នាយកដ្ឋាននគរបាលព្រហ្មទណ្ឌ បញ្ជាក់ក្នុងសេចក្ដីបំភ្លឺផ្សាយលើទំព័រហ្វេសប៊ុក នាថ្ងៃទី១៩ ខែវិច្ឆិកា ថា បន្ទាប់ពីចាប់ខ្លួនបានអ្នកទោសដែលត្រូវរំដោះចេញពីសាលាដំបូងខេត្តស្វាយរៀងចំនួន៦នាក់ និងស្ដ្រីដែលចូលទៅរំដោះម្នាក់ នៅក្នុងភូមិសាស្ត្រស្រុកស្វាយទាប ខេត្តស្វាយរៀង កម្លាំងជំនាញបានរៀបចំបញ្ជូនឧក្រិដ្ឋនទាំងអស់នោះ រួមទាំងស្ដ្រីដែលមករំដោះឡើងលើរថយន្ដ ដើម្បីបន្ដសួរនាំតាមនីតិវិជី។ ប៉ុន្ដែនៅពេលបញ្ជូនឡើងដល់លើរថយន្ដ ក៏មានអ្នកសារព័ត៌មានថត ហើយលូកដៃទៅប៉ះពាល់មុខស្ដ្រីខាងលើ ហើយប្រើពាក្យសម្ដីមិនសមរម្យ។

នាយកដ្ឋាននគរបាលព្រហ្មទណ្ឌ សង្កត់ធ្ងន់ដូច្នេះ៖« អ្នកដែលលូកដៃទៅប៉ះពាល់មុខស្ដ្រីដែលយកទៅកាំភ្លើង ហុចឲ្យជនល្មើសដើម្បីរំដោះខ្លួនចេញទៅសាលាដំបូងខេត្តស្វាយរៀងនោះ មិនមែនជាមន្ដ្រីនគរបាលនោះទេ។ ក្នុងរង្វង់ប្រតិបត្តិការកម្លាំងនគរបាលជំនាញ តែងប្រកាន់ខ្ជាប់នូវក្រមសីលធម៌ វិជ្ជាជីវៈ បទវិន័យនគរបាលជាតិ ពិសេសចំពោះជនល្មើសជាស្ដ្រីភេទ។»។

នាយកដ្ឋាននគរបាលព្រហ្មទណ្ឌ រំពឹងថា អ្នកប្រើប្រាស់បណ្ដាញសង្គមទាំងអស់ នឹងបញ្ចេញមតិលើករណីនេះប្រកបដោយក្រមសីលធម៌ មិនចោទប្រកាន់មកលើកម្លាំងនគរបាល ដែលយកជីវិតទៅប្ដូរដើម្បីតាមចាប់ខ្លួនក្រុមឧក្រិដ្ឋជន។

គួរជម្រាបថា អ្នកសារព័ត៌មាន ដែលបានយកដៃទៅអង្អែលថ្ពាល់ និងប្រើសម្ដីបៀតបៀនស្ត្រីជាជនសង្ស័យ គឺមានឈ្មោះថា ខាន់ សារ័ត្ន ជាអ្នកសារព័ត៌មាន នៃអង្គភាពក្ដាមក្រហម នៅខេត្តស្វាយរៀង។ ក្រសួងព័ត៌មាន បានចាត់វិធានការបន្ទាន់លើបុគ្គលនេះ ដោយបានលុបចោលសុពលភាពនៃបណ្ណសម្គាល់ខ្លួនអ្នកសារព័ត៌មាន និងដាក់ឈ្មោះនេះទៅក្នុងបញ្ជីហាមធ្វើសកម្មភាព អាជីវកម្ម ពាក់ព័ន្ធវិស័យព័ត៌មាន និងសោតទស្សន៍ បន្ទាប់ពីរកឃើញថា ទង្វើរបស់បុគ្គលនេះ ជាទង្វើអសីលធម៌ និងរំលោភបំពានយ៉ាងធ្ងន់ធ្ងរមកលើធម្មនុញ្ញវិជ្ជាជីវៈសារព័ត៌មាន ដែលហាមឃាត់មិនឱ្យអ្នកសារព័ត៌មានប្រើប្រាស់ពាក្យសម្ដី និងបៀតបៀនរូបរាងកាយរបស់ស្ត្រីឡើយ។

