លោក កែវ វាសនា Archives - Kampuchea Thmey Daily

កែវ វាសនា ថា មានតែគុណធម៌ សច្ចធម៌ ចិត្តល្អជ្រះថ្លាមិនបំពានអ្នកដទៃ គឺគ្មានឆ្នាំឆុងទេ

Chan Sotheavy — Fri, 10 Jan 2025 01:05:00 +0000

តារាចម្រៀងប្រុសមានទឹកដមមនោសញ្ចេតនាលោក កែវ វាសនា ទោះបីទីផ្សារសិល្ប:របស់លោកបច្ចុប្បន្នមិនសូវមានបទចម្រៀងថ្មីៗចេញច្រើនដូចមុន តែងាកមកចាប់អារម្មណ៍មុខជំនួញលោក និងភរិយា កំពុងទទួលបានផ្លែផ្កា និងកាក់កបខ្លាំង។

ថ្វីត្បិតតែបែបណាក៏ដោយ តែលោក កែវ វាសនា ជឿថា ការធ្វើល្អនិងភាពសច្ច:ធម៌នាំមកនូវភាពជោគជ័យសម្រាប់ខ្លួនយើងគ្រប់គ្នា។ ដោយឡែកក្នុងនោះ លោក កែវ វាសនា បានរំលេចខ្លឹមសារដ៏មានអត្ថន័យមួយរបស់លោកគ្រូ គូ សុភាព ពាក់ព័ន្ធនឹងរឿងឆុងឆ្នាំផងដែរ។ លោក កែវ វាសនា បានបញ្ជាក់ថា”កើតមកមានតែគុណធម៌ សច្ចធម៌ ចិត្តល្អជ្រះថ្លា មិនបំពានអ្នកដទៃ គឺគ្មានឆ្នាំឆុងទេទៅទីណាក៏សុខដែរ”។

Oplus_131072

ប្រាកដណាស់មនុស្សមួយចំនួនតែងតែគិតថាការឆុងឆ្នាំជារឿងដែលមិនល្អដែលអាចកើតមានទៅលើបុគ្គ លរូបណាដែលមានឆុងឆ្នាំ ។ ដូច្នេះគេតែងឃើញប្រ ជាពលរដ្ឋខ្មែរឬខ្មែរកាត់ចិនមួយចំនួនបានធ្វើពិធីសែ នកាត់ឆុងដើម្បីកាត់គ្រោះចង្រៃទាំងអស់ឱ្យចៀសផុ តចេញឆ្ងាយនិងនាំមកវិញនូវលាភសំណាងត្រឡប់ម កវិញ។

គេកត់សម្គាល់ឃើញថាសម្រាប់ខ្សែជីវិតរបស់តារា ចម្រៀងលោក កែវ វាសនា បច្ចុប្បន្នបានផ្លាស់ប្ដូរស្ទើរតែ ១៨០ដឺក្រេពោលគឺបន្ទាប់ពីបានចាប់ដៃគូសាងសុភ មង្គលស្នហាយ៉ាងផ្អែមល្ហែម ជាមួយភរិយារូបស្រស់ឈ្មោះលីម សុគន្ធធារី ខណ:មកដល់ពេលនេះ ពួកគេ មានចំណងដៃកូនចំនួន ៣នាក់ផងដែរ៕ អត្ថបទ៖ ចាន់រ៉ា

The post កែវ វាសនា ថា មានតែគុណធម៌ សច្ចធម៌ ចិត្តល្អជ្រះថ្លាមិនបំពានអ្នកដទៃ គឺគ្មានឆ្នាំឆុងទេ appeared first on Kampuchea Thmey Daily.

