លី ណូរ៉ា Archives - Kampuchea Thmey Daily

រងអំពើអយុត្តិធម៌តារាសម្តែង លី ណូរ៉ា បានត្រឹមបង្ហោះសារឈឺចាប់ផ្តាំអ្នកគាំទ្រ

Din Thary — Fri, 28 Jun 2024 04:44:12 +0000

គិតរហូតមកទល់ពេលនេះករណីរឿងក្ដីក្ដាំរបស់តារាសម្តែងលោក លី ណូរ៉ា បានអូសបន្លាយពេលជាច្រើនខែមកហើយ ខណៈកន្លងមកសាមីខ្លួនរូបនេះតែងចេញមុខទទូចស្នើដល់តុលាការផ្តល់ភាពយុត្តិធម៌សម្រាប់រូបលោកនៅក្នុងករណីនារីម្នាក់ប្តឹងពីបទឆបោកលុយប្រមាណចំនួន ៣ម៉ឺនដុល្លារ។

ទោះបីយ៉ាងណាកន្លងទៅលោក លី ណូរ៉ា ក៏ទទួលបានការផ្តល់មេធាវីការពារក្តីរបស់សមាគមសិល្បករខ្មែរតាំងពីអាណត្តិអ្នកនាង ចន ច័ន្ទលក្ខិណា រហូតចូលដល់អាណិតថ្មីដែលគ្រប់គ្រង់ដោយលោកជំទាវអ្នកឧកញ៉ា ម៉ៅ ចំណាន ផងដែរ។ ប៉ុន្តែទាក់ទងលទ្ធផលបែបណាគេក៏មិនទាន់ដឹងនៅឡើយដែរ។

ស្របពេលជាមួយគ្នានេះ រឿងដែលធ្វើឲ្យមហាជន និងអ្នកដែលគាំទ្រលោក លី ណូរ៉ា កាន់ចាប់អារម្មណ៍ថែមពីនេះដោយថ្មីៗនេះលោកបានបង្ហោះខ្លឹមសារមួយនៅលើគណនីហ្វេសប៊ុកផ្ទាល់ខ្លួនហាក់បង្ហាញការអស់សង្ឃឹមលើរឿងទទួលបានយុត្តិធម៌។ ក្នុងនោះ ណូរ៉ា គឺបានត្រឹមបង្ហោះសារឈឺចាប់ផ្តាំអ្នកគាំទ្រប៉ុន្មានឃ្លារ។

តារាសម្តែងប្រុសរូបនេះបាននិយាយថា “ពិតជាឈឺចាប់នៅលើរឿងអយុត្តិធម៌ រឹតតែឈឺចាប់ដែលយើងរងភាពអយុត្តិធម៌មិនអាចហាស្ដីអ្វីបានស្អែកជូនដំណឹងបងប្អូន”។ យ៉ាងណាតាមរយៈខ្លឹមសារនេះ ត្រូវបានអ្នកគាំទ្រយល់ថា លោកកំពុងតែអស់សង្ឃឹមលើរឿងនេះ ខណៈយើងមិនទាន់អាចទាក់ទងដើម្បីសុំការបកស្រាយបន្ថែមពីលោក លី ណូរ៉ា បាននៅឡើយទេ។

គេចាំបានថា តារាសម្តែងលោក លី ណូរ៉ា កាលពីថ្មីកន្លងទៅធ្លាប់ ចេញមុខអះអាងថា លោកបាននឹងកំពុងរងភាពអយុត្តិធម៌ត្រូវបានស្ត្រីម្នាក់ប្ដឹងពីបទឆបោកលុយប្រមាណចំនួន ៣ម៉ឺនដុល្លារ ដោយសារមានជនអនាមិកលួចរូបថតរបស់លោកទៅបង្កើត Account Facebookក្លែងក្លាយ។ ភ្លាមៗនោះលោកបានទទូចស្នើសុំការផ្តល់យុត្តិធម៌ពីស្ថាប័នតុលាការផងដែរក្រោយលោករងបណ្តឹងពីបទឆបោកលុយ ៣ម៉ឺនដុល្លារ។

