ដំបូងឡើយមានការសន្និដ្ឋានថា ការបើកបុកសត្វក្ងោកសនេះ ជាករណីប៉ុនប៉ង ឬចេតនា ប៉ុន្តែអ្នកនាំពាក្យរបស់ប៉ូលិសតំបន់ Humberside បានឆ្លើយតបថា វាជាករណីអចេតនាប៉ុណ្ណោះ ហើយបើយោងតាមការ​ស៊ើប​អង្កេតបាន​រក​ឃើញទៀត​ថា ​សត្វក្ងោកដ៏កម្រនេះបានដើរចូលរថយន្តដោយខ្លួនវា ហើយក៏ត្រូវរថយន្តបុក និងបណ្ដាលឲ្យរបួស ក និងជើង ។

ទោះជាយ៉ាងណា ក្ងោកសដ៏កម្រអាយុ ៤ ឆ្នាំមួយក្បាលនេះកំពុងទទួលការព្យាបាលយ៉ាងយកចិត្តទុកដាក់ពីសំណាក់ក្រុមគ្រូពេទ្យសត្វរបស់អង់គ្លេស ។

សូមបញ្ជាក់ដែរថា ក្ងោកសនេះមានតែមួយគត់នៅតំបន់នោះ ហើយវារស់នៅជាមួយក្ងោកធម្មតា ២ ក្បាលទៀត ជាពិសេសបុគ្គលិកក្នុងឧទ្យាននោះស្រលាញ់វាណាស់ ដោយសារអាកប្បកិរិយាស្លូតបូតខុសពីសត្វដទៃ ៕

ប្រភព ៖ BBC

The post មកដឹងស្ថានភាពក្ងោក ស ដែលមានតែមួយគត់នៅ អង់គ្លេស ក្រោយត្រូវរថយន្តបុក appeared first on Kampuchea Thmey Daily.

ការប្រគល់​ជូន​សត្វ​ក្ងោក​ទាំង ២០ ក្បាល​ជូន​ម្ចាស់​ដើម​វិញ​នេះ​ក៏មាន ការចូលរួម​ពីរ​អាជ្ញាធរ​ភូមិ​ឃុំ​លោក​ចេង​ចាន់​ដូ​ណា អភិបាលស្រុក​បរិបូរ​ណ៌ លោក​ងិន​ហ៊ុន ប្រធាន​មន្ទីរ​កសិកម្ម​រុក្ខា​ប្រមាញ់​និង​នេសាទ​ខេត្ត ព្រមទាំង​មន្ត្រី​ជំនាញ​នៅក្នុង​ខេត្ត​ផងដែរ​។

ប្រជាពលរដ្ឋ​ជា​ម្ចាស់​ក្ងោក ក៏​សូម​ថ្លែងអំណរគុណ​ដល់​ជ្រាលជ្រៅ​ផងដែរ​ដល់​សម្ដេច​តេ​ជោ ហ៊ុន សែន​ដែល​បាន​អនុគ្រោះ ឲ្យ​មន្ត្រីរដ្ឋបាល​ព្រៃឈើ​យក​ក្ងោក​ដែល​មន្ត្រី​ជំនាញ​បាន​ដកហូត​កាល​ក្នុងពេល​ថ្មីៗ​នេះ​យកមក​ប្រគល់ជូន​ពួកគាត់​វិញ​ដើម្បី​ចិញ្ចឹមសត្វ​ក្ងោក​នេះ​បន្តទៀត៕

ដោយ ៖ ​ឈៀង​ថា​រិ​ទ្ធ​

The post មន្ត្រី​រដ្ឋបាល​ព្រៃឈើ​បាន​នាំ​យក​សត្វ​ក្ងោក​២០ក្បាល​មក​ជូន​ម្ចាស់​វិញ​តាម​បញ្ជា​សម្ដេច​តេ​ជោ appeared first on Kampuchea Thmey Daily.

