បើតាមឧបនាយករដ្ឋមន្ត្រីថៃលោក Sophon Sarum បាននិយាយថា គណៈកម្មាធិការគោលនយោបាយជាតិថៃស្តីពីគ្រឿងស្រវឹងនឹងជួបប្រជុំគ្នានៅថ្ងៃព្រហស្បតិ៍ ទី ១៣ ខែវិច្ឆិកា ដើម្បីពិភាក្សាអំពីការលើក ឬពង្រីកការរឹតបន្តឹងនេះ ដោយហៅច្បាប់បច្ចុប្បន្នថាហួសសម័យ និងមិនមានប្រសិទ្ធភាព។

លោក Sophon Sarum បាននិយាយថាបទប្បញ្ញត្តិចាស់បែបនេះធ្វើឲ្យការអនុវត្តមិនយុត្តិធម៌ និងរារាំងកំណើនអាជីវកម្ម។ ការបន្ធូរបន្ថយការហាមឃាត់នេះអាចជំរុញវិស័យទេសចរណ៍ និងជំរុញសេដ្ឋកិច្ច ជាពិសេសនៅពេលដែលប្រទេសថៃប្រឈមមុខនឹងការធ្លាក់ចុះនៃការមកដល់របស់ភ្ញៀវទេសចរបើប្រៀបធៀបទៅនឹងការព្យាករណ៍ទុក។

បើសិនច្បាប់នេះត្រូវបានដកចេញមែន វានឹងជា «ដំណឹងល្អ» សម្រាប់ម្ចាស់អាជីវកម្ម និងទេសចរ ដោយបង្ហាញទំនុកចិត្តថា ការផ្លាស់ប្តូរនេះនឹងជួយទាក់ទាញភ្ញៀវទេសចរកាន់តែច្រើនមកកាន់ប្រទេសថៃ។ ទោះជាយ៉ាងណាក៏ដោយ ការរឹតបន្តឹងលើការលក់គ្រឿងស្រវឹងនៅជិតសាលារៀន និងកន្លែងសាសនានឹងនៅតែមានជាធរមាន។

គួរបញ្ជាក់ថា វិស័យទេសចរណ៍របស់ប្រទេសថៃបានធ្លាក់ចុះយ៉ាងគំហុកក្នុងឆ្នាំ២០២៥ ដែលនាំមកនូវបញ្ហាសេដ្ឋកិច្ចដល់ប្រទេសនេះ ជាពិសេសប្រជាជននៅតំបន់ពេញនិយមសម្រាប់ទេសចរដូចជា ប៉ាតាយ៉ា ភូកេត បាងកក និងឈៀងម៉ៃជាដើម៕

អត្ថបទ៖ ប៊ុន សុភាព

The post ថៃ ពិចារណាដកបម្រាមលក់គ្រឿងស្រវឹង ក្រោយវិស័យទេសចរណ៍ធ្លាក់ចុះ appeared first on Kampuchea Thmey Daily.

សម្ដេច ម៉ែន សំអន បង្ហាញការគាំទ្រដូច្នេះ ក្នុងពេលអញ្ជើញទស្សនាផ្ទះកំណើតរបស់ សម្ដេចតេជោ ហ៊ុន សែន ស្ថិតក្នុងភូមិពាមក្រៅ ឃុំពាមកោះស្នា ស្រុកស្ទឹងត្រង់ ខេត្តកំពង់ចាម កាលពីរសៀលថ្ងៃទី១១ ខែឧសភា  ដោយមាន លោក ហួត ហាក់ រដ្ឋមន្ត្រីក្រសួងទេសចរណ៍ និងអភិបាលខេត្តកំពង់ចាម លោក អ៊ុន ចាន់ដា និងក្រុមការងារជាច្រើនរូបអមដំណើរ។

តាមរយៈអតីតសមាជិកព្រឹទ្ធសភានីតិកាលទី៤ លោក ច្រឹង គឹមស្រ៊ាន បច្ចុប្បន្នជាទីប្រឹក្សាសម្តេចតេជោ ហ៊ុន សែន បានបញ្ជាក់ឱ្យដឹងថា កាលពីអំឡុង ខែមករា ឆ្នាំ១៩៨៨ ដោយឃើញថាផ្ទះនេះចាស់ មានសភាពទ្រុឌទ្រោមខ្លាំង ទើបសុំការឯកភាពពីឯកឧត្ដម ហ៊ុន នាង ត្រូវជាឳពុករបស់សម្ដេចតេជោ ហ៊ុន សែន ដើម្បីរុះរើផ្ទះចាស់នោះចេញ ជំនួសដោយផ្ទះថ្មី ដែលសង់អំពីឈើប្រក់ក្បឿង ទំហំ ៦ម×១៤ម ដែលមានអ្នកស្រី សុន ជូ និងស្វាមី ជាអ្នកមើលថែទាំរហូតដល់សព្វថ្ងៃនេះ។