កាលពីព្រឹកថ្ងៃទី១៩​ ខែវិច្ឆិកា នេះ មន្ត្រីជំនាញនៃក្រសួងព័ត៌មាន បានចុះទៅដល់មន្ទីរព័ត៌មានខេត្តស្វាយរៀង ហើយបានកោះហៅ អ្នកសារព័ត៌មាន ផាត់ ហ៊ន និងបុគ្គល ខាត់ សារ័ត្ន មកណែនាំ និងអនុវត្តវិធានការស្របតាមលិខិតបទដ្ឋានគតិយុត្ត និងច្បាប់ជាធរមាន។

បន្ទាប់ពីចប់នីតិវិធីរបស់ក្រសួងព័ត៌មានទៅ នៅវេលាថ្ងៃត្រង់ សមត្ថកិច្ច​នគរបាល​ខេត្ត​ស្វាយរៀង​នាំយកឈ្មោះ​ ផាត់​ ហ៊ន​ និង​ ឈ្មោះ​ ខាត់​ សារ័ត្ន​ ត្រូវបាន​ ទៅ​សាកសួរបន្ត​នៅ​ការិយាល័យ​ព្រហ្មទណ្ឌ​កម្រិតស្រាលបន្ថែមទៀត៕

ដោយ៖ ង៉ិល ណារ៉ាត់

The post នគរបាលព្រហ្មទណ្ឌថា បានប្រកាន់ខ្ជាប់ក្រមសីលធម៌ វិជ្ជាជីវៈ ជាពិសេសលើស្ត្រី ក្នុងការបង្ក្រាបករណីរំដោះអ្នកទោសនៅស្វាយរៀង   appeared first on Kampuchea Thmey Daily.

គូររំលឹកថា កាលពីព្រឹកថ្ងៃទី១៨ ខែវិច្ឆិកា ឆ្នាំ២០២៥នេះ ក្រុមអ្នកទោសចំនួន៦នាក់ត្រូវបានក្រុមឧក្រិដ្ឋជនចូលទៅបាញ់រំដោះចេញពីសាលាដំបូងខេត្តស្វាយរៀង ដោយមធ្យោបាយរថយន្ដមួយគ្រឿង ពណ៌ខ្មៅ ពាក់ស្លាកលេខ ភ្នំពេញ 2CA-0692 រួចគេចខ្លួនបាត់ដោយសុវត្ថិភាព។ លុះដល់វេលាម៉ោងប្រហែល១១ព្រឹក ថ្ងៃដដែល ជនសង្ស័យម្នាក់ក្នុងចំណោមបក្ខពួកត្រូវបានកម្លាំងសមត្ថកិច្ចតាមចាប់ខ្លួនបាននៅចំនុចភូមិតាលៀន ស្រុកស្វាយទាប ខេត្តស្វាយរៀង រួមទាំងរថយន្ដផងដែរ។

តាមរយៈរូបភាពពីកាមេរ៉ាសុវត្ថិភាពរបស់សាលាដំពុងខេត្តស្វាយរៀង មុនឈានដល់ការរំដោះក្រុមអ្នកទោស មានស្ត្រីម្នាក់បានដើរចូលមកក្នុងបរិវេណសាលាដំបូងខេត្តស្វាយរៀង ហើយក្រោយក្រុមអ្នកទោសចុះពីរថយន្ដដែលត្រូវសមត្ថកិច្ចដឹកចូលក្នុងបរិវេណដើម្បីយកទៅកាត់ ស្ត្រីសង្ស័យក៏បានហុចកាំភ្លើងដែលលាក់ទុកខ្លួនឲ្យទៅអ្នកទោសម្នាក់ រួចក៏បើកការបាញ់ប្រហារទៅលើក្រុមសមត្ថកិច្ច និងនាំគ្នារត់គេចខ្លួនតែម្ដង។

តាមការបញ្ជាក់ពីអគ្គនាយកដ្ឋានពន្ធនាគារ នារសៀលថ្ងៃទី១៨វិច្ឆិកានេះដែរ ក្រុមអ្នកទោសដែលត្រូវបានរំដោះចេញពីសាលាដំបូងខេត្តស្វាយរៀង គឺជាប់ពាក់ព័ន្ធករណីគ្រឿងញៀន និងបទកាន់កាប់អាវុធខុសច្បាប់៕

The post ក្រុមអ្នកទោសដែលរំដោះចេញពីតុលាការខេត្តស្វាយរៀង ត្រូវសមត្ថកិច្ចតាមចាប់បានទាំងអស់វិញហើយ appeared first on Kampuchea Thmey Daily.

