អ្នកជំនាញកសិកម្មព្រមានកុំឲ្យពលរដ្ឋដុតជញ្ជ្រាំងស្រូវក្រោយពេលប្រមូលផលរួច

Dy Bunnara — Wed, 10 Jan 2024 04:30:28 +0000

កន្លងទៅពលរដ្ឋមួយចំនួនក្រោយប្រមូលផលស្រូវរួចពួកគាត់មួយចំនួនតែងអនុវត្តតៗគ្នានូវការដុតជញ្រ្ជាំងស្រូវ ខណៈដែលអ្នកជំនាញកសិកម្មមើលឃើញថាផ្តល់គុណវិបត្តិច្រើនជាងគុណសម្បត្តិហើយអាចនាំប៉ះពាល់ដល់បរិស្ថានថែមទៀត។

លោក ស វ៉េង ទីប្រឹក្សាបច្ចេកទេសនៃមជ្ឈមណ្ឌលស្រាវជ្រាវនិងអភិវឌ្ឍន៍កសិកម្មអភិរក្សនៅកម្ពុជានៃអគ្គនាយកដ្ឋានកសិកម្មបានគូសបញ្ជាក់ថា គោលបំណងនៃការដុតជញ្ជ្រាំងគឺទីមួយកសិករគិតថាងាយស្រួលក្នុងការរៀបចំដី។

ទីពីរពួកគាត់គិតថាកាត់បន្ថយជំងឺដូចជាប្រភេទក្រាឬប្រភេទជំងឺផ្សេងទៀតដែលប៉ះពាល់ដល់ដំណាំរបស់ពួកគាត់។ ប៉ុន្តែផ្ទុយមកវិញ អ្នកជំនាញកសិកម្មរូបនេះអះអាង ការដុតជញ្ជ្រាំងផ្តល់ផលលំបាកច្រើនណាស់។

លោកពន្យល់ថា ស្រូវដើម្បីផលិតបានជាដងដើមត្រូវការបឺតសារធាតុចិញ្ចឹមនៅក្នុងដី។ ប៉ុន្តែនៅពេលដែលកសិករដុតជញ្រ្ជាំងហាក់ដូចជាទៅបំផ្លាញជីនិងសារធាតុចិញ្ចឹមចោលអស់ផ្តល់ផលប៉ះពាល់ទាំងដីនិងបរិស្ថាន។

«ការដុតបំផ្លាញគល់ជញ្រ្ជាំង មិនមែនជាជម្រើសល្អនោះទេ ព្រោះវាធ្វើឲ្យបាត់បង់ជីជាតិដី ធ្វើឲ្យដីរឹង បាត់បង់សត្វមាន ប្រយោជន៍ក្នុងដីថែមទៀត។ សូម្បីតែសត្វនៅក្នុងដីមានប្រយោជន៍ជាអតិសុខុមប្រាណមួយចំនួនក៏ងាប់អត់អាចរស់នៅបានទេ ហើយធ្វើឲ្យដីក្តាំងសឹករេចរិល ហើយការប៉ះពាល់ដីកាន់តែច្រើននាំឲ្យទិន្នផលថយចុះ។ អីចឹងការដុតនេះសារធាតុចិញ្ចឹមក៏បាត់ ទៅជាបំពុលបរិស្ថានធ្វើឲ្យផលប៉ះពាល់ដល់បរិយាកាសជាពិសេសការបំភាយឧស្ម័នផ្ទះកញ្ចក់»។

លោកបានលើកពីករណីនៅប្រទេសថៃកាលពីប៉ុន្មានឆ្នាំមុន នៅពេលដែលកសិករសម្រុកដុតចម្ការអំពៅឃើញថានៅទីក្រុងបាងកករងផលប៉ះពាល់ដោយផ្សែងពុល៕

The post អ្នកជំនាញកសិកម្មព្រមានកុំឲ្យពលរដ្ឋដុតជញ្ជ្រាំងស្រូវក្រោយពេលប្រមូលផលរួច appeared first on Kampuchea Thmey Daily.