បើតាមតាមការបង្ហើបឲ្យដឹងពី លោក ហួត ហាក់ រដ្ឋមន្ត្រីក្រសួងទេសចរណ៍ នាឱកាសនោះ លោកមានគម្រោងកែច្នៃ និងរៀបចំផ្ទះនោះ ទៅជារមណីយដ្ឋានប្រវត្តិសាស្ត្រតេជោសែន ដើម្បីទុកជាកេរ្តិ៍ដំណែលប្រវត្តិសាស្ត្ររបស់សម្តេចតេជោ ហ៊ុន សែន និងជាកំណប់ទ្រព្យរបស់អ្នកស្ទឹងត្រង់, ទុកជាការសិក្សាស្រាវជ្រាវរបស់យុវជនជំនាន់ក្រោយៗទៀត ក៏ដូចជា ការបង្កើនចំណូលសេដ្ឋកិច្ចគ្រួសារ ដែលពឹងផ្អែកទៅលើវិស័យទេសចរណ៍ និងលើកស្ទួយមុខមាត់ខេត្តកំពង់ចាមឲ្យកាន់តែមានភាពរីកចម្រើនប្រកបដោយ សក្តានុពល និងភាពទាកទាញ។

ជាការឆ្លើយតប សម្តេចកិត្តិសង្គហបណ្ឌិត ក៏បាន សម្តែងនូវការកោតសសើរ ពេញចិត្ត និងគាំទ្រទាំងស្រុងចំពោះគំនិតផ្តួចផ្តើមក្នុងប្រែក្លាយផ្ទះនៅស្រុកកំណើតសម្តេចតេជោ ទៅជារមណីយដ្ឋានប្រវត្តិសាស្ត្រតេជោសែន និងបានជម្រុញឲ្យ លោក ហួត ហាក់ និង លោក អ៊ុន ចាន់ដា រួមសហការគ្នាសិក្សាអំពីនីតិវិធីក្នុងរៀបចំ។

ទំព័រហ្វេសប៊ុកសម្ដេច ម៉ែន សំអន ចាត់ទុកថា នេះជាដំណើរជាប្រវត្តិសាស្ត្រលើកដំបូង របស់សម្តេចកិត្តិសង្គហបណ្ឌិត ម៉ែន សំអន ដែលអញ្ជើញទស្សនាដោយផ្ទាល់ នៅផ្ទះកំណើតសម្តេចតេជោ ហ៊ុន សែន ដោយបានទទួល បដិសណ្ឋារកិច្ចយ៉ាងកក់ក្តៅពី លោក អ៊ុន ចាន់ដា អភិបាលខេត្តកំពង់ចាម អាជ្ញាធរមូលដ្ឋាន និងប្រជាពលរដ្ឋដែលរស់នៅម្តុំនោះ និងបានធ្វើការសំណេះសំណាល រួចហូបផ្លែឈើប្រចាំគ្រួសារ ជុំគ្នាស្ថិតក្នុងបរិយាកាសសប្បាយរីករាយ និងស្និទ្ធស្នាលក្រៃលែង៕

The post សម្តេច ម៉ែន សំអន គាំទ្រគំនិតប្រែក្លាយផ្ទះនៅស្រុកកំណើតសម្តេចតេជោ ទៅជារមណីយដ្ឋានប្រវត្តិសាស្ត្រតេជោសែន appeared first on Kampuchea Thmey Daily.

កាលពីព្រឹកថ្ងៃទី១២ ខែកុម្ភៈ លោកស្រីបណ្ឌិត ជា​ សិរី ទេសាភិបាលនៃ NBC បានជួប​ពិភាក្សាការងារជាមួយលោក អិត វិចិត្រ អគ្គនាយករបស់ TBC ដោយផ្តោតលើ​ការរួមគ្នា​សហការក្នុងការទាក់ទាញភ្ញៀវទេចរ និងការសម្រួលដល់ការទូទាត់នៅតាមគោលដៅ​ទេសចរណ៍​​នានា។

លោកស្រីបណ្ឌិតជា សិរី បានសរសេរនៅលើបណ្តាញសង្គមផ្លូវការរបស់ខ្លួនថាលោកស្រីបានជួបពិភាក្សាការងារជាមួយលោក អិត វិចិត្រ អគ្គនាយក ក្រុមប្រឹក្សាទេសចរណ៍កម្ពុជា ​ ដើម្បីស្វែងរកចំណុចដែលជាអាចសហការណ៍គ្នាបាន។ ធនាគារជាតិនៃកម្ពុជាបានបង្លើត Bakong tourist App ដើម្បីជាសម្រួលដល់ការទូទាត់របស់ទេសចរណ៍នៅប្រទេសកម្ពុជា និង បានស្នើសុំឲ្យ CTB ជួយសហការណ៍ផ្សព្វផ្សាយ។

