បើតាមក្រសួងអប់រំ កម្មវិធីនេះត្រូវបានរៀបចំឡើងដើម្បីផ្តល់មូលដ្ឋានគ្រឹះនៃការអប់រំបច្ចេកវិទ្យាដល់ក្មេងស្រី លើកកម្ពស់ការចូលរួម និងការឈោងចាប់អាជីព​ កាត់បន្ថយគម្លាតយេនឌ័រក្នុងវិស័យបច្ចេកវិទ្យា បញ្ជ្រាបឧស្សាហកម្ម Game Education ក្នុងវិស័យអប់រំ កែប្រែក្មេងស្រីមិនត្រឹមតែជាអ្នកប្រើប្រាស់បច្ចេកវិទ្យា ប៉ុន្តែក្លាយជាអ្នកបង្កើតប្រកបដោយនវានុវត្ត។

កម្មវិធីប្រកួតថ្នាក់ជាតិនេះ រៀបចំដោយនាយកដ្ឋានបរិវត្តកម្មឌីជីថលក្រសួងអប់រំ យុវជន និងកីឡា សហការជាមួយអង្គការយូនីសេហ្វ ដែលជាកម្មវិធីប្រកួតប្រជែងថ្នាក់ជាតិលេីកទី១​ នៅកម្ពុជា​ ដែលមានអ្នកចូលរួមប្រមាណ១០០នាក់​ នៅថ្ងៃទី២៨ ខែធ្នូ។ កម្មវិធីនេះមានការចូលរួមប្រកួតពី៣៥ក្រុម មកពីសាលាគោលដៅអនុវត្តកម្មវិធីបំណិនជីវិតតាមមូលដ្ឋានចំនួន៤០សាលា។

បន្ទាប់ពីធ្វើការចម្រាញ់ក្រុមដែលបានឡើងទៅកាន់វគ្គផ្ដាច់ព្រ័តចំនួន៨ក្រុម ដោយចែកចេញពីរកម្រិត ៤ក្រុមអនុវិទ្យាល័យ និង ៤ក្រុមទៀតកម្រិតវិទ្យាល័យ មកពីខេត្តចំនួន ៥ គឺ សៀមរាប បាត់ដំបង ស្ទឹងត្រែង តាកែវ និងកំពង់ចាម។ សម្រាប់ ក្រុមដែលបានជ័យលាភីកម្រិតអនុវិទ្យាល័យ គឺក្រុម SAMAKY មកសាលាអនុវិទ្យាល័យ ហ៊ុន សែន សាមគ្គី ខេត្តស្ទឹងត្រែង។ ចំណែក ក្រុមដែលបានជ័យលាភីកម្រិតវិទ្យាល័យគឺក្រុម Small Tec មកសាលាវិទ្យាល័យ សុខ អាន សំរោង ខេត្តតាកែវ។ រីឯ ក្រុមជ័យលាភី ប្រជាប្រិយភាព ផ្កាត្បូងទទឹម មកពីសាលាអនុវិទ្យាល័យ សុខអាន ចំបក់បិទមាស។ នេះបើតាមការផ្សាយរបស់ក្រសួងអប់រំ៕

The post ក្រសួងអប់រំ៖ កម្មវិធីប្រកួតអប់រំបង្កើតហ្គេម បង្ហាញពីសមត្ថភាពក្មេងស្រីក្នុងបច្ចេកវិទ្យា appeared first on Kampuchea Thmey Daily.

មនុស្សគ្រប់វ័យ អាចតស៊ូជាមួយនឹងធ្វើការដោយទំនុកចិត្ត មិនថាកន្លែងធ្វើការ សាលារៀន ឲ្យតែមានការតាំងចិត្ត តស៊ូនិងជម្នះ ធ្វើឲ្យបាន នោះប្រាកដជាបានមិនខាន។

១ ចាប់ផ្តើមតូច Brigham និយាយថា “នៅពេលដែលអ្នកធ្វើអ្វីមួយកាន់តែច្រើន នោះ​ទទួល​បាន​បទពិសោធន៍​កាន់​តែ​ច្រើន ហើយកាន់តែមានទំនុកចិត្ត អ្នកកាន់តែមានទំនុកចិត្ត អ្នកនឹងអាចធ្វើសកម្មភាពកាន់តែ​ច្រើន” ។ “ការចាប់ផ្តើមគឺតែងតែជាផ្នែកដ៏លំបាកបំផុត ដូច្នេះត្រូវបង្កើត​គោលដៅ​ដែល​តូច និងអាច​វា​ធ្វើបាន។ អ្នកចង់បង្កើតជំហានដែលអាចអនុវត្តបាន ដែលដឹងថា អ្នកអាចសម្រេចបាន ព្រោះវានឹងជួយអ្នកបង្កើត​សន្ទុះ​ទៅមុខ។