លោកបានបញ្ជាក់ដែរថា ត្រឹមរូបថតរបស់អ្នកគេអាចប្ដឹងអ្នកពីបទល្មើសព្រហ្មទណ្ឌបានដូច្នេះអ្នកលេងFacebookទាំងអស់សូមប្រុងប្រយ័ត្នFacebook Fake ក៏យករូបអ្នកទៅលេងបោកគេគេមកប្ដឹងយើង ម្ចាស់រូបដូចខ្ញុំ។ លោកថា លោកក៏ជាជនរងគ្រោះដែរដោយសារតែមានជនអនាមិកបានយករូបថបត ឬឈ្មោះខ្លួនទៅបង្ហើត Account Facebookក្លែងក្លាយដើរបោកលុយគេដើម្បីផលប្រយោជន៍ផ្ទាល់ខ្លួន៕

អត្ថបទ៖ ចាន់រ៉ា

The post រងអំពើអយុត្តិធម៌តារាសម្តែង លី ណូរ៉ា បានត្រឹមបង្ហោះសារឈឺចាប់ផ្តាំអ្នកគាំទ្រ appeared first on Kampuchea Thmey Daily.

លី ណូរ៉ា ស្នើសុំតុលាការកំពូល និងក្រសួងយុត្តិធម៌ជួយពន្លឿនដោះស្រាយរឿងក្ដី

Sokhom Khon — Wed, 24 Apr 2024 08:22:29 +0000

តារាសម្តែងលោក លី ណូរ៉ា បានបញ្ជាក់ប្រាប់ឲ្យដឹងថា រហូតមកដល់ពេលនេះរឿងក្តីរបស់លោកនៅមិនទាន់ដោះស្រាយចប់នៅឡើយទេ ខណ:លោកក៏បានចេញមុខអំពាវនាវជាថ្មីដល់ប្រព័ន្ធតុលាការ និងក្រសួងយុត្តិធម៌ជួយដោះស្រាយលើរឿងក្ដីរបស់លោកផង។

គេចាំបានថា តារាសម្តែងលោក លី ណូរ៉ា កាលពីថ្មីនេះកន្លងទៅធ្លាប់ចេញមុខអះអាងថា លោកបាននិងកំពុងរងភាពអយុត្តិធម៌ត្រូវបានស្ត្រីម្នាក់ប្ដឹងពីបទឆបោកលុយប្រមាណចំនួន៣ម៉ឺនដុល្លារ ដោយសារមានជនអនាមិកលួចរូបថតរបស់លោកទៅបង្កើយ ACcount Facebookក្លែងក្លាយ។ ភ្លាមៗនោះលោកបានទទូចស្នើសុំការផ្តល់យុត្តិធម៌ពីស្ថាប័នតុលាការផងដែរក្រោយលោករងបណ្តឹងពីបទឆបោកលុយ៣ម៉ឺនដុល្លារ។

ជាថ្មីម្តងទៀតលោក លី ណូរ៉ា បានបញ្ជាក់ថា លោកមិនទាន់ទទួលបានភាពស្អាតស្អំមកវិញទេ ខណ:លោកលើកឡើងដូច្នេះថា“តាំងពីគេប្ដឹងមកស្ងាត់ការងារសិល្ប:ឈឹង មកដល់ថ្ងៃនេះខ្ញុំមិនទាន់បានភាពស្អាតស្អំមកវិញទេ សូមតុលាការកំពូល ក្រសួងយុត្តិធម៌ នាយកដ្ឋានប្រឆាំងបទល្មើសបច្ចេកវិទ្យា ជួយដោះស្រាយនៅលើរឿងក្ដីខ្ញុំផង“។

