វេទិកាដែលរៀបចំឡើង នាពេលថ្មីៗនេះ ប្រព្រឹត្តទៅក្រោមអធិបតីភាពលោកស្រី ញាណ សុចិត្រា អគ្គនាយកនៃអគ្គនាយកដ្ឋានអភិវឌ្ឍន៍សង្គមនៃក្រសួងកិច្ចការនារី ដោយមានការចូលរួមពីលោកស្រីក្រុមប្រឹក្សាខេត្ត អភិបាលរងស្រុក ការិយាល័យស្រុកប្រតិបត្តិបរកែវ លោកគ្រូ អ្នកគ្រូ ឳពុកម្តាយ និងអាណាព្យាបាល និងសិស្សានុសិស្ស នៅក្នុងវត្តអូរយ៉ាដាវ ដែលស្ថិតក្នុងឃុំប៉ាតេ ស្រុកអូរយ៉ាដាវ ខេត្តរតនគិរី។

បើតាមលោកស្រី ញាណ សុចិត្រា យោងលើរបាយការណ៍នៃលទ្ធផលសិក្សាស្រាវជ្រាវ ដែលបានធ្វើនៅខេត្តចំនួន៩ ក្នុងឆ្នាំ ២០២៤ ដោយក្រសួងកិច្ចការនារី សហការជាមួយអង្គការភ្លែនអន្តរជាតិ បានបង្ហាញថា អត្រាប្រេវ៉ាឡង់នៃការរៀបការមុនអាយុ ១៨ឆ្នាំ​ នៅតែខ្ពស់នៅឡើយ​ ក្នុងនោះប្រហែល ១៤% នៃស្រ្តី បានរៀបការមុនអាយុ ១៨ ឆ្នាំ និងប្រហែល ១៤% បានរៀបការដោយការផ្សំផ្គុំក្នុងអាយុចន្លោះ ១៥ ដល់ ១៨ ឆ្នាំ ជាពិសេសនៅក្នុងខេត្តរតនគិរី។

លោកស្រីបន្តថា ការរៀបអាពាហ៍ពិពាហ៍ ឬការមានកូននៅវ័យក្មេង បង្កផលវិបាកដល់ក្មេងស្រី ដូចជា ប៉ះពាល់ដល់សុខភាពបន្តពូជ សុខភាពផ្លូវចិត្ត ការរំលូតកូនដោយគ្មានសុវត្ថិភាព អំពើហិង្សាក្នុងគ្រួសារ និងបាត់បង់សិទ្ធិសេរីភាពក្នុងការចូលរួមការងារសង្គម និងការធ្វើការសម្រេចចិត្ត។

ចំណែកកត្តាជំរុញឱ្យមានអាពាហ៍ពិពាហ៍នៅវ័យក្មេង អាពាហ៍ពិពាហ៍ដោយបង្ខំ និងការរស់នៅជាប្តីប្រពន្ធនៅវ័យក្មេង រួមមាន ទីតាំងភូមិសាស្រ្ត សេដ្ឋកិច្ចរបស់គ្រួសារ ភាពក្រីក្រ វិសមភាពសេដ្ឋកិច្ចសង្គម ជាតិសាសន៍ សាសនា ការអប់រំ ការបោះបង់ការសិក្សា កង្វះចំណេះដឹង វិសមភាពយេនឌ័រ ការមានផ្ទៃពោះក្នុងវ័យជំទង់ បទដ្ឋានសង្គមនិងវប្បធម៌ កង្វះការអនុវត្តច្បាប់ និងឥទ្ធិពលនៃអ៊ីនធឺណេតនិងបណ្តាញសង្គម៕

The post ក្រសួងកិច្ចការនារី ចុះអប់រំផ្សព្វផ្សាយ អំពីសុខមាលភាព និងសិទ្ធិរបស់ស្ត្រី និងក្មេងស្រី នៅខេត្តរតនគិរី appeared first on Kampuchea Thmey Daily.

លោកស្រី ស្រ៊ុន ស្រីនាង អភិបាលរងខេត្កកណ្តាល បានមានប្រសាសន៍ថា៖ គោលបំណងនៃការរៀបចំវេទិការផ្សព្វផ្សាយនាពេលនេះ គឺចង់អោយប្រជាពលរដ្ឋមានការយល់ដឹងកាន់តែច្បាស់អំពីអ្វីទៅជាការជួញដូរមនុស្ស ឬ ការធ្វើអាជីវកម្មផ្លូវភេទលើស្ត្រី កុមារ ការប្រើអំពើហិង្សាផ្សេងៗ នឹងអោយពលរដ្ឋបានយល់ពីរបៀបនៃការការពារខ្លួន ឬដើម្បីរកជំនួយជាដើម។ ជាពិសេសដើម្បី លុបបំបាត់ការធ្វើអំពើជួញដូរមនុស្ស និងបង្ហាញពីការចូលរួមក្នុងការទទួលយកនូវចំណេះដឹងដើម្បីយកទៅផ្សព្វផ្សាយបន្តអោយបានទូលំទូលាយអំពីច្បាប់ស្តីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មភេទលើស្ត្រី និងកុមារ និង ច្បាប់ស្តីពី ការទប់ស្កាត់អំពើហិង្សាក្នុងគ្រួសារ និងកិច្ចការពារជនរងគ្រោះក៏ដូចជាផលវិបាកនៃការធ្វើចំណាកស្រុកដោយប្រថុយប្រថានផងដែរ។

