១. អាចធ្វើម្ហូបបានច្រើន

បង្កង បង្គា មឹក អាចធ្វើម្ហូបបានតែប៉ុន្មានមុខប៉ុណ្ណោះ ផ្ទុយពីស្ដេចក្ដាមដែលបង្កើតមីនុយបានរាប់សិបមុខសម្រាប់បម្រើតម្រូវការរបស់អ្នកទទួលទាន ។

២. មនុស្សចូលចិត្តញ៉ាំជើងក្ដាមទំហំធំ

ជើងក្ដាមមានច្រើនទំហំដូចជា Jumbo, Giant, Colossal, និង Super Colossalដែលមានតម្លៃថ្លៃជាងគេ ។

៣. មានច្បាប់កំណត់ការនេសាទ

សហរដ្ឋអាមេរិក ប្រទេសន័រវេស និងប្រទេសកាណាដា មានច្បាប់តឹងរ៉ឹងចំពោះការនេសាទដោយកំណត់ឲ្យនេសាទតែក្ដាមដែលមានទម្ងន់លើសពី ៧ផោនប៉ុណ្ណោះ ។ 

៤. មានរសជាតិដូចបង្កងគុណភាពល្អបំផុត

ជើងក្ដាមមានរសជាតិផ្អែម ល្មួត ទន់ គ្រាន់តែដាក់ចូលមាត់រលាយឆ្ងាញ់តែម្ដង ។

៥. ការដឹកជញ្ជូនទាំងរស់

ភោជនីយដ្ឋានលំដាប់ៗគេទាមទារឲ្យក្ដាមនៅរស់សម្រាប់ធ្វើម្ហូប ដូច្នេះស្ដេចក្ដាមមិនត្រូវទុកក្លាសេទាំងងាប់ ឬចាក់សារធាតុគីមីចូលបានទេ ។

៦. ក្ដាមស្រស់មានតាមរដូវ

រដូវល្អបំផុតសម្រាប់នេសាទគឺ ចុងរដូវរងា និងដើមនិទាឃរដូវ ។ ខែមករា និងខែកុម្ភៈ លទ្ធផលនេសាទក្ដាមស្រស់ខ្ពស់មិនគួរឲ្យជឿ ។

៧. មិនអាចចិញ្ចឹមបានទេ

ស្ដេចក្ដាមរស់នៅសមុទ្រទឹកជ្រៅ ដូច្នេះអ្នកមិនអាចចិញ្ចឹមវាបានទេ ។ បរិស្ថានដែលវារស់នៅមានលក្ខខណ្ឌច្បាស់លាស់ ជាពិសេសត្រូវការពេលច្រើនឆ្នាំទម្រាំធំពេញលេញ ។ 

៨. រស់នៅកន្លែងមានលក្ខខណ្ឌច្រើន

ស្តេចក្ដាមរស់នៅក្នុងបរិស្ថានដាច់ស្រយាល ដូច្នេះអ្នកនេសាទអាចធ្វើការ ២០ ម៉ោងក្នុងមួយថ្ងៃ ហើយចំណាយពេលច្រើនសប្តាហ៍ ឬច្រើនខែដើម្បីប្រមូលផលក្តាមស្ទើរតែគ្មានថ្ងៃសម្រាក ។ លើសពីនេះទៀតវារស់នៅជម្រៅប្រហែល ៦០០ហ្វីតពីផ្ទៃសមុទ្រ ។

៩. មានកន្លែងនេសាទពិសេស

ឈូងសមុទ្រអាឡាស្កាជា ជម្រកសត្វក្តាមដែលល្បីជាងគេ ។ ខណៈតំបន់ផ្សេងៗទើបតែមានស្ដេចក្ដាមប្រហែលមួយរយឆ្នាំ ឈូងសមុទ្រអាឡាស្កាមានវត្តមានវាដល់ទៅរាប់ពាន់ឆ្នាំមកហើយ ។

១០. ការនេសាទប្រឈមមុខនឹងគ្រោះថ្នាក់

អ្នកនេសាទអាចទទួលរងពីការថយចុះកម្តៅបន្ទាប់ពីការប៉ះពាល់យូរទៅនឹងខ្យល់ទឹកកក និងសីតុណ្ហភាពទាប បូករួមទាំង ខ្យល់ព្យុះ និងខ្យល់ខ្លាំងក៏អាចធ្វើឱ្យការងារនេះមានគ្រោះថ្នាក់ផងដែរ ។ ឧទាហរណ៍ នៅពេលដែលរលកទឹកកកវាយលុកលើនាវានេសាទ អ្នកនេសាទនៅលើកប៉ាល់តែងតែសើមត្រជាក់ដល់ឆ្អឹង ប្រសិនបើ​ពួកគេ​មិន​អាច​សម្ងួត និងកម្ដៅ​ខ្លួនភ្លាមៗ​ទេនឹងបណ្ដាលឲ្យស្លាប់ដោយសារគាំងបេះដូង ៕

ប្រែសម្រួលដោយ ៖ វារី

ចុចអាន ៖ “ក្ដាម” បង្ហាញខ្លួនក្នុងសុបិន កុំប្រហែសចំពោះស្នេហា និងអាជីពដាច់ខាត

ចុចអាន ៖ ក្ដាមឆៅ អាចបង្កគ្រោះថ្នាក់ ឬមានប៉ារ៉ាស៊ីតក្នុងរាងកាយ អ្នកនិយមហូប គួរប្រុងប្រយ័ត្ន

The post មូលហេតុ ១០ ចំណុច ធ្វើឲ្យស្ដេចក្ដាមមានតម្លៃថ្លៃលើសគេ appeared first on Kampuchea Thmey Daily.

