលពីឆ្នាំ២០២៤កន្លងទៅនេះ កម្ពុជាបានចំណាយប្រាក់ជាង១​ពាន់លានដុល្លារក្នុង​ការនាំចូល​នូវ​យានយន្តគ្រប់ប្រភេទធៀបនឹងឆ្នាំ២០២៣​ដែលមានទឹកប្រាក់សរុបជិត៩០៣លានដុល្លារ៕

អត្ថបទ៖ ឡេង ដេត

The post ក្រុមហ៊ុន RMA គ្រោងបង្កើតសាលាជំនាញបច្ចេកទេសយានយន្ត ​នៅ​ដំណាច់​ឆ្នាំនេះ appeared first on Kampuchea Thmey Daily.

លោក ស អេងលាង នាយកគ្រប់គ្រងលក់ជាន់ខ្ពសស់នៃក្រុមហ៊ុន អេសឌីប៊ី ម៉ូទ័រ គ្រុប (ខេមបូឌា) ប្រចាំប្រទេសកម្ពុជា។ ក្រុមហ៊ុន អេសឌីប៊ីម៉ូទ័រ​​ ពិតជាមានក្ដីរំភើបក្រៃលែងក្នុងការនាំចូលនៅ រថយន្ត លី អូតូ​ ដែលធ្វើបច្ចុប្បន្នភាពថ្មីចុងក្រោយបំផុត លំដាប់ថ្នាក់ខ្ពស់របស់ប្រទេសចិន មកកាន់ព្រះរាជាណាចក្រកម្ពុជា។ លី អូតូ​ ត្រូវបានរចនាឡើងសម្រាប់គ្រួសារដែលចូលចិត្តស្វែងរកដំណើរកម្សាន្តបែបផ្សងព្រេង និងល្អបំផុតសម្រាប់ការបើកបរក្នុងទីក្រុងប្រចាំថ្ងៃ។ បំពាក់ដោយមុខងារពិសេសៗប្រកបដោយភាពច្នៃប្រឌិត ផ្តល់ភាពងាយស្រួល និងបច្ចេកវិទ្យាទំនើប និងផ្តល់នូវទំនុកចិត្តក្នុងការបើកបរ»។

រថយន្ត លី អូតូ ត្រូវបានរចនាឡើងជាមួយការតុបតែងផ្នែកខាងក្រៅមានភាពទាក់ទាញ យ៉ាន់ស្ព័រពណ៌ខ្មៅថ្មី ដែលជួយបង្កើនសោភ័ណភាពរួមរបស់វាឱ្យកាន់តែស្រស់ស្អាត បែបស្ព័រ។ ផ្នែកខាងក្នុងក៏ត្រូវរតុបតែងដោយពណ៌ខ្មៅទាំងអស់ផងដែរ វាបានបន្ថែមភាពទាក់ទាញដល់រថយន្ត SUV និង MPV ៧កៅអី លក្ខណះគ្រួសារមួយកម្រិតទៀត។ វាគឺសមិទ្ធផលដ៏ល្អឥតខ្ចោះនៃ DNA ប្រកបដោយភាពច្នៃប្រឌិត របស់ក្រុមហ៊ុនអេសឌីប៊ី ម៉ូទ័រ គ្រុប ដែលប្តេជ្ញាផ្តល់ជូនអតិថិជននូវរថយន្ត ដែលមិនត្រឹមតែបំពាក់ដោយបច្ចេកវិទ្យាឆ្លាតវៃកម្រិតខ្ពស់សម្រាប់ការបើកបរប្រកបដោយទំនុកចិត្តប៉ុណ្ណោះទេ ប៉ុន្តែថែមទាំងការរចនាដោយមានភាពទាក់ទាញ និងទាន់សម័យដែលទាក់ទាញភ្នែកអ្នកទស្សនាផងដែរ។

រថយន្ត លី អូតូ មាន4ម៉ូដែល ប្រភេទរថយន្ត SUV3ម៉ូដែល​​និង​ MPV ៧កៅអីលក្ខណះ ទំនើបទាន់សម័យលក្ខណៈគ្រួសារ សម្រាប់អតិថិជនដែលធ្វើដំណើរផ្លូវឆ្ញាយ និងនៅទីក្រុងមានភាពទាក់ទាញ និង ទំនើបកម្ម ដូចជា៖