លោកស្រី ស្រ៊ុន ស្រីនាង អភិបាលរងខេត្កកណ្តាល

លោកស្រីអភិបាលរងខេត្ត បានបន្តទៀតថា៖ តាមរយៈការផ្សព្វផ្សាយច្បាប់របស់លោកគ្រូឧទ្ទេសអំពីខ្លឹមសារនៃមេរៀននីមួយៗ ដែលបានធ្វើបទបង្ហាញតាមរយៈសំណួរចម្លើយ គឺពិតជាបានឆ្លុះបញ្ចាំងឱ្យឃើញថា ប្រជាពលរដ្ឋ  សិស្សា នុសិស្ស បានយល់ច្បាស់ពីអត្ថន័យ និងការជួយអន្តរាគមន៍នៅពេលដែលមានហេតុការណ៍កើតឡើង ពីវិធីសាស្ត្រ និងវិធានការទប់ស្កាត់បែបណា ឬ ក៏យើងត្រូវចូលរួមសហការបែបណាដើម្បីសហការបង្ក្រាបនូវបទល្មើសផ្សេងៗដែលបានកើតឡើង ពាក់ព័ន្ធទៅនឹងបទល្មើសហឹង្សាក្នុងគ្រួសារ ការកេងប្រវ័ញ្ចផ្លូវភេទលើស្ត្រី និងកុមារ តាមប្រព័ន្ធអនឡាញក្តី ហើយក៏ដូចជាការជួញដូរមនុស្សគ្រប់ទម្រង់និងគ្រប់រូបភាព និងផលប៉ះពាល់នៃការធ្វើចំណាកស្រុកដោយប្រថុយប្រថាន។

លោកស្រីអភិបាលរងខេត្ត បានផ្ដាំផ្ញើដល់អាជ្ញាធរមានសមត្ថកិច្ចគ្រប់លំដាប់ថ្នាក់ សូមបន្តអនុវត្តគោលនយោបាយភូមិ-ឃុំ មានសុវត្ថិភាព ឱ្យកាន់តែមានប្រសិទ្ធភាពខ្ពស់ និងសូមប្រជាពលរដ្ឋ ក្មួយៗ សិស្សានុសិស្ស និងស្ថាប័នពាក់ព័ន្ធនានា ក៏ដូចជាតំណាងម្ចាស់អាជីវកម្មនានា សូមចូលរួមសហការទាំងអស់គ្នាឲ្យបានយ៉ាងសកម្ម គ្រប់ទម្រង់គ្រប់រូបភាពដើម្បីនាំគ្នាជួយផ្សព្វផ្សាយ អប់រំ ទប់ស្កាត់ និងបង្ក្រាបអំពើជួញដូរមនុស្ស អំពើធ្វើអាជីវកម្មផ្លូវភេទ និងអំពើហិង្សាក្នុងគ្រួសារ ឲ្យមានប្រសិទ្ធភាពជាទីបំផុត និងសូមបន្តយកចិត្តទុកដាក់ចំពោះ សាច់ញាតិ ដែលគាត់ធ្វើចំណាកស្រុកក្រៅប្រទេសក្ដី ក្នុងប្រទេសក្ដី ត្រូវមានទំនាក់ទំនងជាមួយគ្នា សួរសុខទុក្ខគ្នាទៅវិញទៅមក ដើម្បីទទួលបានព័ត៌មានពីពួកគាត់ ព្រោះថាការធ្វើចំណាកស្រុកដោយប្រថុយប្រថាន ដែលមិនមានការគ្រប់គ្រងច្បាស់លាស់គឺជាមូលហេតុមួយដែលនាំឲ្យមានការជួញដូរមនុស្សទៅក្រៅប្រទេសផងដែរ។

ជាមួយគ្នាផងដែរលោកស្រីអភិបាលរងក៏បានអំពាវនាវ ឱ្យប្រជាពលរដ្ឋ ត្រូវចូលរួមចំណែកជាមួយរាជរដ្ឋាភិបាល ក៏ដូចជារដ្ឋបាលខេត្ត ក្រុង ស្រុក ក្នុងការទប់ស្កាត់នៅបទល្មើសបោកប្រាស់តាមប្រព័ន្ធបច្ចេកវិទ្យា Online scam ក្នុងករណីមានការសង្ស័យលួចលាក់ បើកនៅទីតាំងធ្វើអាជីវកម្ម Online scam សូមប្រជាពលរដ្ឋជួយរាយការណ៍មកដល់អាជ្ញាធរ ដើម្បីមានវិធានការចុះត្រួតពិនិត្យ និងបង្ក្រាបឱ្យបានទាន់ពេលវេលា។ការឆបោកតាមបច្ចេកវិទ្យា៕

The post អាជ្ញាធរខេត្តកណ្ដាល ផ្សព្វផ្សាយច្បាប់ស្តីពីការបង្ក្រាបអំពើជួញដូរមនុស្ស ហិង្សាក្នុងគ្រួសារ និងផលប៉ះពាល់ការធ្វើចំណាកស្រុកដោយប្រថុយប្រថាន appeared first on Kampuchea Thmey Daily.

