របួស Archives - Kampuchea Thmey Daily

សប្ដាហ៍ដំបូងខែមីនា មានអ្នកដំណើរ២១នាក់ទៀត បានស្លាប់ដោយគ្រោះថ្នាក់ចរាចរណ៍

Ung Meng — Tue, 10 Mar 2026 07:48:26 +0000

ក្នុងរយៈពេល៧ថ្ងៃ នៃសប្ដាហ៍ទី១ គិតចាប់ពីថ្ងៃទី១ ដល់ថ្ងៃទី៧ ខែមីនា ឆ្នាំ២០២៦ មានករណីគ្រោះថ្នាក់ចរាចរណ៍ផ្លូវគោកទូទាំងប្រទេស កើតឡើងចំនួន៤១ករណី បណ្តាលឱ្យមានមនុស្សស្លាប់២១នាក់ និងរងរបួសធ្ងន់ស្រាល៥៥នាក់ នេះបើតាមរបាយការណ៍ក្រសួងមហាផ្ទៃ។

របាយការណ៍លម្អិតថា ករណីគ្រោះថ្នាក់ចរាចរណ៍នោះ រួមមាន ថ្ងៃទី១មីនា មាន៥ករណី ស្លាប់១នាក់ របួស៧នាក់ ថ្ងៃទី២ មាន៦ករណី ស្លាប់៣នាក់ របួស៤នាក់ ថ្ងៃទី៣ មាន៩ករណី ស្លាប់៣នាក់ របួស១៤នាក់ ថ្ងៃទី៤ មាន៤ករណី របួស៦នាក់ ថ្ងៃទី៥ មាន៦ករណី ស្លាប់៥នាក់ របួស១៥នាក់ ថ្ងៃទី៦ មាន៦ករណី ស្លាប់៥នាក់ របួស៥នាក់ និងថ្ងៃទី៧ មាន៥ករណី ស្លាប់៤នាក់ របួស៤នាក់។ ករណីគ្រោះថ្នាក់ចរាចរណ៍ទាំងនេះមាននៅមូលដ្ឋានជាអាទិ៍ រាជធានីភ្នំពេញ ខេត្តកណ្តាល កំពង់ស្ពឺ កំពត ស្វាយរៀង ព្រះសីហនុ ត្បូងឃ្មុំ កោះកុង ស្ទឹងត្រែង បាត់ដំបង រតនគិរី កំពង់ឆ្នាំង ក្រចេះ ព្រះវិហារ និងខេត្តសៀមរាប។

គួររំលឹកថា ក្នុងខែកុម្ភៈ ឆ្នាំ២០២៦ មានហេតុការណ៍គ្រោះថ្នាក់ចរាចរណ៍ផ្លូវគោកនៅទូទាំងប្រទេស កើតឡើងចំនួន២០២ករណី បណ្តាលឱ្យមានមនុស្សស្លាប់ចំនួន១៧០នាក់ និងរងរបួសធ្ងន់ស្រាលចំនួន ៤១៧នាក់។

The post សប្ដាហ៍ដំបូងខែមីនា មានអ្នកដំណើរ២១នាក់ទៀត បានស្លាប់ដោយគ្រោះថ្នាក់ចរាចរណ៍ appeared first on Kampuchea Thmey Daily.

ស្ត្រី ២ នាក់ ជិះម៉ូតូមកពីផ្សារត្រឡប់ទៅបន្ទប់ជួលវិញ ជាអកុសល ត្រូវរថយន្តកិនស្លាប់ម្នាក់

អ៊ិន ពិសី — Thu, 11 Jul 2024 07:08:15 +0000

ស្ត្រី ២ នាក់ ជិះម៉ូតូឌុបគ្នាមកពីផ្សារ បំណងទៅបន្ទប់ជួលវិញ តែជាអកុសល ត្រូវរថយន្តកិនស្លាប់ម្នាក់ ចំណែកឯម្នាក់ទៀត រងរបួសស្រាល ដោយឡែករថយន្តបង្កបានបើកគេចខ្លួនបាត់ស្រមោលតែម្ដង។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង ១១ ព្រឹក ថ្ងៃទី ១១ ខែកក្កដា ឆ្នាំ ២០២៤ នេះ នៅលើកំណាត់ផ្លូវឈ្នះ ឈ្នះ ភូមិជម្ពូវ័ន ២ សង្កាត់ចោមចៅទី ៣ ខណ្ឌពោធិ៍សែនជ័យ រាជធានីភ្នំពេញ។

