​លោក ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍នៅថ្ងៃទី ១៥ ​ឧសភា ២០២៦​ បានដឹកនាំគណៈប្រតិភូចុះពិនិត្យវឌ្ឍនភាពគម្រោង​សាងសង់រោងចក្រ​ទឹកស្អាត​បាក់ខែង ​ដំណាក់កាលទី៣​ ដែលជារោងចក្រប្រព្រឹត្តកម្មទឹកស្អាត​ធំជាងគេបំផុត​របស់កម្ពុជា។​

​លោក ហែម វណ្ណឌី បានប្រាប់ឱ្យដឹងថា ក្រោយបញ្ចប់ការសាងសង់ដំណាក់កាលទី៣ រោងចក្រទឹកស្អាតបាត់ខែង នឹងបង្កើន សមត្ថភាព​ផលិតទឹកស្អាតចំនួន ១៩៥.០០០ ម៉ែត្រគូបក្នុងមួយថ្ងៃបន្ថែមទៀត ដែលនឹងធ្វើឱ្យសមត្ថភាពផលិត​សរុប​របស់រោងចក្របាក់ខែងកើនដល់ ៥៨៥.០០០ ម៉ែត្រគូបក្នុងមួយថ្ងៃ និងបង្កើនសមត្ថភាព​ផលិត​សរុបរបស់រដ្ឋាករទឹកស្វយ័តក្រុងភ្នំពេញដល់ ១,២ លានម៉ែត្រគូប ​ក្នុងមួយថ្ងៃ៕

The post ​គម្រោង​សាងសង់​រោងចក្រ​ទឹក​ស្អាត​បាក់ខែង ដំណាក់កាលទី៣ ​សម្រេចបានជាង ៧០% គ្រោង​បញ្ចប់​នៅ​ឆ្នាំ​ក្រោយ​ appeared first on Kampuchea Thmey Daily.

ថវិកាទាំង ៦៦០ លានដុល្លារ មានឥណទានសម្បទានពី AFD ចំនួន ៤១០ លាន ដុល្លារ, ឥណទានសម្បទាន​ពីធនាគារវិនិយោគអឺរ៉ុប (EIB) ចំនួន ១០០ លានដុល្លារ, ហិរញ្ញប្បទាន​ឥតំណង​ពីសហគមន៍អឺរ៉ុប (EU) ចំនួន ២៦ លានដុល្លារអាម៉េរិក និងថវិកា​បដិភាគ​ពីរដ្ឋាករ​ទឹកស្វយ័តក្រុងភ្នំពេញចំនួន ១២៤ លានដុល្លារអាម៉េរិក។

បច្ចុប្បន្ន រដ្ឋាករទឹកស្វយ័តក្រុងភ្នំពេញ អាចផលិតទឹកស្អាតបានចំនួនប្រមាណ ៩៨ ម៉ឺន ២ ពាន់ម៉ែត្រគូប ក្នុងមួយថ្ងៃ ដែលអាចបំពេញ​តម្រូវការ​នៅក្នុងរាជ​ធានីភ្នំពេញ និងក្រុងតាខ្មៅ។

បន្ទាប់ពីគម្រោងទី ៣ បញ្ចប់នៅឆ្នាំ ២០២៧ រោងចក្រ​ប្រព្រឹត្ត​កម្មទឹកស្អាតបាក់ខែង នឹងមានសមត្ថភាពផលិតទឹកស្អាត បានចំនួន ប្រមាណ ១៩ ម៉ឺន ៥ ពាន់ម៉ែត្រគូប បន្ថែមទៀត ក្នុងមួយថ្ងៃ ដើម្បីឆ្លើយតបទៅ​នឹងតម្រូវការ ទឹកស្អាតប្រចាំថ្ងៃ។ គម្រោងរោងចក្រប្រព្រឹត្តកម្មទឹកស្អាតបាក់ខែងជំហានទី៣ នឹងគ្រោងប្រើថវិកាសរុប​ចំនួន២៥៧លានដុល្លារ។

លោក ហែម វណ្ឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើក​ឡើងថា៖ «នៅក្នុងឆ្នាំ២០២៣ រដ្ឋាករទឹកស្វយ័តក្រុងភ្នំពេញបានផលិតទឹកស្អាត​ប្រមាណ ២៧៩ លាន ម៉ែត្រគូប ស្មើនឹង ៦០% នៃផលិត​ផលទឹកស្អាត​សរុបនៅទូទាំង​ប្រទេស​។ គ្រួសារ​ដែល​បានភ្ជាប់បណ្តាញទឹក​ស្អាតប្រើប្រាស់ផ្ទាល់ពីរដ្ឋាករទឹករដ្ឋទាំងអស់មានចំនួន ៦០៧.២៧៣ គ្រួសារ ស្មើនឹង ៤៦%  នៃចំនួនគ្រួសារសរុបនៅ ទូទាំងប្រទេស»៕

អត្ថបទ៖ ឡេង ដេត

The post រោងចក្រផលិតទឹកស្អាតបាក់ខែង ចាយថវិកា ៦៦០ លានដុល្លារ appeared first on Kampuchea Thmey Daily.