ក្នុងវេទិការនេះ ប្រជាពលរដ្ឋបានលើក ឡើងជាសំណួរ និងសំណូមពរដោយក្នុងនោះមាន៖ ស្នើសុំជួយរៀបចំសណ្តាប់ធ្នាប់ផ្លូវ ដែលមានឡានក្រុងដឹកសិស្សជាប្រចាំនៅផ្លូវ ១០៨ ១០៩ ២០៩ ស្នើសុំគំនូសចរាចរណ៍ មុខសាលារៀន ផ្លូវបេតុងនឹងដាក់លូ ស្តារប្រព័ន្ធលូ ស្នើសុំភ្លើងបំភ្លឺផ្លូវ និងដាក់បង្គោលភ្លើង ជួសជុលស្ពានដែលទ្រុឌទ្រោម ស្នើសុំតបណ្ដាញអគ្គិសនី និងប្រព័ន្ធទឹកស្អាតជាដើម។  

ឱកាសនោះ លោក ប៊ុន ផេង អភិបាលរងខេត្ត មានប្រសាសន៍ថា៖ ការបើកវេទិកាសាធារណនាពេលនេះ គឺដើម្បីចង់ឈ្វេងយល់អំពីសំណូមពរ និងក្តី កង្វល់របស់ពលរដ្ឋក្នុងក្រុង ដើម្បីប្រមូលធាតុចូលយកមកអនុវត្តតាមបែបលទ្ធិប្រជាធិបតេយ្យនៅថ្នាក់ក្រោមជាតិ ក្នុងការចូលរួមកែលម្អ អភិវឌ្ឍ ប្រកបដោយប្រសិទ្ធិភាព ហើយកែលម្អរ បន្ថែមនូវចំណុចខ្វះខាត។

លោកអភិបាលរងខេត្ត បានទទួលយកសំណូមពររបស់អ្នកចូលរួមដែលបានស្នើសុំខាងលើ និងដោះស្រាយកង្វល់របស់មូលដ្ឋានដោយបានឲ្យមន្ទីរអង្គភាព អាជ្ញាធរក្រុង សង្កាត់ មន្ត្រីជំនាញ និងប្រជាពលរដ្ឋចូលរួមសិក្សារួមគ្នា។ លោក នូវប៉េង ច័ន្ទតារា សមាជិកក្រុមប្រឹក្សាខេត្ត បានជំរុញដល់អាជ្ញាធរគ្រប់លំដាប់ថ្នាក់ ត្រូវចុះឲ្យដល់មូលដ្ឋាន ដើម្បីទទួលយកនូវទុក្ខកង្វល់របស់ប្រជាពលរដ្ឋ និងធ្វើការឆ្លើយតបតាមសំណូមពរឲ្យបានទាន់ពេលវេលា។

លោកបានបន្ថែថែមថា៖ អាជ្ញាធរគ្រប់លំដាប់ថ្នាក់ ត្រូវធ្វើការឲ្យបានសកម្មចំពោះការងារសន្ដិសុខ សណ្ដាប់ធ្នាប់​សង្គម ​ការអនុវត្តគោល​នយោបាយ​ភូមិ ឃុំ​មាន​សុវត្ថិភាព និង​សុវត្ថិភាព​ចរាចរណ៍ កិច្ចការ​អភិវឌ្ឍន៍មូល​ដ្ឋាន​ ការ​ផ្ដល់​សេវា​រដ្ឋបាល​របស់​រដ្ឋបាល​ថ្នាក់ក្រោមជាតិ ការគ្រប់គ្រង​សោភណ​ភាព អនាម័យ បរិស្ថាន និង​ធនធានធម្មជាតិ​ និងបញ្ហាពាក់ព័ន្ធមួយចំនួនទៀត ធ្វើអោយមានប្រសិទ្ធ ដើម្បីភាពជឿជាក់របស់ប្រជាពលរដ្ឋក្នុងមូលដ្ឋានរបស់យើង។

លោកបានបញ្ជាក់ថា៖ សំណួរ និង​សំណូម​ពរ​របស់ប្រជាពលរដ្ឋ ទោះដោយផ្ទាល់មាត់ រឺលាយលក្ខណ៍​ជាអក្សរ​ ថ្នាក់ដឹកនាំ មន្ត្រីជំនាញ​ និងអាជ្ញាធរពាក់ព័ន្ធនឹងធ្វើការបកស្រាយ​បំភ្លឺ​ជូន រីឯបញ្ហាដែលនៅសេសសល់បានទទួលយកសម្រាប់ចុះពិនិត្យ សិក្សាឲ្យបានច្បាស់លាស់ជាបន្តទៀត ដើម្បីស្វែងរកដំណោះស្រាយឲ្យមានប្រសិទ្ធភាព។

សូមជម្រាបជូនផងដែរថា៖ ក្នុងវេទិកានេះទទួលបានសំណើ និងសំណូមពរពីប្រជាពលរដ្ឋដូចជា៖ សំណើជាលិខិត ចំនួន ៤៥ ស្មើនឹង ៦៩ សំណើ (ស្ទួន ៨) ផ្នែករដ្ឋបាល សន្តិសុខ សណ្តាប់ធ្នាប់ ចំនួន ៤ , ផ្នែកសេដ្ឋកិច្ច ចំនួន ៤៨ (ស្ទួន ៥),ផ្នែកសង្គមកិច្ច ចំនួន ១,ផ្នែកគ្រប់គ្រងដីធ្លី ធនធានធម្មជាតិ បរិស្ថាន បម្រែបម្រួលអាកាសធាតុ ចំនួន ១៦ (ស្ទួន ៣)៕

The post អាជ្ញាធរខេត្តកណ្ដាល ដោះស្រាយបញ្ហាប្រឈម ជូនពលរដ្ឋក្រុងតាខ្មៅ ក្នុងវេទិកាផ្សព្វផ្សាយនិងពិគ្រោះយោបល់ appeared first on Kampuchea Thmey Daily.