ជនរងគ្រោះរួមមាន ៖ ទី ១-ឈ្មោះ ម៉ារ៉ាឌី ភេទស្រី អាយុ ២១ ឆ្នាំ (ស្លាប់) និង ទី ២-ឈ្មោះ ថន ស៊ីថៃ ភេទស្រី អាយុ ២១ ឆ្នាំ (របួសស្រាល)។ ជនរងគ្រោះទាំងពីរនាក់ ជាកម្មការិនីរោងចក្រ ស្នាក់នៅបន្ទប់ជួល ភូមិត្រពាំងទា សង្កាត់ត្រពាំងក្រសាំង ខណ្ឌពោធិ៍សែនជ័យ មានស្រុកកំណើតនៅឃុំនរាយ ស្រុកឈូក ខេត្តកំពត។

តាមប្រភពព័ត៌មានពីជនរងគ្រោះរងរបួសស្រាល បានឲ្យដឹងថា មុនពេលកើតហេតុពួកគេ(ជនរងគ្រោះទាំងពីរ) បានជិះម៉ូតូមួយគ្រឿង ម៉ាក Beat ពណ៌ស លាយក្រហម ពាក់ស្លាកលេខតាកែវ 1N 6431 មកពីផ្សារកំបូល ដោយធ្វើដំណើរតាមបណ្ដោយផ្លូវឈ្នះឈ្នះ ក្នុងទិសដៅពីត្បូងទៅជើង បំណងទៅបន្ទប់ជួលវិញ ខណៈមកដល់ចំណុចកើតហេតុ ក៏អកហ្សើរ ទើបចាប់ហ្វ្រាំងមុខអូសដួលទៅនឹងថ្នល់ ភ្លាមៗ នោះ ស្រាប់តែមានរថយន្តកូរ៉េ មិនចាំស្លាកលេខ មកពីក្រោយ កិនឈ្មោះ ម៉ារ៉ាឌី បណ្ដាលឲ្យស្លាប់ភ្លាមៗ ហើយរថយន្តបង្កបានបើកគេចខ្លួនបាត់ស្រមោលតែម្ដង។ ក្នុងនោះដែរ នៅលើកំណាត់ផ្លូវឈ្នះឈ្នះ បង្កការកកស្ទះចរាចរណ៍យ៉ាងខ្លាំង។

ក្រោយកើតហេតុ សមត្ថកិច្ចមូលដ្ឋាន បានចុះទៅដល់ចំណុចកើតហេតុសម្រួលចរាចរណ៍ និងទាក់ទងទៅជំនាញមកធ្វើកំណត់ហេតុប្រគល់សពជូនទៅក្រុមគ្រួសារយកធ្វើបុណ្យតាមប្រពៃណី ចំណែកម៉ូតូយកទៅរក្សាទុក រង់ចាំស្រាវជ្រាវចាប់រថយន្តបង្កមកដោះស្រាយ៕

អត្ថបទ ៖ សុខា

The post ស្ត្រី ២ នាក់ ជិះម៉ូតូមកពីផ្សារត្រឡប់ទៅបន្ទប់ជួលវិញ ជាអកុសល ត្រូវរថយន្តកិនស្លាប់ម្នាក់ appeared first on Kampuchea Thmey Daily.

ខ្យល់កន្ត្រាក់នៅខេត្តព្រះវិហារ បណ្ដាលឲ្យស្លាប់ និងរបួសព្រមទាំងខាតផ្ទះពលរដ្ឋជាង១០០ខ្នង

អុន ស្រីមាន — Mon, 06 May 2024 08:14:27 +0000

ខ្យល់កន្ត្រាក់នៅក្នុងភូមិចំនួន៣ នៅឃុំស្ដៅ ស្រុកសង្គមថ្មី ខេត្តព្រះវិហារ បណ្ដាលឲ្យស្លាប់ស្ត្រីម្នាក់របួសកុមារម្នាក់ និងខូចខាតផ្ទះពលរដ្ឋអស់ជាង១០០ខ្នង រួមទាំងហេដ្ឋារចនាសម្ព័ន្ធមួយចំនួនទៀត។