កន្លងមកលោកបានបញ្ជាក់ដែរថា ត្រឹមរូបថតរបស់អ្នកគេអាចប្ដឹងអ្នកពីបទល្មើសព្រហ្មទណ្ឌបាន ដូច្នេះអ្នកលេងFacebookទាំងអស់សូមប្រុងប្រយ័ត្នFacebok Fakeក៏យករូបអ្នកទៅលេងបោកគេគេមកប្ដឹងយើងជាម្ចាស់រូបដូចខ្ញុំ។ លោកថា លោកក៏ជាជនរងគ្រោះដែរដោយសារតែមានជនអនាមិកបានយករូបថត ឬឈ្មោះខ្លួនទៅបង្ហើតAccout Facebookក្លែងក្លាយដើរបោកលុយគេដើម្បីផលប្រយោជន៍ផ្ទាល់ខ្លួន៕

អត្ថបទ៖ ចាន់រ៉ា

The post លី ណូរ៉ា ស្នើសុំតុលាការកំពូល និងក្រសួងយុត្តិធម៌ជួយពន្លឿនដោះស្រាយរឿងក្ដី appeared first on Kampuchea Thmey Daily.

លី ណូរ៉ា រម្លឹកឲ្យប្រុងប្រយ័ត្នរឿង Facebook Fake យករូបថតទៅឆបោក

Din Thary — Fri, 02 Feb 2024 08:01:54 +0000

ឆ្លងកាត់បទពិសោធន៍របស់ខ្លួនដែលត្រូវបានជនអនាមិកយករូបថតទៅបង្កើត Facebook ក្លែងក្លាយដើម្បីបោកលុយគេហើយលទ្ធផលក៏ត្រូវបានម្ចាស់លុយប្តឹងម្ចាស់រូបថតដែលមិនបានដឹងអ្វីនោះតារាសម្តែងលោក លី ណូរ៉ា បានរម្លឹកអ្នកប្រើប្រាស់បណ្តាញសង្គមឲ្យប្រុងប្រយ័ត្ន Facebook Fakeយករូបទៅលេងបោកគេ។

លោក លី ណូរ៉ា ដែលអះអាងថាខ្លួនជាជនរងគ្រោះផងនោះក្នុងករណីត្រូវបានស្ត្រីម្នាក់ប្តឹងរឿងបោកលុយប្រមាណ ៣ម៉ឺនដុល្លារកាលពីថ្មីៗកន្លងទៅ បានបញ្ជាក់ថា ត្រឹមរូបថតរបស់អ្នកគេអាចប្ដឹងអ្នកពីបទល្មើសព្រហ្មទណ្ឌបានដូច្នេះអ្នកលេង Facebook ទាំងអស់សូមប្រុងប្រយ័ត្ន Facebook Fake យករូបអ្នកទៅលេងបោកគេ គេមកប្ដឹងយើងជាម្ចាស់រូបដូចខ្ញុំ។

តារាប្រុសលោក លី ណូរ៉ា បានលើកឡើងទៀតថា “ក្នុងនាមខ្ញុំជាសិល្បករ ជាអ្នកសម្ដែង និងជាមនុស្សរបស់មហាជន តើខ្ញុំអាចការពាររូបថតខ្ញុំដោយវិធីណា ? ដើម្បីកុំឲ្យជនអនាមិកយករូបខ្ញុំទៅបោកគេហើយគេមកប្ដឹងខ្ញុំជាម្ចាស់រូបទៅវិញ សូមច្បាប់ជួយបកស្រាយផង?”។

លោក លី ណូរ៉ា បានបញ្ជាក់បន្ថែមថា ពាក់ព័ន្ធករណីដែលត្រូវគេប្តឹងលោករឿងលុយ ៣ម៉ឺនដុល្លារកាលពីថ្ងៃទី២៥ ខែមករា ឆ្នាំ២០២៤ លោកបានចូលទៅបំភ្លឺនៅតុលារាជធានីភ្នំពេញដូចការកំណត់ដោយមានមេធាវីផ្តល់ដោយសមាគមសិល្បករខ្មែរទៅជួយមួយផងដែរប៉ុន្តែនៅមិនទាន់ទទួលបានលទ្ធផលផ្លូវការអ្វីទេ។