ជាក់ស្ដែងកាលពីព្រឹកថ្ងៃទី ១៤ ខែវិច្ឆិកា ឆ្នាំ ២០២៥ នេះ ដោយមានការណែនាំចង្អុលបង្ហាញពី លោកវរសេនីយ៍ឯក ជុន ប៊ុនណាន អធិការនគរបាលខណ្ឌ បានឲ្យផ្នែកប្រឆាំងគ្រឿងញៀន សហការជាមួយប៉ុស្តិ៍នគរបាលរដ្ឋបាលវាលវង់ និងសង្កាត់ បន្តចុះផ្សព្វផ្សាយ អប់រំផលប៉ះពាល់ នៃគ្រឿងញៀន ដល់ប្រជាពលរដ្ឋរស់នៅចំណុចអគារបុរីកីឡា ផ្លូវ ២១១ ភូមិ ១២ សង្កាត់វាលវង់ ខណ្ឌ ៧ មករា ចំនួន ៦២ នាក់។

ក្នុងឱកាសចុះផ្សព្វផ្សាយ លោកវរសេនីយ៍ត្រី អ៊ុន ភិរម្យ នាយប៉ុស្តិ៍នគរបាលរដ្ឋបាលវាលវង់ បានផ្សព្វផ្សាយ និងបញ្ជ្រាបការយល់ដឹងដល់ប្រជាពលរដ្ឋរស់នៅអគារបុរីកីឡា ជាតំបន់ស្មុគស្មាញ ពីបញ្ហាគ្រឿងញៀន បញ្ហាក្មេងទំនើងប្រមូលផ្ដុំគ្នា ប្រើប្រាស់បារីអេឡិចត្រូនិកជាដើម សូមចូលរួមសហការជាមួយអាជ្ញាធរមូលដ្ឋាន ដើម្បីអាជ្ញាធរមានវិធានការបានទាន់ពេលវេលា។

លោកនាយប៉ុស្តិ៍ បានបន្តទៀតថា សូមប្រជាពលរដ្ឋរស់នៅផ្ទះជាប់ៗ គ្នា បង្កើនការទំនាក់ទំនងគ្នាទៅវិញទៅមក ដើម្បីជួយគ្នារក្សាសន្តិសុខសុវត្ថិភាពក្នុងភូមិដ្ឋានមានសន្តិសុខល្អ ជាពិសេសនោះពេលចេញទៅណាមកណាកុំភ្លេចចាក់សោបិទទ្វារផ្ទះឲ្យបានត្រឹមត្រូវ ជៀសវាងបាត់បង់ទ្រព្យសម្បត្តិដោយប្រការណាមួយ។

ជាចុងក្រោយ លោកនាយប៉ុស្តិ៍ បានអរគុណដល់ពលរដ្ឋ និង សំណូមពរអាណាព្យាបាលទាំងអស់ ណែនាំអប់រំកូនៗក្រោមឱវាទ កុំសេពគប់មនុស្សមិនល្អមិនស្គាល់មុខ ដែលអាចបង្កផលប៉ះពាល់ដល់ខ្លួនឯង គ្រួសារ និងសង្គមផងដែរ៕

អត្ថបទ៖ សុភា

The post អាជ្ញាធរខណ្ឌ ៧ មករា បន្តចុះផ្សព្វផ្សាយពីបញ្ហាគ្រឿងញៀន និងរក្សាសន្តិសុខសុវត្ថិភាព ជូនពលរដ្ឋ appeared first on Kampuchea Thmey Daily.

វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញនេះ ត្រូវបានធ្វើឡើងនៅសាកលវិទ្យាល័យប៊ែលធីអន្តរជាតិ ស្ថិតក្នុងសង្កាត់បឹងកេងកងទី៣ ខណ្ឌបឹងកេងកង ក្រោមអធិបតីលោក ជូប ខុន សមាជិកក្រុមប្រឹក្សារាជធានីភ្នំពេញ តំណាងលោក ម៉ប់ សារិន ប្រធានក្រុមប្រឹក្សារាជធានីភ្នំពេញ និងលោក ហួត ហៃ អភិបាលរងរាជធានីភ្នំពេញ និងជាតំណាង លោក ឃួង ស្រេង អភិបាល នៃគណៈអភិបាលរាជធានីភ្នំពេញ។

លោក ហួត ហៃ អភិបាលរងរាជធានីភ្នំពេញ បានថ្លែងថា វេទិកាផ្សព្វផ្សាយ និងពិគ្រោះយោបល់នេះ មានសំណើ និងសំណូមពរផ្ទាល់មាត់ចំនួន៨នាក់ និងសំណើជាលាយលក្ខណ៍អក្សចំនួន២០បញ្ហា ដោយមានប្រជាពលរដ្ឋចូលរួមប្រមាណ៤១៦នាក់។ បញ្ហាដែលពលរដ្ឋលើកឡើងក្នុងវេទិកាខាងលើនេះ ភាគច្រើនពាក់ព័ន្ធនឹងវិស័យសាធារណការ ដូចជាសុំជួយដាក់បង្គោលភ្លើង អំពូលភ្លើងសាធារណៈ ការស្តារលូ និងដាក់បណ្តាញលូថ្មីជាដើម ជាមួយនឹងការសុំមានវិធានការជុំវិញ ម៉ូតូដឹកទំនិញ និងម្ហូបអាហារតាមអនឡាញ បានបើកបរលឿនជ្រែគេឯង និងមើលទូរស័ព្ទពេលបើកបរ ធ្វើឱ្យគ្រោះថ្នាក់ចរាចរដល់អ្នកដទៃ។