លោក វរសេនីយ៍ឯក ជួន មឿន អធិការនគរបាលស្រុកសង្គមថ្មី បានឲ្យដឹងថា នៅព្រឹកថ្ងៃទី៦ ខែឧសភា ឆ្នាំ២០២៤នេះ ក្រុមការងារថ្នាក់ស្រុក អធិការដ្ឋាននគរបាលស្រុក ផ្នែកសឹករងស្រុក សហការជាមួយអាជ្ញាធរឃុំ ភូមិ និងប៉ុស្តិ៍រដ្ឋបាលស្ដៅ បានចុះពិនិត្យលំនៅឋានរបស់ប្រជាពលរដ្ឋដែលរងគ្រោះជាក់ស្ដែង ដោយសារខ្យល់កន្ត្រាក់នៅវេលាម៉ោង១៨ និង៣០នាទីថ្ងៃទី៥ខែឧសភាឆ្នាំ២០២៤។

លោកបន្តថា បើការចុះពិនិត្យនិងស្រង់ទិន្នន័យរបស់អាជ្ញាធរស្រុកសង្គមថ្មី បានឲ្យដឹងថា ភូមិដែលរងផលប៉ះពាល់មានចំនួន៣ភូមិ ក្នុងឃុំស្តៅ ក្នុងនោះរួមមាន៖១-ភូមិសុច ប៉ះពាល់ចំនួន៥០ខ្នងផ្ទះ ការខូចខាតស្រាលមានចំនួន៤៩ខ្នងផ្ទះ និងខូចខាតធ្ងន់ធ្ងរចំនួន១ខ្នងផ្ទះ។ ២-ភូមិត្រពាំងខ្ជែង ប៉ះពាល់ចំនួន៦៤ ខ្នងផ្ទះ រងការខូចខាតស្រាលមានចំនួន៦០ខ្នងផ្ទះ និងខូចខាត ធ្ងន់ធ្ងរ ចំនួន៤ខ្នងផ្ទះ។ ៣-ភូមិតាបស ប៉ះពាល់ចំនួន៤ខ្នងផ្ទះនិងខូចខាតស្រាលចំនួន៤ ក្នុងផ្ទះ។ ៤- សាលាបឋមសិក្សាភូមិសុច ខូចខាតតិចតួច។ ៥-សាលាបឋមសិក្សាត្រពាំងខ្ជែង ខូចខាតតិចតួច។ ៦- សាលាបឋមសិក្សាតាបស ខូចខាតតិចតួច។ ៧- សាលាឆទានភូមិសុច ខូចខាតធ្ងន់ធ្ងរ ៨- សាលាឆទានភូមិត្រពាំងខ្ជែង ខូចខាតតិចតួច ៩-ប៉ុស្តិ៍រដ្ឋបាលឃុំស្ដៅ ខូចខាតមធ្យម។

សូមបញ្ជាក់ថា ក្នុងហេតុការខ្យល់កន្ត្រាក់ក៏មានផលប៉ះពាល់ដល់អាយុជីវិតប្រជាពលរដ្ឋដូចខាងក្រោម៖ករណីស្លាប់១នាក់ ភេទស្រី អាយុ៦០ឆ្នាំ នៅភូមិសុច ឃុំស្ដៅ មូលហេតុផ្ទះរលំសង្កត់។ ករណីរបួស កុមារ១នាក់ ភេទប្រុស អាយុ៦ឆ្នាំ រស់នៅភូមិសុច ឃុំស្ដៅ មូលហេតុផ្ទះរលំសង្កត់។ អាជ្ញាធរស្រុកសង្គមថ្មី និងកម្លាំងសមត្ថកិច្ចមូលដ្ឋានកំពុងជួយប្រមូលនិងរៀបចំផ្ទះសម្បែងជូនពលរដ្ឋឡើងវិញ៕

ដោយ៖ជុន កុសល

The post ខ្យល់កន្ត្រាក់នៅខេត្តព្រះវិហារ បណ្ដាលឲ្យស្លាប់ និងរបួសព្រមទាំងខាតផ្ទះពលរដ្ឋជាង១០០ខ្នង appeared first on Kampuchea Thmey Daily.