ម៉ូដែល L6 ស៊េរីថ្មីមានលក្ខណៈពិសេសផាសុកភាព ស្តង់ដាដូចជា៖

• ទំហំរថយន្ត៖ ប្រវែង 4925មម ទទឹង 1960មម កម្ពស់ 1735មម
• លក្ខណៈបច្ចេកទេសនៃសំបកកង់បើកបរទៅស្ងាត់ល្អ ៖ 225/50 R20
• ទប់ទម្ងន់បាន៖ 2330kg
• ប្រភេទថ្ម៖ Traction Battery 38.6KWh lithium iron phosphate Battery
• ការប្រើប្រាស់ភ្លើង៖ 408Hp
• សាកថ្មម្តងជិះបាន៖ 212km
• ការប្រើប្រាស់ប្រេងឥន្ធនៈ ៖ ១០០គីឡូប្រើប្រាស់អស់ 6.9លីត្រ
• ប្រព័ន្ធហ្វ្រាំង ABS anti-lock braking system
• មុខងារត្រួតពិនិត្យសម្ពាធសំបកកង់
• កម្រិតជំនួយការបើកបរ
• រូបភាពជំនួយការបើកបរ 360 កាមេរ៉ា១០គ្រាប់ ចំនួនរ៉ាដា ultrasonic ១២
• គ្រាប់ចុចបញ្ជាពីចម្ងាយ សោប៊្លូធូសបិទ-បើក
• ចង្កៀងមុខដោយស្វ័យប្រវត្តិមុខងារ Rain Sensor wiper
• ទំហំអេក្រង់គ្រប់គ្រងកណ្តាល៖ ១៥.៧ អ៊ីញ ទំហំអេក្រង់កម្សាន្តសម្រាប់អ្នកដំណើរ ១៥.៧ អ៊ីញ
• ទំហំឧបករណ៍ LCD ៤.៨២ អ៊ីញ ទំហំក្បាល HUD ១៤.៧ អ៊ីញ
• មុខងារសាកថ្មឥតខ្សែទូរស័ព្ទ ២ ថាមពលសាកឥតខ្សែ 50W
• កៅអីម៉ាស្សា កំដៅ ខ្យល់ចេញចូល ។

ម៉ូដែល L7 ស៊េរីថ្មីមានលក្ខណៈពិសេសផាសុកភាព ស្តង់ដាដូចជា៖

• ទំហំរថយន្ត៖ ប្រវែង 5050មម ទទឹង 1995មម កម្ពស់ 1750មម
• លក្ខណៈបច្ចេកទេសនៃសំបកកង់បើកបរទៅស្ងាត់ល្អ ៖ 225/50 R21
• ទប់ទម្ងន់បាន៖ 2500kg
• ប្រភេទថ្ម៖ Traction Battery 38.6KWh lithium iron phosphate Battery
• ការប្រើប្រាស់ភ្លើង៖ 449Hp
• សាកថ្មម្តងជិះបាន៖ 286km
• ការប្រើប្រាស់ប្រេងឥន្ធនៈ ៖ ១០០គីឡូប្រើប្រាស់អស់ 7.4លីត្រ
• ប្រព័ន្ធហ្វ្រាំង ABS anti-lock braking system
• មុខងារត្រួតពិនិត្យសម្ពាធសំបកកង់
• កម្រិតជំនួយការបើកបរ
• រូបភាពជំនួយការបើកបរ 360 កាមេរ៉ា១២គ្រាប់ ចំនួនរ៉ាដា ultrasonic ១២
• គ្រាប់ចុចបញ្ជាពីចម្ងាយ សោប៊្លូធូសបិទ-បើក
• ចង្កៀងមុខដោយស្វ័យប្រវត្តិមុខងារ Rain Sensor wiper
• ទំហំអេក្រង់គ្រប់គ្រងកណ្តាល៖ ១៥.៧ អ៊ីញ ទំហំអេក្រង់កម្សាន្តសម្រាប់អ្នកដំណើរ ១៥.៧ អ៊ីញ
• ទំហំឧបករណ៍ LCD ៤.៨២ អ៊ីញ ទំហំក្បាល HUD ១៥.៧ អ៊ីញ
• មុខងារសាកថ្មឥតខ្សែទូរស័ព្ទ ២ ថាមពលសាកឥតខ្សែ 50W
• កៅអីម៉ាស្សា កំដៅ ខ្យល់ចេញចូល ។