លោក ហួត ហៃ បានមានប្រសាសន៍ទៀតថា ចំពោះការស្នើឡើងរបស់ប្រជាពលរដ្ឋ អាជ្ញាធររាជធានីនឹងពន្លឿនការដោះស្រាយបញ្ហាទាំងអស់នេះ ដើម្បីឆ្លើយតបទៅនឹងសំណើ និងសំណូមពរដែលជាការលើកឡើងរបស់ប្រជាពលរដ្ឋ។ ចំពោះបញ្ហាមិនទាន់ដោះស្រាយបាន រដ្ឋបាលរាជធានីភ្នំពេញនឹងបន្តពិភាក្សាជាមួយគ្រប់ស្ថាប័នពាក់ព័ន្ធ ដើម្បីពន្លឿនការដោះស្រាយជួនប្រជាពលរដ្ឋឱ្យបានទាន់ពេលវេលា។

លោក ហួត ហៃ បញ្ជាក់ថា វេទិកានេះ បានរកឃើញនូវបញ្ហាសំខាន់ៗជាអាទិភាពសម្រាប់ឱ្យរដ្ឋបាលរាជធានីភ្នំពេញ យកទៅធ្វើការពិចារណា កែលម្អ ក្នុងការអនុវត្តសកម្មភាពរបស់ខ្លួន ដើម្បីលើកកម្ពស់គុណភាព នៃជីវភាពរស់នៅរបស់ប្រជាពលរដ្ឋ ក្នុងរាជធានីភ្នំពេញ។ ការចូលរួមផ្តល់មតិយោបល់ និងការលើកឡើង នូវសំណើ និងសំណូមពររបស់ប្រជាពលរដ្ឋ គឺពិតជាបាននាំមកនូវសក្តានុពលដ៏ធំធេង និងធ្វើឱ្យរដ្ឋបាលរាជធានីភ្នំពេញ អាចឆ្លុះបញ្ចាំងបាននូវចំណុចខ្វះខាត ចំណុចអសកម្ម ដែលបានអនុវត្តកន្លងមក និងអាចឱ្យគណៈអភិបាលរាជធានីភ្នំពេញ យកទៅពិចារណាធ្វើការកែលម្អឡើងវិញ ឱ្យបានសមស្របតាមសេចក្តីត្រូវការ របស់ប្រជាពលរដ្ឋ ក្នុងមូលដ្ឋាននីមួយៗ។

លោក សាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញបានឲ្យដឹងថា៖ ចំពោះសុំជួយដាក់បង្គោលភ្លើង អំពូលភ្លើងសាធារណៈ ការស្តារលូនិងដាក់បណ្តាញលូថ្មី មន្ទីរនិងអនុវត្តភ្លាមៗ តែចំពោះគម្រោងសុំធ្វើលូថ្មីនៅផ្លូវ៣៩២ នៅផ្សារបឹងកេងកង មន្ទីរនឹងសុំគោលការណ៍ទៅអភិបាលរាជធានីភ្នំពេញ ដើម្បីដោះស្រាយឱ្យទាន់ពេលផងដែរ។

ដោយឡែកចំពោះការស្នើសុំមានវិធានការជុំវិញ ម៉ូតូ ដឹកទំនិញ ម្ហូបអាហារតាមអនឡាញ បើកបរលឿនជ្រែគេឯងនោះ ត្រូវ បានលោកអធិការនរគបាលខណ្ឌបឹងកេងកង បញ្ជាក់ថា នៅក្នុងខណ្ឌបឹងកេងកងមានក្រុមហ៊ុនដឹកជញ្ជូនបែបនេះ ២ក្រុមហ៊ុន យើងធ្លាប់បានណែនាំពួកគាត់ហើយ ធ្វើយ៉ាងណា កុំតែ ដើម្បីផលប្រយោជន៍ខ្លួនឯងធ្វើឱ្យប៉ះពាល់អ្នកដទៃ។
លោក ជួប ខុន បានថ្លែងថា៖ យោងតាមច្បាប់ ក្រុមប្រឹក្សារាជធានី ត្រូវរៀបចំឲ្យ មានវេទិកាផ្សព្វផ្សាយ និងពិគ្រោះយោបល់នៅតាមខណ្ឌនានា ក្នុងរាជធានីភ្នំពេញក្នុងអំឡុងត្រីមាសទី៤ នៃឆ្នាំ នីមួយៗ និងក្រុមប្រឹក្សាខណ្ឌ ត្រូវរៀបចំឲ្យមានវេទិកាផ្សព្វផ្សាយ និងពិគ្រោះយោបល់នៅតាម សង្កាត់នានាក្នុងខណ្ឌរបស់ខ្លួនក្នុងអំឡុងខែមិថុនានៃឆ្នាំនីមួយៗ ដែលជាក់ស្ដែងក្រុមប្រឹក្សាខណ្ឌបាន អនុវត្តរួចហើយក្នុងឆ្នាំ២០២៥នេះ ស្របតាមច្បាប់កំណត់។

លោក ជួប ខុន បានបញ្ជាក់ថា វេទិកា ផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ ត្រូវបានធ្វើឡើង ក្នុង១ឆ្នាំម្តង ដើម្បីដោះស្រាយរាល់កង្វល់ សំណូមពរ និងសំណើរបស់ប្រជាពលរដ្ឋ ដោយផ្តោត សំខាន់ពាក់ព័ន្ធ និងកង្វល់ផ្ទាល់របស់ប្រជាពលរដ្ឋលើបញ្ហាសន្តិសុខ សណ្តាប់ ធ្នាប់ បញ្ហាបរិស្ថាន និងបញ្ហាអភិវឌ្ឍន៍នៅមូលដ្ឋាន ដើម្បីឱ្យអាជ្ញាធរបានដឹងឮ និងរកយន្ត ការដោះស្រាយជូន។