យោងទៅតាមសៀវភៅសិក្សាការបកស្រាយសុបិនបង្ហាញថា សុបិននេះត្រូវបានចាត់ទុកជាប្រផ្នូលសំណាង ដែលអ្នកអាចទទួលបានប្រាក់ចំណូលច្រើនពីការងារកំពុងធ្វើ ឬបើ​ជួញ​ដូរ​ នឹង​បាន​ផល​ចំណេញ គួរជាទីពេញចិត្ត។

ស្នេហា

សុបិនឃើញក្ដាមបញ្ជាក់ថា ស្ថានភាពស្នេហា​ឥឡូវ​នេះ​មិន​ល្អ​នោះទេ។ ការទាស់ទែងសម្ដី អាចកើតមានគ្រប់ពេល ប្រសិនចេះតែនិយាយតាមអារម្មណ៍។ រឿងរ៉ាវស្នេហារបស់អ្នក នឹងពុំមានបញ្ហាអ្នកជ្រៀតជ្រែកទីបីទីបួនអ្វីឡើយ​ ប៉ុន្តែរវាងអ្នកទាំងពីរអាចប៉ះទង្គិចគ្នា ដោយសារភាពអាត្មានិយមរៀងខ្លួន។

អាជីព

ចូរប្រយ័ត្នចំពោះការចាញ់បោកគេ ក្នុងការធ្វើអាជីវកម្ម។ រីឯនៅកន្លែងការងារ អ្នកទើបចូលថ្មីអាចជាគូប្រជែងដ៏ខ្លាំងរបស់អ្នក តម្រូវឱ្យអ្នកខិតខំធ្វើការជាទីបំផុត។

លេខ​សំណាង៖ លេខ៤, ៥, ៩, ៨, ៤៥, ៥៦ និងលេខ ៩៨៕

អត្ថបទ៖ សន្យា

ចុចអាន៖ យល់សុបិនឃើញសត្វ ៥ ប្រភេទនេះ តាមជំនឿ គឺនាំមកនូវលាភ និងលេខសំណាងក្នុងជីវិត

ចុចអាន៖ សុបិនឃើញឃ្មុំមកធ្វើសំបុកក្នុងផ្ទះ ចង់ដាស់តឿនរឿងទាំងនេះ

The post “ក្ដាម” បង្ហាញខ្លួនក្នុងសុបិន កុំប្រហែសចំពោះស្នេហា និងអាជីពដាច់ខាត appeared first on Kampuchea Thmey Daily.

ក្តាម បង្កង និងសត្វសមុទ្រផ្សេងទៀតដែលខ្លះងាប់ ខ្លះរស់ នៅតែបន្តអណ្តែតមកទើរនៅតាមបណ្តោយឆ្នេរ Teeside ចន្លោះភូមិ Marske ដល់ភូមិ Saltburn ហើយអ្នកស្រុកចាត់ទុករឿងនេះថាជា “ទិដ្ឋភាពអាក្រក់បំផុត” ដែលពួកគេមិនធ្លាប់ឃើញទាល់តែសោះ។

ទិដ្ឋភាពនេះ ក៏ត្រូវបានគេមើលឃើញផងដែរនៅតាមឆ្នេរសមុទ្រក្នុងតំបន់ Seaton Carew និងនៅភាគខាងជើង Seaham។

ទីភ្នាក់ងារបរិស្ថានបានបញ្ជាក់កាលពីថ្ងៃចន្ទថា ខ្លួនបានបើកការស៊ើបអង្កេតលើករណីដ៏អាថ៌កំបាំងនេះ ហើយរកមើលថាតើការបំភាយឧស្ម័នខ្ពស់ ត្រូវបានស្តីបន្ទោសឬក៏យ៉ាងណា។

កាលពីជាង២សប្តាហ៍មុន កាសែត TeessideLive បានរាយការណ៍ថា សត្វសមុទ្រងាប់ ត្រូវបានគេប្រទះឃើញនៅតំបន់ Seaton Carew, Redcar និងភាគខាងជើង Seaham។ ទីភ្នាក់ងារបរិស្ថានបានបើកការស៊ើបអង្កេត ហើយមកទល់ពេលនេះមិនទាន់បញ្ចប់នៅឡើយទេ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ មនុស្សរាប់រយនាក់នៅ អង់គ្លេស នាំគ្នាស្រាតននលគកចុះងូតទឹកសមុទ្រ ប្រារព្ធពិធីមួយ

The post ក្តាម បង្កងរាប់ពាន់ក្បាល ងាប់គរដូចភ្នំ យ៉ាងអាថ៌កំបាំងបំផុត លើឆ្នេរសមុទ្រអង់គ្លេស  appeared first on Kampuchea Thmey Daily.