តារាសម្តែង លី ណូរ៉ា ក៏បានស្នើសុំដោយទទូចដល់ខាងប្រព័ន្ធតុលាកាជួយផ្តល់យុត្តិធម៌ឲ្យរូបលោកផងដែរព្រោះលោកមិនបានពាក់ព័ន្ធក្នុងរឿងនេះឡើយ។ លោកថា លោកក៏ជាជនរងគ្រោះដែរ ដោយសារតែមានជនអនាមិកបានយករូបថត ឬឈ្មោះខ្លួនទៅបង្ហើត Account Facebook ក្លែងក្លាយដើរបោកលុយគេដើម្បីផលប្រយោជន៍ផ្ទាល់ខ្លួន៕

អត្ថបទ៖ ចាន់រ៉ា

The post លី ណូរ៉ា រម្លឹកឲ្យប្រុងប្រយ័ត្នរឿង Facebook Fake យករូបថតទៅឆបោក appeared first on Kampuchea Thmey Daily.

លី ណូរ៉ា ត្រៀមខ្លួនបំភ្លឺនៅតុលាការ ដើម្បីបញ្ជាក់ភាពស្អាតស្អំ

Din Thary — Mon, 22 Jan 2024 08:17:57 +0000

តារាសម្តែងលោក លី ណូរ៉ា បានបញ្ជាក់ប្រាប់ “កម្ពុជាថ្មី” ឲ្យដឹងថា លោកបានត្រៀមខ្លួន និងរៀបចំឯសាររួចរាល់ហើយដើម្បីឡើងទៅបំភ្លឺនៅតុលាការនាថ្ងៃទី២៥ ខែមករា ឆ្នាំ២០២៤ ខាងមុខនេះ ក្រោយរងបណ្តឹងរបស់ស្ត្រីអាណិកជនខ្មែរ-អូស្ត្រាលីម្នាក់ជុំវិញរឿងចោទប្រកាន់បោកលុយជាង ៣ម៉ឺនដុល្លារ។

លោក លី ណូរ៉ា បាននិយាយថា លោកនឹងឡើងទៅបំភ្លឺដើម្បីទាមទាររកយុត្តិធម៌ និងភាពស្អាតស្អំរស់ខ្លួនមកវិញ ព្រោះលោកមិនបានប្រព្រឹត្តិដូចការចោទប្រកាន់នោះឡើយ។ លី ណូរ៉ា ថា លោកក៏ជាជនរងគ្រោះដែរដោយសារតែមានជនអនាមិកបានយករូបថត ឬឈ្មោះខ្លួនទៅបង្កើតAccount Facebook ក្លែងក្លាយដើរបោកលុយគេដើម្បីផលប្រយោជន៍ផ្ទាល់ខ្លួន ។

តារាសម្តែង លី ណូរ៉ា ក៏បានស្នើសុំដោយទទូចដល់ខាងប្រព័ន្ធតុលាការជួយផ្តល់យុត្តិធម៌ឲ្យរូបលោកផងដែរ ព្រោះលោកមិនបានពាក់ព័ន្ធក្នុងរឿងនេះឡើយ។ គួររម្លឹកថាថ្មីៗនេះលោក លី ណូរ៉ា បញ្ជាក់ខ្លឹមសារថា«ជនអនាមិកដែលទៅបើកលុយនៅធនាគារហេតុអ្វីមិនចាប់ខ្លួន?ហេតុអ្វីមកប្ដឹងខ្ញុំដែលជាម្ចាស់រូបដែលមិនដឹងអី្វនេះទៅវិញ ..? តើមានដែរ ឬទេយុត្តិធម៌…?»។

តារាសម្តែង លី ណូរ៉ា បាននិយាយទៀតថា«ដីកាកោះលើកទី៣….? សំណុំរឿងមិនប្រក្រតី…?ខ្ញុំពិតជារងភាពអយុត្តិធម៌ខ្លាំងណាស់»។ ជនអនាមិកដែលទៅបើក លុយនៅធនាគារហេតុអ្វីមិនចាប់ខ្លួន?ហេតុអ្វីមកប្ដឹងខ្ញុំដែលជាម្ចាស់រូបដែលមិនដឹងអីនេះទៅវិញ.. ….?»។

