ថ្លែងនៅក្នុងវេទិកាសាធារណៈ ថ្ងៃទី ០៩ សីហានេះ លោក លឹម សៀងហេង បានឱ្យដឹងថា មានតែពលរដ្ឋនៅ​មូលដ្ឋាន​ទេ ដែលមានទុកកង្វល់ ដើម្បីឲ្យអាជ្ញាធរជួយដោះស្រាយ ដូច្នេះ រាជរដ្ឋាភិបាលបានបង្កើតឲ្យមានកម្មវិធី​វេទិកា​សាធារណៈ ឲ្យពលរដ្ឋបានចូលរួម លើកជាការសំណូមពរ និងកង្វល់នានា ធ្វើយ៉ាងណាឲ្យភូមិ សង្កាត់ មានការអភិវឌ្ឍ រីកចម្រើនជាបន្តបន្ទាប់ ក្រោមការយកចិត្តទុកដាក់ពីអាជ្ញាធរ។

លោកបានបន្តថា ពលរដ្ឋ កុំខ្លាចអាជ្ញាធរ និងសមត្ថកិច្ច គឺត្រូវតែចូលរួមគោរពច្បាប់ទាំងអស់គ្នា។ នៅក្នុងវេទិកា​សាធារណៈ ពលរដ្ឋបានលើកឡើងអំពីចំណុចសំខាន់ៗដែលឲ្យអាជ្ញាធរ មន្ត្រីពាក់ព័ន្ធ ចូលរួមដោះស្រាយរួមមាន​បញ្ហាផ្លូវ លូបង្ហូរទឹក អត្តសញ្ញាណប័ណ្ណ ការដាក់ភ្លើងស្តុបនៅទីប្រជុំជន បញ្ហាសំរាម និងចរាចរណ៍ផ្លូវគោក ជាដើម។

ចំពោះការសំណូមពរទាំងនេះ ត្រូវបានលោកអភិបាលក្រុងបាវិត ឆ្លើយតប និងអាចទទួលយកបានពីប្រជាពលរដ្ឋ ហើយក្នុងនាមអាជ្ញាធរ លោកអភិបាលក្រុង ក៏បានសំណូមពរ ឲ្យប្រជាពលរដ្ឋចូលរួមសហការជាមួយ​អាជ្ញាធរក្នុង​ការអនុវត្តច្បាប់ទាំងអស់គ្នា។

លោកលឹម សៀងហេង បានបញ្ជាក់ថា ចំពោះការងារអភិវឌ្ឍនៅមូលដ្ឋាន អាជ្ញាធរបានខិតខំប្រឹងប្រែង កសាងហេដ្ឋា​រចនា​សម្ព័ន្ធបានជាច្រើនមានទាំងផ្លូវចាក់បេតុង លូរំដោះទឹកនៅផ្លូវជាតិលេខ១ និងតាមបណ្ដាផ្លូវនានា​ក្នុងមូលដ្ឋាន​សង្កាត់បាវិត និងនៅពេលខាងមុខនេះមានលូបង្ហូរទឹកស្អុយ និងអាងប្រព្រឹត្តិកម្មចម្រោះទឹកស្អុយផងដែរ។

ពាក់ព័ន្ធនឹងការលើកឡើងរបស់ប្រជាពលរដ្ឋដាក់ភ្លើងស្តុបនៅទីប្រជុំជននៅក្រុងបាវិត មន្ត្រីជំនាញក៏បានដាក់សំណើ​ទៅមន្ទីរសាធារណការខេត្ត ដើម្បីសិក្សាបច្ចេកទេសទៅតាមសំណូមពររបស់ប្រជាពលរដ្ឋផងដែរ។

សូមបញ្ជាក់ថា ពិធីនេះ មានការចូលរួមពីលោក ណេប សារ៉ុន ប្រធានក្រុមប្រឹក្សាក្រុងបាវិត លោកអធិការនគរបាលក្រុង សមត្ថកិច្ចដែលពាក់ព័ន្ធ និងប្រជាពលរដ្ឋជាច្រើននាក់ផងដែរ៕ ដោយ: អ៊ុង ភក្ដី

The post អភិបាលក្រុងបាវិត ជំរុញឱ្យពលរដ្ឋបង្ហាញពីកង្វល់​ដើម្បីរួមគ្នាដោះស្រាយ​តាមរយៈវេទិកាសាធារណៈ appeared first on Kampuchea Thmey Daily.