ម៉ូដែល L9 ស៊េរីថ្មី ប្រណិតភាពមានលក្ខណៈពិសេសដូចជា៖

• ទំហំរថយន្ត៖ ប្រវែង 5218មម ទទឹង 1998មម កម្ពស់ 1800មម
• លក្ខណៈបច្ចេកទេសនៃសំបកកង់បើកបរទៅស្ងាត់ល្អ ៖ 265/45 R21
• ទប់ទម្ងន់បាន៖ 2570kg
• ប្រភេទថ្ម៖ Traction Battery 52,3KWh lithium iron phosphate Battery
• ការប្រើប្រាស់ភ្លើង៖ 449Hp
• សាកថ្មម្តងជិះបាន៖ 220km
• ការប្រើប្រាស់ប្រេងឥន្ធនៈ ៖ ១០០គីឡូប្រើប្រាស់អស់ 7.9លីត្រ
• ប្រព័ន្ធហ្វ្រាំង ABS anti-lock braking system
• មុខងារត្រួតពិនិត្យសម្ពាធសំបកកង់
• កម្រិតជំនួយការបើកបរ
• រូបភាពជំនួយការបើកបរ 360 កាមេរ៉ា១០គ្រាប់ ចំនួនរ៉ាដា ultrasonic ១២
• គ្រាប់ចុចបញ្ជាពីចម្ងាយ សោប៊្លូធូសបិទ-បើក
• ចង្កៀងមុខដោយស្វ័យប្រវត្តិមុខងារ Rain Sensor wiper
• ទំហំអេក្រង់គ្រប់គ្រងកណ្តាល៖ 15.7 អ៊ីញ ទំហំអេក្រង់កម្សាន្តសម្រាប់អ្នកដំណើរ ១៥.៧ អ៊ីញ
• ទំហំឧបករណ៍ LCD 15.7 អ៊ីញ ទំហំក្បាល HUD 4.82 អ៊ីញ
• មុខងារសាកថ្មឥតខ្សែទូរស័ព្ទ ២ ថាមពលសាកឥតខ្សែ 50W
• កៅអីម៉ាស្សា កំដៅ ខ្យល់ចេញចូល ។

ម៉ូដែល Li Mega ស៊េរីថ្មីមានលក្ខណៈពិសេស ទំនើបប្រណិត លក្ខណៈគ្រួសារ ដូចជា៖

• ទំហំរថយន្ត៖ ប្រវែង 5,350មម ទទឹង 1,965មម កម្ពស់ 1,850មម
• លក្ខណៈបច្ចេកទេសនៃសំបកកង់បើកបរទៅស្ងាត់ល្អ ៖ 245/60 R18
• ទប់ទម្ងន់បាន៖ 2,785kg
• ប្រភេទថ្ម៖ Traction Battery 102.7KWh lithium iron phosphate Battery
• ការប្រើប្រាស់ភ្លើង៖ 544Hp
• សាកថ្មម្តងជិះបាន៖ 710km
• ប្រព័ន្ធហ្វ្រាំង ABS anti-lock braking system
• មុខងារត្រួតពិនិត្យសម្ពាធសំបកកង់
• កម្រិតជំនួយការបើកបរ
• រូបភាពជំនួយការបើកបរ 360 កាមេរ៉ា11គ្រាប់ ចំនួនរ៉ាដា ultrasonic 12
• គ្រាប់ចុចបញ្ជាពីចម្ងាយ សោប៊្លូធូសបិទ-បើក
• ចង្កៀងមុខដោយស្វ័យប្រវត្តិមុខងារ Rain Sensor wiper
• ទំហំអេក្រង់គ្រប់គ្រងកណ្តាល៖ ១៥.៧ អ៊ីញ ទំហំអេក្រង់កម្សាន្តសម្រាប់អ្នកដំណើរ ១៥.៧ អ៊ីញ
• ទំហំឧបករណ៍ LCD 17 អ៊ីញ ទំហំក្បាល HUD 4.82 អ៊ីញ
• មុខងារសាកថ្មឥតខ្សែទូរស័ព្ទ 4 ថាមពលសាកឥតខ្សែ 50W
• កៅអីម៉ាស្សា កំដៅ ខ្យល់ចេញចូល ។

ជួបគ្នាជាមួយការតាំងបង្ហាញរថយន្តសេរ៊ីថ្មីទំនើបចុងក្រោយរបស់​ រថយន្តលី សែង នៅការិយាល័យលក់រថយន្ត លី អូតូ ដែលមានទីតាំងផ្សារទំនើបអូឡាំព្យា សម្រាប់អតិថិជនដែលមានចំណាប់អារម្មណ៍មកតេសសាកល្បងរថយន្តលី អូតូ ដោយផ្ទាល់នៅការិយាល័យជារៀងរាល់ថ្ងៃ បានចាប់ពី​ម៉ោង ៩៖០០ព្រឹក រហូតដល់ ៩៖០០យប់បាន លោកអ្នកអាចអញ្ជើញចូលរួមជាមួយយើងខ្ញុំដើម្បីសាកសួរព័ត៌មានទូទៅពីរថយន្ត និងការផ្តល់ជូនពិសេស លើសពីនេះអាចធ្វើការបើកបរសាកល្បងបានទាំងអស់គ្នា។

សូមទស្សនាវីដេអូខាងក្រោម៖

The post ក្រុមហ៊ុនអេសឌីប៊ី ម៉ូទ័រ គ្រុប (ខេមបូឌា) នាំរថយន្តទំនើបលក្ខណៈគ្រួសារម៉ាក រថយន្ត LI AUTO  មកព្រះរាជាណាចក្រកម្ពុជា appeared first on Kampuchea Thmey Daily.