លោកស្រីបណ្ឌិតបានបន្តទៀតថា៖«ទន្ទឹមនេះដែល យើងក៏ជួយប្រមូលទិន្ទន័យពាក់ព័ន្ធវិស័យទេសចរណ៍ ជាពិសេសការធ្វើអង្គេតពី ចំណូលពីភ្ញៀវទេសចរណ៍ ដើម្បីជាប្រយោជន៍ដល់ CTB ក្នុងការរៀបចំគោលនយោបាយចំទិសដៅ ។ ធនាគារជាតិក៍បានលើកទឹកចិត្តនិងផ្តល់លក្ខខ័ណអនុគ្រោះមួយចំនួនដល់គ្រិៈស្ថានធនាគារ និងហិរញ្ញវត្ថុដើម្បីផ្តល់ឥណទានក្នុងតម្លៃសមរម្យ ដល់វិស័យទេសចរណ៍»។

រាជរដ្ឋាភិបាលកម្ពុជាបានសម្រេចបង្កើតក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា (CTB) ផ្លូវការកាលពីថ្ងៃទី២៧ ខែមិថុនាឆ្នាំ២០២៤។ គោលបំណងនៃការបង្កើត​ CTB ដើរតួនាទីជាយន្តការស្ថាប័នដែលមានលក្ខណៈអំណោយផល និងបើកទូលាយ ដោយអនុញ្ញាតឱ្យវិស័យឯកជនអាចចូលរួមពេញលេញជាមួយ រាជរដ្ឋាភិបាលដោយឈរលើគោលការណ៍ “រួមគិត រួមធ្វើ រួមទទួលខុសត្រូវ” ទាំងលើផ្នែកហិរញ្ញវត្ថុ បច្ចេកទេស និងគំនិតយោបល់ ក្នុងការជម្រុញការអភិវឌ្ឍវិស័យទេសចរណ៍កម្ពុជា ស្របតាមនិន្នាការទេសចរណ៍សាកល លោក និងតំបន់​។

កាលពីឆ្នាំ២០២៤កន្លងទៅនេះ កម្ពុជា​បានស្វាគមន៍ភ្ញៀវទេសចរណ៍អន្តរជាតិជាង ៦,៧ លាននាក់ ​ដោយកើន​ឡើង ២២,៩ ភាគរយ បើធៀបនឹងឆ្នាំ ២០២៣ ដែលមានចំនួន ៥,៤៥ លាននាក់។ ភ្ញៀវទេស​ចរ​បរទេសមកលេងកម្ពុជា​​ច្រើនជាងគេរួមាន ភ្ញៀវទេសចរថៃ វៀតណាម ចិន ឡាវ និងអាមេរិក។ នេះ​បើ​​យោង​តាមរបាយ​ការ​ណ៍​​​របស់​ក្រសួងទេសចរណ៍៕

​​

The post NBC និងCTB សហការគ្នាដើម្បីផ្សព្វផ្សាយ និងរៀបចំគោលនយោបាយវិស័យទេចរណ៍កម្ពុជា appeared first on Kampuchea Thmey Daily.

ចំណុចឯកភាពទាំងនោះរួមមាន ស្ថានទូតចិន នឹងផ្តល់កិច្ចសហការល្អជាមួយក្រសួងទេសចរណ៍ ក្នុងការរៀបចំព្រឹត្តិការណ៍ធំៗ នៅក្នុងក្របខ័ណ្ឌឆ្នាំនៃការផ្លាស់ប្តូរប្រជាជននិងប្រជាជន កម្ពុជា-ចិន រួមមាន ពិព័រណ៍ម្ហូបអាហារ កម្ពុជា-ចិន  នាថ្ងៃទី២៦-២៧ ខែតុលា នៅខេត្តសៀមរាប, វេទិកាទេសចរណ៍ និងវប្បធម៌ព្រះពុទ្ធ សាសនា កម្ពុជា-ចិន នាថ្ងៃទី២៨-៣០ ខែតុលា នៅខេត្តសៀមរាប, ព្រឹត្តិការណ៍ពិព័រណ៍ទេសចរណ៍ កម្ពុជា-ចិន នៅថ្ងៃទី២០-២២ ខែវិច្ឆិកា ឆ្នាំ២០២៤ និង ព្រឹត្តិការណ៍ The 13th China Zhengzhou International Shaolin Wushu Festival នៅប្រទេសចិន។
ស្ថានទូតចិនឯកភាពជួយជំរុញការចុះអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការ ទេសចរណ៍រវាងក្រសួងទេសចរណ៍កម្ពុជា និងក្រសួងវប្បធម៌និងទេសចរណ៍ចិន ដើម្បីពង្រឹង និងពង្រីកកិច្ចសហប្រតិបត្តិការបន្ថែមទៀតលើវិស័យទេសចរណ៍។
ស្ថានទូតចិនឯកភាពសហការជួយជំរុញក្រុមហ៊ុនអាកាសចរណ៍ចិនធំៗ បង្កើនជើងហោះហើរត្រង់ រវាងបណ្តាខេត្ត និងទីក្រុងធំៗ របស់ប្រទេសចិនមកប្រទេសកម្ពុជាឱ្យមានចំនួនកាន់តែច្រើនឡើង និងទៀងទាត់ដើម្បីងាយស្រួលដល់ការធ្វើដំណើររបស់ប្រជាជនទាំងពីរប្រទេស និងអ្នកទេសចរផងដែរ។