លោក លឹម សៀងហេង បានថ្លែងថា ចំពោះក្រុមហ៊ុនដីឡូតិ៍អេរ៉ូមែន ដែលមិនទាន់ចេញប្លង់កម្មសិទ្ធិជូនប្រជាពលរដ្ឋនេះ កន្លងមកអាជ្ញាធរ បានខិតខំដោះស្រាយ ជាបន្តបន្ទាប់ដែរ តែភាគីអ្នកលក់ដី ឲ្យក្រុមហ៊ុន និងក្រុមហ៊ុន មិនព្រម​សហការ​ចូលខ្លួនដោះស្រាយ។

ពាក់ព័ន្ធនឹងបញ្ហានេះ លោកអភិបាលក្រុង បានជំរុញដល់អាជ្ញាធរបន្តការដោះស្រាយតាមយន្តការវិវាទ​ក្រៅប្រព័ន្ធ​តុលាការ។ លើសពីនេះទៀត ពលរដ្ឋដែលបានទិញដីនៅក្រុមហ៊ុន គឺអាចអាស្រ័យផលនៅលើទីតាំងដីនេះបាន។

លោកអភិបាលក្រុង ក៏បានជំរុញដល់អាជ្ញាធរ ត្រូវពិនិត្យមើល និងតាមដានលើករណីដីនេះ ហើយមិនឲ្យភាគីណា​មួយមកបង្កបញ្ហាក៏ដូចជាបំផ្លិចបំផ្លាញទ្រព្យសម្បត្តិរបស់ពលរដ្ឋនោះទេ ប្រសិនបើមានត្រូវចាត់វិធានការតាមច្បាប់។

ជាមួយគ្នានេះ លោក ណុប សារ៉ុន ប្រធានក្រុមប្រឹក្សាក្រុងបាវិត បានបញ្ជាក់ថា វេទិកាសាធារណៈនេះ បានធ្វើ​ឡើងក្នុងគោលបំណងផ្តល់ឱកាសឱ្យបងប្អូនប្រជាពលរដ្ឋ បានចូលរួមសម្តែងមតិ ឬផ្តល់យោបល់ទាក់​ទងទៅ​នឹងទុក្ខកង្វល់ ពិសេសទៅនឹងគោលការណ៍ភូមិឃុំមានសុវត្ថិភាព និងរួមគ្នាដោះស្រាយផ្តល់ភាពសុខ​សាន្តជូន​ប្រជាពលរដ្ឋក្នុងមូលដ្ឋាន។ 

លោកបានបន្តថា រាល់វេទិការសាធារណៈនៅគ្រប់មូលដ្ឋាន បងប្អូនប្រជាពលរដ្ឋត្រូវហ៊ាននិយាយការពិត​នូវរាល់ចំណុចសកម្ម និងចំណុចអសកម្ម ដែលកើតមាននៅក្នុងមូលដ្ឋានតាមរយៈវេទិកាសាធារណៈ ព្រោះថា វេទិកានេះត្រូវបានបង្កើតឡើងដើម្បីផ្តល់ឱកាសឲ្យបងប្អូនបញ្ចេញយោបល់ ដើម្បីធ្វើការកែលម្អភាពចន្លោះ​ប្រហោងរបស់មូលដ្ឋាន ឲ្យកាន់តែមានប្រសិទ្ធភាពផងដែរ៕

ដោយ: អ៊ុង ភក្ដី

The post អភិបាលក្រុងបាវិត បញ្ជាឱ្យក្រុមហ៊ុនលក់ដីមួយ​ផ្អាកធ្វើអាជីវកម្ម ដើម្បីដោះស្រាយជាមួយពលរដ្ឋ appeared first on Kampuchea Thmey Daily.

ចំពោះទេយ្យទានដែលលោកអភិបាលក្រុងបាវិត និងសហការី បានយកទៅប្រគេនព្រះសង្ឃគង់ចាំព្រះវស្សារួមមាន៖ ទៀនព្រះវស្សា អង្ករ មី ទឹកដោះគោខាប់ ត្រីខកំប៉ុង ទឹកក្រូច ទឹកផ្លែឈើ ទឹកត្រី ទឹកស៊ីអ៊ីវ ទឹកសុទ្ធ  ស្ករស ប៊ីចេង តែកញ្ចប់ធំ ព្រមទាំងបានប្រគេនបច្ច័យមួយចំនួន សម្រាប់កសាងនូវសមិទ្ធផលនានា។

ប្រជាពុទ្ធបរិស័ទខ្មែរ ដែលជាអ្នកមានជំនឿមុតមាំទៅលើព្រះពុទ្ធសាសនា នៅមុនឈានមកដល់នៃកាលបរិច្ឆេទចូលព្រះ​វស្សានេះ តែងបាននាំយកទៀនព្រះវស្សា និងទេយ្យទានផ្សេងៗ ទៅប្រគេនព្រះសង្ឃគង់ចាំព្រះវស្សាតាម​វត្តនីមួយៗ​ផងដែរ។