បុរសម្នាក់ត្រូវម៉ូទ័រកាត់ឈើដួលសង្កត់ពីលើបណ្តាលឲ្យមុតធ្លាយពោះវៀនរងរបួសធ្ងន់ធ្ងរ

Kang Tola — Sat, 01 Apr 2023 10:27:53 +0000

ភ្នំពេញ ៖ បុរសម្នាក់បានរងរបួសធ្ងន់ធ្ងរ ត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ដឹកយកទៅមន្ទីរពេទ្យភ្លាមៗ បន្ទាប់ពីយកម៉ូទ័រមកកាត់ឈើហើយក៏រអិលជើងដួលសង្កត់ពីលើបណ្តាលឲ្យរងរបួសធ្លាយពោះវៀនចេញមកក្រៅ។

ហេតុការណ៍នេះបានកើតឡើង កាលពីវេលាម៉ោង៣រសៀល ថ្ងៃទី១ ខែមេសា ឆ្នាំ២០២៣ នៅភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ។

ជនរងគ្រោះឈ្មោះសុខ អឿន ភេទប្រុសអាយុ៤៤ឆ្នាំ មុខរបរលក់ផ្លែឈើ ស្នាក់នៅកន្លែងកើតហេតុ មានស្រុកកំណើតនៅខេត្តក្រចេះ។ មានប្រពន្ធឈ្មោះលី មុំ អាយុ៣២ឆ្នាំ។

តាមប្រភពព័ត៌មានបានឲ្យដឹងថា មុនពេលកើតហេតុជនរងគ្រោះបានយកម៉ូទ័រកាត់ដែកមកកាត់ឈើដើម្បីធ្វើកំណល់រទេះ ខណៈកំពុងកាត់ក៏រអិលជើងដួលសង្កាត់ពីលើម៉ូទ័រដែលកំពុងបញ្ឆេះធ្វើឲ្យរបួសធ្លាយពោះវៀនចេញមកក្រៅរងរបួសធ្ងន់ធ្ងរ។

ក្រោយកើតហេតុក្រុមសង្គ្រោះរបស់អង្គភាព៧១១ មកទទួលយកទៅមន្ទីរកាល់ម៉ែតដើម្បីសង្គ្រោះ៕

ដោយ ៖ សុខា

The post បុរសម្នាក់ត្រូវម៉ូទ័រកាត់ឈើដួលសង្កត់ពីលើបណ្តាលឲ្យមុតធ្លាយពោះវៀនរងរបួសធ្ងន់ធ្ងរ appeared first on Kampuchea Thmey Daily.

បញ្ហាបើកបរឡើងជែងបង្កឲ្យខូចខាតទ្រព្យសម្បត្តិ និងមនុស្ស ០២ នាក់ របួសធ្ងន់-ស្រាល

អ៊ិន ពិសី — Wed, 19 Oct 2022 03:00:30 +0000

បើកបរឡើងជែង គឺជាករណីជាប់បម្រាម ដែលសមត្ថកិច្ចត្រូវតែចាប់ផាកពិន័យ ចៀសវាងបង្កគ្រោះថ្នាក់ដល់អ្នកដទៃ និងបុគ្គលល្មើស។ ប៉ុន្តែករណីនេះ នៅតែកើតមានឡើងទាំងអ្នកបើកបរម៉ូតូក៏ដូចជារថយន្ត។

ពាក់ព័ន្ធករណីខាងលើនេះដែរ មនុស្សប្រុស-ស្រី ចំនួន ០២ នាក់ បានរងរបួសធ្ងន់ និងស្រាល ក្នុងហេតុការណ៍គ្រោះថ្នាក់ចរាចរណ៍មួយ កើតឡើងរវាងម៉ូតូ ០២ គ្រឿង បុកគ្នា កាលពីវេលាម៉ោង ១៨និង ៤០ នាទី ថ្ងៃទី ១៨ ខែតុលា ឆ្នាំ ២០២២ ស្ថិតនៅភូមិវត្តតាមិម ឃុំអូរដំបង ១ ស្រុកសង្កែ ខេត្តបាត់ដំបង ព្រោះតែករណីឡើងជែង។