លោក ជូប ខុន សមាជិកក្រុមប្រឹក្សារាជធានីភ្នំពេញ បានថ្លែងថា វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញនាថ្ងៃនេះ នឹងផ្តល់ជូនដល់ប្រជាពលរដ្ឋ ក្នុងការចូលរួមដំណើរការអភិបាលកិច្ចល្អ និងជាឧបករណ៍មួយ សម្រាប់លើកកម្ពស់ គណនេយ្យភាព តម្លាភាព ក្នុងដំណើរការពិនិត្យមើល លើការផ្តល់សេវាសាធារណៈ របស់រដ្ឋបាលរាជធានីភ្នំពេញ រដ្ឋបាលខណ្ឌ រដ្ឋបាលសង្កាត់ ក្នុងគោលបំណង ដើម្បីធានាថា រាល់បញ្ហាអាទិភាពរបស់ប្រជាពលរដ្ឋក្នុងមូលដ្ឋាន ត្រូវបានពិនិត្យ ដោះស្រាយ និងឆ្លើយតប៕

អត្ថបទ៖ ស្រីរ័ត្ន

The post ពលរដ្ឋស្នើអាជ្ញាធរជួយដាក់ភ្លើងបំភ្លឺ ដាក់លូនិងមានវិធានការចំពោះម៉ូតូដឹកម្ហូបអាហារតាម​អនឡាញបើកបរលឿនជ្រែគេឯង appeared first on Kampuchea Thmey Daily.

ការ​ស្នើសុំ​ពីសំណាក់ប្រជាពលរដ្ឋនេះ​ បានធ្វើឡើងកាលពីព្រឹកថ្ងៃចន្ទ ទី ១៦ ខែ ធ្នូ ឆ្នាំ២០២៤ ក្នុងពិធីបើកវេទិកាផ្សព្វផ្សាយនិងពិគ្រោះយោបល់របស់ក្រុមប្រឹក្សារាជធានីភ្នំពេញ អាណត្តិទី៤ នៅខណ្ឌព្រែកព្នៅ ក្រោមអធិបតីភាពលោក ម៉ប់ សារិន ប្រធានក្រុមប្រឹក្សារាជធានីភ្នំពេញនិងលោកស្រី តិមា វិច្ឆិកាល អភិបាលរង នៃគណៈអភិបាលរាជធានីភ្នំពេញ ជាតំណាងលោកឃួង ស្រេង អភិបាល នៃគណៈអភិបាល។

ក្រៅ​ពី​ស្នើ​សុំ​ខាង​លើ ប្រជាពលរដ្ឋ​នៅ​បាន​ស្នើសុំ​ឱ្យអាជ្ញាធរមូលដ្ឋានជួយពន្លឿនការដាក់លូបង្ហើយ​ឱ្យ​បានរួចរាល់ , ស្នើសុំឱ្យក្រុមហ៊ុនប្រមូលសំរាម ប្រមូល​សំរាម​ឱ្យ​បាន​ទៀងទាត់​តាមវេលាកំណត់ ព្រោះសំរាមច្រើន​គរ​ទុក​ចោល​ច្រើនថ្ងៃ​ ហើយក្រុមអ្នករើសអេតចាយមកហែកថង់សំរាមរាយប៉ាយ, ស្នើសុំ​រដ្ឋាករទឹក ធ្វើការផ្លាស់ប្តូរពីឯកជន មករដ្ឋវិញ ព្រោះ​ទឹក​ឯកជន​មានភាពល្អក់កករ ពិបាកក្នុងការប្រើប្រាស់, ស្នើសុំដាក់លូ នៅក្នុងសង្កាត់ត្រពាំងក្រសាំង,

ស្នើសុំ​ឱ្យ​មន្រ្តីសុរិយោដីធ្វើការងារ​ឱ្យ​បានគ្រប់៧ថ្ងៃក្នុងមួយសប្តាហ៍ ព្រោះ​ពេលប្រជាពលរដ្ឋទៅរកសេវារដ្ឋបាលធ្វើប្លង់កម្មសិទ្ធិដីធ្លី មិនបានជួបមន្រ្តីនោះទេ ព្រោះមន្រ្តីធ្វើការតែ៣-៤ថ្ងៃក្នុងមួយសប្តាហ៍។

លោកស្រី តិមា វិច្ឆិកាលបានបញ្ជាក់​ថា វេទិកា​ផ្សព្វផ្សាយ និង​ពិគ្រោះ​យោបល់​របស់​ក្រុម​ប្រឹក្សា​រាជធានីភ្នំពេញនាថ្ងៃនេះ មាន​សំណួរ សំណើ​និង​សំណូមពរផ្ទាល់មាត់របស់​ប្រជាពលរដ្ឋចំនួន៨នាក់ ស្មើនឹង១៦បញ្ហា និងសំណូមពរជាលាយលក្ខណ៍អក្សរចំនួន៥៣ច្បាប់ ដើម្បីឱ្យរដ្ឋបាលរាជធានីភ្នំពេញយក ទៅធ្វើការពិចារណា កែលម្អ ក្នុងការអនុវត្តសកម្មភាពរបស់ខ្លួន ក្នុងការលើកកម្ពស់គុណភាពនៃជីវភាពរស់នៅរបស់ ប្រជាពលរដ្ឋក្នុងរាជធានីភ្នំពេញ ជាពិសេស ប្រជាពលរដ្ឋក្រីក្រក្នុងមូលដ្ឋានសង្កាត់ ខណ្ឌរបស់ខ្លួនឱ្យកាន់តែមាន ភាពល្អប្រសើរ។