ស្ថានទូតចិនឯកភាពសហការផ្សព្វផ្សាយពីសក្តានុពលទេសចរណ៍របស់កម្ពុជាឱ្យបានទូលំទូលាយដល់ប្រជាជនចិន ព្រមទាំងជួយទប់ស្កាត់និងលុបបំបាត់រាល់ព័ត៌មានក្លែងក្លាយដែលជះផលអវិជ្ជមានដល់ប្រទេសកម្ពុជា។ ស្ថានទូតចិនឯកភាពពង្រឹង និងអភិវឌ្ឍធនធានមនុស្សក្នុងវិស័យទេសចរណ៍ តាមរយៈការផ្តល់ការបណ្តុះបណ្តាលទាំងនៅក្នុងប្រទេសកម្ពុជា ឬ នៅប្រទេសចិន។

ភាគីទាំងពីរ ឯកភាពចាត់តាំងជនបង្គោល ដើម្បីតាមដានវឌ្ឍនភាពនៃកិច្ចពិភាក្សារវាងក្រសួងទេសចរណ៍កម្ពុជា ស្ថានទូតចិន ព្រមទាំងផ្នែកឯកជនចិននិងកម្ពុជាក្នុងវិស័យទេសចរណ៍។ ភាគីទាំងពីរ ក៏បានឯកភាពសហការរៀបចំកម្មវិធីបិទឆ្នាំនៃការផ្លាស់ប្តូរប្រជាជននិងប្រជាជនកម្ពុជា-ចិន ដែលគ្រោងប្រព្រឹត្តទៅនៅខែមករា ឆ្នាំ២០២៥ ព្រមទាំងមានគំនិតផ្តួចផ្តើមក្នុងការរៀបចំប្រធានបទថ្មីៗសម្រាប់ឆ្នាំបន្តបន្ទាប់។

បើតាមរបាយការណ៍ក្រសួងទេសចរណ៍ ក្នុងឆ្នាំ២០២៣ កន្លងទៅ កម្ពុជាទទួលបានទេសចរអន្តរជាតិប្រមាណ ៥,៤៥ លាននាក់ ក្នុងនោះ ទេសចរជនជាតិចិនមានប្រមាណជាង ៥៤ម៉ឺននាក់។
នារយៈពេល ៨ខែ ដើមឆ្នាំ២០២៤ កម្ពុជាទទួលបានទេសចរអន្តរជាតិ ប្រមាណ ៤,២៩ លាននាក់ កើនឡើង ២២,៥% ក្នុងនោះទេសចរជនជាតិចិនមានប្រមាណជិត ៥៤ ម៉ឺននាក់ កើនឡើង ៤៧,៧%៕

The post កម្ពុជា-ចិន ឯកភាព៧ចំណុច ពង្រឹងកិច្ចស​ហប្រតិបត្តិការណ៍ទេសចរណ៍ឱ្យកាន់តែរស់រវើក appeared first on Kampuchea Thmey Daily.

លោក ហ្វីលីព សែតកៅ ប្រធានសមាគមក្លឹបទេសចរណ៍សៀមរាប បានលើកឡើងថា សៀមរាប ជាខេត្តពឹងផ្អែកលើវិស័យទេសចរណ៍ទេសចរណ៍ស្ទើរតែទាំងស្រុងដូចនេះ វិស័យទេសចរណ៍បានដើរតួនាទីយ៉ាងសំខាន់ ជាឧស្សាហកម្មគ្មានផ្សែងដែលជម្រុញឱ្យមានការអភិវឌ្ឍសេដ្ឋកិច្ចសង្គម កាត់បន្ថយភាពក្រីក្រ។

លោក អះអាងថា ការចូលរួមគាំទ្ររបស់អ្នកពាក់ព័ន្ធក្នុងវិស័យមួយនេះ បង្ហាញពីការគាំទ្រការខិតខំប្រឹងប្រែង បង្ហាញពីភាពរឹងមាំ និងស្វែងយល់ពីចំនុចប្រសព្វនៃទេសចរណ៍ រួមគ្នាដើម្បីកសាងសន្តិភាព ការផ្លាស់ប្តូរវប្បធម៌ដ៏សម្បូរបែប រួមទាំងជំរុញ និងនាំគ្នាស្តារវិស័យទេសចរណ៍ឡើងវិញឱ្យទាន់ពេលវេលា និងប្រកបដោយ ប្រសិទ្ធភាព ស្របតាមសូចនាកររបស់រាជរដ្ឋាភិបាលដែលបានចាត់ទុកវិស័យទេសចរណ៍ថាជា ” មាសបៃតង” និងជាឆ្អឹងខ្នងនៃសេដ្ឋកិច្ចជាតិ ។