ប្រភពប្រាប់ឲ្យដឹងថា មុនពេលកើតហេតុគេឃើញម៉ូតូម៉ាកហុងដាឃ្លីច ពណ៌ស មួយគ្រឿង ពាក់ស្លាកលេខ បាត់ដំបង 1AA-5733 បើកបរដោយឈ្មោះ លន់ ដាលីន ភេទស្រី អាយុ ២០ ឆ្នាំ រស់នៅភូមិបោះពោធិ៍ ឃុំអូរដំបង ១ ស្រុកសង្កែ ខេត្តបាត់ដំបង ទិសដៅពីជើងទៅត្បូង លុះមកដល់ចំណុចកើតហេតុខាងលើ ក៏ស្រាប់តែមានម៉ូតូ ០១ គ្រឿង ម៉ាកហុងដាឌ្រីម C125 ពណ៌ខ្មៅ ស៊េរីឆ្នាំ ២០២២ ពាក់ស្លាកលេខ បាត់ដំបង 1AO-5842 បើកបរដោយបុរសម្នាក់ឈ្មោះ យាត ផាវី ភេទប្រុស អាយុ ៣៦ ឆ្នាំ រស់នៅភូមិស្វាយជ្រុំ ឃុំអូរដំបង ២ ស្រុកសង្កែ ខេត្តបាត់ដំបង ទិសដៅពីត្បូងទៅជើង ក្នុងល្បឿនយ៉ាងលឿន និងមិនពាក់មួកសុវត្ថិភាពផងនោះ បានឡើងវ៉ាជែងរថយន្តខាងមុខ ក៏ជ្រុលបុកគ្នាពេញទំហឹង បណ្ដាលឲ្យដួលបោកក្បាលរងរបួសធ្ងន់ រីឯភាគីខាងម៉ូតូឃ្លីច រងរបួសស្រាល ចំណែកម៉ូតូខូចខាតទាំងសងខាងយ៉ាងដំណំផងដែរ។

ក្រោយកើតហេតុ សមត្ថកិច្ចជំនាញ ចុះទៅដល់កន្លែងកើតហេតុ ហើយបានដឹកបញ្ជូនបុរសជនរងគ្រោះទៅសង្គ្រោះបន្ទាន់នៅឯមន្ទីរពេទ្យ។ ចំណែកមធ្យោបាយទាំងពីរ ត្រូវបានវាស់វែង រួចយកទៅរក្សាទុកនៅអធិការដ្ឋាននគរបាលស្រុកសង្កែ ដើម្បីរង់ចាំដោះស្រាយតាមផ្លូវច្បាប់នៅពេលក្រោយ៕

អត្ថបទ ៖ សៅ សារិទ្ធ

The post បញ្ហាបើកបរឡើងជែងបង្កឲ្យខូចខាតទ្រព្យសម្បត្តិ និងមនុស្ស ០២ នាក់ របួសធ្ងន់-ស្រាល appeared first on Kampuchea Thmey Daily.

យករំសេវផាវច្នៃបោកត្រី ភ្លាត់ស្នៀតផ្ទុះបែកប្រអប់ដៃខ្ទេច

អ៊ិន ពិសី — Sun, 16 Jan 2022 06:37:52 +0000

បុរសម្នាក់ រងរបួសយ៉ាងធ្ងន់ធ្ងរ ក្រោយយករំសេវផាវមកកែច្នៃទុកបោកត្រី ហើយភ្លាត់ស្នៀតបណ្ដាលឲ្យផ្ទុះឡើងតែម្ដង។

ហេតុការណ៍ខាងលើនេះបានកើតឡើងកាលពីថ្ងៃទី ១៥ ខែមករា ឆ្នាំ ២០២២ វេលាម៉ោង ១ និង ៣០ នាទីរសៀល ចំណុចថ្មជ្រួញ ស្ថិតក្នុងស្ទឹងចម្លងគួយ ភូមិអូររំចេកក្រោម ឃុំអូរសំរិល ស្រុកសំឡូត ខេត្តបាត់ដំបង។

យោងតាមប្រភពពីប្រជាពលរដ្ឋបានបញ្ជាក់ថា មុនកើតហេតុ មានពលរដ្ឋម្នាក់ឈ្មោះ តុន គង់គា ភេទប្រុស អាយុ ៣១ ឆ្នាំ រស់នៅភូមិអូររំចេកក្រោម បានយករំសេវផាវមកច្នៃដើម្បីបោកត្រី ដោយនៅពេលនោះដែរ គេបានចុះទៅដល់មាត់ស្ទឹងទៅហើយ។