រោងចក្រដំឡើងរថយន្ដ Chevrolet មានតម្លៃ ១៩លានដុល្លារ និងគ្រោងបើកដំណើរការនៅក្នុងត្រីមាសទី១ នៃឆ្នាំ​២០២៦ ខាងមុខនេះ។ នៅពេលបើកដំណើរការរោងចក្រនេះនឹងមានសមត្ថភាពអាចផលិតរថយន្ដបានចន្លោះពី ១ ម៉ឺន គ្រឿង ដល់ ១ ម៉ឺន ២ ពាន់គ្រឿងក្នុងមួយឆ្នាំ។

លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជាបានលើកឡើងក្នុងពិធីសម្ពោធរថយន្ត ភីកអាប់ ហ្សេវរ៉ូឡេ ខូឡូរ៉ាដូ (Chevrolet Colorado) នៅសាល ដី ព្រេមៀ សេនធ័រ សែនសុខកាលពីថ្ងៃសុក្រទី០១ ខែសីហា ឆ្នាំ ២០២៥។

លោកអគ្គលេខាធិការបានសម្តែងនូវការអបអរសាទរចំពោះក្រុមហ៊ុន យូណាយធីត អូតូ ត្រេឌីង ក្នុង​ការសម្រេចបាននូវសមិទ្ធិផលដ៏អស្ចារ្យមួយនេះ ហើយក៏បានថ្លែងអំណរគុណចំពោះក្រុមហ៊ុន GM ដែលបានជ្រើសរើសយកប្រទេសកម្ពុជា ដែលជាប្រទេសតែមួយគត់ក្នុង​តំបន់អាស៊ានដែល​ត្រូវបានជ្រើសរើស និងទទួលបានសិទ្ធិពិសេសពីក្រុមហ៊ុន GM ក្នុងការផ្គុំដំឡើងរថយន្ត Chevrolet។

លោកអគ្គលេខាធិការបានលើកឡើងនូវយុទ្ធសាស្ត្រចម្បងចំនួនពីរសម្រាប់ឱ្យក្រុមហ៊ុនធ្វើការពិចារណា ដែលយុទ្ធសាស្ត្រទីមួយគឺការពង្រឹងខ្សែច្រវាក់តម្លៃក្នុងស្រុក និងទីពីរគឺសូមឱ្យក្រុមហ៊ុន យូណាយធីត អូតូ ត្រេឌីង ចូលរួមជំរុញធ្វើឱ្យប្រ​ទេស​កម្ពុជាក្លាយ​ជាមជ្ឈមណ្ឌលប្រមូល​ផ្តុំការនាំចេញទាំងផលិតផលរថយន្ត និងទាំងគ្រឿងបង្គុំរថយន្ត។

លោកអគ្គលេខាធិការ ក៏បានលើកឡើងអំពីការបន្តប្តេជ្ញាចិត្តរបស់រាជរដ្ឋាភិបាលក្នុងការរក្សាបាននូវបរិយាកាសវិនិយោគមួយដែលមានភាពអំណោយផល និងអាចប៉ាន់ប្រមាណទុកជាមុនបាន។

កម្ពុជាបានឆ្លើយតបយ៉ាងឆាប់រហ័សទៅលើបញ្ហា​ពន្ធគយ​បដិការរបស់សហរដ្ឋអាមេរិក ដែលកម្ពុជាសម្រេចបានការកាត់បន្ថយ​អត្រាពន្ធគយ​បដិការពី៤៩% មកត្រឹម៣៦% ហើយចុងក្រោយមកត្រឹម ១៩%។

នេះជាដំណឹងដ៏ល្អសម្រាប់ប្រជាពលរដ្ឋកម្ពុជា វិនិយោគិន និងធុរជនទាំងអស់ដែលកំពុង​មានសកម្មភាពអាជីវកម្មនៅកម្ពុជា៕

អត្ថបទ៖ ឡេង ដេត

The post ក្រុមហ៊ុន Chevrolet បោះទុនជិត ២០ លានដុល្លារ បើក​រោងចក្រដំឡើងរថយន្តនៅកម្ពុជា appeared first on Kampuchea Thmey Daily.

