ប៉ុណ្ណឹងមិនទាន់អស់ឡើយ, ពេលនេះ រដ្ឋបាលក្រុងបាងកក បានព្រមានថា សន្ទស្សន៍កម្តៅ ក្នុងរាជធានីប្រទេសថៃ បានឈានដល់កម្រិត «គ្រោះថ្នាក់បំផុត» ហើយ ពោលគឺ វាឈានដល់ ៥២អង្សាសេ ឯណោះ។

សន្ទស្សន៍កម្ដៅ (Heat Index) គឺជាសីតុណ្ហភាពដែល រាងកាយមនុស្សយើង មានអារម្មណ៍ថាក្ដៅជាក់ស្ដែង នៅពេលគេយក កម្ដៅអាកាស (Air Temperature) មកគណនាបញ្ជូលគ្នា ជាមួយ សំណើមទាក់ទង (Relative Humidity)។ និយាយឲ្យងាយយល់ វាគឺជាកម្រិតកម្ដៅ ដែលយើងមានអារម្មណ៍ថា ក្ដៅជាងសីតុណ្ហភាព ដែលឃើញនៅលើ ទែម៉ូម៉ែត្រ។

តាមការផ្សាយរបស់ Bangkok Post នៅថ្ងៃព្រហស្បតិ៍ ទី៣០ ខែមេសា ឆ្នាំ២០២៦, សន្ទស្សន៍កម្តៅ ​នៅបាងកក បានឈានដល់កម្រិតគ្រោះថ្នាក់ធ្ងន់ធ្ងរ ជាលើកដំបូងក្នុងរដូវនេះ ដែលវាបង្កហានិភ័យខ្ពស់​ ដល់ក្រុមមនុស្សងាយរងគ្រោះ ជាពិសេសក្មេងៗអាយុត្រឹម ៥ឆ្នាំ និងមនុស្សចាស់ អាយុ៦០ឆ្នាំឡើង។

តាមពិតទៅ ទីក្រុងបាងកក ត្រូវរងការវាយប្រហារ ដោយរលកកម្តៅខ្លាំងក្លា ចាប់តាំងពីដើមខែមេសា ​មកម្ល៉េះ ប៉ុន្តែទើបតែថ្ងៃព្រហស្បតិ៍នេះទេ ដែលសន្ទស្សន៍កម្តៅ ហក់ឡើងដល់កម្រិតគ្រោះថ្នាក់ធ្ងន់ធ្ងរបំផុត។

ផ្អែកតាមទិន្នន័យពីក្រសួងសុខាភិបាលសាធារណៈថៃ, ជាមធ្យម មនុស្ស ២៧នាក់ បានបាត់បង់ជីវិតក្នុងមួយឆ្នាំ ដោយសារជំងឺដាច់សរសៃឈាមខួរក្បាល ពាក់ព័ន្ធនឹង រលកកម្តៅ។

ក្នុងនោះ អ្វីដែលគួរឲ្យកត់សម្គាល់គឺ ឆ្នាំ២០២៤ ជាឆ្នាំ ដែលមានមនុស្សស្លាប់ច្រើនបំផុត ពោលគឺរហូតដល់ទៅ ៦១នាក់ឯណោះ៕

អត្ថបទ៖ សុខ សុវណ្ណ

The post សន្ទស្សន៍កម្តៅ នៅបាងកក ឈានដល់កម្រិត «គ្រោះថ្នាក់បំផុត» ៥២ អង្សាសេ appeared first on Kampuchea Thmey Daily.

សន្ទស្សន៍កម្ដៅ (Heat Index) គឺជាសីតុណ្ហភាពដែល រាងកាយមនុស្សយើងមានអារម្មណ៍ថាក្ដៅជាក់ស្ដែង នៅពេលគេយក កម្ដៅអាកាស (Air Temperature) មកគណនាបញ្ជូលគ្នាជាមួយ សំណើមទាក់ទង (Relative Humidity)។ និយាយឲ្យងាយយល់ វាគឺជាកម្រិតកម្ដៅដែលយើង មានអារម្មណ៍ថា ក្ដៅជាងសីតុណ្ហភាពដែលឃើញនៅលើទែម៉ូម៉ែត្រ។

តាមការផ្សាយរបស់ Bangkok Post នៅថ្ងៃព្រហស្បតិ៍ទី២៦ខែមីនាឆ្នាំ២០២៦ ដែលដកស្រង់ប្រភពពីនាយកដ្ឋានខាងលើ, ប៉ុន្មានថ្ងៃខាងមុខ សីតុណ្ហភាពនឹងលោតដល់៣៤ទៅ៣៩°Cឯណោះ។

ពាក់ព័ន្ធរឿងនេះ ថៃបានចេញការព្រមានឲ្យពលរដ្ឋប្រយ័ត្នជាពិសេសក្រុមមានហានិភ័យដូចជា៖ កុមារតូចៗដែលមានអាយុរហូតដល់៥ឆ្នាំ, មនុស្សចាស់អាយុ៦០ឆ្នាំឡើង, ស្ត្រីមានផ្ទៃពោះ, អ្នកមានជំងឺរ៉ាំរ៉ៃ, មនុស្សធាត់ខ្លាំង, អ្នកទទួលទានគ្រឿងស្រវឹង, អ្នកធ្វើការនៅទីវាល (ក្រៅអគារ), អ្នកដែលហាត់ប្រាណនៅទីវាល និងភ្ញៀវទេសចរ។

មុននេះ ថៃបានចេញការព្រមានរួចហើយដែរ អំពីរលកកម្តៅក្នុងកម្រិតធ្ងន់ធ្ងរ រហូតដល់ចុងខែមីនា ដោយសីតុណ្ហភាពនៅតំបន់ខ្លះ នឹងកើនលើស៤០°C ឯណោះ។

យោងតាមនាយកដ្ឋានឧតុនិយម, រលកកម្តៅនឹងវាយប្រហារប្រទេសថៃ រហូតដល់ថ្ងៃទី៣០ខែមីនា ខណៈតំបន់ប៉ែកខាងជើងនិងកណ្តាល នឹងរងគ្រោះខ្លាំងជាងគេ។

ក្រៅពីកម្តៅ ក៏អាចមានបាតុភូតផ្គររន្ទះនិងខ្យល់កន្ត្រាក់នៅតាមតំបន់មួយចំនួននៃភាគខាងជើង ភាគខាងកើត និងកណ្តាលផងដែរ ដោយសារប្រព័ន្ធសម្ពាធទាប៕

អត្ថបទ៖ សុខ សុវណ្ណ

The post សន្ទស្សន៍កម្តៅនៅបាងកក ឈានដល់កម្រិតគ្រោះថ្នាក់  appeared first on Kampuchea Thmey Daily.