ប្រធានសមាគមក្លឹបទេសចរណ៍សៀមរាប បន្ថែមថា ភាពជោគជ័យក្នុងវិស័យទេសចរណ៍ មិនមែនអាចធ្វើបានតែស្ថាប័ន ឬអង្គភាពណាមួយបាន នោះទេ វាទាមទារឱ្យ មានការចូលរួម និងការគាំទ្រលះបង់ពីគ្រប់ភាគីពាក់ព័ន្ធ ទាំងសាធារណៈ និងឯកជនទើបអាចធានាថាខេត្តសៀមរាបកាន់តែមានភាព ប្រសើរឡើង កាន់តែបៃតង និងសំបូរទៅដោយបទពិសោធន៍វប្បធម៌ចម្រុះ។ពោលគឺទេសចរណ៍សម្រាប់មនុស្សគ្រប់គ្នា  ហើយគ្រប់គ្នាគឺសម្រាប់ទេសចរណ៍។ លោកស្នើឱ្យគ្រប់ភាគីធ្វើការជាមួយគ្នា ដើម្បីធានាថា ខេត្តសៀមរាបមិនត្រឹមតែជាគោលដៅសំខាន់ប៉ុណ្ណោះទេ ប៉ុន្តែថែមទាំងរីកចម្រើនជានិមិត្តរូបនៃសន្តិភាព និរន្តរភាព និងវិបុលភាពរួមគ្នាផងដែរ ។

 លោក ហ្វីលីព សែតកៅ បាន បង្ហាញនូវមោទនភាពថា ការរួមគ្នារៀបចំឲ្យមានព្រឹត្តិការណ៍ជាលើកទី២នេះ គឺចង់បង្ហាញពីសក្តានុពលនិងផលិតផលវិស័យទេសចរណ៍នៅខេត្តសៀមរាប ជាពិសេស ដើម្បីបង្ហាញទៅកាន់ពិភពលោកនូវវប្បធម៌ដ៏សម្បូរបែបមាន ប្រាង្គប្រាសាទ ទេសភាពធម្មជាតិ និងបដិសណ្ឋារកិច្ចដ៏កក់ក្តៅរបស់អ្នកសៀមរាប និង សហគមន៍មូលដ្ឋាន។ជាមួយគ្នានេះសៀមរាប មានក្រុមហ៊ុនប្រតិបត្តិករទេសចរណ៍ជាច្រើនដូចជាសណ្ឋាគារលំដាប់ផ្កាយ ផ្ទះសំណាក់ ភោជនីយដ្ឋាន ជាដើម បានឯកភាពបញ្ចុះតម្លៃពី១០ទៅ៥០ភាគរយ សម្រាប់ការស្នាក់នៅពេញមួយខែកញ្ញា ដើម្បីទាក់ទាញអ្នកទេសចរក្នុងស្រុក និងក្រៅស្រុកឱ្យមកស្នាក់នៅបានយូរ និងដើម្បីអបអរសាទរទិវាទេសចរណ៍ពិភពលោកឆ្នាំ២០២៤នេះ៕

អត្ថបទ៖ គឿនវេត

The post ខេត្តសៀមរាបប្រារព្ធពិធីអបអរសាទរទិវាទេសចរណ៍ពិភពលោកក្រោមប្រធានបទ “ទេសចរណ៍ និងសន្តិភាព” appeared first on Kampuchea Thmey Daily.

លោក សុខ សូកេន បញ្ជាក់ថា ការរៀបចំព្រឹត្តិការណ៍នានារួមគ្នារវាងកម្ពុជា-ចិន ក្នុងក្របខណ្ឌនៃយុទ្ធនាការ «ឆ្នាំនៃការផ្លាស់ប្តូរប្រជាជននិងប្រជាជន កម្ពុជា-ចិន២០២៤» ពិសេសពិព័រណ៍រូបថត ស្តីពី «សម្រស់ប្រទេសកម្ពុជា សម្រស់ប្រទេសចិន» នាពេលនេះ យើងនឹងអាចផ្សព្វផ្សាយកាន់តែទូលំទូលាយនូវវប្បធម៌ ប្រពៃណី និងសក្តានុពលទេសចរណ៍របស់ប្រទេសយើងទាំងពីរ ដែលនឹងមិនត្រឹមតែចូលរួមដល់ការពង្រឹងចំណងមិត្តភាពការបង្កើនទំនាក់ទំនងលើវិស័យទេសចរណ៍ និងការផ្លាស់ប្តូរវប្បធម៌គ្នាទៅវិញទៅមករវាងកម្ពុជា-ចិន ប៉ុណ្ណោះ ក៏បង្ហាញពីការយកចិត្តទុកដាក់ជាអាទិភាពយ៉ាងសំខាន់នូវប្រភពទីផ្សារចិនសម្រាប់វិស័យទេសចរណ៍កម្ពុជាផងដែរ ។