ភរិយា កែវ វាសនា ប្រតិកម្មក្រោយគេដៀលប្តីថា “រស់ដោយសារប្រពន្ធ”

Chan Sotheavy — Mon, 16 Sep 2024 09:11:19 +0000

ភរិយាតារាចម្រៀងលោក កែវ វាសនា គឺអ្នក នាង លឹម សុគ្ធធារី បានញ្ចេញប្រតិកម្មឆ្លើយតបយ៉ាងចាស់ដៃបន្ទាប់ពីសុខៗស្រាប់តែមានម្ចាស់គណនីហ្វេសប៊ុកម្នាក់ឈ្មោះ Tong Tong បានរិះគន់មកលើស្វាមីរបស់ខ្លួន ដោយប្រើពាក្យមិនសមរម្យ ក្នុងន័យថា ជាបុរសដែលរស់ដោយសារប្រពន្ធ គ្មានសមត្ថភាព។

ឆ្លើយតបទៅនឹងការបញ្ចេញមតិមិនសមរម្យបែបនេះ អ្នកនាង លឹម សុគ្ធធារី បានប្រើពាក្យធ្ងន់ៗទៅកាន់បុគ្គលរូបនោះវិញ និងណែនាំដល់បុគ្គលរូប រៀនរិះគិតឲ្យល្អសិន សឹមបញ្ចេញមតិលើនរណាម្នាក់ ពិសេសសម្តីមិនគួរគប្បីបែបនោះ។

ទន្ទឹមនេះ លោក កែវ វាសនា ក៏បានឆ្លើយតបដោយខ្លីទៅកាន់បុគ្គលរូបនោះដែរថា “បើជ្រុលជាតាំងខ្លួនជាអ្នកក្លាហានហើយដាក់រូបពិតលើប្រូហ្វាល់មក”។ តាមរយ:ទង្វើរនេះដែរ ត្រូវបានអ្នកគាំទ្រលោក កែវ វាសនា មួយចំនួនបង្ហាញការហួសចិត្តនិងយល់ថាបុគ្គលរូបនោះជាមនុស្សខ្វះសីលធម៌ និងគ្មានចំណេះដឹង ទើបចូលទៅរិះគន់គេគ្មានសីលធម៌បែ បនេះ។

សូមជម្រាបដែរថា តារាចម្រៀងប្រុសមាឌល្អិតលោកកែវ វាសនា បន្ទាប់រួមរស់ជាស្វាមីភរិយានឹងគ្នាជាច្រើនឆ្នាំ ពេលនេះអ្នកទាំងពីរកំពុងតែសាងសុភមង្គលស្នេហាជាមួយគ្នា ដោយទទួលបានចំណងដៃអាពាហ៍ពិពាហ៍កូនប្រុស-ស្រីចំនួន២នាក់ ខណ:ថ្មីៗនេះក៏មានដំណឹងដែរថា ភរិយារបស់លោកកំពុងពពោះកូនទី៣ក្នុងផ្ទៃផងដែរ៕

អត្ថបទ៖ ចាន់រ៉ា

The post ភរិយា កែវ វាសនា ប្រតិកម្មក្រោយគេដៀលប្តីថា “រស់ដោយសារប្រពន្ធ” appeared first on Kampuchea Thmey Daily.

ភរិយា កែវ វាសនា ទម្លាយអាថ៌កំបាំងរឿងជីវិតគ្រួសារក្នុងថ្ងៃខួបអាពាហ៍ពិពាហ៍ ៩ឆ្នាំ

Din Thary — Thu, 28 Mar 2024 09:12:12 +0000

នៅក្នុងថ្ងៃគម្រប់ខួបអាពាហ៍ពិពាហ៍ ៩ឆ្នាំ ស្រាប់តែភរិយាតារាចម្រៀងលោក កែវ វាសនា បានទម្លាយនូវរឿងរ៉ាវមួយចំនួនដែលបានឆ្លងកាត់ គឺមានទាំងលំបាក និងប្រវត្តិតស៊ូផ្សេងៗជាដើម។ មិនតែប៉ុណ្ណោះ នាងក៏បានលើកឡើងពីអាថ៌កំបាំងរឿងជីវិតគ្រួសារផងដែរ។