លោកម៉ប់ សារិន បាន​មាន​ប្រសាសន៍​ថា វេទិកា​ផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញនាថ្ងៃ​នេះ នឹង​ផ្តល់​ជូន​ដល់​ប្រជាពលរដ្ឋ ក្នុងការចូលរួមដំណើរការអភិបាលកិច្ចល្អ និងជាឧបករណ៍មួយសម្រាប់លើកកម្ពស់ គណនេយ្យភាព តម្លាភាព ក្នុងដំណើរ​ការ​ពិនិត្យមើល លើការផ្តល់សេវាសាធារណៈរបស់រដ្ឋបាលរាជធានីភ្នំពេញ រដ្ឋបាលខណ្ឌ រដ្ឋបាលសង្កាត់ ក្នុងគោលបំណង ដើម្បីធានាថា៖

១-រាល់បញ្ហាអាទិភាពរបស់ប្រជាពលរដ្ឋក្នុងមូលដ្ឋាន ត្រូវបានពិនិត្យ ដោះស្រាយ និងឆ្លើយតប

២-គ្រប់អ្នកពាក់ព័ន្ធទាំងអស់ក្នុងមូលដ្ឋាន ត្រូវបានរួមបញ្ចូលបរិយាប័ននៅក្នុងដំណើរការនៃការអភិវឌ្ឍ តាមបែបប្រជាធិបតេយ្យនៅថ្នាក់ក្រោមជាតិ។

វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញនាថ្ងៃនេះ គឺជាការផ្តល់ឱកាស​ ជូន​ប្រជាពលរដ្ឋបាន​ប្រាស្រ័យទាក់ទងគ្នាទៅវិញ​ទៅមក​រវាង​រដ្ឋបាលារាជធានីភ្នំពេញ ជាមួយរដ្ឋបាលខណ្ឌ រដ្ឋបាល- សង្កាត់ ប្រជាពលរដ្ឋ តំណាងសង្គមស៊ីវិល និងវិស័យឯកជន ក្រុមប្រឹក្សាប្រភេទផ្សេងៗគ្នា ដើម្បីផ្លាស់ប្តូរនូវ បទពិសោធន៍ និងផ្តល់ប្រឹក្សាអំពីអាទិភាពនៃការអភិវឌ្ឍន៍រាជធានីភ្នំពេញ ប្រកបដោយ ចីរភាព តម្លាភាព ប្រសិទ្ធភាព និងបរិយាបន្ន៕

ដោយ ៖ ស្រីរ័ត្ន

The post ប្រជាពលរដ្ឋជាង៩០គ្រួសារ ស្នើសុំអាជ្ញាធររាជធានីជួយចុះបញ្ជីដីធ្លី ដោយ​កាត់​ឆ្កៀល​ដី​ចេញ​អនុក្រឹត្យ​នៅតំបន់បឹងតាមោក appeared first on Kampuchea Thmey Daily.

ការបញ្ជាក់របស់ លោក សាំ ពិសិដ្ឋ ធ្វើឡើង ដើម្បីឆ្លើយតបទៅនឹងការចោទសួររបស់ប្រជាពលរដ្ឋ ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ នៅពហុកីឡាដ្ឋានអូឡាំពិក ខណ្ឌ៧មករា នាព្រឹកថ្ងៃទី១៦ ខែវិច្ឆិកា ឆ្នាំ២០២៣នេះ។

ពាក់ព័ន្ធការងារស្ថាបនា ដាក់លូ ជាការងារជំនាញរបស់ មន្ទីរសាធារណការ និងដឹកជញ្ជូនរាជធានី ដាច់ខាត អាជ្ញាធរសង្កាត់ត្រូវទាក់ទងមកជំនាញ ដើម្បីជីកដាក់លូ ទើបមិនប៉ះពាល់ដល់ដើមឈើនៅតាមដងផ្លូវ ដែលពលរដ្ឋបានលើកឡើង។ ចំពោះការសុំដាក់របាំងពុះចែកទ្រូងផ្លូវ ខាងមន្ទីរ នឹងដាក់ជំនាញចុះសិក្សា ដើម្បីដាក់ជូនទៅតាមសំណើ។

លោកស្រី កែវ សុខពិសី អភិបាលរងរាជធានីភ្នំពេញ និងជាតំណាង លោក ឃួង ស្រេង អភិបាល នៃគណៈអភិបាលរាជធានីភ្នំពេញ មានប្រសាសន៍ថា៖ ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ ខាងលើនេះមានសំណើ និងសំណូមពរផ្ទាល់មាត់ចំនួន ៣នាក់ និងលាយលក្សអក្សចំនួន ១៣ច្បាប់។ ប្រជាពលរដ្ឋដែលបានលើកដោយផ្ទាល់មាត់ គឺពាក់ព័ន្ធ និងជំនាញសាធារណការ ក្នុងនោះរួមមាន ការសុំដាក់របាំងពុះចែកទ្រូងផ្លូវនៅសង្កាត់អូឫស្សីទី២ សូមការបំភ្លឺពាក់ព័ន្ធ ដើមឈើបាក់ រលំ លើយានយន្ត និងការស្ថាបនាលូជាដើម។ ក្នុងឱកាសនោះ លោកស្រី កែវ សុខពិសី បានសូមឱ្យបងប្អូនប្រជាពលរដ្ឋ ចូលរួមដាំដើមឈើទាំងអស់គ្នា ដើម្បីរាជធានីភ្នំពេញ មានពណ៌បៃតង សោភណ្ឌភាព និងបរិស្ថានល្អ។