​យោងតាមរបាយការណ៍របស់ក្រុមហ៊ុនផ្ញើរទៅកាន់ផ្សារមូលបត្រកម្ពុជាកាលពីពេលថ្មីៗនៅក្នុងវិស័យយានយន្ត ទិន្នន័យក្រុមហ៊ុនបង្ហាញថា ទីផ្សារទាំងមូលកំពុងកើនឡើង ៤៨% ក្នុងត្រីមាសទី១ ឆ្នាំ ២០២៥ បើធៀបនឹងត្រីមាសដូចគ្នាក្នុងឆ្នាំ២០២៤។ ការកើនឡើងនេះតំណាងឱ្យរថយន្តចំនួន ១៩ ពាន់គ្រឿងត្រូវ បានបញ្ជាទិញក្នុងត្រីមាសទីមួយ បើធៀបនឹងចំនួន ១៣ ពាន់គ្រឿងកាលពីឆ្នាំមុន។ ទីផ្សារថយន្តថ្មីប្រភេទធម្មតាបាន កើនឡើងលឿនជាងមុន ៥៧% នៅចំនួន ៩​ ៧០០ គ្រឿង។ ខ្ញុំមានមោទនភាពក្នុងការបង្ហាញថា ក្នុងត្រីមាសទី១ ឆ្នាំ ២០២៥ រថយន្តម៉ាក Ford បានរក្សាបានតំណែងរលេខមួយនៅក្នុងទីផ្សាររថយន្តថ្មីប្រភេទធម្មតា។

លោក​ Kevin Whitcraft ប្រធានក្រុមប្រឹក្សាភិបាលនៃ RMAC បានគូសបញ្ជាក់នៅក្នុងរបាយការណ៍នោះថា៖ការព្យាករណ៍ភាគច្រើនរំពឹងថា ផលិតផលក្នុងស្រុកសរុប (ផ.ស.ស) របស់កម្ពុជានឹងកើនឡើងចម្លោះពី ៥,២% ទៅ ៦,៣% ក្នុងឆ្នាំ២០២៥។ ទោះជាយ៉ាងណាក៏ដោយ ការតម្លើងពន្ធគយខ្ពស់របស់សហរដ្ឋអាមេរិកថ្មីៗនោះ លើការនាំចេញរបស់កម្ពុជា បន្តហានិភ័យគួរឱ្យកត់សម្គាល់ ដោយការព្យាករណ៍ខ្លះបានបង្ហាញថា កំណើនអាចទាបជាង ៥% ប្រសិនបើភាពតានតឹងពាណិជ្ជកម្មកើនឡើង។

ក្នុងត្រីមាសទីមួយ ឆ្នាំ២០២៥ RMAC មានចំណូលកើនឡើង ​២៦% បើធៀបនឹងត្រីមាសដូចគ្នាក្នុងឆ្នាំ២០២៤។ ក្រុមហ៊ុនបានកំណត់ត្រាការលក់ខ្ពស់បំផុតនៅក្នុងខែមីនា ឆ្នាំ២០២៥។ តារាងតុល្យការបង្ហាញពីជំហរតុល្យភាពសាច់ប្រាក់រឹងមាំ ដែលតំណាងឱ្យការកើនឡើងសាច់ប្រាក់ចំនួន ៤៨% បើធៀបនឹងត្រីមាសទីមួយ ឆ្នាំ២០២៤។

ក្រុមការងារ AMAC របស់យើងបានបន្តវិធីសាស្ត្រសកម្មរបស់ពួកគេក្នុងការកសាងមូលដ្ឋានអតិតិជនដ៏រឹងមាំ និង ស្មោះត្រង់។ ខ្ញុំមានពេទនភាពយ៉ាងខ្លាំងដែលបានចូលរួមដោយផ្ទាល់ក្នុងព្រឹត្តិការណ៍ “ផលិតនៅកម្ពុជា” ដែលអបអរការផលិតក្នុងស្រុកនូវសង្វាក់ផលិតកម្មន្ត Ford Ranger, Everest និង Territory។ ត្រីមាសនេះក៏មានការដាក់ឱ្យដំណើរការជាផ្លូវការនូវរថយន្តម៉ាក Peugeot (Stellantis Group) ផងដែរ។ សមិទ្ធិផលទាំងនេះបង្ហាញពីការប្តេជ្ញាកិត្តរយៈពេលវែង ដែល RMA Group បានសន្យាចំពោះព្រះរាជាណាចក្រកម្ពុជា។