គេចាំបានថា តារាសម្តែងលោក លី ណូរ៉ា កាលពីកន្លងទៅក៏ទទូចស្នើសុំការផ្តល់យុត្តិធម៌ពីស្ថាប័នតុលាការ ក្រោយលោករងបណ្តឹងពីបទឆបោកលុយ ៣ម៉ឺនដុល្លាររបស់ស្ត្រីអាណិកជនម្នាក់៕

អត្ថបទ៖ ចាន់រ៉ា

The post លី ណូរ៉ា ត្រៀមខ្លួនបំភ្លឺនៅតុលាការ ដើម្បីបញ្ជាក់ភាពស្អាតស្អំ appeared first on Kampuchea Thmey Daily.

ជិតដល់ថ្ងៃឡើងតុលាការ ! លី ណូរ៉ា ដង្ហោយសុំយុត្តិធម៌ ជុំវិញបណ្ដឹងឆបោកលុយ ៣ ម៉ឺនដុល្លារ

អ៊ិន ពិសី — Thu, 11 Jan 2024 02:19:31 +0000

ជាថ្មីម្តងទៀត តារាសម្តែង លោក លី ណូរ៉ា បានទទូចស្នើសុំការផ្តល់យុត្តិធម៌ពីស្ថាប័នតុលាការ ក្រោយលោករងបណ្តឹងពីបទឆបោកលុយ ៣ ម៉ឺនដុល្លារ របស់ស្ត្រីអាណិកជនម្នាក់ ខណៈមកដល់ពេលនេះ ត្រូវតុលាការចេញដីកាកោះហៅជាលើកទី ៣។

ប្រាកដណាស់ កាលពីប៉ុន្មានថ្ងៃមុននេះ អ្នកគាំទ្រ និងប្រើប្រាស់បណ្ដាញសង្គមហ្វេសប៊ុក មានការភ្ញាក់ផ្អើលគ្រប់គ្នា ខណៈតារាសម្តែងប្រុសលោក លី ណូរ៉ា បានចេញមកបញ្ជាក់ថា រូបលោកបាននិងកំពុងរងភាពអយុត្តិធម៌ ត្រូវស្ត្រីម្នាក់ប្ដឹងពីបទឆបោកលុយប្រមាណចំនួន ៣ ម៉ឺនដុល្លារ ដោយសារមានជនអនាមិកលួចរូបថតរបស់លោកទៅបង្កើត Account Facebook ក្លែងក្លាយ។

ដោយឡែកកាលពីយប់ថ្ងៃទី ១០ ខែមករា ឆ្នាំ ២០២៤ លោក លី ណូរ៉ា បានចេញដង្ហោយជាថ្មី ដើម្បីស្នើសុំភាពយុត្តិធម៌សម្រាប់រូបលោកដែលជាជនរងគ្រោះផងនោះ។ លោក លី ណូរ៉ា បញ្ជាក់ខ្លឹមសារថា «ជនអនាមិកដែលទៅបើកលុយនៅធនាគារហេតុអ្វីមិនចាប់ខ្លួន? ហេតុអ្វីមកប្ដឹងខ្ញុំដែលជាម្ចាស់រូបដែលមិនដឹងអ្វីនេះទៅវិញ ..? តើមានដែរឬទេយុត្តិធម៌…?»។

តារាសម្តែង លី ណូរ៉ា បាននិយាយទៀតថា «ដីកាកោះលើកទី ៣….? សំណុំរឿងមិនប្រក្រតី…? ខ្ញុំពិតជារងភាពអយុត្តិធម៌ខ្លាំងណាស់។ ជនអនាមិកដែលទៅបើកលុយនៅធនាគារហេតុអ្វីមិនចាប់ខ្លួន? ហេតុអ្វីមកប្ដឹងខ្ញុំដែលជាម្ចាស់រូបដែលមិនដឹងអីនេះទៅវិញ.. ….?»។ សូមជម្រាបដែរថា យោងតាមដីកាកោះហៅជាលើកទី ៣ គឺតម្រូវឲ្យតារាសម្តែងលោក លី ណូរ៉ា(អេង ឈាន់) ចូលទៅបំភ្លឺនៅសាលាដំបូងរាជធានីភ្នំពេញ នាថ្ងៃទី ១៥ ខែមករា ឆ្នាំ ២០២៤ ឆាប់ៗ ខាងមុខនេះ។

