សិស្សានុសិស្សនៃវិទ្យាល័យជំនាន់ថ្មី ព្រះស៉ីសុវត្ថិ ចាត់ទុកទង្វើនេះ ជាទង្វើព្រៃផ្សៃ សាហាវយង់ឃ្នង និងអមនុស្សធម៌យ៉ាងខ្លាំងបំផុត ដែលយោធាថៃបានបើកការបាញ់ប្រហារមកលើពលរដ្ឋកម្ពុជា ដោយមិនមានមូលហេតុ ខណៈប្រទេសទាំង០២ បានចុះហត្ថលេខាលើកិច្ចព្រមព្រៀងស្តីពីបទឈប់បាញ់ ពិសេសកិច្ចព្រមព្រៀងសន្តិភាពកូឡាឡាំពួរ។

ក្រុមសិស្សានុសិស្សបានបញ្ជាក់ថា ទង្វើរបស់ថៃធ្វើឲ្យប្រជាពលរដ្ឋ ជាពិសេសកុមារដែលត្រូវរៀនសូត្រមិនបានរៀន ដោយត្រូវភៀសសឹករកទីសុវត្ថិភាព។

គួររំលឹកថា ភាគីថៃបានបើកការបាញ់ប្រហារទៅលើពលរដ្ឋស្លូតត្រង់របស់កម្ពុជា កាលពីរសៀលថ្ងៃទី១២ ខែវិច្ឆិកា ឆ្នាំ២០២៥ នៅចំណុចភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលបណ្តាលឲ្យពលរដ្ឋម្នាក់បានស្លាប់ និងរងរបួស០៣នាក់ ដោយភាគីកម្ពុជា ពុំបានធ្វើការតបតវិញនោះឡើយ។ ទាំងពលរដ្ឋទាំងថ្នាក់ដឹកនាំ និងកងទ័ពកម្ពុជា នៅតែបន្តរក្សាគោលជំហរគោរពច្បាប់អន្តរជាតិ និងគោរពកិច្ចព្រមព្រៀងសន្តិភាពជាធំ ដើម្បីបញ្ចៀសបានពីជម្លោះប្រដាប់អាវុធរវាងប្រទេសទាំងពីរ៕

អត្ថបទ៖ សុភា

The post សិស្សានុសិស្សនៃវិទ្យាល័យ ព្រះស៊ីសុវត្ថិ ស្នើឲ្យប្រធានាធិបតីអាមេរិកអន្តរាគមន៍ករណីថៃនៅតែបង្ករំលោភបំពានមកលើកម្ពុជា appeared first on Kampuchea Thmey Daily.

ចំណុច​របង​វិទ្យាល័យ​ព្រះស៊ីសុវត្ថិ ចាប់ពី​ផ្លូវ​លេខ ៥១ រហូត​ដល់​ស្តុប​ព្រះស៊ីសុវត្ថិ ត្រូវ​បាន​ប្រជាពលរដ្ឋ​មួយ​ចំនួន​ដាក់​ចត​រថយន្ត​ក្លាយ​ជា​ចំណត​យ៉ាង​អនាធិបតេយ្យ នៅ​តាម​បណ្ដោយ​ផ្លូវ ៥១ កែង​ផ្លូវ​លេខ ១៨៤ សង្កាត់​ផ្សារ​ថ្មី​ទី ០៣ ខណ្ឌ​ដូនពេញ រាជធានី​ភ្នំពេញ។

លោក ប៉ែន សុវណ្ណា ជា​ប្រជាពលរដ្ឋ លើក​ឡើង​ថា ពួកគាត់​បាន​ឃើញ​ពលរដ្ឋ​មួយ​ចំនួន​មិនមែន​ជា​អ្នក​រស់នៅ​ម្តុំ​នោះ​ឡើយ ភាគតិច​ជា​អ្នក​រស់នៅ​តំបន់​ខាងលើ តែងតែ​យក​រថយន្ត​មក​ទុកចោល តាំងពី​ព្រឹក​រហូត​ដល់​ល្ងាច ដោយ​មិន​មាន​អាជ្ញាធរ​ចុះ​ធ្វើ​វិធានការ​រដ្ឋបាល​នោះ​ឡើយ។