ភរិយាតារាចម្រៀងលោក កែវ វាសនា បានរៀបរាប់ខ្លឹមសារភ្ជាប់ការដូររថយន្តសេរីទំនើបថ្ងៃខួបអាពាហ៍ពិពាហ៍ដូច្នេះថា ស្វាគមន៍សមាជិកថ្មីមកដល់មុនថ្ងៃកំណត់ Bra bus 900 ការដូរ Birthday និង Anniversary ការបាន ៩ឆ្នាំ (ស្គាល់គ្នាបាន ១៧ឆ្នាំ) ផុសនេះមិនមែនចង់ផុសអួតអីទេ(មិនមែនចំណូលចិត្ត) ព្រោះទិញឡានជិះរាល់ដងសឹងមិនដែលផុសផងហើយទិញអី្វផ្សេងៗអស់ច្រើនជាងនឹងក៏សុំបែបស្ងាត់ៗដែរ(ទិញឡានអាគុយឲ្យកូនបានផុស) តែលើកនេះសុំប្តីផុសចង់ទុករូបភាពល្អៗថតជាមួយគ្រួសារដ៏កក់ក្តៅមួយនេះទុកជាអនុស្សាវរីយ៍អរគុណប្តីដែលតាមចិត្តប្រពន្ធគ្រប់យ៉ាង។

អ្នកនាង លីម សុគ្ធធារី បានបន្តថា «អរគុណខ្លួនឯងដែលមិនដែលមានសត្រូវ ឬក៏ចេះឈ្លោះគ្នាជាមួយអ្នកណាហើយអ្វីដែលជាចរឹតពិតរបស់ពួកខ្ញុំគឺមិនថាការរកស៊ី ឬការរាប់អានគឺថាមិនដែលខ្វល់ ច្រណែន ឬឈ្នានីសអ្នកណាទោះគេជោគជ័យ ឬមានជាងខ្ញុំក៏ដោយ ព្រោះខ្ញុំចេះស្គាល់ពាក្យថាគ្រប់គ្រាន់អ៊ីចឹងហើយបានជីវិតខ្ញុំរស់នៅរាល់ថ្ងៃនេះមានអារម្មណ៍ថារស់នៅបែបសាមញ្ញ មានន័យ កក់ក្តៅ ក្តីសុខ អរគុណភាពស្មោះត្រង់ ការស្រលាញ់ដែលប្តីផ្តល់ឲ្យប្រពន្ធ- កូនកាន់ដៃប្រពន្ធរយៈពេល ១៧ឆ្នាំមកនេះយ៉ាងរឹងមាំជ»។

អ្នកនាងនិយាយទៀតថា គ្រប់មុខរបររបស់យើង ៣-៤ មុខតែងតែមានវត្តមានប្តីជួយពីក្រោយ ការរកស៊ីមានខាត មានចំណេញ ក៏យើងមិនដែលបន្ទោសគ្នាដែរ ចុងក្រោយពិសសេសបំផុតអរគុណកូនៗដែលចូលមកបំពេញពាក្យថាគ្រួរសារឲ្យប៉ាប៉ា ម៉ាមី រឹតតែស្គាល់ពាក្យថាសុភមង្គលកក់ក្តៅ ក្តីសុខបំផុត។

ភរិយាលោក កែវ វាសនា គឺអ្នកនាង លីម សុគ្ធធារី បានបន្ថែមថា តរទៅមុខសូមឲ្យគ្រួរសារយើងមានសុភមង្គលជារៀងរហូតមុខរបរប្រចាំត្រកូលយើងកាន់តែរឹងមាំ ផ្ទះ ដី អាគារ ជួល ជាពិសេសធ្វើអាគារជួលបន្ថែមឲ្យកាន់តែច្រើនរឹងមាំតកូន តចៅ។

សូមជម្រាបថា តារាចម្រៀងលោក កែវ វាសនា ពេលនេះកំពុងតែសាងសុភមង្គលស្នេហាជាមួយភរិយារូបស្រស់ដោយទទួលបានចំណងដៃអាពាហ៍ពិពាហ៍កូនប្រុស-ស្រីចំនួន ២នាក់ដ៏ស្រស់ស្អាត៕

អត្ថបទ៖ ចាន់រ៉ា

The post ភរិយា កែវ វាសនា ទម្លាយអាថ៌កំបាំងរឿងជីវិតគ្រួសារក្នុងថ្ងៃខួបអាពាហ៍ពិពាហ៍ ៩ឆ្នាំ appeared first on Kampuchea Thmey Daily.