រដ្ឋមន្ត្រីក្រសួងទេសចរណ៍ បន្តថា ការរៀបចំនូវព្រឹត្តិការណ៍នេះ ពិតជាឆ្លុះបញ្ចាំងឱ្យឃើញនូវការយកចិត្ត ទុកដាក់ខ្ពស់របស់ប្រមុខរដ្ឋាភិបាលប្រទេសទាំងពីរ ពិសេសកិច្ចសហការដ៏ល្អរវាងក្រសួង ទេសចរណ៍កម្ពុជា និងក្រុមហ៊ុន China înternational Communication Group (CICG) ក្នុងការពង្រឹង និងពង្រីកចំណងមិត្តភាពកម្ពុជា-ចិន ស្របតាមស្មារតីមិត្តដែកថែប និងសហគមន៍វាសនារួមកម្ពុជា-ចិន ប្រកបដោយភាពស៊ីជម្រៅ និងភាពជាក់ស្តែង ក៏ដូចជាក្របខណ្ឌកិច្ចសហប្រតិបត្តិការត្បូងពេជ្ររវាងកម្ពុជា-ចិន ដែលផ្តោតលើវិស័យអាទិភាពចំនួន៦ក្នុងដោះរួមបញ្ចូលទាំងការផ្លាស់ប្តូរប្រជាជននិងប្រជាជន។ បន្ថែមពីនេះ ព្រឹត្តិការណ៍នេះជួយចូលរួមចំណែកយ៉ាងសកម្មដល់យុទ្ធនាការ «ឆ្នាំនៃការផ្លាស់ប្តូរប្រជាជននិងប្រជាជនកម្ពុជា-ចិន ២០២៤- ដែលត្រូវបានប្រកាសបើកជាផ្លូវការ កាលពីថ្ងៃទី១៣ ខែមករា ឆ្នាំ២០២៤ ទាំងអស់នេះ គឺបានបង្ហាញយ៉ាងច្បាស់ពីទន្ទុះក្នុងការសហការ និងជំរុញសហប្រតិបត្តិការរវាងប្រទេស និងប្រជាជនទាំងពីរ។ លោកបន្តទៀតថា ជាការពិតប្រទេសចិន និងកម្ពុជា គឺជាមិត្តល្អបំផុត ចេះជួយយកអាសារគ្នាទៅវិញ ទៅមកគ្រប់ពេលវេលា និងគ្រប់កាលៈទេសៈទាំងអស់ ។ ប្រជាជនចិន និងប្រជាជនកម្ពុជាមានភាពស្រដៀងគ្នា និងពាក់ព័ន្ធខាងផ្នែកប្រវត្តិសាស្ត្រជាមួយគ្នាច្រើន ដូចជាប្រពៃណី ទំនៀម ទម្លាប់ និងវប្បធម៌ ជាមួយនឹងប្រវត្តិនៃទំនាក់ទំនងការទូតដ៏យូរលង់ណាស់មកហើយ ។

លោក សុខ សូកេន ក៏បានលើកឡើងដែរថា សុខសន្តិភាព ធានាបាននូវការអភិវឌ្ឍវិស័យទេសចរណ៍កម្ពុជា ដែលត្រូវបានរាជរដ្ឋាភិបាលបានចាត់ទុកជា «មាសបៃតង» របស់កម្ពុជា ជាមួយគ្នានេះរាជរដ្ឋាភិបាលបានដាក់ចេញយុទ្ធសាស្ត្របញ្ចកោណដំណាក់កាលទី១ដែលបានបន្តចាត់ទុកវិស័យទេសចរណ៍ជាវិស័យអាទិភាពមួយ ដែលចូលរួមជំរុញការអ ភិវឌ្ឍសេដ្ឋកិច្ច និងសង្គម។ តាមការចង្អុលបង្ហាញដោយយុទ្ធសាស្ត្របញ្ចកោណដំណាក់កាល ទី១,ក្រសួងទេសចរណ៍បានកំណត់ចក្ខុវិស័យច្បាស់លាស់ គឺ«ដើម្បីរួមចំណែកដល់ការលើកកម្ពស់កិត្យានុភាព និងភាពធន់នៃកម្ពុជា តាមរយៈការប្រែក្លាយកម្ពុជាជាគោលដៅទេសចរណ៍ឈានមុខប្រកបដោយភាពសម្បូរបែប ពោរពេញដោយកាលានុវត្តភាព និងភាពកក់ក្តៅ»។

ដោយ៖ គឿនវេត

The post លោក សុខ សូកេន៖ ការរៀបចំព្រឹត្តិការណ៍ផ្សេងៗរវាងកម្ពុជា-ចិន ជាការផ្សព្វផ្សាយទេសចរណ៍យ៉ាងទូលំទូលាយនៃប្រទេសទាំង២ appeared first on Kampuchea Thmey Daily.