យ៉ាងណាមិញ បន្ទាប់ពីមានការអំពាវនាវស្វែងរកយុត្តិធម៌ពីសំណាក់លោក លី ណូរ៉ា ពាក់ព័ន្ធសំណុំរឿងខាងលើ ភ្លាមៗ នោះដែរ គេឃើញប្រធានសមាគមសិល្បករខ្មែរ លោកស្រី ចន ច័ន្ទលក្ខិណា ក៏បានទាក់ទងលោក លី ណូរ៉ា ឲ្យទៅជួប ដើម្បីពិភាក្សា និងព្រឹក្សាយោបល់ជាមួយមេធាវីរបស់សមាគមលើករណីនេះផងដែរ៕

អត្ថបទ ៖ ចាន់រ៉ា

The post ជិតដល់ថ្ងៃឡើងតុលាការ ! លី ណូរ៉ា ដង្ហោយសុំយុត្តិធម៌ ជុំវិញបណ្ដឹងឆបោកលុយ ៣ ម៉ឺនដុល្លារ appeared first on Kampuchea Thmey Daily.

តារាសម្ដែង លី ណូរ៉ា រងបណ្ដឹង ពីបទឆបោកលុយ ៣ ម៉ឺនដុល្លារ ពីស្ត្រីអាណិកជនម្នាក់

អ៊ិន ពិសី — Thu, 04 Jan 2024 02:23:25 +0000

អ្នកគាំទ្រ និងប្រើប្រាស់បណ្ដាញសង្គមហ្វេសប៊ុក មានការភ្ញាក់ផ្អើលគ្រប់គ្នា ខណៈតារាសម្តែងប្រុសលោក លី ណូរ៉ា ចេញមកបញ្ជាក់ថា ពេលនេះលោកបានរងភាពអយុត្តិធម៌ ត្រូវស្ត្រីម្នាក់ប្ដឹងពីបទឆបោកលុយប្រមាណចំនួន ៣ ម៉ឺនដុល្លារ។

តារាប្រុសលោក លី ណូរ៉ា បានលើកឡើងតាមរយៈបណ្ដាញសង្គមហ្វេសប៊ុកផ្ទាល់ខ្លួនភ្ជាប់ជាមួយពាក្យបណ្ដឹង ព្រមទាំងដីកាកោះហៅជាលើកទី ៣ ដូច្នេះថា «ខ្ញុំសុំពឹងបងប្អូនទាំងអស់គ្នាជួយស៊ែរខ្ញុំម្នាក់មួយផង ខ្ញុំរងភាពអយុត្តិធម៌ត្រូវបានគេប្ដឹង ខ្ញុំមិនបានដឹងអ្វីទេ ខ្ញុំមិនដែលស្គាល់អ្នកប្ដឹងទេ ខ្ញុំមិនដែលឆបោក ឬ ក្លែងបន្លំឯកសារក្លែងក្លាយអ្វីទេ»។

លោក លី ណូរ៉ា បាននិយាយបន្តថា «សូមពុកម៉ែបងប្អូនទាំងអស់គ្នា និងថ្នាក់ដឹកនាំច្បាប់ ជួយដឹងឮ និងជួយរកយុត្តិធម៌ឲ្យខ្ញុំផង។ សូមបងស្រីឈ្មោះ លឹម ចន្ធី មកដោះស្រាយជាមួយប្អូន ប្អូនមិនបានដឹងអ្វីទេ បងបងប្ដឹងប្អូនខុសហើយ។ សូមបងៗ សារព័ត៌មានជួយផ្សព្វផ្សាយផង និងពុកម៉ែបងប្អូនជួយស៊ែរខ្ញុំម្នាក់មួយផង ឲ្យបានដឹងដល់បងស្រី លឹម ចន្ធី មកដោះស្រាយ»។