កែវ វាសនា ទម្លាយសារអបអរ អ៊ីវ៉ា ជិតបានប្តី សាមីខ្លួនឆ្លើយបដិសេធន៍ភ្លេត

Din Thary — Wed, 19 Jul 2023 04:45:07 +0000

កាលពីពេលកន្លងទៅ តែងមានការចុះផ្សាយព័ត៌មានជាបន្តបន្ទាប់អំពីរឿងរ៉ាវជីវិតស្នេហាឯកជនរបស់តារាចម្រៀងស្រី កញ្ញា ឃីន ស្រីនាថ ហៅ អ៉ីវ៉ា បង្កការចាប់អារម្មណ៍ជាខ្លាំងដល់មហាជន។ ប៉ុន្តែដំណឹងនេះជាលទ្ធផលត្រូវបានសាមីខ្លួនឆ្លើយបដិសេធន៍។

ជាការកត់សម្គាល់ បើទោះបីជា តារាស្រីកញ្ញា អ៉ីវ៉ា បានឆ្លើយ បដិសេធន៍រឿងមានស្នេហាក្តី តែថ្មីៗនេះ ស្រាប់តែនាង បង្ហើបពីតម្រុយនៃការជ្រើសរើសបុរសដែលនាងគួរស្រលាញ់ហើយយកធ្វើជាគូរអនាគត។ ទន្ទឹមគ្នានឹងរឿងនេះដែរ មុននេះក៏មានព័ត៌មានលេចឮថាតារាស្រីកញ្ញា អ៉ីវ៉ា កំពុងមានទំនាក់ទំនងស្នេហាជាមួយម្ចាស់ក្លឹបបាល់ទាត់មួយស្ថិតនៅទឹកដីខេត្តសៀមរាប។

បន្ទាប់ពីមានការលេចឮព័ត៌មានអំពីជីវិតស្នេហាខាងលើត្រូវបានសាមីខ្លួនកញ្ញា អ៉ីវ៉ា ចេញមកនិយាយហាក់មិនខ្វល់ និងថែមទាំងឆ្ងល់ខ្លួនឯងវិញថា តើរឿងនេះជាការពិតឬអត់?។ នេះជាសំនួររបស់ អ៉ីវ៉ា ឆ្លើយទៅកាន់អ្នកគាំទ្រ។

ស្របពេលនៃដំណឹងលេចឮជុំវិញទំនាក់ទំនងស្នេហាទើបតែផ្ទុះរសើប ថ្មីៗនេះដែរ ស្រាប់តែមិត្តរួមអាជីព លោក កែវ វាសនា បានទម្លាយផងដែរនូវសារអបអរ អ៉ីវ៉ា ជិតបានប្តី។

តារាចម្រៀងលោក កែវ វាសនា បានលើកឡើងខ្លឹមសារខ្លីទៅកាន់តារាស្រី អ៉ីវ៉ា បែបនេះថា «ជយោ….! អ៉ីវ៉ា ជិតបានប្តីហើយ។ ឃើញការបង្ហោះរបស់លោក កែវ វា សនា ដូច្នេះសាមីខ្លួនកញ្ញា អ៉ីវ៉ា បានឆ្លើយតបវិញថា «ឱ បងអើយជាកំហុសអ្នកណា?។ រំពេចនោះលោក កែវ វាសនា ថា «លឿនៗទៅមានអ្នកជូនពរច្រើនណាស់»។

គួរបញ្ជាក់ថា កាលពីកន្លងទៅតារាស្រី អ៉ីវ៉ា ក៏ធ្លាប់បង្ហើបពីតម្រុយនៃការជ្រើសរើសបុរសដែលនាងស្រលាញ់ហើយយកធ្វើជាគូរអនាគត កាលនោះ អ៉ីវ៉ា បញ្ជាក់ថាបុរសក្នុងក្តីស្រម៉ៃរបស់នាងគឺពុំមែនជាអ្នករកស៊ី ឬអ្នកសិល្បៈដូចគ្នា ហើយរឹតតែពុំមែនជាធ្វើការជាមន្ត្រីរាជការដែរ។

