ពិធីបុណ្យដ៏ធំនេះនឹងប្រារព្ធធ្វើឡើងរយះពេល៣ថ្ងៃ គឺចាប់ពី ថ្ងៃទី ២៨ ដល់ថ្ងៃទី៣០ ខែមិថុនាឆ្នាំ២០២៤ នៅសណ្ឋាគារ សុខាសៀមរាប ខេត្តសៀមរាប។

ក្រោមគំនិតផ្តួចផ្តើមប្រកបដោយបុញ្ញកម្ម របស់អ្នកឧកញ៉ាបណ្ឌិត សុខ គង់ ប្រធានក្រុមហ៊ុនសុខា អូតែល បាននឹងកំពុងដំណើរការសាងសង់ព្រះពុទ្ធប្បដិមាកម្ពស់១០៨ម៉ែត្រដ៏ស្កឹមស្កៃនៅលើខ្នងភ្នំបូកគោ ដើម្បីរំលឹកគុណដល់ព្រះសម្មាសម្ពុទ្ធជាព្រះបរមគ្រូនៃយើង ដែលព្រះអង្គបានត្រាស់ដឹងចម្លងសត្វលោកឱ្យរួចផុតចាកទុក្ខ និងដើម្បីរក្សានូវអត្តសញ្ញាណវប្បធម៌សាសនាជាតិខ្មែរ សម្រាប់ជាទីគោរពសក្ការៈដ៏ថ្លៃថ្លាឧត្តុងឧត្តមរបស់បងប្អូនពុទ្ធសាសនិកជនទាំងអស់គ្នាគោរពប្រណិប័តន៍ ហើយព្រះពុទ្ធប្បដិមាដ៏ស្កឹមស្កៃនេះនឹងគង់ជាសម្បត្តិវប្បធម៌សាសនាជាតិខ្មែរជារហូតតរៀងទៅ !!!

ពុទ្ធបរិស័ទដែលមានសទ្ធាជ្រះថ្លា ចង់ភ្ជាប់និស្ស័យជាមួយនិងការកសាងព្រះពុទ្ធប្បដិមាដ៏ស្កឹមស្កៃនេះ សូមទំនាក់ទំនង : 031 7777 108 , 014 777 108 , 015 777 108

ទូរស័ព្ទទទួលបច័្ចយ៖ 085 430 999 | 097 430 9999
គណនីទទួលបច័្ចយ៖
ACLEDA: 0001-08108108-99 (KHR) | 0001-08108108-88 (USD)
ABA: 106 108 108 (KHR) | 107 108 108 (USD)
WING: 9 108 108 108 (KHR) | 8 108 108 108 (USD)

The post ទិដ្ឋភាពទូទៅនៃពិធីបុណ្យមហាផ្កាប្រាក់សាមគ្គីរយៈពេល ៣ថ្ងៃ នៅសណ្ឋាគារ សុខាសៀមរាប ខេត្តសៀមរាប appeared first on Kampuchea Thmey Daily.

សណ្ឋាគារទាំង៧ របស់អ្នកឧកញ៉ា សុខ គង់ រួមមាន៖

សណ្ឋាគារឆ្នេរសុខា ក្រុងព្រះសីហនុ លំដាប់ផ្កាយ៥៖ បានបើកដំណើរការអាជីវកម្មនៅឆ្នាំ ២០០៤ រហូតមដល់​បច្ចុប្បន្នមានចំនួន រាប់ពាន់បន្ទប់។

នៅខេត្តសៀមរាបមានចំនួនបី គឺសណ្ឋាគារសុខាអង្គរ លំដាប់ផ្កាយ៥ ចំនួនពីរ និងផ្កាយមួយចំនួនមួយ។ សណ្ឋាគារសុខាអង្គរ បើកដំណើរការជាផ្លូវការនៅឆ្នាំ ២០១០ ដោយមាន​ ២៧៦បន្ទប់។

ចំណែកសណ្ឋាគារសុខាសៀមរាប ៖ បើកដំណើរការជាផ្លូវការនៅឆ្នាំ ២០១៧ មានចំនួន ១២៤២បន្ទប់។

សណ្ឋាគាររេស៊ីដង់សុខាភ្នំពេញ ៖ បើកដំណើរការផ្លូវការឆ្នាំ ២០១៥  មាន ៥៤៩បន្ទប់។ នៅក្នុងសណ្ឋាគារនេះ មានសេវាគ្រប់លំដាប់អន្តរជាតិថ្នាក់ផ្កាយ៥។