តាមព័ត៌មាន​ដែលទទួលបាន ជនសង្ស័យដែលឃាត់ខ្លួននេះ ជាជនជាតិវៀតណាម ខណៈជនសង្ស័យផ្សេងទៀតនៅកំពុងគេចខ្លួននៅឡើយ។

សូមជម្រាបថា បើតាមព័ត៌មានពីសមត្ថកិច្ចខេត្តស្វាយរៀង អ្នកទោសដែលត្រូវបានរំដោះចេញមាន៦នាក់ ទាំងដៃជាប់ខ្នោះ តាមមធ្យោបាយរថយន្ដពណ៌ខ្មៅមួយគ្រឿងពាក់ស្លាកលេខ ភំពេញ 2CA-0592។ ការចូលមករំដោះអ្នកទោសនៅតុលាការខេត្តស្វាយរៀងនេះ ធ្វើឡើងនៅពេលសមត្ថកិច្ចនាំអ្នកទោស ចូលទៅតុលាការ ដើម្បីកាត់ទោស៕

The post Update៖ ជនសង្ស័យម្នាក់ក្នុងចំណោមបក្ខពួកត្រូវបានឃាត់ខ្លួនករណីរំដោះអ្នកទោសចេញពីតុលាការ​ខេត្តស្វាយរៀង appeared first on Kampuchea Thmey Daily.

តាមព័ត៌មានបឋមដែលទទួលបាន អ្នកទោសដែលត្រូវបានរំដោះចេញមាន៦នាក់ ទាំងដៃជាប់ខ្នោះ តាមមធ្យោបាយរថយន្ដពណ័ខ្មៅមួយគ្រឿងពាក់ស្លាកលេខ ភំពេញ 2CA-0592។

លោកឧត្ដមសេនីយ៍ត្រី ពេជ្រ វិរៈ ស្នងការនៃស្នងការដ្ឋាននគរបាលខេត្តស្វាយរៀង នៅមិនទាន់បញ្ជាក់នៅឡើយទេចំពោះករនីនេះ៕

The post Breaking News៖ អ្នកទោស៦នាក់ត្រូវបានបក្ខពួកចូលមករំដោះចេញពីតុលាការខេត្តស្វាយរៀង appeared first on Kampuchea Thmey Daily.

ជនជាតិវៀតណាមម្នាក់ដែលជាប់ឃុំក្នុងពន្ធនាគារខេត្តស្វាយរៀង ត្រូវបក្សពួកមករំដោះចេញពីពន្ធនាគារខេត្តស្វាយរៀងទាំងកណ្តាលថ្ងៃ ហើយជិះម៉ូតូគេចខ្លួនបាត់ដោយសុវត្ថិភាព។ករណីនេះបានកើតឡើងនៅវេលាម៉ោងប្រមាណ៤÷ ២៥នាទីរសៀលថ្ងៃទី២៨ខែតុលាឆ្នាំ២០២៤ នៅខាងមុខពន្ធនាគារខេត្តស្វាយរៀងស្ថិតនភូមិស្រះវង់សង្កាត់ស្វាយរៀង ក្រុងស្វាយរៀង។

បើតាមសមត្ថកិច្ចបានឲ្យដឹងថា ក្រោយមកកម្លាំងសមត្ថកិច្ចការិយាល័យព្រហ្មទណ្ឌនៃស្នងការដ្ឋាននគបាលខេត្តស្វាយរៀងសហការជាមួយកម្លាំងនគបាលនៃអធិការដ្ឋាននគបាលក្រុងស្វាយរៀង និងនគបាលពន្ធនាគារខេត្តបានចុះស្រាវជ្រាវ រកបក្សពួកជនសង្ស័យ រហូតដល់វេលាម៉ោង០៥និង៣០នាទីល្ងាចថ្ងៃទី២៨តុលា បានកំណត់ទីតាំងមុខសញ្ញាស្នាក់នៅ សមត្ថកិច្ចបានដឹកនាំកម្លាំធ្វើការឡោមពទ្ធ័ ផ្ទះសំណាក់ ចំនួន២ ទី១ ផ្ទះសំណាក់ចំរើនសុវណ្ណវត្តីមានលាភ ទី២ ពទ្ធ័ផ្ទះសំណាក់ សុខហេង។