​

ក្រុមហ៊ុន​ដំឡើង​រថយន្ត​ Ford នៅកម្ពុជា បានបង្កើតរោងចក្រដំឡើងគ្រឿងបង្គុំថ្មីបន្ថែម​មួយ​ទៀត (Sub-Assembly Plant) ដែលអាចផ្ដល់ឱកាសការ​ងារ​បាន​ជា​ច្រើន​កន្លែង ខណៈ ក្រុមហ៊ុន​បានពង្រីកការវិ​និយោ​គនូវទំហំទឹកប្រាក់​​ពី ២១​លានដុល្លារអាមេរិក ទៅ ២៦,៨លាន​ដុល្លារ និង​បាន​ពង្រីកផ្ទៃដីសាងសង់រោងចក្រពី ៥ហិកតា ដល់ ១២ហិកតា។ រោងចក្រដំឡើងគ្រឿងបង្គុំថ្មីនេះ ត្រូវបានដាក់ឱ្យដំណើរការជាផ្លូវការនៅថ្ងៃទី ២២ ខែមេសា ឆ្នាំ ២០២៥ ក្រោមអធិបតីភាព សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។

​ក្រុមហ៊ុន RMA Cambodia (RMAC) ដែលជាក្រុមហ៊ុនចុះបញ្ជីនៅលើផ្សារហ៊ុន​ និងជា ក្រុមហ៊ុនបុត្រសម្ព័ន្ធរបស់ខ្លួន RMA Automotive Cambodia ដែលមានរោងចក្រនៅខេត្តពោធិ៍សាត់ បានតម្លើងរថយន្តម៉ូដែល Ford (Ford Wildtrak និង Everest) ជាង២ពាន់​គ្រឿង​កាល​ពីឆ្នាំមុនដាក់លក់លើទីផ្សារក្នុងស្រុក។

​RMAC ដែលជាក្រុមហ៊ុនចែកចាយរថយន្ត Ford បានបើកដំណើការរោងចក្រដម្លើងរថយន្ត Ford ទី១ជាមួយទុនវិនិយោគប្រមាណ២១លានដុល្លារកាលពីខែមិថុនាឆ្នាំ២០២២។  ​រោងចក្រសាងសង់លើផ្ទៃដីជាង ៥ ហិកតា ស្ថិតនៅស្រុកក្រគរនៃខេត្តពោធិ៍សាត់៕

The post ការលក់រថយន្តថ្មី​នៅកម្ពុជាកើនឡើងខ្ពស់នៅត្រីមាសទី១ appeared first on Kampuchea Thmey Daily.

យោងតាមរបាយការណ៍ពីអគ្គនាយកដ្ឋានគយ និងរដ្ឋករកម្ពុជា កាលពីឆ្នាំ២០២៤កន្លងទៅនេះ កម្ពុជាបានចំណាយប្រាក់ជាង១ពាន់លានដុល្លារក្នុងការនាំចូលនូវយានយន្តគ្រប់ប្រភេទធៀបនឹងឆ្នាំ២០២៣​ដែលមានទឹកប្រាក់សរុបជិត៩០៣លានដុល្លារ។

លោក Kevin Whitcraft ប្រធានក្រុមប្រឹក្សាភិបាលនៃក្រុមហ៊ុន RMA បានថ្លែងនៅ​ក្នុង​របាយការណ៍ហិរញ្ញវត្ថុរបស់ខ្លួនផ្ញើរទៅកាន់ផ្សារមូលបត្រកម្ពុជាកាលពីខែធ្នូថា ​សូចនាករណ៍​សេដ្ឋកិច្ច ដែលថ្មីៗនេះមិនបានផ្លាស់ប្តូធ្វើគួរឱ្យកត់សម្គាល់នោះទេ ដោយហេតុថាធនាគារពិភពលោក និងធនាគារអភិវឌ្ឍអាស៊ីនៅតែព្យាករណ៍ថាកំណើនផលិតផលក្នុងស្រុកសរុប (GDP) របស់កម្ពុជានឹងកើនឡើងដល់ចំនួន ៥,៨%ក្នុងឆ្នាំ២០២៤។

លោកថា ចក្ខុវិស័យនៃទីផ្សាររថយន្ត ទីផ្សារួមក្នុងរយៈ៩ខែដំបូងនៃឆ្នាំ២០២៤ នៅតែមានការធ្លាក់ចុះ​៥% ធៀបនឹងរយៈពេល ដូចគ្នានៃឆ្នាំកន្លងទៅ ខណៈដែលទីផ្សាររថយន្តថ្មីមានការកើនឡើងចំនួន ៥% ។