តារាស្រីមានដើមកំណើតពីទឹកដីខេត្តកំពង់ស្ពឺ កញ្ញា អ៉ីវ៉ា បាននិយាយថា សម្រាប់មនុស្សប្រុសដែលនាងប្រាថ្នាចង់បានជាគូអនាគតនោះ គឺជាបុគ្គលដែលស្ថិតក្នុងចំណោមអ្នកពាក់ព័ន្ធនឹងវិស័យកីឡា។ ខ្លឹមសារដែលតារាចម្រៀង អ៉ីវ៉ា បង្ហើបទៅដល់មហាជននោះនាងបានលើកឡើងថា ស្រលាញ់កីឡាប៉ាឱ្យធ្វើតារាចម្រៀង ជឿអត់ថាអនាគតនឹងបានប្តីជាអ្នកពាក់ព័ន្ធនឹងកីឡា?៕

អត្ថបទ៖ ចាន់រ៉ា

The post កែវ វាសនា ទម្លាយសារអបអរ អ៊ីវ៉ា ជិតបានប្តី សាមីខ្លួនឆ្លើយបដិសេធន៍ភ្លេត appeared first on Kampuchea Thmey Daily.

ខួបអាពាហ៍ពិពាហ៍៧ឆ្នាំភរិយា កែវ វាសនា ទម្លាយរឿងឪពុក-ម្តាយមិនពេញចិត្តប្តី

Kang Tola — Wed, 11 May 2022 11:02:20 +0000

ភ្នំពេញ ៖ នៅថ្ងៃគំរប់ខួបអាពាហ៍ពិពាហ៍៧ឆ្នាំ ស្រាប់តែភរិយាតារាចម្រៀងលោក កែវ វាសនា បានទម្លាយនូវរឿងរ៉ាវមួយចំនួនដែលបានឆ្លងកាត់គឺមានទាំងលំបាកនិងប្រវត្តិតស៊ូផ្សេងៗជាដើម។ មិនត្រឹមតែប៉ុណ្ណោះអ្នកនាងក៏បានទម្លាយថាឪពុក-ម្តាយមិនពេញចិត្តប្តី(កែវ វាសនា)ទេអំឡុងមុនពេលរៀបការ។

ភរិយាតារាចម្រៀងលោក កែវ វាសនា បានរៀបរាប់ខ្លឹមសារដូច្នេះថា ខួបអាពាហ៍ពិពាហ៍គំរប់៧ឆ្នាំរបស់យើងទាំងពីរតែអ្វីដែលយើងស្គាល់គ្នាគឺរយៈពេល១៤ឆ្នាំមុនរៀបការ ការតស៊ូយើងទាំង២នាក់គឺមានច្រើនណាស់(ឪពុក-ម្តាយ)ខាងស្រីមិនពេញចិត្តខាងប្រុស)តែពីរនាក់យើងនៅតែយកឈ្នះចិត្តឪពុក- ម្តាយបាន(ខាងស្រី)ទម្រាំយើងបានរៀបការនឹងគ្នា ។

អ្នកបន្តទៀតថា មុនសម្រេចចិត្តរៀបការជាមួយគ្នាក៏ពួកយើងមានចំណូលរៀងៗខ្លួនដែរបន្ទាប់ពីរៀបកា រហើយក៏ពួកយើងមានមុខរបរស្រាប់ហើយពួកយើងសន្យានឹងគ្នាថាយើងនឹងខំចាប់ដៃគ្នារកស៊ីឲ្យកាន់តែមានបានដល់គោលដៅរបស់ពួកយើងប៉ងរួមគ្នាដែលមិនប៉ះពាល់ទ្រព្យប៉ាម៉ាក់ខាងណាឡើយ តែពេលនេះអ្វីដែលពួកយើងប៉ងទោះមិនមែនជាសេដ្ឋីឬអ្នកមានស្តុកស្តមក៏ដោយក៏ពួកយើងបាន សម្រេចបំណងអស់ដែរនោះធំបំផុតគឺកូនប្រុសមួយស្រីមួយរបស់យើង។

