តាមការផ្សាយរបស់ Bangkok Post កាលពីថ្ងៃសុក្រទី២៣ខែមករាឆ្នាំ២០២៦ នាយកដ្ឋានគ្រប់គ្រងជំងឺឆ្លងថៃ (DDC) បានព្រមានថា ដ្បិតប្រទេសនេះមិនទាន់រកឃើញករណីឆ្លងវីរុស Nipah ក៏ដោយ ប៉ុន្តែខ្លួនកំពុងប្រុងប្រយ័ត្នខ្ពស់និងតាមដានយ៉ាងជាប់លាប់។

លោក Montien Kanhaswad អគ្គនាយក DDC និយាយថា៖ «នៅក្នុងប្រទេសថៃ អ្នកដំណើរដែលមានអាការៈគ្រុនក្តៅខ្លាំង ឬមានរោគសញ្ញាសង្ស័យថាឆ្លងមេរោគ Nipah នឹងត្រូវធ្វើការពិនិត្យនៅឯទីតាំងចត្តាឡីស័ក ហើយនឹងត្រូវអនុវត្តតាមនីតិវិធីដែលបានកំណត់ជាក់លាក់»។

សូមជម្រាបថា ប្រទេសឥណ្ឌាបានរាយការណ៍ពីការឆ្លងរាលដាលនៃជំងឺកាចសាហាវ Nipah ដោយករណីឆ្លងចំនួន៥ ត្រូវបានរាយការណ៍នៅរដ្ឋ West Bengal​ ហើយប្រហែល១០០នាក់ទៀត កំពុងធ្វើចត្តាឡីស័ក។

តាមការផ្សាយរបស់ Economic Times  ក្នុងចំណោមអ្នកឆ្លងទាំង៥នាក់ គឺមានទាំងគ្រូពេទ្យនិងគិលានុបដ្ឋាយិកា ហើយមានខ្លះកំពុងឈឺធ្ងន់។ ជំងឺនេះកាចសាហាវជាងកូវីដ-១៩ទៅទៀត ដោយអត្រាស្លាប់របស់វា មានរហូតដល់ទៅ៧៥% ហើយករណីខ្លះឈានដល់៩០%ឯណោះ។

បើយោងតាមអង្គការសុខភាពពិភពលោក, Nipah គឺជាជំងឺឆ្លងពីសត្វមកមនុស្ស ជាពិសេសសត្វជ្រូកនិងប្រចៀវ។ វាក៏អាចឆ្លងតាមរយៈអាហារដែលមានមេរោគ និងតាមរយៈការប៉ះពាល់ជាមួយអ្នកដែលមានមេរោគផងដែរ។

អ្នកជំងឺចាប់ផ្តើមចេញរោគសញ្ញាស្រដៀងនឹងជំងឺគ្រុនផ្តាសាយ ដូចជាគ្រុនក្តៅ ឈឺក្បាល ឈឺសាច់ដុំ និងអស់កម្លាំង។ ក្នុងករណីខ្លះ រោគសញ្ញាផ្លូវដង្ហើមដូចជា ក្អក ពិបាកដកដង្ហើម ឬរលាកសួតក៏អាចកើតមានផងដែរ។ ពេលធ្ងន់ធ្ងរ មេរោគ Nipah បណ្តាលឲ្យរលាកខួរក្បាល វង្វេងវង្វាន់ បាត់ស្មារតី ប្រកាច់ ឬសន្លប់។

ទោះបីជាយ៉ាងណាក៏ដោយ មកទល់ពេលនេះ មិនមានថ្នាំព្យាបាលឬវ៉ាក់សាំងបង្ការទេ ពោលគឺការព្យាបាល ត្រូវបានកំណត់ចំពោះរោគសញ្ញាប៉ុណ្ណោះ៕

អត្ថបទ៖ សុខ សុវណ្ណ

The post ថៃ កំពុងប្រុងជើងការខ្ពស់និងតាមដានជំងឺ Nipah ដែលផ្ទុះឆ្លងនៅ ឥណ្ឌា appeared first on Kampuchea Thmey Daily.