លោក ម៉ប់ សារិន ប្រធានក្រុមប្រឹក្សារាជធានីភ្នំពេញ បានលើកឡើងថា យោងតាមច្បាប់ ក្រុមប្រឹក្សារាជធានី ត្រូវរៀបចំឱ្យមានវេទិកាផ្សព្វផ្សាយ និងពិគ្រោះយោបល់នៅតាមខណ្ឌនានា ក្នុងរាជធានីភ្នំពេញ ក្នុងអំឡុងត្រីមាសទី៤ នៃឆ្នាំ នីមួយៗ និងក្រុមប្រឹក្សាខណ្ឌ ត្រូវរៀបចំឱ្យមានវេទិកាផ្សព្វផ្សាយ និងពិគ្រោះយោបល់នៅតាមសង្កាត់នានាក្នុងខណ្ឌរបស់ខ្លួន ក្នុងអំឡុងខែមិថុនា នៃឆ្នាំនីមួយៗ ដែលជាក់ស្ដែងក្រុមប្រឹក្សាខណ្ឌបានអនុវត្តរួចហើយក្នុង ឆ្នាំ២០២៣នេះ ស្របតាមច្បាប់កំណត់។

វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញនេះ ធ្វើឡើងដើម្បីផ្សព្វផ្សាយពីសមិទ្ធិផលការងាររបស់រដ្ឋបាលរាជធានីភ្នំពេញ និងផ្ដល់ឱកាសជូនប្រជាពលរដ្ឋបាន លើកឡើងនូវសំណួរ សំណើ និងសំណូមពរ ទាំងផ្ទាល់មាត់ និងជាលាយលក្ខណ៍អក្សរដែលជាកង្វល់របស់ប្រជាពលរដ្ឋ ដោយផ្ដោតលើប្រធានបទចំនួន ៤ រួមមាន៖ ទី១ កាងារសន្តិសុខ សណ្តាប់ធ្នាប់ និងសុវត្ថភាពសាធារណៈ (ភូមិ សង្កាត់ មានសុវត្ថិភាព) ទី២ ការងារអភិវឌ្ឍមូលដ្ឋាន (ផ្លូវ ថ្នល់ លូ…) ទី៣ ការងារបរិស្ថាន (បញ្ហាសំរាម សុខុមាលភាពសង្គម) និងទី៤ ការផ្តល់សេវាសាធារណៈជូនប្រជាពលរដ្ឋ៕

អត្ថបទ៖ ស្រីរ័ត្ន

The post ការទទួលខុសត្រូវ ករណីដើមលើរលំលើទ្រព្យសម្បត្តិ និងយានយន្តពលរដ្ឋ នៅភ្នំពេញ appeared first on Kampuchea Thmey Daily.

ជាមួយគ្នានេះ សម្រាប់បញ្ហាដែលនៅសេសសល់ លោក សួន សុម៉ាលីន អភិបាលខេត្តព្រៃវែងបានគូសបញ្ជាក់ជូនប្រជាពរដ្ឋវិញថា រដ្ឋបាលខេត្តព្រៃវែង នឹងយកទៅពិគ្រោះពិភាក្សាជាមួយក្រុមប្រឹក្សាខេត្ត និងភាគីសមត្ថកិច្ចពាក់ព័ន្ធ រួចរកវិធានការណ៍ដោះស្រាយឱ្យបានទាន់ពេលវេលាទៅតាមសមត្ថកិច្ចរៀងៗខ្លន។

វេទិកាផ្សព្វផ្សាយ និងពិគ្រោះយោបល់របស់ខេត្តព្រៃវែង បានបង្កើតឡើងក្នុងគោលបំណងបង្កើតនូវវប្បធម៌នៃការពិភាក្សា និងលើកកម្ពស់គណនេយ្យភាពតាមបែបប្រជាធិបតេយ្យតាមរយៈចំណុចសំខាន់ៗចំនួន៤គឺ៖ទី១/ការផ្ដល់ព័ត៌មានដល់ប្រជាពលរដ្ឋអំពីសមិទ្ធផលនានា ដែលក្រុមប្រឹក្សាសម្រេចបាននិង បញ្ហាប្រឈមនានាក្នុងឆ្នាំ២០២៣។ ទី២/ផ្ដល់ព័ត៌មានដល់ប្រជាពលរដ្ឋអំពីគម្រោងអាទិភាពនានា នៃផែនការអភិវឌ្ឍរបស់រដ្ឋបាល ខេត្តសម្រាប់ឆ្នាំ២០២៤។ ទី៣/ផ្ដល់ឱកាសដល់ប្រជាពលរដ្ឋ ទទួលបានព័ត៌មាន និងលើកមតិយោបល់ជូនក្រុមប្រឹក្សា និងទី៤/ទទួលយកអនុសាសន៍ និងសំណូមពររបស់ប្រជាពលរដ្ឋ ដើម្បីពិភាក្សា និងឆ្លើយតប។

គួរឱ្យដឹងថា វេទិកាផ្សព្វផ្សាយ និងពិគ្រោះយោបល់ដែលរៀបចំឡើងដោយរដ្ឋ​បាលខេត្តព្រៃវែង នៅរសៀលថ្ងៃទី១៥ ខែវិច្ឆិកា គឺបានរៀបចំឡើងនៅក្នុងស្រុកពោធិ៍រៀង ខេត្តព្រៃវែង៕

អត្ថបទដោយ៖ សៅគ្រី

The post ខេត្តព្រៃវែង៖ វេទិកាផ្សព្វផ្សាយ និងពិគ្រោះយោបល់ ដោះស្រាយបានបញ្ហាចំនួន៩ ក្នុងចំណោមបញ្ហា១០ appeared first on Kampuchea Thmey Daily.