ព័ត៌មានជាតិ

រថយន្ត ៣ គ្រឿងព្រលះគ្នាខណៈភ្លៀងកំពុងធ្លាក់ របួសមនុស្ស ៨ នាក់

បានផុស

៥ years មុន

នៅ

ថ្ងៃសៅរ៍ ១២ មិថុនា ២០២១

ដោយ

យ៉ាងហោចណាស់ក៏មានមនុស្សចំនួន ៥ នាក់រងរបួសធ្ងន់ និង ៣ នាក់ទៀតរបួសស្រាល ករណីគ្រោះថ្នាក់ចរាចរណ៍រវាងរថយន្ត ៣ គ្រឿងព្រលះគ្នាពេលមេឃកំពុងភ្លៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ខាងលើនេះបានកើតឡើង កាលពីវេលាម៉ោង ១៦ និង ៣៩ នាទី ថ្ងៃទី ១១ ខែមិថុនា ឆ្នាំ ២០២១ លើកំណាត់ផ្លូវជាតិលេខ ៣ កំពត-ភ្នំពេញ ចន្លោះបង្គោលគីឡូម៉ែត្រ ១៣៨-១៣៩ រវាងរថយន្ត និងរថយន្ត ចំនួន ៣ គ្រឿង បុកតគ្នា ទិសដៅផ្ទុយគ្នា។

យោងតាមប្រភពព័ត៌មានពី សមត្ថកិច្ចមូលដ្ឋាន បានឲ្យដឹងថា គ្រោះថ្នាក់នេះបង្កឡើងដោយរថយន្ត ៣ គ្រឿងប៉ះទង្គិចគ្នា រួមមាន ៖

ទី ១-បង្កឡើងដោយរថយន្តម៉ាក LX-570 ពណ៌ស ពាក់ស្លាកលេខភ្នំពេញ 2B-3456 ធ្វើដំណើរពីលិចទៅកើត។ បើកបរដោយឈ្មោះ លឹម ស៊ីឌឿន ភេទប្រុស អាយុ ៤២ ឆ្នាំ នៅភូមិហនុមាន ឃុំកណ្ដឹង ស្រុកបាទី ខេត្តតាកែវ បើកជែងចូលទៅចំណែកផ្លូវម្ខាងទៀត ទើបជ្រុលទៅប៉ះទង្គិចជាមួយរថយន្ត ១ គ្រឿងទៀត ដែលបើកមកពីកើតទៅលិច(ផ្ទុយគ្នា) ធ្វើឲ្យរថយន្តLX-570 ខូចខាតកម្រិតធ្ងន់ ហើយអ្នកបើកបររងរបួសស្រាល។ ចំណែកអ្នករួមដំណើរជាមួយ ៣ នាក់ ជាជនជាតិចិន ២ នាក់ រងរបួសធ្ងន់ ត្រូវបានដឹកទៅសង្គ្រោះនៅមន្ទីរពេទ្យភ្នំពេញ។

ទី ២-រថយន្តម៉ាកដេវូ ពណ៌ស ខៀវ ពាក់ស្លាកលេខកណ្ដាល 2A-2578 កន្ទុយរ៉ឺម៉ក ពាក់ស្លាកលេខកំពង់ស្ពឺ 4A-0425 បើកបរដោយឈ្មោះ ជុំ គង់ ភេទប្រុស អាយុ ៣៤ ឆ្នាំ នៅភូមិខ្សុំ ឃុំបន្ទាយដែកស្រុកកៀនស្វាយ ខេត្តកណ្ដាល រងរបួសបាក់ដៃឆ្វេង បញ្ជូនទៅមន្ទីរពេទ្យបង្អែកខេត្តកំពត មានទិសដៅពីលិចទៅកើត។

ទី ៣-រថយន្តម៉ាក FUSO ពណ៌ស ពាក់ស្លាកលេខព្រះសីហនុ 3A-1314 បើកបរដោយឈ្មោះ មាង សារ័ត្ថ ភេទប្រុស អាយុ ២១ ឆ្នាំ រស់នៅភូមិទឹកក្រហម ឃុំកណ្ដោល ស្រុកទឹកឈូ ខេត្តកំពត របួសធ្ងន់។ អ្នករួមដំណើរ ២ នាក់ ឈ្មោះ មាង សារ៉ូ ភេទប្រុស អាយុ ២៥ ឆ្នាំ រស់នៅភូមិទឹកក្រហម ឃុំកណ្ដោល ស្រុកឈូក ខេត្តកំពត រងរបួសធ្ងន់ និង ម្នាក់ទៀតមិនបានស្គាល់ឈ្មោះ។ អ្នកទាំង ៣ ត្រូវបានបញ្ជូនទៅកាន់មន្ទីរពេទ្យបង្អែកខេត្តកំពត។