តាមការផ្សាយរបស់ Economic Times កាលពីថ្ងៃសុក្រទី២៣ខែមករាឆ្នាំ២០២៦ ក្នុងចំណោមអ្នកឆ្លងទាំង៥នាក់ គឺមានទាំងគ្រូពេទ្យនិងគិលានុបដ្ឋាយិកា ហើយមានខ្លះកំពុងឈឺធ្ងន់។

ស្របពេលជាមួយគ្នានោះ សារព័ត៌មាន Independent ផ្សាយថា ជំងឺនេះកាចសាហាវជាងកូវីដ-១៩ទៅទៀត ដោយអត្រាស្លាប់របស់វា មានរហូតដល់ទៅ៧៥% ហើយករណីខ្លះឈានដល់៩០%ឯណោះ។

មន្ត្រីក្រុង Kolkata បញ្ជាក់ថា ជំងឺនេះឆ្លងរាលដាលខ្លាំងណាស់ ពួកគេកំពុងតាមដានមនុស្សជាង៣០នាក់ទៀតដែលជាប់ពាក់ព័ន្ធជាមួយអ្នកជំងឺ ខណៈ១០០នាក់ បានដាក់ឲ្យធ្វើចត្តាឡីស័ករួចទៅហើយ។

ទន្ទឹមនោះ អាជ្ញាធរ West Bengal កំពុងស្វះស្វែងចាត់គ្រប់វិធានការដើម្បីទប់ស្កាត់និងធានាថា មេរោគនេះមិនរីករាលដាលខ្លាំងក្លាឡើយ។

បើយោងតាមអង្គការសុខភាពពិភពលោក, Nipah គឺជាជំងឺឆ្លងពីសត្វមកមនុស្ស ជាពិសេសសត្វជ្រូកនិងប្រចៀវ។ វាក៏អាចឆ្លងតាមរយៈអាហារដែលមានមេរោគ និងតាមរយៈការប៉ះពាល់ជាមួយអ្នកដែលមានមេរោគផងដែរ។

អ្នកជំងឺចាប់ផ្តើមចេញរោគសញ្ញាស្រដៀងនឹងជំងឺគ្រុនផ្តាសាយ ដូចជាគ្រុនក្តៅ ឈឺក្បាល ឈឺសាច់ដុំ និងអស់កម្លាំង។ ក្នុងករណីខ្លះ រោគសញ្ញាផ្លូវដង្ហើមដូចជា ក្អក ពិបាកដកដង្ហើម ឬរលាកសួតក៏អាចកើតមានផងដែរ។ ពេលធ្ងន់ធ្ងរ មេរោគ Nipah បណ្តាលឲ្យរលាកខួរក្បាល វង្វេងវង្វាន់ បាត់ស្មារតី ប្រកាច់ ឬសន្លប់។

ទោះបីជាយ៉ាងណាក៏ដោយ មកទល់ពេលនេះ មិនមានថ្នាំព្យាបាលឬវ៉ាក់សាំងបង្ការទេ ពោលគឺការព្យាបាល ត្រូវបានកំណត់ចំពោះរោគសញ្ញាប៉ុណ្ណោះ៕

អត្ថបទ៖ សុខ សុវណ្ណ

The post ជំងឺសាហាវជាងកូវីដ កំពុងឆ្លងនៅឥណ្ឌា, មនុស្ស១០០នាក់ កំពុងធ្វើចត្តាឡីស័ក  appeared first on Kampuchea Thmey Daily.