ប្រភពបន្តថា នៅវេលាម៉ោង ៦និង៣០នាទីយប់ ថ្ងៃទី២៨ខែតុលា សមត្ថកិច្ចបានចូលពិនិត្យផ្ទះសំណាក់ សុខហេង  ជាលទ្ធផល បានឃាត់ខ្លួន ជនជាតិវៀតណាមចំនួន០៣នាក់ស្រី២នាក់ប្រុសម្នាក់ យកទៅសាកសួរនៅការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគបាលខេត្តស្វាយរៀង។សមត្ថកិច្ចបានបង្ហើបឲ្យដឹងថា ជនជាតិវៀតណាមទាំង០៣នាក់ នេះបានមកជួលបន្ទប់ផ្ទះសំណាក់សុខហេង នៅភូមិស្រះវង់ ចំនួនកន្លះខែមកហើយ និងបានយកបាយម្ហូបឲ្យជនសង្ស័យ នៅពន្ធនាគារខេត្តស្វាយរៀងរាល់ថ្ងៃ។  ដែលជនជាប់ឃុំជនជាតិវៀតណាមនោះ ត្រូវបានលោកចៅក្រមសាកសួរនៅសាលាដំបូងខេត្តស្វាយរៀងបានចេញដីការឃុំខ្លួនបណ្តោះអាសន្ននៅក្នុងពន្ធនាគារ ជាងកន្លះខែមកហើយ។ 

ចំណែកជនជាតិវៀតណាមចំនួន០២នាក់ ស្រីម្នាក់ បានទៅជួលផ្ទះសំណាក់ចំរើនសុវណ្ណវត្តីមានលាភ ស្នាក់នៅចំនួន១សប្ដាហ៍មកហើយ សមត្ថកិច្ចដាក់ការ សង្ស័យថា ជា ជនសង្ស័យទៅរំដោះ ជនសង្ស័យ ជាឧក្រិដ្ឋជន ជនជាតិវៀតណាម ម្នាក់ ដែលត្រូវលោកចៅក្រមចេញដីកាឃុំខ្លួនបណ្តោះអាសន្ន ក្នុងពន្ធនាគារខេត្តស្វាយរៀង ពីបទជួញដូរគ្រឿងញៀន និងរក្សាទុកអាវុធ គ្រាប់រំសេវដោយខុសច្បាប់ ដែលប្រព្រិតនៅក្រុងបាវិត ហើយស្រ្តីជនជាតិវៀតណាមម្នាក់ដែលស្នាក់ជាមួយជនសង្ស័យខាងលើ គឺជា ប្រពន្ធរបស់ជនជាប់ចោទ ដែលជាប់ក្នុងពន្ធនាគារខេត្តត្រូវបក្សពួកម្នាក់ទៅរំដោះចេញពីពន្ធនាគារឡើងជិះម៉ូតូគេចខ្លួនបាត់ដោយសុវត្ថិភាព។ 

ទាក់ទិនករណីនេះដែរ មន្ត្រីអនុរក្សពន្ធនាគារខេត្តស្វាយរៀងម្នាក់ បានបង្ហើបប្រាប់អ្នកសារព័ត៌មានថា មុនដំបូងមានជនជាតិវៀតណាមម្នាក់ភេទប្រុស បានមកសុំមន្ត្រីនគបាលយាមពន្ធនាគារ សុំជួបសួរសុខទុក្ខ ជនសង្ស័យ ម្នាក់ជាជនជាតិវៀតណាមជាប់ឃុំនៅពន្ធនាគារខេត្តស្វាយរៀង មន្ត្រីយាមពន្ធនាគារ បាននាំជនសង្ស័យ ពីក្នុងពន្ធនាគារ នៅទ្វាពន្ធនាគារខាងមុខ ខណៈដែលជនសង្ស័យដើរដល់មាត់ទ្វា ខាងមុខស្រាប់តែមានជនសង្ស័យម្នាក់បានដកអាវុធខ្លីផ្ជង់មន្ត្រីពន្ធនាគារ ហើយពេលនោះជនសង្ស័យបានកញ្ឆក់យកអាវុធខ្លី ពីជនមករំដោះនោះរួចកេះកៃកាំភ្លើងបាញ់ទៅលើមន្ត្រីពន្ធនាគារ សំណាងល្អ អត់ផ្ទុះ ខណៈនោះជនសង្ស័យទាំងពីបានឡើងជិះម៉ូតូចេញទៅ។

ភ្លាមៗមន្ត្រីពន្ធនាគារម្នាក់ថ្នាក់វរៈសេនីយ៍ បានរត់ដេញតាមម៉ូតូជនសង្ស័យទាន់ហើយក៏មានមន្ត្រីនគរបាលម្នាក់ទៀតស្រែកថា មានកាំភ្លើងប្រយត្ន័ ខណៈនោះមន្ត្រីនគបាលរូបនោះភ័យក៏ឱនក្រាបទៅលើដី ជាឱកាសជនសង្ស័យបានបើកម៉ូតូឌុបគ្នាគេចខ្លួនបាត់ដោយសុវត្ថភាព ។បើតាមសមត្ថកិច្ចបានមើលរូបតាមកាម៉ារាសុវត្ថិភាពឃើញជនសង្ស័យជិះម៉ូតូ ពណ៌ស ជាម៉ូតូ ផលិតនៅប្រទេសវៀតណាម។