ប្រភពដដែលបានបន្តថា ពេលនោះសង្ស័យការច្នៃខុសបច្ចេកទេស ទើបបណ្ដាលឲ្យផ្ទុះឡើង បង្កឲ្យរបួសត្រង់កដៃខាងស្តាំខ្ទេច ត្រូវក្រុមគ្រួសារនាំគ្នាដឹកជនរងគ្រោះបញ្ជូនទៅមន្ទីរពេទ្យខេត្តបាត់ដំបងដើម្បីសង្គ្រោះ៕

អត្ថបទ ៖ សោ និយមរ័ត្ន

The post យករំសេវផាវច្នៃបោកត្រី ភ្លាត់ស្នៀតផ្ទុះបែកប្រអប់ដៃខ្ទេច appeared first on Kampuchea Thmey Daily.

រថយន្ត ៣ គ្រឿងព្រលះគ្នាខណៈភ្លៀងកំពុងធ្លាក់ របួសមនុស្ស ៨ នាក់

អ៊ិន ពិសី — Sat, 12 Jun 2021 07:11:38 +0000

យ៉ាងហោចណាស់ក៏មានមនុស្សចំនួន ៥ នាក់រងរបួសធ្ងន់ និង ៣ នាក់ទៀតរបួសស្រាល ករណីគ្រោះថ្នាក់ចរាចរណ៍រវាងរថយន្ត ៣ គ្រឿងព្រលះគ្នាពេលមេឃកំពុងភ្លៀង។

ហេតុការណ៍ខាងលើនេះបានកើតឡើង កាលពីវេលាម៉ោង ១៦ និង ៣៩ នាទី ថ្ងៃទី ១១ ខែមិថុនា ឆ្នាំ ២០២១ លើកំណាត់ផ្លូវជាតិលេខ ៣ កំពត-ភ្នំពេញ ចន្លោះបង្គោលគីឡូម៉ែត្រ ១៣៨-១៣៩ រវាងរថយន្ត និងរថយន្ត ចំនួន ៣ គ្រឿង បុកតគ្នា ទិសដៅផ្ទុយគ្នា។

យោងតាមប្រភពព័ត៌មានពី សមត្ថកិច្ចមូលដ្ឋាន បានឲ្យដឹងថា គ្រោះថ្នាក់នេះបង្កឡើងដោយរថយន្ត ៣ គ្រឿងប៉ះទង្គិចគ្នា រួមមាន ៖

ទី ១-បង្កឡើងដោយរថយន្តម៉ាក LX-570 ពណ៌ស ពាក់ស្លាកលេខភ្នំពេញ 2B-3456 ធ្វើដំណើរពីលិចទៅកើត។ បើកបរដោយឈ្មោះ លឹម ស៊ីឌឿន ភេទប្រុស អាយុ ៤២ ឆ្នាំ នៅភូមិហនុមាន ឃុំកណ្ដឹង ស្រុកបាទី ខេត្តតាកែវ បើកជែងចូលទៅចំណែកផ្លូវម្ខាងទៀត ទើបជ្រុលទៅប៉ះទង្គិចជាមួយរថយន្ត ១ គ្រឿងទៀត ដែលបើកមកពីកើតទៅលិច(ផ្ទុយគ្នា) ធ្វើឲ្យរថយន្តLX-570 ខូចខាតកម្រិតធ្ងន់ ហើយអ្នកបើកបររងរបួសស្រាល។ ចំណែកអ្នករួមដំណើរជាមួយ ៣ នាក់ ជាជនជាតិចិន ២ នាក់ រងរបួសធ្ងន់ ត្រូវបានដឹកទៅសង្គ្រោះនៅមន្ទីរពេទ្យភ្នំពេញ។

ទី ២-រថយន្តម៉ាកដេវូ ពណ៌ស ខៀវ ពាក់ស្លាកលេខកណ្ដាល 2A-2578 កន្ទុយរ៉ឺម៉ក ពាក់ស្លាកលេខកំពង់ស្ពឺ 4A-0425 បើកបរដោយឈ្មោះ ជុំ គង់ ភេទប្រុស អាយុ ៣៤ ឆ្នាំ នៅភូមិខ្សុំ ឃុំបន្ទាយដែកស្រុកកៀនស្វាយ ខេត្តកណ្ដាល រងរបួសបាក់ដៃឆ្វេង បញ្ជូនទៅមន្ទីរពេទ្យបង្អែកខេត្តកំពត មានទិសដៅពីលិចទៅកើត។