មកទល់ពេលនេះ មនុស្ស២នាក់បានបាត់បង់ជីវិត ខណៈ៣នាក់ផ្សេងទៀត រួមទាំងកុមារម្នាក់ ផងដែរ កំពុងសម្រាកព្យាបាលនៅមន្ទីរពេទ្យ។

ទន្ទឹមនោះ អាជ្ញាធរបានធ្វើតេស្តមនុស្សចំនួន៧០៦នាក់ រួមទាំងបុគ្គលិកសុខាភិបា១៥៣នាក់ផងដែរ ដើម្បីពិនិត្យមើលការរីករាលដាលនៃមេរោគនេះ ខណៈពួកគេកំពុងរង់ចាំលទ្ធផល។

នេះ​គឺជា​ការ​ផ្ទុះ​មេរោគ Nipah លើកទី​បួន​នៅក្នុង​រដ្ឋ Kerala ចាប់​តាំង​ពី​ឆ្នាំ២០១៨មក។

អភិបាលរដ្ឋលោក Pinarayi Vijayan បានស្នើឲ្យប្រជាជន ចៀសវាងការជួបជុំជាសាធារណៈនៅទីក្រុង Kozhikode ក្នុងរដ្ឋ Kerala រយៈពេល១០ថ្ងៃសិន។

គាត់និយាយថា រដ្ឋាភិបាលកំពុងគិតគូរដល់ប្រជាជន ហើយស្នើដល់អ្នកទាំងអស់ ឲ្យអនុវត្តវិធានការបង្ការ ដោយពាក់ម៉ាស និងទៅមន្ទីរពេទ្យ សម្រាប់តែពេលណាមានអាសន្នប៉ុណ្ណោះ។

បើយោងតាមអង្គការសុខភាពពិភពលោក, Nipah គឺជាជំងឺឆ្លងពីសត្វមកមនុស្ស ជាពិសេសសត្វជ្រូកនិងប្រចៀវ។ វាក៏អាចឆ្លងតាមរយៈអាហារដែលមានមេរោគ និងតាមរយៈការប៉ះពាល់ជាមួយអ្នកដែលមានមេរោគផងដែរ។

អ្នកដែលឆ្លងវីរុសនេះ ជួនកាលមិនបង្ហាញរោគសញ្ញាអ្វីគួរឲ្យកត់សម្គាល់ទេ ប៉ុន្តែមានអ្នកខ្លះចេញសញ្ញានៃបញ្ហាផ្លូវដង្ហើមស្រួចស្រាវ។ ក្នុងករណីធ្ងន់ធ្ងរ ការឆ្លងមេរោគ Nipah អាចបណ្តាលឲ្យមានជំងឺរលាកខួរក្បាលលើទារក។

អត្រាមរណៈក្នុងចំណោមអ្នកឆ្លងមេរោគគឺខ្ពស់បំផុត ដោយសារតែវាមិនមានថ្នាំព្យាបាល ឬវ៉ាក់សាំងបង្ការទេ ពោលគឺការព្យាបាល ត្រូវបានកំណត់ចំពោះរោគសញ្ញាប៉ុណ្ណោះ៕

ប្រែសម្រួល៖ Vann Vann

ប្រភព៖ BBC

ចុចអាន៖ អ្នកវិទ្យាសាស្រ្តព្រមាន វីរុសបណ្តាលឲ្យហើមខួរក្បាល អាចជារោគរាតត្បាតបន្ទាប់ពី កូវីដ

The post ភាគខាងត្បូងប្រទេសឥណ្ឌា ផ្ទុះមេរោគមានអត្រាស្លាប់ខ្ពស់ ត្រូវបង្ខំចិត្តបិទសាលារៀន និងកន្លែងធ្វើការ  appeared first on Kampuchea Thmey Daily.

យោងតាមអង្គការសុខភាពពិភពលោកបានឲ្យដឹងថា អត្រាមរណភាពរបស់វីរុស Nipah មានចន្លោះពី ៤០ ទៅ ៧៥ភាគរយ បើប្រៀបធៀបទៅនឹង ១ភាគរយ របស់ ជំងឺកូវីដ-១៩ ។

ចាប់តាំងពីខែកុម្ភៈមក មានការព្រួយបារម្ភថា វីរុសនេះអាចបង្កឲ្យមានជំងឺរាតត្បាតទូទាំងពិភពលោកបន្ទាប់ពីកូវីដ ព្រោះ Nipah មានអត្រានៃការបំប្លែងខ្លួនខ្ពស់។