ភរិយាលោកកែវ វាសនា បន្ថែមដែរថានិយាយរួមរៀបរាប់ពីជីវិតគូររបស់ពួកយើងពីការជូរចត់តស៊ូកន្លងមកមិនអស់ទេគ្រាន់តែថា យើងស្គាល់គ្នា១៤ឆ្នាំនិងបានរៀបការអស់រយៈពេល៧ឆ្នាំយើងដើរដល់ចំណុចនេះគឺសាកសមបំផុតហើយ។ អរគុណការត ស៊ូអរគុណភាពស្មោះត្រង់រវាងយើងទាំង២ផ្តល់អោយគ្នាទើបយើងមានថ្ងៃនេះ៕

ដោយ ៖ ចាន់រ៉ា

The post ខួបអាពាហ៍ពិពាហ៍៧ឆ្នាំភរិយា កែវ វាសនា ទម្លាយរឿងឪពុក-ម្តាយមិនពេញចិត្តប្តី appeared first on Kampuchea Thmey Daily.

ភរិយា កែវ វាសនា ច្រឡំដៃបាញ់លុយជិត ៥ម៉ឺនដុល្លារ ទៅឲ្យបុគ្គលិកសេវាដឹកជញ្ជូន J&T Expressម្នាក់ ហើយលទ្ធផលបែបនេះ

Sorn Phanith — Mon, 15 Nov 2021 07:50:08 +0000

ភរិយាតារាចម្រៀងលោក កែវ វាសនា គឺអ្នកនាង លឹម សុគន្ធារី ថ្មីៗនេះបានកើតនូវរឿងរ៉ាវដ៏ភ្ញាក់ផ្អើល និងស្ទើរមិននឹកស្មានដល់មួយ ខណៈអ្នកនាងប្រកាសថា ខ្លួនបានច្រឡំដៃបាញ់លុយចំនួន៤៥០០០ដុល្លារ ទៅឲ្យបុគ្គលិកខាងសេវាដឹកជញ្ជូនម្នាក់។

អ្នកនាង លឹម សុគន្ធារី បានរៀបរាប់ថា អ្នកនាងបានជួលអ្នកដឹកឥវ៉ាន់ម្នាក់ ដោយទូទាត់ទឹកប្រាក់ថ្លៃដឹកអស់ត្រឹមតែ៤៥០០០រៀលប៉ុណ្ណោះ ប៉ុន្តែអ្នកនាងក៏ច្រឡំដៃបាញ់លុយឲ្យទៅអ្នកដឹកនោះជាប្រាក់រហូតដល់ទៅ៤៥០០០ដុល្លារ។ អ្នកនាងថាភ្លាមៗនោះ ខ្លួនក៏បានទាក់ទងទៅប្រាប់បុគ្គលិកម្នាក់នេះវិញ ហើយលទ្ធផល គឺក្មេងប្រុសរូបនោះ ក៏បានផ្ញើលុយជិត៥ម៉ឺនដុល្លារមកវិញផងដែរ។