លោកបានថ្លែងបញ្ជាក់ថា៖«មានតែក្នុងរយៈពេល ៤ ខែចុងក្រោយ នេះទេ ដែលយើងបានឃើញការលក់រថយន្តថ្មីមានការកើនឡើងកាន់តែខ្លាំង (កើនឡើង ៤២%) បើប្រៀបធៀបទៅនឹងខែដូចគ្នាកាលពីឆ្នាំមុន»។ ​

​​លោកថាសម្រាប់ប្រតិបត្តិការនៃការលក់ពីដើមឆ្នាំ២០២៤ ដល់ខែកញ្ញា ក្រុមហ៊ុន RMA បានកត់ត្រាការលក់ សរុបមានការធ្លាក់ចុះចំនួន ១៦,៧% បើររៀបនឹងរយៈពេលដូចគ្នានៃឆ្នាំ២០២៣។

ក្នុងរយៈពេលប៉ុ​ន្មានឆ្នាំចុងក្រោយនេះ គេសង្កេតឃើញថា មានវត្តមានរថយន្តអគ្គិសនីកាន់តែច្រើនត្រូវបានកំពុងប្រើប្រាស់ដោយប្រជាពលរដ្ឋកម្ពុជា។

លោក ផន រឹម អ្នកនាំពាក្យក្រសួងសារធារណការ និងដឹកជញ្ជូន មានប្រសាសន៍កាលពីពេលថ្មីៗកន្លងមកនេះថា នៅក្នុងឆ្នាំ២០២៤ មានរថយន្តអគ្គិសនី​ចុះបញ្ជីសរុប ២ ២៥៣គ្រឿង កើនលើសឆ្នាំ២០២៣ ចំនួន៦២០%(ឆ្នាំ២០២៣ ចំនួន​ ៣១៣គ្រឿង) ខណៈដែលត្រីចក្រយាន និងទោចក្រយាន ក៏មានការកើនឡើងផងដែរ។

លោកថា ប្រជាពលរដ្ឋមានសុទិដ្ឋនិយមច្រើន និងបង្ហាញការចាប់អារម្មណ៍ខ្ពស់ចំពោះការប្រើប្រាស់យានយន្តអគ្គិសនី ដែលជានិន្នការថ្មី បើប្រៀបធៀបជាមួយការប្រើប្រាស់យានយន្តប្រើប្រាស់ប្រេងឥន្ទនៈចំហេះក្នុងដែលជានិន្នាការចាស់។

កាលពីថ្ងៃទី១២ ខែមករាកន្លងមកនេះ SDB Group ជាក្រុមហ៊ុនចែកចាយរថយន្តដើរដោយ​ថាមពលអគ្គិសនី​ដ៏ល្បី​មួយនៅក្នុងប្រទេសចិន បានបើកសម្ពោធភ្នាក់ងារចែកចាយផ្តាច់​មុខ​រថយន្ត​ម៉ាក AITO នៅកម្ពុជា។

ក្រសួងសាធារណការ និងដឹកជញ្ជូនបានចុះបញ្ជីយានយន្តជាង ៣៧ ម៉ឺនគ្រឿង នៅក្នុងឆ្នាំ ២០២៤ (ទោចក្រយានយន្តប្រមាណ ៣១ ម៉ឺនគ្រឿង និងរយន្តគ្រប់ប្រភេទប្រមាណ ៥ ម៉ឺន ៥ ពាន់គ្រឿង) ក្នុងនោះរថយន្តបំពាក់ផ្លាកលេខពិសេស និងផ្លាកលេខពិសេសផ្ទាល់ខ្លួន ប្រមាណ ៣ ម៉ឺនគ្រឿង និងទទួលបានចំណូលសរុបជាង ១៨ លានដុល្លារ និងយានយន្តដើរដោយថា​មពល​អគ្គិសនីប្រមាន ៣ ពាន់គ្រឿង។

លោក ប៉េង ពោធិ៍នា រដ្ឋមន្ត្រីក្រសួងសារធារណការ និងដឹកជញ្ជូន មានប្រសាសន៍នៅក្នុងពិធីបិទសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥កន្លងមកនេះថា ក្រសួងក៏បានចេញបណ្ណបើកបរប្រមាណ ១១ ម៉ឺន បណ្ណ ក្នុងនោះទោចក្រ​យានយន្តប្រមាណ ៩ ម៉ឺន បណ្ណ និងរថយន្ត ប្រមាណជិត ១ ម៉ឺន ៤ ពាន់បណ្ណ និង​បណ្ណ​អាជីវកម្មគ្រប់ប្រភេទចំនួន ៧ ម៉ឺនបណ្ណ៕

​

The post កម្ពុជាបានចំណាយជាង១ពាន់លានដុល្លារលើការនាំចូលយានយន្ត​ក្នុងឆ្នាំ២០២៤ appeared first on Kampuchea Thmey Daily.