ចំណែកនៅលើភ្នំបូកគោមានចំនួនពីរ គឺសណ្ឋាគាររមណីយដ្ឋានឋានសួគ៌សុខា និងសណ្ឋាគារឡឺបូកគោ ផាឡេស ថ្នាក់លំដាប់ផ្កាយ៥ទាំងពីរ។​

លោក ផ្លុង ច័ន្ទដារិទ្ធ នាយកចាត់ការទូទៅនៃសណ្ឋាគាររេស៊ីដង់សុខាភ្នំពេញ បានប្រាប់កម្ពុជាថ្មីថា សណ្ឋាគារសុខា ក្រោមការដឹកនាំរបស់អ្នកឧកញ៉ា សុខ គង់ បានបើកដំណើរជិត ២០ឆ្នាំមកហើយ។ តាមរយៈបទពិសោធ​នៅក្នុង​វិស័យនេះ លោកថា សណ្ឋាគារសុខា តែងទទួលបានការជឿទុកចិត្ត ដោយមានការរៀបចំពិធីធំៗជាច្រើន ទាំងថ្នាក់ជាតិ និងអន្តរជាតិ។ ជាក់ស្តែងដូចជា កិច្ចប្រជុំវេទិកាសេដ្ឋកិច្ចពិភពលោក និងកិច្ចប្រជុំកំពូលអាស៊ាន ដែលមានមេដឹក​នាំកំពូលៗ​ពីប្រទេសមហាអំណាចធំៗជាច្រើន មកចូលរួម និងស្នាក់នៅសណ្ឋាគារសុខា អូតែល។ ក្នុងនោះ លោក ផ្លុង ច័ន្ទដារិទ្ធ បង្ហើបថា មានមេដឹកនាំប្រទេសធំៗចំនួន ៧ បានស្នាក់នៅសណ្ឋាគារសុខា ពេលកិច្ចប្រជុំកំពូលអាស៊ាន។

លោក ផ្លុង ច័ន្ទដារិទ្ធ បានគូសបញ្ជាក់ទៀតថា នៅកម្ពុជា មានសណ្ឋាគារលំដាប់ផ្កាយ៥ច្រើន តែបើប្រៀបធៀបនឹង​ប្រព័ន្ធសុវត្ថិភាព ការបដិសណ្ឋាគារកិច្ចគ្រប់បែបយ៉ាង លោកជឿថា សណ្ឋាគារសុខអូតែល ជាជម្រើសលើគេ ដែលអាច​ធ្វើអ្វីៗបានគ្រប់បែបយ៉ាង សម្រាប់ទទួលភ្ញៀវទាំងជាតិ និងអន្តរជាតិ ពិសេសថ្នាក់ដឹកនាំធំៗលើពិភពលោក៕

The post អ្នកឧកញ៉ា សុខ គង់ មានសណ្ឋាគារចំនួន ៧ សុទ្ធសឹងជាលំដាប់ផ្កាយ៥ appeared first on Kampuchea Thmey Daily.

នៅក្នុងសៀវភៅ«អាថ៌កំបាំងពីក្រោយភាពជោគជ័យរបស់អ្នកឧកញ៉ាបណ្ឌិត សុខ គង់» ដែលទើបចេញផ្សាយកាលពីពេលថ្មីៗនេះ អ្នកឧកញ៉ា សុខ គង់ បានរៀបរាប់ឲ្យដឹងពីប្រវត្តិរបស់លោកថា ដំបូងឡើយឳពុកម្តាយរបស់លោកបានដាក់ឈ្មោះឲ្យលោកថា សុខា ដើម្បីជៀសផុតពីគ្រោះកាចផ្សេងៗ បន្ទាប់ពីបងប្រុសៗ៣នាក់របស់លោកបានទទួលអនិច្ចកម្មជាបន្តបន្ទាប់ ក្រោយពីកើតបានប៉ុន្មានខែតែប៉ុណ្ណោះ។ ត្រង់ចំណុចនេះ អ្នកឧកញ៉ា សុខ គង់ បានពោលឡើងថា៖ «ប្រការនេះ បានក្លាយជាដើមហេតុដែលលោកឪពុករបស់ខ្ញុំ គឺជាមេគ្រួសារបានសម្រេចដាក់ឈ្មោះឲ្យខ្ញុំថា សុខា គឺចង់ឲ្យខ្ញុំមានសេចក្តីសុខ រស់នៅបានយូរអង្វែង»។

