បន្ទាប់ពីសាលក្រមបានប្រកាសរួចរាល់ លោក ជូង ជូងី ជាមេធាវីការពាការសិទ្ធិឱ្យលោក ទាវ វណ្ណុល បានថ្លែងនៅខាងក្រៅបរិវេណសាលាដំបូងរាជធានីភ្នំពេញ ប្រាប់អ្នកសារព័ត៌មានថា ការសម្រេចនេះជារឿងអយុត្តិធម៌សម្រាប់កូនក្តីរបស់លោក ព្រោះថា អ្វីៗដែលលោកទាវ វណ្ណុល និយាយជាការពិត និងជាការបញ្ចេញមតិ។

សូមបញ្ជាក់ថា លោក ទាវ វណ្ណុល ប្រធានគណបក្សភ្លេីងទៀន ត្រូវបានមេធាវីតំណាងរាជរដ្ឋាភិបាលកម្ពុជា ប្តឹងពីបទធ្វេីឲ្យប៉ះពាល់ដល់កិត្តិយសប្រមុខរាជារដ្ឋាភិបាល និងរដ្ឋាភិបាលកម្ពុជា តាមរយៈការផ្ដល់បទសម្ភាសន៍ កាលពីថ្ងៃទី៥ ខែកុម្ភៈ ឆ្នាំ ២០២៤ ដល់សារព័ត៌មាន Nikkei Asia របស់ជប៉ុន និងផ្សាយបន្តដោយវិទ្យុបារាំង អន្តរជាតិ RFI ជាខេមរភាសា ក្នុងខណៈពេលដែលលោក ទាវ វណ្ណុល ទៅបំពេញបេសកកម្មការងារនៅទីក្រុងតូក្យូ ប្រទេសជប៉ុន ។

តាមរយៈការដកស្រង់សម្ដីរបស់សារព័ត៌មានទាំងពីរ លោក ទាវ វណ្ណុល បានអះអាងថា រាជរដ្ឋាភិបាល បានដាក់កាំមេរ៉ានៅមុខផ្ទះរបស់លោក​ ដេីម្បីឃ្លាំមេីលសកម្មភាព២៤ម៉ោង។ លោក បន្តថា រាជរដ្ឋាភិបាលដឹកនាំដោយសម្តេចធិបតី ហ៊ុន ម៉ាណែត កាន់តែអាក្រក់ទៅទាក់ទងនឹងលិទ្ធិប្រជាធិបតេយ្យ ដោយបានបន្តចាប់ខ្លួនក្រុមប្រកួតប្រជែងនយោបាយ និងប្រជាពរដ្ឋដែលរិះគន់រាជរដ្ឋាភិបាល។

តែយ៉ាងណា តាមប្រភពមួយចំនួន បានបញ្ជាក់ថា ពេលនេះលោក ទាវ វណ្ណុល មិនស្ថិតនៅក្នុងប្រទេសទេ៕

ដោយ៖ មករា

The post តុលាការសម្រេចពិន័យប្រធានបក្សភ្លើងទៀន ចំនួន១០លានរៀល និងសងជំងឺចិត្ត៦០០០លានរៀល appeared first on Kampuchea Thmey Daily.

តាមសេចក្ដីប្រកាសព័ត៌មាន លោក ទាវ វណ្ណុល ត្រូវបានមេធាវីតំណាងរាជរដ្ឋាភិបាលកម្ពុជាប្តឹងពីបទធ្វើឲ្យប៉ះពាល់ដល់កិត្តិយសប្រមុខរាជរដ្ឋាភិបាល និងរាជរដ្ឋាភិបាលកម្ពុជា ក្នុងពេលផ្តល់បទសម្ភាសន៍ជាមួយសារព័ត៌មាន Nikkei Asia របស់ជប៉ុន ខណៈពេលដែលលោក ទាវ វណ្ណល ទៅប្រទសជប៉ុន កាលពីពេលថ្មីៗកន្លងទៅនេះ។

គួររម្លឹកថា ក្នុងពេលផ្ដល់បទសម្ភាសន៍ជាមួយសារព័ត៌មាន Nikkei Asia របស់ជប៉ុន លោក ទាវ វណ្ណុល មេបក្សប្រឆាំងរូបនេះ បានចោទ​ប្រកាន់ថារាជរដ្ឋាភិបាលកម្ពុជា ដាក់កាមេរ៉ាឃ្លាំមើលរបស់លោក២៤ម៉ោង។ លោក ទាវ វណ្ណុល ក៏បានចោទថា រាជរដ្ឋាភិបាលដឹកនាំដោយ សម្តេចមហាបវរធិបតី ហ៊ុន ម៉ាណែត កាន់តែអាក្រក់ទៅទាក់ទងនឹង ប្រជាធិបតេយ្យ ដោយបានបន្តចាប់ខ្លួនក្រុមប្រកួតប្រជែង នយោបាយ និងប្រជាពលរដ្ឋដែលរិះគន់រាជរដ្ឋាភិបាល។

ភ្លាមៗដោយមិនបង្អង់យូរឡើយ អ្នកនាំពាក្យរាជរដ្ឋាភិបាលកម្ពុជាបានចេញមកទាត់ចោលសម្ដីរបស់លោក ទាវ វណ្ណុល ភ្លាម។ អ្នកនាំពាក្យបានឱ្យដឹងថា គ្មានការដាក់កាមេរ៉ាឃ្លាំមើលសកម្មភាពលោក ទាវ វណ្ណុល ដូចការមូលបង្កាច់ ឡើយ។  មួយវិញទៀត សម្រាប់ការអនុវត្តច្បាប់នៅកម្ពុជា គឺធ្វើឡើងចំពោះតែអ្នកដែលល្មើសច្បាប់ប៉ុណ្ណោះ គ្មានការរើសអើងលើបុគ្គលណាម្នាក់ មានឋានៈអ្វី ឬអនុវត្តន៍ច្បាប់ចំពោះតែអ្នកនយោបាយឡើយ។  ការអនុវត្តច្បាប់នៅកម្ពុជា គឺជាការងារចាំបាច់បំផុតដើម្បីធានា និងពង្រឹងនីតិរដ្ឋ ដូចប្រទេសជឿនលឿនបានអនុវត្តន៍ដូចគ្នា៕

The post មេបក្សភ្លើងទៀន ត្រូវតុលាការកោះហៅ ក្រោយមានបណ្ដឹងពីរដ្ឋាភិបាល appeared first on Kampuchea Thmey Daily.