មន្ត្រីរដ្ឋបាលព្រៃឈើខេត្តកំពង់ឆ្នាំងបានបញ្ជាក់ថា ក្រុមការងារបានបើកការស៊ើអង្កេតច្បាស់លាស់មុនពេលចុះអនុវត្តជាលទ្ធផលបង្ហាញថា បុគ្គលនេះបានធ្វើការជួញដូរសត្វក្ងោក តាមប្រព័ន្ធហ្វេសបុក ទូរស័ព្ទ និងមានភស្តុតាងដ៏ទៃទៀត។ ក្នុងហ្វេសបុករបស់លោក យឹម សំអឿន បានបង្ហោះលក់សត្វក្ងោក និងមានដាក់លេខទូរស័ព្ទទំនាក់ទំនង។

សត្វក្ងោក ជាប្រភេទសត្វស្លាប ស្ថិតនៅក្រុមប្រភេទសត្វព្រៃមានដោយកម្រ យោងតាមប្រកាសលេខ០២០ ប្រក.កសក ចុះថ្ងៃទី២៥ ខែមករា ឆ្នាំ២០០៧ ស្តីពីចំណាត់ថ្នាក់ និងបញ្ជីឈ្មោះប្រភេទសត្វព្រៃនិងក្នុងឧបសម្ព័ន្ធទី២ នៃអនុសញ្ញាស្តីពីការធ្វើពាណិជ្ជកម្មអន្តរជាតិ ប្រភេទរុក្ខជាតិ និងសត្វព្រៃជិតផុតពូជ (CITES)។

ការធ្វើពាណិជកម្មល្មើសច្បាប់ត្រូវផ្តន្ទាទោស ក្រោមបទល្មើសថ្នាក់ទី២ ដោយត្រូវជាប់ពន្ធនាគារពីមួយ(១)ឆ្នាំ ទៅប្រាំ(៥)ឆ្នាំ និងត្រូវពិន័យជាប្រាក់ពីមួយលាន (១០,០០០,០០០)រៀល ទៅដប់លាន (១០០,០០០,០០០)រៀល ឬផ្តន្ទាទោសណាមួយ នៃទោសទាំងពីរ វត្ថុតាងទាំងអស់ត្រូវរឹបអូសជាទ្រព្យសម្បត្តិរដ្ឋ (មាត្រា៩៨ នៃច្បាប់ស្តីពីព្រៃឈើ)។

ករណីបទល្មើសសត្វព្រៃមានសភាពធ្ងន់ធ្ងរ ការចោទប្រកាន់ត្រូវបញ្ចូលការប្រឆាំងការលាងសំអាតប្រាក់ ដែលជាកាតព្វកិច្ចចាំបាច់របស់ប្រទេសម្ពុជា អនុលោមតាមច្បាប់ជាតិ និងច្បាប់អន្តរជាតិ ហើយក៏ជាសកម្មភាពមួយដែលបានចូលរួមនាំឲ្យប្រទេសអាចចាកចេញពីបញ្ជីប្រផេះបាន។

ច្បាប់បានអនុញ្ញាតឲ្យមានការចិញ្ចឹមប្រភេទសត្វព្រៃលក្ខណៈគ្រួសារតែក្នុងក្រុមមានដោយបង្គួរ ព្រោះវាមានភាពសំបូរ និងប៉ះពាល់តិចតួចទៅដល់ចំនួនសត្វព្រៃនៅក្នុងធម្មជាតិ។

មន្ត្រីរដ្ឋបាលព្រៃឈើប្រាប់កម្ពុជាថ្មីនៅរសៀលថ្ងៃទី ២៦ ខែកុម្ភៈនេះថា អាជ្ញាធរកំពុងបន្តនិតិវិធីលើករណីបុរសដែលចិញ្ចឹមក្ងោកនេះ៕

The post ​សមត្ថកិច្ច​មានភស្ដុតាងបញ្ជាក់ថា ​បុរសចិញ្ចឹមក្ងោកជួញដូរសត្វព្រៃខុសច្បាប់​ appeared first on Kampuchea Thmey Daily.