សូមបញ្ជាក់ថា ពិធីបុណ្យចូលព្រះវស្សា ប្រារព្ធធ្វើឡើងជារៀងរាល់ឆ្នាំចាប់ពីថ្ងៃ១រោច ខែអាសាធ ដល់ថ្ងៃ១៥ កើត ខែអស្សុជ។ ពិធីត្រូវបានចាប់ផ្តើមនៅល្ងាចថ្ងៃទី ១៥កើត ខែអាសាឍ ដោយមានការចូលរួមពីសំណាក់ បងប្អូន ចាស់ទុំ ចំណុះជើងវត្ត នាំគ្នាហែរទៀនវស្សា សំពត់ សាដក និងសម្ភារប្រើប្រាស់ផ្សេងៗ ហែរជុំវិញព្រះវិហារ និងបន្ទាប់មក​សម្តែង​ធម៌ទេសនា និងវេរទៀនវស្សា សម្ភារប្រគេនព្រះសង្ឃ៕

 ដោយ: អ៊ុង ភក្ដី

The post អភិបាលក្រុងបាវិត និងសហការី ប្រគេនទៀនព្រះវស្សា និងទេយ្យទាន វត្តពោធិ៍រង្សី appeared first on Kampuchea Thmey Daily.

ថ្លែងប្រាប់កម្ពុជាថ្មីលោក លឹម សៀងហេង បានឱ្យដឹងថា តំបន់សេដ្ឋកិច្ចពិសេសដែលមានបណ្តុំទៅដោយឧស្សាហកម្ម រោងចក្រ សហគ្រាសនេះ គឺជាចំណែកដ៏សំខាន់ក្នុងការជួយទ្រទ្រង់សេដ្ឋកិច្ចនៅក្នុងក្រុងបាវិត និងខេត្តស្វាយរៀង ជាពិសេសគឺបានផ្តល់ប្រាក់ចំណូលដល់ពលរដ្ឋ កាត់បន្ថយភាពក្រីក្រ និងការចំណាកស្រុកជាដើម។

លោកអភិបាលក្រុង បានបន្តដូច្នេះថា« គាត់(កម្មករ) បម្រើក្នុងរោងចក្រ គាត់បានប្រាក់ចំណូលផ្ទាល់ ក្នុងម្នាក់ គឺប្រាក់ខែរបស់គាត់មិនក្រោមជាង ២០០ដុល្លារទេ បួកនឹងប្រាក់អត្ថប្រយោជន៍ផ្សេងៗទៀត ដូចជាប្រាក់ថែម​ម៉ោងបានជិត ៣០០ដុល្លារ ទៅជាង ៤០០ដុល្លារដែរ»។

តាមរយៈប្រាក់ចំណូលចេញពីតំបន់សេដ្ឋកិច្ចពិសេសនេះ បានជួយសម្រួលជីវភាពពលរដ្ឋរាប់ម៉ឺននាក់ទាំងផ្ទាល់ និងប្រយោលឱ្យកម្រិតនៃការរស់នៅបានល្អប្រសើរ។ នេះជាការគូសបញ្ជាក់របស់លោក លឹម សៀងហេង។

ខេត្តស្វាយរៀង ជាខេត្តស្ថិតនៅភាគខាងកើតនៃប្រទេសកម្ពុជា ដែលមានព្រំប្រទល់ជាប់ប្រទេសវៀតណាម ហើយក៏ជាខេត្ត ដែលមានតំបន់សេដ្ឋកិច្ចពិសេសមុនគេផងដែរ។

សូមបញ្ជាក់ថា ខេត្តស្វាយរៀងមានតំបន់សេដ្ឋកិច្ចពិសេសទាំងអស់ចំនួន ១២កន្លែង ប៉ុន្តែដំណើរការតែ ៧កន្លែង នៅក្រុងបាវិត ដែលតំបន់សេដ្ឋកិច្ចទាំងនោះ រួមមាន៖ តំបន់សេដ្ឋកិច្ចពិសេស មេន ហាត ធេន ស្វាយរៀង, ​​​ តំបន់សេដ្ឋកិច្ច ពិសេស តាយ សេង បាវិត, តំបន់សេដ្ឋកិច្ចពិសេស ដ្រេហ្គន ឃីង (នាគរាជ), តំបន់សេដ្ឋកិច្ចពិសេស សានដុង សាន់សែល, តំបន់សេដ្ឋកិច្ចពិសេស ហាយ ផាក, តំបន់សេដ្ឋកិច្ចពិសេស ឈីលូ ជាន ពុ ចាយ និងតំបន់សេដ្ឋកិច្ចពិសេស ស៊ីន បាវិត៕

អត្ថបទ ៖ ផល ធារិត

The post តំបន់សេដ្ឋកិច្ចពិសេសក្រុងបាវិត បានផ្ដល់ការងារដល់ពលរដ្ឋប្រមាណជាង ៥ ម៉ឺននាក់ appeared first on Kampuchea Thmey Daily.