 បើតាមម្ចាស់ផ្ទះសំណាក់សុខហេងបានឲ្យដឹងថា មានជនជាតិវៀតណាម ០៥នាក់ស្រី០៣នាក់ បានមកជួលបន្ទប់ស្នាក់នៅ ចំនួន០៣បន្ទប់រយៈពេលកន្លះខែមកហើយគឺតាំងបុណ្យឆ្លង បុណ្យភ្ជំបិណ្ឌរួច ហើយឃើញដាំបាយធ្វើម្ហូប សម្រាប់មនុស្ស៨-៩នាក់យកទៅឲ្យអ្នកជាប់ឃុំនៅពន្ធនាគារខេត្តស្វាយរៀងរាល់ថ្ងៃ ។

ហើយចំពោះជនជាតិវៀតណាមស្រីប្រុស០២នាក់មកស្នាក់នៅបាន១សប្ដាហ៍ក៏ បានចេញទៅជួលផ្ទះសំណាក់ចំរើនសុវណ្ណវត្តីមានលាភស្នាក់នៅ  ដោយនិយាយថា ផ្ទះសំណាក់សុខហេង ថ្លៃ។ចំណែកម្ចាស់ផ្ទះសំណាក់ចំរើនសុវណ្ណវត្តីមានលាភ បានប្រាប់អ្នកសារព័ត៌មាននារសៀលថ្ងៃទី២៩តុលានេះថា នេះជាការសោកស្តាយ ព្រោះជនជាតិវៀតណាមមួយក្រុមនេះមកស្នាក់រយៈពេល០៧ថ្ងៃដដោយភាគីម្ចាស់ផ្ទះមិនបានថតលិខិតឆ្លងដែនភ្ញៀវជនជាតិវៀតណាមទាំងពីរនាក់ទុកឡើយ។ មិនថតទុក ព្រោះកន្លងមកផ្ទះសំណាក់របស់គាត់ពុំមានភ្ញៀវចូលស្នាក់នៅច្រើនទេគឺមានតែភ្ញៀវប្រចាំមកដាក់ទំនិញ រាល់ថ្ងៃមកសម្រាកប៉ុណ្ណោះ។

ទាក់ទិនករណីនេះដែរ លោកប្រធានពន្ធនាគារខេត្តស្វាយរៀងបានមានប្រសាសន៍តាមទូរសព្ទ័នារសៀលនេះថា លោកមិនអាចផ្តល់ព័ត៌មានបានទេ ព្រោះសមត្ថកិច្ចកំពុងធ្វើការ៕

ដោយ÷ភក្ដី

The post ជនជាតិវៀតណាមជាប់ឃុំនៅស្វាយរៀង ត្រូវបានបក្សពួករំដោះចេញពីពន្ធនាគារដោយសុវត្ថិភាព ខណៈសមត្ថកិច្ចកំពុងស្រាវជ្រាវ appeared first on Kampuchea Thmey Daily.

សូមរំលឹកថា ខ្មាន់កាំភ្លើងមួយក្រុម ប្រដាប់ដោយអាវុធគ្រប់ដៃ បានសម្រុកចូលរំដោះអ្នកទោសជនជាតិចិនម្នាក់ ដែលមន្ដ្រីពន្ធនាគារបញ្ជូនទៅពេទ្យធ្មេញមួយកន្លែង។

ហេតុការណ៍នេះ បានបង្កឲ្យមានការភ្ញាក់ផ្អើលនៅព្រឹកថ្ងៃទី ១៧ ខែសីហា ឆ្នាំ២០២៣នេះ ចំណុចគ្លីនិកធ្មេញ ជុំ ចិន្តា ក្នុងភូមិតាភុល សង្កាត់ស្វាយដង្គំ ក្រុងសៀមរាប ខេត្តសៀមរាប។

ពិរុទ្ធជនដែលត្រូវគេរំដោះឈ្មោះ Chen hsin han អាយុ៤៥ ឆ្នាំជនជាតិចិន ជាប់ទោសពាក់ព័ន្ធករណីគ្រឿងញៀន ដែលតុលាការសម្រេចឱ្យជាប់ទោសចំនួន ៥២ឆ្នាំ៕

The post សមត្ថកិច្ចចាប់បានជនប្រដាប់អាវុធ ៦ នាក់​ពាក់ព័ន្ធនឹងករណីរំដោះអ្នកទោសនៅសៀមរាប appeared first on Kampuchea Thmey Daily.