ទី ៣-រថយន្តម៉ាក FUSO ពណ៌ស ពាក់ស្លាកលេខព្រះសីហនុ 3A-1314 បើកបរដោយឈ្មោះ មាង សារ័ត្ថ ភេទប្រុស អាយុ ២១ ឆ្នាំ រស់នៅភូមិទឹកក្រហម ឃុំកណ្ដោល ស្រុកទឹកឈូ ខេត្តកំពត របួសធ្ងន់។ អ្នករួមដំណើរ ២ នាក់ ឈ្មោះ មាង សារ៉ូ ភេទប្រុស អាយុ ២៥ ឆ្នាំ រស់នៅភូមិទឹកក្រហម ឃុំកណ្ដោល ស្រុកឈូក ខេត្តកំពត រងរបួសធ្ងន់ និង ម្នាក់ទៀតមិនបានស្គាល់ឈ្មោះ។ អ្នកទាំង ៣ ត្រូវបានបញ្ជូនទៅកាន់មន្ទីរពេទ្យបង្អែកខេត្តកំពត។

បច្ចុប្បន្ន វត្ថុតាងរថយន្តទាំង ៣ គ្រឿង សមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលឃុំថ្មី ជាបណ្ដោះអាសន្ន៕

អត្ថបទ ៖ សេង ណារិទ្ធ

The post រថយន្ត ៣ គ្រឿងព្រលះគ្នាខណៈភ្លៀងកំពុងធ្លាក់ របួសមនុស្ស ៨ នាក់ appeared first on Kampuchea Thmey Daily.

រងរបួសដាច់ជើង២នាក់ ដោយសាររថយន្តបុកម៉ូតូអូសជាង៤០ម៉ែត្រ

Sokhom Khon — Wed, 20 Jan 2021 03:04:00 +0000

រថយន្ដដឹកជញ្ជូនមួយគ្រឿងរបស់ក្រុមហ៊ុL M Hបើកបុកម៉ូតូពីក្រោយអូសជាង៤០ម៉ែត្រ បណ្ដាលឲ្យជនរងគ្រោះ២នាក់ រងរបួសដាច់ជើង និងម្នាក់ទៀតរងរបួសស្រាល ខណៈដែលជនរងគ្រោះជិះម៉ូតូឌុបគ្នាចេញពីធ្វើការ។

ករណីនេះបានកើតឡើងកាលពីវេលាម៉ោង៩ និង២០នាទីយប់ ថ្ងៃទី១៩ ខែមករា ឆ្នាំ២០២១ តាមបណ្តោយមហាវិថីឈ្នះឈ្នះ ស្ថិតក្នុងសង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។

សមត្ថកិច្ចបានឲ្យដឹងថា ជនរងគ្រោះទី១មានឈ្មោះ លុច្យ អាយុជាង៣០ឆ្នាំ រងរបួសដាច់ជើងម្ខាង។ ជនរងគ្រោះទី២ មានឈ្មោះ ត្រា រងរបួសដាច់ជើងម្ខាង។ និងទី៣មានឈ្មោះ បុប្ផា រងរបួសស្រាល អ្នកទាំង៣ស្នាក់នៅភូមិកំរៀង សង្កាត់កំបូល ខណ្ឌកំបូល រាជធានីភ្នំពេញ។

តាមការឲ្យដឹងពីកន្លែងកើតហេតុបានឲ្យដឹងថា មុនពេលកើតហេតុគេឃើញជនរងគ្រោះ៣នាក់ ជិះម៉ូតូហុងដាឌ្រីមសង់ស៊េរីឆ្នាំ២០១៣ មួយគ្រឿងឌុបគ្នា តាមមហាវិថីឈ្នះឈ្នះ ក្នុងទិសដៅពីជើងទៅត្បូង ខណៈមកដល់ចំណុចកើតហេតុស្រាប់តែមានរថយន្តម៉ាកហ៊ីយ៉ាន់ពណ៌ ស លាយខៀវ ពាក់ស្លាកលេខព្រះសីហនុ3A 5931 របស់ក្រុមហ៊ុនLMH បើកបរក្នុងល្បឿនលឿនមកពីក្រោយហើយបានបុកពេញទំហឹងបណ្តាលឲ្យអ្នកជិះម៉ូតូ២នាក់ រងរបួសដាច់ជើងម្ខាងចេញពីគ្នាយ៉ាងរន្ធត់ និងម្នាក់ទៀតរបួសស្រាល។

