យោងតាមការបង្ហោះនៅលើបណ្តាញសង្គមហ្វេសប៊ុក លោក អ៊ឹម ជីវ៉ា បានរៀបរាប់ថា «ជួយ share ផង អាណិតណាស់ តារាសម្តែងជើងចាស់ និងជាអតីពិធីករវិទ្យុ FM 98 លោក ប៉ែន តារាវុទ្ធី ធ្លាក់ខ្លួនឈឺ គ្មានលុយទិញថ្នាំព្យាបាល ដាច់ចិត្តលើកដៃទាំងទឹកភ្នែកសុំលុយបងប្អូន Facebook ទិញថ្នាំព្យាបាលជំងឺ បានថវិការខ្លះយកមកដោះស្រាយជីវភាព»។

លោកបញ្ជាក់ថា តារាសម្តែងជើងចាស់ លោក ប៉ែន តារាវុទ្ធី បានធ្លាក់ខ្លួនឈឺ គ្មានលុយទិញថ្នាំ រហូតសម្រេចចិត្តមកដល់ផ្ទះ លោក ដើម្បីបានថវិការខ្លះព្យាបាលជំងឺ។ ក្នុងនោះ លោក ប៉ែន តារាវុទ្ធី និយាយថា ទម្រាំមកនេះ គឺលោកពិបាកពេក ពេលខ្លះគ្មានលុយទិញបាយហូបទេ ហើយឈឺក៏គ្មានលុយទិញថ្នាំលេប ទិញថ្នាំព្យាបាលជំងឺដែរ។ លោក ប៉ែន តារាវុទ្ធី ក៏បានស្នើជួយលោកផង ព្រោះក្រណាស់ អត់មានអ្នកណាជាទីពឹងទេ។

តារាសម្តែង អ៊ឹម ជីវ៉ា បានបន្ថែមថា «ពេលឮគាត់និយាយអ៊ីចឹង ខ្ញុំស្ទើរទប់ទឹកភ្នែកមិនជាប់ មិនគួរណាជាតិជាតារាល្បីពីមុន ធ្លាប់មានបាន បែរជាធ្លាក់មកដល់ចំណុចនេះសោះ អាណិតគាត់ណាស់»។

យ៉ាងណាមិញ បន្ទាប់ពីមានការបង្ហោះបែបនេះ គេឃើញមហាជន និងអ្នកគាំទ្រមួយចំនួន បានសម្តែងការអាណិតអាសូរ និងខ្លះទៀត ក៏បានចូលរួមឧបត្ថម្ភថវិកាជួយដល់​ លោក ប៉ែន តារាវុទ្ធី ផងដែរ៕

អត្ថបទ ៖ ចាន់រ៉ា

The post តារាសម្តែងជើងចាស់ លោក ប៉ែន តារាវុទ្ធី ធ្លាក់ខ្លួនឈឺ គ្មានលុយទិញថ្នាំព្យាបាលជំងឺ appeared first on Kampuchea Thmey Daily.

លោក អ៊ឹម ជីវ៉ា បានបញ្ជាក់​ប្រាប់​កម្ពុជា​ថ្មី ​នៅ​ព្រឹក​ថ្ងៃនេះ​ឲ្យ​ដឹង​ថា ​ថ្ងៃនេះ​ជា​ថ្ងៃ​ខួបកំណើត​របស់ខ្ញុំ​ដូច្នេះ​ខ្ញុំបាទ​មាន​ថវិកា​ផ្ទាល់ខ្លួន​បន្តិច​បន្តូច​ដើម្បី​ចូល​រួមចំណែក​ជាមួយ​សង្គម​។​ ថវិកា​ដែល​លោក​បរិច្ចាគ​នោះ​ គឺ​តាមរយៈ,១.​ចូលរួម​ថវិកា​ជាមួយ​កាក បាទ​ក្រហម​កម្ពុជា​៥០០​ដុល្លារ​។ ​២.​ចូលរួម​មន្ទីរ​ពេទ្យ​គន្ធ​បុប្ផា​ថវិកា​ចំនួន​៥០០​ដុល្លារ​។ ៣.​ចូលរួម​ជួយ​កុមារ​កំព្រា​ថវិកា​ចំនួន​៥០០​ដុល្លារ​និង​២.​ចូល​រួម​ជួយ​សិល្បករ​ក្រីក្រ​ខ្វះខាត​ថវិកា​ចំនួន​១០០០​ដុល្លារ​។

តារា​ប្រុស​រូប​នេះ​បន្ត​ថា ​ថវិកា​ដែល​លោក​ចូលរួម​បរិច្ចាគ​ជួយ​សង្គម​នោះ​សរុប​ទាំងអស់​គឺ​មាន​ចំនួន​១០លាន​រៀល​ស្មើ​នឹង​២៥០០​ដុល្លារ​។ ​លោក​ថា​ខ្លួន​ពុំ​មែន​ជា​អ្នកមាន​ទ្រព្យសម្បត្តិ​ច្រើន​ទេ​តែ​នេះ​ជា​ទឹកចិត្ត និង​ជា​ថវិកា​ដែល​ខំ​សន្សំ​ដើម្បី​ទុក​ចូល​រួម​ចំណែក​ចែករំលែក​ជាមួយ​សង្គម​ទោះបី​ថវិកា​នេះ​មិន​ច្រើន​ក៏ប៉ុន្តែ​គឺជា​ការ​ចូលរួមចំណែក​មួយ​ក្នុងនាម​ឈាម​ខ្មែរ​តែមួយ ខ្មែរ​ជួយ​ខ្មែរ ខ្មែរ​រស់នៅ​ក្រោម​ដំបូល​សន្តិ​ភាព​តែមួយ អរគុណ​សន្តិភាព។

លោក អ៊ឹម ជីវ៉ា បាន​បន្ថែម​ថា ​សម្រាប់​ក​ម្ម​វិធី​អបអរ​ខួបកំណើត​របស់​លោក​នៅ​ថ្ងៃទី​១០​ខែធ្នូ​នេះ​នឹង​ធ្វើ​ឡើង​នៅ​សណ្ឋាគារ​ភ្នំពេញ Phnom Penh Hotel នា​វេលា​ម៉ោង​៦​ល្ងាច​ដោយមាន​ការ​អញ្ជើញ​ភ្ញៀវ​ចូលរួម​មិត្តភក្តិ សិល្បករ​-​សិល្បការិនី​និង​អ្នកមាន​ឋានៈ​ក្នុង​សង្គម​មួយ​ចំនួន​ផង​ដែរ​៕

ដោយ ៖ ចាន់​រ៉ា

The post ថ្ងៃ​ខួបកំណើត ! អ៊ឹម ជីវ៉ា បរិច្ចាគ​ថវិកា​១០​លាន​រៀល​ជួយ​សង្គម appeared first on Kampuchea Thmey Daily.