បន្ថែមពីលើនេះ លោក លី ណូរ៉ា បាននិយាយទៀតថា លោកត្រូវបានស្ត្រីអាណិកជនខ្មែរនៅអូស្ត្រាលីដាក់ពាក្យបណ្ដឹង ក្រោយពេលស្ត្រីរូបនោះចាញ់បោកជនអនាមិកដែលក្លែងបន្លំ ដោយយករូបថតរបស់លោកទៅបង្កើត Account Facebook ក្លែងក្លាយ និងខ្ចីលុយអស់ប្រមាណ ៣ ម៉ឺនដុល្លារ។ ប៉ុន្តែបន្ទាប់មកក៏ទាក់ទងលែងបានជាមួយជនអនាមិករូបនោះ ស្រាប់តែស្ត្រីខាងលើ បែរជាមកប្ដឹងរូបលោកទៅវិញ។

លោក លី ណូរ៉ា បញ្ជាក់ដែរថា គិតមកដល់ពេលនេះខាងតុលាការចេញដីកាកោះហៅលោកជាលើកទី ៣ ទើបធ្វើឲ្យលោកស្រឡាំងកាំង និងភ្ញាក់ផ្អើលជាខ្លាំង។ លោកអះអាងថា លោកក៏ជាជនរងគ្រោះដូចគ្នា ខណៈស្ត្រីអាណិកជនក៏ជាជនរងគ្រោះដូចគ្នា។ អ្វីដែលលោកចង់បញ្ជាក់ទៀតនោះ គឺរូបលោកផ្ទាល់មិនបានដឹងពីការបង្កើតហ្វេសប៊ុកក្លែងក្លាយណាមួយឡើយ។ ដូច្នេះ លោកសង្ឃឹមថា ខាងតុលាការ និងស្ថាប័នពាក់ព័ន្ធ នឹងផ្ដល់យុត្តិធម៌ចំពោះរូបលោកចំពោះករណីនេះផងដែរ៕

អត្ថបទ ៖ ចាន់រ៉ា

The post តារាសម្ដែង លី ណូរ៉ា រងបណ្ដឹង ពីបទឆបោកលុយ ៣ ម៉ឺនដុល្លារ ពីស្ត្រីអាណិកជនម្នាក់ appeared first on Kampuchea Thmey Daily.

លី ណូរ៉ា Archives - Kampuchea Thmey Daily

រងអំពើអយុត្តិធម៌តារាសម្តែង លី ណូរ៉ា បានត្រឹមបង្ហោះសារឈឺចាប់ផ្តាំអ្នកគាំទ្រ

លី ណូរ៉ា ស្នើសុំតុលាការកំពូល​ និងក្រសួងយុត្តិធម៌ជួយពន្លឿនដោះស្រាយរឿងក្ដី

លី ណូរ៉ា រម្លឹកឲ្យប្រុងប្រយ័ត្នរឿង Facebook Fake យករូបថតទៅឆបោក

លី ណូរ៉ា ត្រៀមខ្លួនបំភ្លឺនៅតុលាការ ដើម្បីបញ្ជាក់ភាពស្អាតស្អំ

ជិតដល់ថ្ងៃឡើងតុលាការ ! លី ណូរ៉ា ដង្ហោយសុំយុត្តិធម៌ ជុំវិញបណ្ដឹងឆបោកលុយ ៣ ម៉ឺនដុល្លារ

តារាសម្ដែង លី ណូរ៉ា រងបណ្ដឹង ពីបទឆបោកលុយ ៣ ម៉ឺនដុល្លារ ពីស្ត្រីអាណិកជនម្នាក់

លី ណូរ៉ា ស្នើសុំតុលាការកំពូល និងក្រសួងយុត្តិធម៌ជួយពន្លឿនដោះស្រាយរឿងក្ដី