លោក គុជ បញ្ញាសា រដ្ឋលេខាធិកាក្រសួងទេចរណ៍ និង លោក ង៉ូវ សេងកាក់ អភិបាលរងខេត្តសៀមរាប បានឱ្យដឹងកាលពីពេលថ្មីៗនេះថា ព្រឹត្តិការណ៍ Pre-Gumball 3000 Rally in Cambodia នឹងធ្វើឡើងនៅទីតាំងសួនច្បារព្រះរាជដំណាក់ក្រុងសៀមរាប និងអាកាសយានដ្ឋានចាស់។ ព្រឹត្តិការណ៍នេះ ធ្វើឡើងក្នុងគោលបំណងផ្សព្វផ្សាយពីព្រឹត្តិការណ៍ Gumball 3000 Rally in Cambodia ដែលនឹងប្រព្រឹត្តិទៅចាប់ថ្ងៃទី១៥-១៧ ខែកញ្ញា ឆ្នាំ២០២៤ នៅរាជធានីភ្នំពេញ និងខេត្តសៀមរាប ឱ្យបានទូលំទូលាយក្នុងនាមកម្ពុជាធ្វើជាម្ចាស់ផ្ទះ។ ព្រមទាំងដើម្បីចូលរួមគាំទ្រយុទ្ធនាការ “ទស្សនាសៀមរាប ឆ្នាំ២០២៤” “ឆ្នាំនៃការផ្លាស់ប្ដូរប្រជាជន និងប្រជាជន កម្ពុជា-ចិន ២០២៤” “ឆ្នាំទេសចរណ៍កម្ពុជា-ឥណ្ឌាលើកទី១” និងជាការជំរុញទេសចរណ៍ក្នុងស្រុក ក៏ដូចជាគាំទ្រយុទ្ធសាស្ត្រ “បង្កើន៥ និងអភិវឌ្ឍ៣” របស់ក្រសួងទេសចរណ៍។

លោករដ្ឋលេខាធិការ បានបញ្ជាក់ថា ព្រឹត្តិការណ៍នេះសម្រាប់ថ្ងៃទី៣១ ខែសីហា នឹងរៀបចំនៅទីតាំងសួនច្បារព្រះរាជដំណាក់ក្រុងសៀមរាប ជាមួយនឹងការដាក់តាំងបង្ហាញរថយន្តស៊េរីទំនើប ការរៀបចំស្តង់ពិពណ៌ផ្សេងៗ រួមនឹងកម្មវិធីប្រគំតន្ត្រីដែលមានការចូលរួមពីសំណាក់តារាល្បីនៃប្រទេសកម្ពុជាជាច្រើន។ ចំណែកនៅថ្ងៃទី០១ ខែកញ្ញា មានរៀបចំកម្មវិធីតាំងបង្ហាញរថយន្ត ឱ្យសាធារណៈជូនចូលទស្សនាដោយសេរី នៅក្នុងទីតាំងអាកាសយានដ្ឋានចាស់ខេត្តសៀមរាប។ ជាមួយនឹងការរៀបចំនេះ លោកបានស្នើដល់អាជ្ញាធរខេត្ត ចូលរួមសហការក្នុងការរៀបចំព្រឹត្តិការណ៍នេះឱ្យប្រព្រឹត្តិទៅដោយរលូន និងទទួលបានជោគជ័យតាមការរំពឹងទុក។

ក្នុងនាមអាជ្ញាធរខេត្ត លោក ង៉ូវ សេងកាក់ បានបង្ហាញការគាំទ្រចំពោះការរៀបចំព្រឹត្តិការណ៍នេះ ដែលជាព្រឹត្តិការណ៍ដ៏ធំ និងមិនធ្លាប់មាននៅកម្ពុជា និងជាព្រឹត្តិការណ៍នៃការជួយជំរុញពីសក្តានុពលវិស័យទេសចរណ៍នៅកម្ពុជា ពិសេសខេត្តសៀមរាប ទៅកាន់ពិភពលោកតាមរយៈការចូលរួមពីបុគ្គលល្បីៗមកពីបណ្ដាប្រទេសនានា ដែលបានចូលរួមក្នុងព្រឹត្តិការណ៍នេះ។

បន្ថែមពីនេះ លោកក៏បានជំរុញដល់គ្រប់អ្នកពាក់ព័ន្ធ ត្រូវសហការរៀបចំឱ្យបានល្អ ទាំងការងារសន្តិសុខ សណ្ដាប់ធ្នាប់ របៀបរៀបរយ សោភ័ណភាពនៅតាមទីតាំងរៀបចំកម្មវិធី។ ជាពិសេស ត្រូវមានកម្លាំងប្រចាំការជាប្រចាំនៅតាមទីតាំងទាំងនោះ ហើយត្រូវមានក្រុមគ្រូពេទ្យប្រចាំការ ដើម្បីបង្ការនៅពេលមានបញ្ហាអ្វីមួយកើតឡើង។ ព្រមទាំងបានស្នើដល់អ្នកពាក់ព័ន្ធទាំងអស់ ចូលរួមផ្សព្វផ្សាយពីព្រឹត្តិការណ៍នេះឱ្យបានទូលំទូលាយទៅដល់សាធារណជនទូទៅឱ្យពួកគាត់បានមកចូលរួមក្នុងព្រឹត្តិការណ៍នេះឱ្យបានគ្រប់ៗគ្នា ដើម្បីជាការជំរុញកំណើនសេដ្ឋកិច្ចប្រជាពលរដ្ឋក្នុងមូលដ្ឋានផងដែរ៕

ដោយ៖ គឿនវេត

The post ឡានស៊េរីទំនើបៗជាច្រើនគ្រឿងនឹងបង្ហាញខ្លួនលើទឹកដីអង្គរ នៅថ្ងៃទី៣១ ខែសីហា ដើម្បីផ្សព្វផ្សាយពីវិស័យទេសចរណ៍ appeared first on Kampuchea Thmey Daily.