ការដាក់ឈ្មោះ«សុខា»នេះ មិនទាន់គ្រប់គ្រងដើម្បីធានាឲ្យអ្នកឧកញ៉ា សុខ គង់ រស់នៅបានសុខ បានយូរអង្វែងនោះទេ។ នេះបើតាមជំនឿចាស់ៗពីបុរាណ ពោល គឺឪពុក ម្តាយបង្កើតរបស់អ្នកឧកញ៉ា សុខ គង់ ត្រូវផ្ញើរូបលោកឲ្យទៅរស់ជាមួយឪពុក ម្តាយចិញ្ចឹម ដើម្បីចាកផុតពីគ្រោះកាចទាំងឡាយ។ ប៉ុន្តែ បើទោះជាដាក់ឈ្មោះថា«សុខា» និងឲ្យទៅរស់នៅជាមួយអ្នកដទៃក៏ដោយ ក៏អ្នកឧញ៉ា សុខ គង់ កាលនៅកុមារភាព ក៏មិនមានសុខភាពល្អដូចឈ្មោះនោះឡើយ។ ម្លោះហើយ នៅថ្ងៃមួយ រូបលោក​ត្រូវឪពុក ម្តាយ បង្កើត និងចិញ្ចឹមបានបញ្ជូនរូបលោកទៅឲ្យព្រះចៅអធិការវត្ត នទីលោភណារាម ហៅ វត្តស្ទឹងស្លូត ធ្វើពិធីសូត្រមន្តលើករាសី បំពាក់ខ្សែគាថា និងទស្សន៍ទាយមើលពីជោគវាសនាអនាគត។

នៅពេលនោះហើយដែលឈ្មោះ«សុខ សុខា» ត្រូវប្តូរមកជា «សុខ គង់»វិញ ដោយព្រះចៅអធិការវត្តស្ទឹងស្លូត។ ការប្តូរឈ្មោះនេះ គឺដើម្បីឲ្យរូបលោករស់នៅមានក្តីសុខ ជៀសផុតគ្រោះកាចទាំងឡាយទាំងពួង និងមិនអាចមានអ្នកណាមកបៀតបៀនរូបលោកបាន។ អ្នកឧញ៉ា សុខ គង់ បានរំលឹកឡើងវិញថា៖«ចំពោះរូបខ្ញុំវិញ ការដាក់ឈ្មោះថ្មីនេះ បើជឿក៏ថាបាន មិនជឿក៏ថាបាន ព្រោះបន្ទាប់ពីបានប្តូរឈ្មោះ សុខា ទៅជាឈ្មោះ គង់វិញ ហើយបានទៅរស់នៅជាមួយឪពុក ម្តាយថ្មីនៅតំបន់ដីគោក ខ្ញុំលែងសូវឈឺថ្កាត់ញឹកញាប់ដូចមុនទៀតហើយ»។

ដ្បិតថា បានប្តូរឈ្មោះ សុខ គង់ ដែលជាឈ្មោះមានសុខ សិរី សួស្តីយ៉ាងណាក៏ដោយ ក៏អ្នកឧកញ៉ា សុខ គង់ នៅតែអាឡោះអាល័យ និងនៅតែស្រឡាញ់នូវឈ្មោះដើមរបស់លោក«សុខា»ដដែល។ ដូច្នេះហើយ រូបលោកក៏បានសម្រេចយកឈ្មោះសុខានេះ ដាក់ជាឈ្មោះក្រុមហ៊ុនរបស់លោកតែម្តង គឺឈ្មោះក្រុមហ៊ុន សុខា ដែលបានបង្កើតឡើងនៅក្នុងឆ្នាំ១៩៩៧។ ក្រុមហ៊ុនសុខានេះ ត្រូវបានគេស្គាល់ច្រើននៅទូទាំងប្រទេសតាមរយៈសណ្ឋាគារដ៏ល្បីឈ្មោះ និងមានស្តង់ដារ គឺសណ្ឋាគារ សុខា៕

ដោយ៖ វណ្ណ សុគន្ធា

The post តាមពិត ឈ្មោះសណ្ឋាគារ«សុខា»​ គឺយកតាមឈ្មោះ«ដើម»របស់អ្នកឧកញ៉ា សុខ គង់ appeared first on Kampuchea Thmey Daily.