ករណីមេរោគ Marburg ដែល WHO និយាយថា ជាករណីដំបូងនៅ អាហ្វ្រិកខាងលិច គឺត្រូវបានបញ្ជាក់នៅក្នុងតំបន់ Gueckedou ភាគអាគ្នេយ៍ប្រទេសហ្គីណេ។ តំបន់នេះ គឺជាប្រភពដើមនៃការផ្ទុះជំងឺអេបូឡានៅអាហ្វ្រិកខាងលិច ឆ្នាំ ២០១៤ដល់២០១៦ ហើយជំងឺអេបូឡា ក៏បានផ្ទុះឡើងវិញក្នុងរយៈពេលដ៏ខ្លី នៅឆ្នាំនេះផងដែរ។

លោក Georges Ki-Zerbo ប្រធាន WHO ប្រចាំប្រទេសហ្គីណេ បាននិយាយថា មេរោគ Marburg មានវត្តមាននៅក្នុងសត្វ ជាពិសេសសត្វប្រចៀវ នៅភាគខាងត្បូងប្រទេសហ្គីណេ និងនៅប្រទេសសៀរ៉ាឡេអូន និងលីបេរីយ៉ា។

ភ្នាក់ងារបង្ករោគ បានចម្លងពីសត្វទៅមនុស្សនៅក្នុងតំបន់ទាំងនោះ ដោយសារតែមានអន្តរកម្មយ៉ាងជិតស្និទ្ធ ជាពិសេសការបរបាញ់និងការបរិភោគសាច់សត្វព្រៃ។

លោក Ki-Zerbo បាននិយាយនៅក្នុងបទសម្ភាសន៍មួយថា “មិនទាន់មានករណីបន្ទាប់បន្សំណាមួយត្រូវបានគេរកឃើញនោះទេ ហើយមនុស្សចំនួន ១៥៥ នាក់ កំពុងស្ថិតនៅក្រោមការសង្កេតរយៈពេលបីសប្តាហ៍”។

“វាគឺជាការឃ្លាំមើលយ៉ាងសកម្ម។ អ្នកមានទំនាក់ទំនង ត្រូវបានប្រាប់ឲ្យនៅផ្ទះ ដាច់ដោយឡែកពីសមាជិកគ្រួសារដទៃទៀត។ ពួកគេត្រូវបានពិនិត្យសុខភាពជារៀងរាល់ថ្ងៃ ដើម្បីតាមដានរោគសញ្ញាដែលអាចកើតមាន”។

WHO បានឲ្យដឹងថា អត្រាមរណភាពរបស់មេរោគ Marburg មានការប្រែប្រួលពី ២៤ ភាគរយទៅ ៨៨ ភាគរយ នៅក្នុងការផ្ទុះឡើងនាពេលកន្លងមក អាស្រ័យលើការបំប្លែងខ្លួនរបស់វីរុស និងការគ្រប់គ្រងករណី៕

ប្រែសម្រួល៖ Vann Vann

ប្រភព៖ CNA

ចុចអាន៖ អាហ្វ្រិកខាងលិច មានអ្នកស្លាប់ដោយសារមេរោគ ហូរឈាម ដ៏សាហាវមួយប្រភេទ ជាលើកដំបូង

The post WHO ងាកទៅផ្តោតលើមេរោគឆ្លងសាហាវ កំពុងផ្ទុះនៅ អាហ្វ្រិកខាងលិច appeared first on Kampuchea Thmey Daily.

វាជាលើកទីមួយហើយ ដែលជំងឺដ៏សាហាវនេះ ត្រូវបានគេកំណត់អត្តសញ្ញាណនៅក្នុងតំបន់អាហ្វ្រិកខាងលិច។ មានការផ្ទុះឡើងនៃមេរោគ Marburg ទ្រង់ទ្រាយធំចំនួន ១២ លើករួចមកហើយ ចាប់តាំងពីឆ្នាំ ១៩៦៧ មក ដែលភាគច្រើននៅតំបន់អាហ្វ្រិកខាងត្បូង និងខាងកើត។

ករណីថ្មីរបស់ប្រទេសហ្គីណេ ត្រូវបានគេរកឃើញជាលើកដំបូងកាលពីសប្តាហ៍មុន ពោលគឺត្រឹមតែពីរខែប៉ុណ្ណោះ បន្ទាប់ពីប្រទេសនេះត្រូវបានប្រកាសថា យកឈ្នះលើជំងឺអេបូឡា ក្រោយការផ្ទុះឡើងដ៏ខ្លីកាលពីដើមឆ្នាំ ដែលបានសម្លាប់មនុស្សចំនួន ១២ នាក់។

សេចក្តីថ្លែងការណ៍របស់ WHO បាននិយាយថា អ្នកជំងឹនេះ បានស្វែងរកការព្យាបាលនៅតាមគ្លីនិកក្នុងស្រុក មុនពេលស្ថានភាពរបស់គាត់កាន់តែយ៉ាប់យ៉ឺន ឈានដល់បាត់បង់ជីវិត។

ក្រុមអ្នកវិភាគនៅមន្ទីរពិសោធន៍ជាតិ ហ្គីណេ និងវិទ្យាស្ថានប៉ាស្ទ័រក្នុងប្រទេស សេណេហ្គាល់ បានបញ្ជាក់ពីការធ្វើរោគវិនិច្ឆ័យឃើញមេរោគ Marburg នេះ។

លោកស្រី Matshidiso Moeti នាយកប្រចាំតំបន់នៃទ្វីបអាហ្វ្រិករបស់ WHO បាននិយាយនៅក្នុងសេចក្តីថ្លែងការណ៍ថា សក្តានុពលដែលមេរោគ Marburg ក្នុងការរីករាលដាលកាន់តែឆ្ងាយមានន័យថា យើងត្រូវការបញ្ឈប់វាតាមវិធីរបស់វា។

WHO បានឲ្យដឹងថា អត្រាមរណភាពរបស់មេរោគ Marburg មានការប្រែប្រួលពី ២៤ ភាគរយទៅ ៨៨ ភាគរយ នៅក្នុងការផ្ទុះឡើងនាពេលកន្លងមក អាស្រ័យលើការបំប្លែងខ្លួនរបស់វីរុស និងការគ្រប់គ្រងករណី។ រោគសញ្ញារបស់វីរុសនេះរួមមាន ឈឺក្បាល ក្អួតឈាម ឈឺសាច់ដុំនិងហូរឈាមតាមរន្ធផ្សេងៗ៕

ប្រែសម្រួល៖ Vann Vann

ប្រភព៖ CNA

ចុចអាន៖ បង្ហាញមូលហេតុ វីរុសបំប្លែងខ្លួន Delta ឆ្លងសាហាវ ធ្វើឲ្យគ្រប់គ្នាភ័យខ្លាច

The post អាហ្វ្រិកខាងលិច មានអ្នកស្លាប់ដោយសារមេរោគ ហូរឈាម ដ៏សាហាវមួយប្រភេទ ជាលើកដំបូង appeared first on Kampuchea Thmey Daily.