ការប្រកាសភាពជាដៃគូរវាងក្រុមហ៊ុនលំដាប់អន្តរជាតិទាំងពីរត្រូវបានធ្វើឡើងនៅថ្ងៃទី១៤ ខែសីហា​។ នេះបើយោងតាមសេចក្តីប្រកាសព័ត៌មានរបស់ក្រុមហ៊ុនក្រុមហ៊ុន រ៉ូយ៉ាល់ គ្រុប។

លោកឧកញ៉ា គិត ស៊ូឡា នាយកគ្រប់គ្រងផ្នែកប្រតិបត្តិការ នៃក្រុមហ៊ុន រ៉ូយ៉ាល់គ្រប អន្តរជាតិ មានបានមានប្រសាសន៍ថាការសម្រេចបាននូវកិច្ចព្រមព្រៀងនេះគឺជាលទ្ធផលការងារយ៉ាងសកម្មរយៈពេល ៦ ខែ ដើម្បីកំណត់ទីតាំងយុទ្ធសាស្រ្តនៃការអភិវឌ្ឍរបស់យើង។

លោកបានគូសបញ្ជាក់ថា៖«ការជ្រើសរើសដៃគូជាមួយ The Ritz-Carlton បានឆ្លុះបញ្ចាំងពីមហិច្ឆកាលើឧត្តមភាព និងស្របតាមចក្ខុវិស័យនៃការផ្លាស់ប្តូរតាម   រយៈការបង្កើតស្នាដៃថ្មីៗ។ កិច្ចព្រមព្រៀងនេះគឺជាព្រឹត្តិការណ៍ដំបូងដ៏សំខាន់នៃសករាជថ្មីលើវិស័យបដិសណ្ឋារកិច្ចកម្ពុជា»។

​ជាមួយគ្នានេះដែរអ្នកឧកញ៉ា គិត ម៉េង ប្រធានក្រុមប្រឹក្សាភិបាល និងជាអគ្គនាយកប្រតិបត្តិ នៃក្រុមហ៊ុន រ៉ូយ៉ាល់ គ្រុបបានមានប្រាសន៍ថា ​ការចុះកិច្ចព្រមព្រៀងនេះគឺជាព្រឹត្តិការណ៍ដ៏សំខាន់នៃការអភិវឌ្ឍវិស័យសណ្ឋាគារនៅកម្ពុជា។

លោកបានថ្លែងថា៖«យើងមានក្តីរីករាយយ៉ាងខ្លាំងក្នុងការប្រកាសអំពីការបើកដំណើរការ The Ritz-Carlton Phnom Penh ដែលជាគម្រោងអភិវឌ្ឍន៍ក្នុងវិស័យអចលនទ្រព្យដែលតំណាងឱ្យចក្ខុវិស័យរបស់យើងក្នុងការស្វែងរកឱកាសថ្មីៗ និងបង្កើនស្តង់ដាក្នុងកម្រិតដែលមិនធ្លាប់មានពីមុនមក។ ការអភិវឌ្ឍដ៏ល្អឥតខ្ចោះនេះ មិនត្រឹមតែលើកស្ទួយវិស័យបដិសណ្ឋារកិច្ចនិងអចលនទ្រព្យនៅកម្ពុជាប៉ុណ្ណោះទេ ប៉ុន្តែថែមទាំងផ្តល់នូវបទពិសោធដ៏ប្រណីតមិនគួរឱ្យជឿដល់អភិថិជនផងដែរ។ យើងប្តេជ្ញាក្នុងការផ្តល់នូវភាពល្អឥតខ្ចោះលើគ្រប់វិស័យ ដោយធានាថា The Ritz-Carlton Phnom Penh នឹងក្លាយជានិមិត្តសញ្ញាដ៏មានភាពលេចធ្លោនៅក្នុងតំបន់»។

នៅក្នុងឆមាសទី១ ឆ្នាំ ២០២៤ នេះ កម្ពុជាទទួលបានភ្ញៀវអន្តរជាតិសរុបចំនួនជាង ៣,១៦ លាន​​​នាក់ ​មានការកើនឡើង ២២,៧% ធៀបនឹង​រយៈពេល​ដូច​គ្នានៅឆ្នាំ​២០២៣។ នេះបើយោង​តាម​ក្រសួងទេសចរណ៍។ ក្នុងនោះ ភ្ញៀវ​ទេសចរ​​ថៃឈរនៅ​លំដាប់​លេខរៀងទី ១ ​បន្ទាប់មកគឺវៀតណាម​ ចិន ៣៨៩ ៣៦០ នាក់ កើន ​ ឡាវ ​និង កូរ៉េ ​៕

​

The post សណ្ឋាគារ The Ritz-Carlton លំដាប់ពិភពលោកនឹងមានវត្តមាននៅប្រទេសកម្ពុជា​ appeared first on Kampuchea Thmey Daily.