រដ្ឋាករទឹកស្វយ័តក្រុងភ្នំពេញបានផ្តល់កិច្ចសន្យាឱ្យក្រុមហ៊ុន Vinci Construction Grands Projets (CGR) ក្នុងការបន្តសាងសង់រោងចក្រផលិតទឹកស្អាតផ្គត់ផ្គង់បាក់ខែងជំហានទី ៣ ​ដែលមាន​តម្លៃ​ប្រមាណ ១០២ លានដុល្លារ រយៈពេល ៣៦ ខែ។​

​យោងតាមរដ្ឋាករស្វយ័តក្រុងភ្នំពេញ ​សព្វថ្ងៃ ​តម្រូវការទឹកក្នុងរាជធានីភ្នំពេញ​ប្រមាណជាង ៩៣ ម៉ឺនម៉ែត្រគូប ​ក្នុងមួយ​ថ្ងៃ ​ហើយនឹងអាចកើនដល់ ១ លានម៉ែត្រគួបនៅពេលខាងមុខ។ ​

​លោក ផេង ទី អគ្គនាយករងផ្គត់ផ្គង់ទឹក នៃរដ្ឋាករស្វយ័តក្រុងភ្នំពេញបានប្រាប់ថា នៅពេលដែល​សាងសង់រោងចក្រទាំងអស់រួចរាល់នៅរាជធានីភ្នំពេញនឹងមានរោង​ចក្រ​ផលិតកម្មទឹកស្អាតចំនួន ៦ ដែលមានសមត្ថភាព​ផលិតរហូតដល់ ១,៨ លាន ម៉ែត្រគូប។​

សូមជំរាបថា ការដ្ឋានសំណង់ជំហានទី៣ នឹងផ្តល់ការងារដល់មនុស្ស ១ ៦០០នាក់ ដែលភាគច្រើននៃកម្មករ និងអ្នកមើលការខុសត្រូវគឺជាជន ជាតិខ្មែរ និងកម្លាំងពលកម្មជាស្ត្រីត្រូវបានគេរំពឹងថា នឹងមានចំនួន ៣០% នៃកម្លាំងពលកម្មសរុប ហើយក្រុមហ៊ុន VINCI នឹងបណ្តុះបណ្តាលពួកគេផ្នែកសំណង់៕

អត្ថបទ៖ ឡេង ដេត

The post រោងចក្រទឹកស្អាតបាក់ខែងទី ៣ បើកការដ្ឋាន​សាងសង់នៅសប្ដាហ៍ក្រោយ appeared first on Kampuchea Thmey Daily.

​រដ្ឋាករទឹកស្វយ័តក្រុងភ្នំពេញ បានផ្តល់កិច្ចសន្យាឱ្យក្រុមហ៊ុន Vinci Construction Grands Projets (CGR) ក្នុងការបន្តសាងសង់រោងចក្រផលិតទឹកស្អាតផ្គត់ផ្គង់បាក់ខែងជំហានទី ៣ ​ដែលមាន​តម្លៃ​ប្រមាណ ១០២ លានដុល្លារ រយៈពេល ៣៦ ខែ។​

​លោក ផេង ទី អគ្គនាយករងផ្គត់ផ្គង់ទឹក នៃរដ្ឋាករស្វយ័តក្រុងភ្នំពេញប្រាប់កម្ពុជាថ្មី ​នៅថ្ងៃទី ​០៥ ខែមិថុនា នេះថា ​បច្ចុប្បន្ន ​តម្រូវការទឹកក្នុងរាជធានីភ្នំពេញ​ប្រមាណជាង ៩៣ ម៉ឺនម៉ែត្រគូប ​ក្នុងមួយ​ថ្ងៃ ​ហើយនឹងអាចកើនដល់ ១ លានម៉ែត្រគួបនៅពេលខាងមុខ។ ​

​លោកបញ្ជាក់ថា នៅពេលដែល​សាងសង់រោងចក្រទាំងអស់រួចរាល់នៅរាជធានីភ្នំពេញនឹងមានរោង​ចក្រ​ផលិតកម្មទឹកស្អាតចំនួន ៦ ដែលមានសមត្ថភាព​ផលិតរហូតដល់ ១,៨ លាន ម៉ែត្រគូប។​

សូមជំរាបថា ការដ្ឋានសំណង់ជំហានទី៣ នឹងផ្តល់ការងារដល់មនុស្ស ១ ៦០០នាក់ ដែលភាគច្រើននៃកម្មករ និងអ្នកមើលការខុសត្រូវគឺជាជន ជាតិខ្មែរ និងកម្លាំងពលកម្មជាស្ត្រីត្រូវបានគេរំពឹងថា នឹងមានចំនួន ៣០% នៃកម្លាំងពលកម្មសរុប ហើយក្រុមហ៊ុន VINCI នឹងបណ្តុះបណ្តាលពួកគេផ្នែកសំណង់៕

អត្ថបទ៖ ឡេង ដេត

The post គម្រោងសាងសង់រោងចក្រទឹកស្អាតបាក់ខែង​ទី ៣ ​តម្លៃជាង ១០០ លានដុល្លារនឹងបើកការរដ្ឋានដំណាច់ខែនេះ appeared first on Kampuchea Thmey Daily.