ប្រភពដដែលបានបន្តថា ភ្លាមនោះរថយន្តបង្កនៅមិនទាន់អស់ល្បឿន អូសម៉ូតូជាប់នៅខាងក្រោមរថយន្តប្រហែលជាង៤០ម៉ែត្រទើបឈប់ ហើយតៃកុងរថយន្ដចុះរត់គេចខ្លួនបាត់។

ក្រោយកើតហេតុ ជនរងគ្រោះត្រូវបានរថយន្តសង្គ្រោះបន្ទាន់ដឹកទៅសង្គ្រោះនៅមន្ទីរពេទ្យ ចំណែករថយន្តបង្ក និងម៉ូតូ សមត្ថកិច្ចមូលដ្ឋានសហការជាមួយជំនាញធ្វើការវាស់វែងយកទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញរងចាំដោះស្រាយតាមផ្លូវច្បាប់៕

អត្ថបទ ៖ សុខុម 

The post រងរបួសដាច់ជើង២នាក់ ដោយសាររថយន្តបុកម៉ូតូអូសជាង៤០ម៉ែត្រ appeared first on Kampuchea Thmey Daily.

របួស Archives - Kampuchea Thmey Daily

សប្ដាហ៍ដំបូងខែមីនា មានអ្នកដំណើរ២១នាក់ទៀត បានស្លាប់ដោយគ្រោះថ្នាក់ចរាចរណ៍

ស្ត្រី ២ នាក់ ជិះម៉ូតូមកពីផ្សារត្រឡប់ទៅបន្ទប់ជួលវិញ ជាអកុសល ត្រូវរថយន្តកិនស្លាប់ម្នាក់

ខ្យល់កន្ត្រាក់នៅខេត្តព្រះវិហារ បណ្ដាលឲ្យស្លាប់ និងរបួសព្រមទាំងខាតផ្ទះពលរដ្ឋជាង១០០ខ្នង

បុរស​ម្នាក់​ត្រូវ​ម៉ូ​ទ័​រកា​ត់​ឈើ​ដួល​សង្កត់​ពី​លើ​បណ្តាល​ឲ្យ​មុត​ធ្លាយ​ពោះវៀន​រង​របួស​ធ្ងន់​ធ្ង​រ

បញ្ហាបើកបរឡើងជែងបង្កឲ្យខូចខាតទ្រព្យសម្បត្តិ និងមនុស្ស ០២ នាក់ របួសធ្ងន់-ស្រាល​

យករំសេវផាវច្នៃបោកត្រី ភ្លាត់ស្នៀតផ្ទុះបែកប្រអប់ដៃខ្ទេច​

រថយន្ត ៣ គ្រឿងព្រលះគ្នាខណៈភ្លៀងកំពុងធ្លាក់ របួសមនុស្ស ៨ នាក់

​រងរបួសដាច់ជើង២នាក់ ដោយ​សារ​រថយន្ត​បុក​ម៉ូតូ​អូស​ជាង​៤០​ម៉ែត្រ​

បុរសម្នាក់ត្រូវម៉ូទ័រកាត់ឈើដួលសង្កត់ពីលើបណ្តាលឲ្យមុតធ្លាយពោះវៀនរងរបួសធ្ងន់ធ្ងរ

បញ្ហាបើកបរឡើងជែងបង្កឲ្យខូចខាតទ្រព្យសម្បត្តិ និងមនុស្ស ០២ នាក់ របួសធ្ងន់-ស្រាល

យករំសេវផាវច្នៃបោកត្រី ភ្លាត់ស្នៀតផ្ទុះបែកប្រអប់ដៃខ្ទេច

រងរបួសដាច់ជើង២នាក់ ដោយសាររថយន្តបុកម៉ូតូអូសជាង៤០ម៉ែត្រ