ចំណែក​ប្រជាពលរដ្ឋ​ម្នាក់​ទៀត លើកឡើង​ដែរ​ថា ជា​រៀងរាល់ថ្ងៃ ចំណុច​របង​សាលា​ព្រះស៊ីសុវត្ថិ​នេះ ត្រូវ​បាន​ពលរដ្ឋ​យក​រថយន្ត​ចត​លើ​ចិញ្ចើម​ផ្លូវ ធ្វើ​ឲ្យ​បាត់បង់​សណ្ដាប់ធ្នាប់​សាធារណៈ។

ប្រជាពលរដ្ឋ​ដដែល​បន្ត​ថា ចិញ្ចើម​ផ្លូវ​ជាប់​របង​សាលា​ខាង​លើ​នេះ រដ្ឋ​បាន​ផ្លាស់ប្ដូរ​ការ៉ូឡា​ធ្វើ​ដើម្បី​ទុក​ឲ្យ​សិស្សានុសិស្ស​ដើរ​ថ្មើរជើង បង្ការ​ការពារ​សុវត្ថិភាព ពេល​ធ្វើ​ដំណើរ​ដើរ​ទៅ​សិក្សា មិនមែន​ទុក​ឲ្យ​ពលរដ្ឋ​យក​រថយន្ត​មក​ចត​បែបនេះ​ឡើយ។

ពាក់ព័ន្ធ​បញ្ហា​នេះ លោក ចាប ឌីណា អភិបាល​រង​ខណ្ឌ​ដូនពេញ ប្រាប់​ឲ្យ​កម្ពុជា​ថ្មី​ដឹង​ថា ក្នុង​នាម​ជា​អាជ្ញាធរ សូម​អធ្យាស្រ័យ​ទៅ​កាន់​អាណាព្យាបាល​របស់​សិស្ស និង ប្រជាពលរដ្ឋ ដែល​កើត​ក្តី​បារម្ភ​ពី​បញ្ហា​កូនៗ របស់​ពួកគាត់ គ្មាន​ចិញ្ចើម​ផ្លូវ​សម្រាប់​ថ្មើរជើង។

លោក​អភិបាល​រង​ខណ្ឌ​ដូនពេញ បន្ត​ថា ដោយសារតែ​មួយ​រយៈ​នេះ អាជ្ញាធរ​កំពុង​មមាញឹក​ធ្វើ​ប្រព័ន្ធ​លូ​ក្បែរ​តំបន់​នោះ ដូច្នេះ​ពេល​បញ្ចប់​ការ​ដាក់​លូ​រួចរាល់ លោក​នឹង​ចាត់​ឲ្យ​មន្ត្រី​ជំនាញ ចុះ​រៀបចំ​សណ្ដាប់ធ្នាប់ ក៏ដូចជា​ណែនាំ​ដល់​ម្ចាស់​រថយន្ត​នីមួយៗ នៅ​តាម​របង​សាលា​វិទ្យាល័យ​ព្រះស៊ីសុវត្ថិ។ ក្នុង​នោះ​ដែរ ប្រសិន​ជា​មាន​លើក​ក្រោយ អាជ្ញាធរ នឹង​ចាត់វិធានការ​រដ្ឋបាល ចាក់​សោ​កង់​រថយន្ត និង​ផាក​ពិន័យ​តាម​ផ្លូវ​ច្បាប់​តែម្ដង៕

អត្ថបទ ៖ រដ្ឋា

សូមទស្សនាវីដេអូខាងក្រោម ៖

The post របងវិទ្យាល័យព្រះស៊ីសុវត្ថិ ក្លាយជាចំណតរថយន្តយ៉ាងអនាធិបតេយ្យ appeared first on Kampuchea Thmey Daily.