Wearnes Automotive Thailand ដែលជាក្រុមហ៊ុននាំចូលរថយន្ត Lotus Cars ដែល​ជាប្រភេទ​រថយន្តស្ព័រលំដាប់កំពូលរបស់អង់គ្លេសបានលើកឡើងថា ការលក់រថយន្តប្រណិត​នៅក្នុងប្រទេសថៃត្រូវបានគេប៉ាន់ប្រមាណថាមានចំនួន ៣០ ០០០​គ្រឿងក្នុងឆ្នាំ ២០២៤ ធ្លាក់ចុះ ២៥% ពី ៤០ ០០០ កាលពីឆ្នាំ២០២៣ ដោយសារតែការធ្លាក់ចុះនៃសេដ្ឋកិច្ចប៉ះពាល់ដល់ប្រាក់ចំណូលរបស់អ្នកទិញ​មិនអាចជៀសវាងពីផលប៉ះពាល់នៃសេដ្ឋកិច្ចដែលធ្លាក់ចុះ។

លោក Teeraphong Rodloy អ្នកគ្រប់គ្រងប្រចាំប្រទេសនៃក្រុមហ៊ុន Wearnes Automotive Thailand បាននិយាយថាអត្រាកំណើនសេដ្ឋកិច្ចយឺតដែលមានត្រឹមតែ ១,៥% ក្នុងត្រីមាសទីមួយនៃឆ្នាំ ២០២៤ ក៏ដូចជាលក្ខណៈវិនិច្ឆ័យតឹងរ៉ឹងដែលត្រូវបានអនុម័តដោយធនាគារ និងក្រុមហ៊ុនហិរញ្ញវត្ថុ​ក្នុងការវាយតម្លៃការស្នើសុំប្រាក់កម្ចីរថយន្តដោយមានការភ័យខ្លាចប្រាក់កម្ចីមិនដំណើរការមានផលប៉ះពាល់អវិជ្ជមានលើឧស្សាហកម្មរថយន្ត។ ​

លោក​បាន​បន្ត​ថា​៖ «​ការ​លក់​ជា​រួម​នៅ​ក្នុង​ផ្នែក​រថយន្ត​ប្រណិត​ត្រូវ​បាន​ប៉ះពាល់​ដោយ​ស្ថានភាព​សេដ្ឋកិច្ច​ទាំងនេះ​»​។​ ទោះជាយ៉ាងណាក៏ដោយ បើប្រៀបធៀបជាមួយនឹងផ្នែកផ្សេងទៀត ជាពិសេសរថយន្តភីកអាប់ ការលក់រថយន្តប្រណិតបានប្រឈមមុខនឹងផលប៉ះពាល់តិចជាងមុន ដោយសារអ្នកទិញអនាគតនៅក្នុងប្រភេទនេះជាធម្មតា​អំណាចទិញមានកម្រិតខ្ពស់។

លោក Ratthakarn Jutasen នាយកគ្រប់គ្រងក្រុមហ៊ុន Ford Thailand បានមានប្រសាសន៍ថា ការលក់រថយន្ត Pickup បានធ្លាក់ចុះដល់កម្រិតទាបបំផុតក្នុងរយៈពេល ២៣ឆ្នាំកន្លងមកនេះ។

កាលពីខែតុលា ឆ្នាំ ២០២៤ ការលក់រថយន្តភីកអាប់បានធ្លាក់ចុះចំនួនជិត៤២%ពីធៀបនឹងរយៈពេលដូចគ្នាកាលពីឆ្នាំ២០២៣ថយមកត្រឹម ១០ ៨៩៦ គ្រឿង។ យោងតាមរបាយការណ៍ប្រចាំខែរបស់សហព័ន្ធឧស្សាហកម្មថៃ (FTI) ក្នុងឆ្នាំ ២០២៤ បានឱ្យដឹងថា ចាប់ពីខែមករាដល់ខែតុលា ការលក់រថយន្តភីកអាប់បានធ្លាក់ចុះ ៣៩,៥% ធៀបនឹងរយៈពេលដូចគ្នាកាលពីឆ្នាំ២០២៣ដែលមានត្រឹម ១៣៧ ៤៥៦ គ្រឿង៕

​

The post ការលក់រថយន្តទំនើបនៅថៃបានធ្លាក់ចុះ ២៥% កាលពីឆ្នាំ ២០២៤ appeared first on Kampuchea Thmey Daily.