មជ្ឈមណ្ឌលគ្រប់គ្រងនិងបង្ការជំងឺបាននិយាយថា “វីរុសនេះ ត្រូវបានគេបង្ហាញពីការឆ្លងពីមនុស្សម្នាក់ទៅមនុស្សម្នាក់នៅក្នុងការផ្ទុះឡើង ដែលធ្វើឲ្យមានការព្រួយបារម្ភអំពីសក្តានុពលរបស់ NiV ក្នុងការបង្កឲ្យមានជំងឺរាតត្បាតជាសកល”។

ក្រុមមន្រ្តីនៅក្នុងរដ្ឋ Kerala របស់ឥណ្ឌាមានការព្រួយបារម្ភ បន្ទាប់ពីក្មេងប្រុសអាយុ ១២ ឆ្នាំម្នាក់បានស្លាប់កាលពីចុងសប្តាហ៍ ដែលជាហេតុជំរុញឲ្យមានកិច្ចខិតខំប្រឹងប្រែងដើម្បីតាមដានទំនាក់ទំនងរបស់គាត់ ជាមួយនឹងការឆ្លងថ្មីដែលត្រូវបានបញ្ជាក់រួចទៅហើយ។

យោងតាមរបាយការណ៍ ក្មេងប្រុសម្នាក់នេះបានទៅមន្ទីរពេទ្យពីរផ្សេងទៀត មុនពេលគាត់ស្លាប់ ដែលនេះមានន័យថា គាត់មានទំនាក់ទំនងជិតស្និទ្ធជាមួយមនុស្សរាប់រយនាក់។

ជំងឺដែលបណ្តាលមកពីសត្វប្រចៀវមួយនេះ បានបណ្តាលឲ្យក្អួត ប្រកាច់និងហើមខួរក្បាល។ វាក៏មានរយៈពេលបង្ករោគរហូតដល់ ៤៥ ថ្ងៃផងដែរ ដែលនេះមានន័យថា មនុស្សម្នាក់អាចរាលដាលជំងឺបានជាងមួយខែ មុនពេលធ្លាក់ខ្លួនឈឺ។

វេជ្ជបណ្ឌិត Melanie Saville ប្រធានផ្នែកស្រាវជ្រាវនិងអភិវឌ្ឍន៍វ៉ាក់សាំង នៅសម្ព័ន្ធត្រៀមខ្លួនសម្រាប់ជំងឺរាតត្បាត បានប្រាប់ The Sun កាលពីដើមឆ្នាំនេះថា យើងត្រូវត្រៀមខ្លួនសម្រាប់ព្រឹត្តិការណ៍ធំ ហើយវាទំនងជាថា ការផ្ទុះឡើងថ្មីមួយទៀតនឹងកើតឡើងនាពេល អនាគត។

គួរបញ្ជាក់ថា ដោយសារតែសក្តានុពលគ្រោះថ្នាក់របស់វា Nipah ត្រូវបានចុះបញ្ជីជាភ្នាក់ងារបង្ករោគអាទិភាពមួយក្នុងចំណោម ១៦ ដែលចាំបាច់ត្រូវស្រាវជ្រាវដោយអង្គការសុខភាពពិភពលោក៕

ប្រែសម្រួល៖ Vann Vann

ប្រភព៖ Daily Star

ចុចអាន៖ WHO ថា វីរុស Nipah ដែលផ្ទុះឡើងវិញនៅ ឥណ្ឌា គឺគ្រោះថ្នាក់ គ្មានវ៉ាក់សាំងការពារ និងមានអត្រាឆ្លងខ្លាំង

The post អ្នកវិទ្យាសាស្រ្តព្រមាន វីរុសបណ្តាលឲ្យហើមខួរក្បាល អាចជារោគរាតត្បាតបន្ទាប់ពី កូវីដ appeared first on Kampuchea Thmey Daily.