បច្ចេកទេសថ្មីកសិកម្មអភិរក្សមិនបាច់ភ្ជួររាស់ដី អនុវត្តជោគជ័យជាង ១០ ឆ្នាំនៅកម្ពុជា

Dy Bunnara — Wed, 03 Jan 2024 04:36:05 +0000

កសិកម្មអភិរក្សជាវិធីសាស្រ្តនៃការដាំដុះដែលមិនបង្កការរំខានដល់បរិស្ថាន កាត់បន្ថយការបញ្ចេញសារធាតុកាបូនឌីអុកស៊ីតទៅក្នុងបរិយាកាស ដែលរួមចំណែកឆ្លើយតបការប្រែប្រួលអាកាសធាតុ។

កសិកម្មអភិរក្ស គឺជាវិធីសាស្ត្រប្រកបដោយនិរន្តរភាពនៃផលិតកម្មកសិកម្ម ដែលការពារដីពីការហូរច្រោះនិងការសឹករិចរិល ដែលធ្វើឲ្យប្រសើរឡើងដល់គុណភាពដីនិងជីវៈចម្រុះ រួមចំណែកដល់ការអភិរក្សធនធានធម្មជាតិ ទឹក និងខ្យល់ ខណៈជួយបង្កើនទិន្នផល។

ចំណុចសំខាន់ៗនៃការធ្វើកសិកម្មអភិរក្ស៖

-កាត់បន្ថយការរៀបចំដីជំនួសដោយសកម្មភាពជីវសាស្រ្ត
-ដីត្រូវមានគម្របជាអចិន្រ្តៃយ៍
-ដំណាំឆ្លាស់ឬបង្វិលដោយធ្វើពិពិធកម្មដំណាំ

លោក ស វ៉េង ទីប្រឹក្សាបច្ចេកទេសនៃមជ្ឈមណ្ឌលស្រាវជ្រាវនិងអភិវឌ្ឍន៍កសិកម្មអភិរក្សនៅកម្ពុជាបានគូសបញ្ជាក់ថា ដំណាំអភិរក្សត្រូវបានអនុវត្តជាង ១០ ឆ្នាំមកហើយនៅកម្ពុជាតាំងពីឆ្នាំ ២០០៩។ បច្ចេកទេសនៃការដាំដុះដំណាំអភិរក្សគឺកាត់បន្ថយការភ្ជួររាស់ដើម្បីគ្រប់គ្រងដីឲ្យមាននិរន្តរភាពតាមរយៈការដាំដំណាំគម្របដី។

សព្វថ្ងៃនេះកសិករមានបញ្ហាប្រឈមខ្លាំងទាក់ទងជីវជាតិដីជាពិសេសនៅតំបន់ខ្ពង់រាប នៅពេលដែលកសិករចាប់ផ្ដើមដាំដុះត្រូវការភ្ជួរដីមួយឆ្នាំពីរឬបីដង។ បើសិនត្រូវធ្វើពីរដងត្រូវការភ្ជួរបួនដងទៅប្រាំដង។ អីចឹងនៅពេលភ្ជួររាស់ដីនាំឲ្យមានការហូរច្រោះជាមូលហេតុចម្បងដែលធ្វើឲ្យដីថយគុណភាពពីមួយឆ្នាំទៅមួយឆ្នាំ។

នៅពេលដែលដីបាត់បង់ជីវជាតិ ធ្វើឲ្យទិន្នផលថយចុះជំរុញឲ្យកសិករត្រូវការប្រើប្រាស់ថ្នាំពុលកសិកម្ម ដែលធ្វើឲ្យការចំណាយកើនឡើងពីមួយឆ្នាំត្រឹមឆ្នាំ។ កត្តាសំខាន់មួយទៀតធ្វើឲ្យប៉ះពាល់ដល់យសុខភាព និងទៅលើបរិស្ថាន។

តើការធ្វើដំណាំអភិរក្សមានបច្ចេកទេសនិងការអនុវត្តយ៉ាងណាខ្លះ?

The post បច្ចេកទេសថ្មីកសិកម្មអភិរក្សមិនបាច់ភ្ជួររាស់ដី អនុវត្តជោគជ័យជាង ១០ ឆ្នាំនៅកម្ពុជា appeared first on Kampuchea Thmey Daily.

លោក ស វ៉េង Archives - Kampuchea Thmey Daily

អ្នក​ជំនាញ​កសិកម្ម​ព្រមាន​កុំ​ឲ្យ​ពលរដ្ឋ​ដុត​ជញ្ជ្រាំង​ស្រូវ​ក្រោយ​ពេល​ប្រមូល​ផល​រួច

បច្ចេកទេស​ថ្មី​​​​កសិកម្ម​អភិរក្ស​​មិន​បាច់​ភ្ជួរ​រាស់ដី អនុវ​ត្ត​ជោគជ័យ​ជាង ១០ ឆ្នាំនៅកម្ពុជា

អ្នកជំនាញកសិកម្មព្រមានកុំឲ្យពលរដ្ឋដុតជញ្ជ្រាំងស្រូវក្រោយពេលប្រមូលផលរួច

បច្ចេកទេសថ្មីកសិកម្មអភិរក្សមិនបាច់ភ្ជួររាស់ដី អនុវត្តជោគជ័យជាង ១០ ឆ្នាំនៅកម្ពុជា