អ្នកស្រី អ៊ុត ចាន់ណា ម្ចាស់តូបលក់សៀវភៅ និងកាសែត ពន្លឺវិជ្ជា ក្រោយវិទ្យាល័យព្រះស៊ីសុវត្ថិ បានប្រាប់ឱ្យ កម្ពុជាថ្មី ដឹងថា តូបលក់សៀវភៅ និងកាសែត របស់ស្រី បានបើកដំណើរតាំងពីជំនាន់ឆ្នាំ ១៩៩០មកម្ល៉េះ។ សម្រាប់ពេលបច្ចុប្បន្ននេះ តូបលក់សៀវភៅ របស់អ្នកស្រី នៅតែទទួលបានអតិថិជន មកទិញសៀវភៅបានច្រើនគួរសម មិនចាញ់បណ្ណាគារធំៗ ប៉ុន្មានឡើយ។

អ្នកស្រី អ៊ុត ចាន់ណា បន្ថែមទៀតថា អតិថិជនរបស់អ្នកស្រី ភាគច្រើនជា សិស្ស-និស្សិត សាស្រ្ដាចារ្យ និងអ្នកស្រាវជ្រាវ តែងតែនាំគ្នាមកស្វែងរកសៀវភៅ ទាក់ទងនឹងមុខជំនាញរបស់ខ្លួន ក្នុងនោះមាន៖ សៀវភៅ ប្រវត្តិសាស្រ្ដ នយោបាយ សាសនា និងសៀវភៅ ច្បាប់ផ្សេងៗទៀត ជាដើម។

រីឯអ្នកស្រី ហេង លីដា ម្ចាស់តូបលក់សៀវភៅ លេខ ៨ ក្រោយវិទ្យាល័យព្រះស៊ីសុវត្ថិ ដូចគ្នា ក៏បានប្រាប់ឱ្យកម្ពុជាថ្មី ដឹងដែរថា អ្នកស្រី បានបើកតូបលក់សៀវភៅ នៅទីតាំងនេះអស់រយៈពេលជាច្រើនឆ្នាំមកហើយ។ ចំណែកការលក់វិញ អ្នកស្រី និយាយថា មានអតិថិជន មករកទិញសៀវភៅពីតូបរបស់អ្នកស្រី ជាសិស្សនិស្សិត និងគ្រូបង្រៀន ច្រើនគួរសមដែរ ទោះបីជាបច្ចុប្បន្ននៅរាជធានីភ្នំពេញ មានបណ្ដាគារលក់សៀវភៅច្រើនក៏ដោយ។

អ្នកស្រី ហេង លីដា បន្ថែមថា កត្តាដែលធ្វើឱ្យតូបរបស់អ្នកមានអតិថិជន មកទិញសៀវភៅច្រើននោះ ក៏ដោយសារតែទីនេះ សម្បូរទៅដោយសៀវភៅ គ្រប់ប្រភេទ ក្នុងនោះមានដូចជា ៖ សៀវភៅ តែងសេចក្ដី សៀវភៅអាត្រាកំណែ និងប្រភេទសៀវភៅ ប្រភេទ នយោបាយ សេដ្ឋកិច្ច និងច្បាប់ ជាដើម។

អ្នកស្រី ហេង លីដា បញ្ជាក់ទៀតថា ក្រៅពីសៀវភៅ សម្បូរបែបហើយ ចំពោះតម្លៃលក់វិញ ក៏សមរម្យដែរ ពោលគឺ លក់ក្រោមតម្លៃ នៅតាមបណ្ណាគារមួយចំនួន នេះក៏ដោយសារតែតូបសៀវភៅ របស់អ្នកស្រី មិនសូវចំណាយលើបុគ្គលិក និងការចំណាយផ្សេងៗទៀត ដូចបណ្ដា ហាងលក់សៀវភៅ ឬ បណ្ណាគារទំនើបៗ ទាំងនោះដែរ៕

អត្ថបទ ៖ សួស សិត

The post តូបលក់សៀវភៅ ក្រោយវិទ្យាល័យព្រះស៊ីសុវត្ថិ បើកតាំងពីឆ្នាំ ១៩៩០ នៅតែមានអតិថិជនមកទិញជាហូរហែ appeared first on Kampuchea Thmey Daily.