ភរិយាលោក កែវ វាសនា បានលើកឡើងថា ប្អូនប្រុសជាបុគ្គលិកខាងសេវាដឹកជញ្ជូនJ&Tសាខាច្បារអំពៅ ដែលតែងតែមកដឹកឥវ៉ាន់នៅក្រុមហ៊ុនខ្ញុំរាល់ថ្ងៃ ម្សិលមិញគាត់បានគិតលុយអស់៤៥០០០រៀល ប៉ុន្តែការបាញ់លុយរបស់ខ្ញុំ ចុចខុសទៅចូលកុងដុល្លារ ហើយដៃក៏ចុចលឿនពេកក៏ទៅជាបាញ់លុយចំនួន៤៥០០០ដុល្លារវិញ។ អ្នកនាងបន្តថាខ្ ញុំក៏ឆាតទៅគាត់ភ្លាមថាអូនបងច្រឡំដាក់ជាលុយដុល្លារទៅហើយជួយបាញ់ឲ្យបងវិញផង ប្រហែល២នាទីក្រោយមកគាត់ក៏បានបាញ់ឲ្យវិញហើយខ្ញុំក៏បាញ់ជាលុយខ្មែរទៅគាត់វិញ។ ចង់និយាយថា ប្អូនក្មេងតែប្អូនមានទំនួលខុសត្រូវស្មោះត្រង់ ការងារល្អច្បាស់លាស់។ អញ្ចឹងបងប្អូនខាងបឹងស្នោច្បារអំពៅ ត្រូវការផ្ញើឥវ៉ាន់២៤ខេត្តក្រុងអាចទាក់ទងប្អូនប្រុសបាន គាត់មកយកដល់ទីកន្លែងមិនថាតិចឬច្រើនទេ។

ភរិយាលោក កែវ វាសនា បានបន្ថែមថា បងមានតែពាក្យនិយាយថា ការស្មោះត្រង់មិនលោភលន់ មិនកេងប្រវ័ញ្ចញើសឈាមគេ គឺជូនពរឲ្យប្អូនអនាគតកាន់តែល្អប្រសើរជោគជ័យ។បងជូនសគុណប្អូនបន្តិចបន្តូច សម្រាប់ទឹកចិត្ត។ តាមរយៈនេះដែរ មានមហាជន និងអ្នកប្រើប្រាស់បណ្តាញសង្គមជាច្រើនចូលរួមត្រេកអរ និងសរសើរទឹកចិត្តក្មេងប្រុសរូបនោះ៕

អត្ថបទ៖ ចាន់រ៉ា

The post ភរិយា កែវ វាសនា ច្រឡំដៃបាញ់លុយជិត ៥ម៉ឺនដុល្លារ ទៅឲ្យបុគ្គលិកសេវាដឹកជញ្ជូន J&T Expressម្នាក់ ហើយលទ្ធផលបែបនេះ appeared first on Kampuchea Thmey Daily.

លោក កែវ វាសនា Archives - Kampuchea Thmey Daily

កែវ វាសនា ថា មានតែគុណធម៌ សច្ចធម៌ ចិត្តល្អជ្រះថ្លាមិនបំពានអ្នកដទៃ គឺគ្មានឆ្នាំឆុងទេ

ភរិយា កែវ វាសនា ប្រតិកម្មក្រោយគេដៀលប្តីថា “រស់ដោយសារ​ប្រពន្ធ”

ភរិយា កែវ វាសនា ទម្លាយអាថ៌កំបាំងរឿងជីវិតគ្រួសារក្នុងថ្ងៃខួបអាពាហ៍ពិពាហ៍ ៩ឆ្នាំ

កែវ វាសនា ទម្លាយសារអបអរ អ៊ីវ៉ា ជិតបានប្តី សាមីខ្លួនឆ្លើយបដិសេធន៍ភ្លេត

ខួប​អាពាហ៍ពិពាហ៍​៧​ឆ្នាំ​ភរិយា កែវ វាសនា ទម្លាយ​រឿង​ឪពុក​-​ម្តាយ​មិន​ពេញចិត្ត​ប្តី

ភរិយា កែវ វាសនា ច្រឡំដៃបាញ់លុយជិត ៥ម៉ឺនដុល្លារ ទៅឲ្យបុគ្គលិកសេវាដឹកជញ្ជូន J&T Expressម្នាក់ ហើយលទ្ធផលបែបនេះ

ភរិយា កែវ វាសនា ប្រតិកម្មក្រោយគេដៀលប្តីថា “រស់ដោយសារប្រពន្ធ”

ខួបអាពាហ៍ពិពាហ៍៧ឆ្នាំភរិយា កែវ វាសនា ទម្លាយរឿងឪពុក-ម្តាយមិនពេញចិត្តប្តី