២ អនុវត្តការចូលរួមការសន្ទនា

ការស្ដាប់ជជែកសួរនាំ គឺជាគន្លឹះមួយ ដែលនាំឲ្យយើងកាន់តែក្លាហាន​ និងមានទំនុកចិត្ត​នៅ​កណ្ដាល​ចំណោម​មនុស្ស​ជា​ច្រើន។ កុំ​ខ្លាច​ក្នុង​ការ​និយាយ​ជាមួយ​អ្នកណា​ម្នាក់​ មិន​ថា​យើង​ស្គាល់​ ឬ​មិន​ស្គាល់​ តែ​កាល​បើ​និយាយ​ នឹង​ធ្វើ​ឲ្យ​យើង​ស្គាល់​មនុស្ស​ច្រើន​ ឈប់​ខ្លាច​មនុស្ស។

៣ ធ្វើជាអ្នកបង្កើតថ្ងៃខ្លួនឯង លោក David Wagner នាយក​ប្រតិបត្តិ​នៃ Juut Salonspa និយាយ​ថា “អ្នក​បង្កើត​ថ្ងៃ” មិន​ត្រឹម​តែ​ឆ្លង​កាត់​ចលនា​នៅ​កន្លែង​ធ្វើការ​ប៉ុណ្ណោះ​ទេ ប៉ុន្តែ​ការ​ជ្រើសរើស​យ៉ាង​សកម្ម​ ដើម្បី​ក្លាយ​ជា​ប្រភព​នៃ​ភាព​វិជ្ជមាន និង​ការ​លើកទឹកចិត្ត។ ជាមួយ​នឹង​អ្វី​គ្រប់យ៉ាង​ដែល​អ្នក​សរសេរ រាល់​អ៊ីមែល រាល់​អត្ថបទ​ អ្នក​មាន​ឱកាស​ដើម្បី​បង្កើត​ថ្ងៃ​របស់​ខ្លួនឯង ​ដើម្បី​ជជែក​ផ្ដល់​មតិ​យោបល់ ក្នុងថ្ងៃនោះ។

៤ កំណត់អត្តសញ្ញាណអសន្តិសុខរបស់ខ្លួនឯង ការកំណត់គោលដៅ មានសារៈសំខាន់ ប៉ុន្តែការកំណត់ការភ័យខ្លាច និងអសន្តិសុខខ្លួនឯង ​គឺសំខាន់​ជាង។ សូម​សួរ​ខ្លួន​អ្នក​ថា​៖ ខ្ញុំ​ខ្មាស​គេ ឬ​ខ្មាស​អ្វី? តើ​ខ្ញុំ​ខ្លាច​អ្វី​ដែល​អ្នក​ផ្សេង​អាច​រក​ឃើញ​ពី​ខ្ញុំ? បន្ទាប់មកធ្វើបញ្ជី។ យើងទាំងអស់គ្នាមានពួកគេ ដូច្នេះកុំខ្មាស់អៀន។ ការបង្កើតបញ្ជីនេះ នឹងជួយអ្នក​ឲ្យ​ទទួលស្គាល់ពួកគេ និងទទួលយកការពិតផ្សេងៗ។

៦ អនុវត្តការសម្រេចចិត្ត ប្រសិនបើ​ចង់​សម្រេច​បាន​នូវ​ទំនុក​ចិត្ត​លើ​ខ្លួនឯង ​ពិតប្រាកដ​នោះ ត្រូវ​តែ​អាច​ធ្វើការ​សម្រេចចិត្ត​បាន​លឿន។ ភាគច្រើននៃពួកយើង មានកំហុសនៃការគិតហួសហេតុ និង​ការ​វិភាគ​លើស​កំណត់​រាល់​ជម្រើស​តូចៗ។ នេះនឹងធ្វើឲ្យ​​អ្នកបាត់បង់ទំនុកចិត្តលើខ្លួនឯង ដោយសារតែអ្នកកំពុង​ហ្វឹកហាត់ខ្លួនឯង ​​ឲ្យ​សង្ស័យពីសភាវគតិ។ ជំនួសមកវិញ ត្រូវតែបង្កើតការសម្រេចចិត្ត ដោត​អនុវត្តការសម្រេចចិត្តប្រចាំថ្ងៃ។

៧ ប្រើក្លិនក្រអូប នៅពេលយើងបាញ់ទឹកអប់​ មិនត្រឹមតែមនុស្សជុំវិញខ្លួន នឹក​ក្លិនវាប៉ុណ្ណោះទេ សូម្បីតែយើងខ្លួនឯង ក៏មានអារម្មណ៍ថា មានក្លិនក្រអូប​នៅលើអាកាស។ ក្លិនក្រអូបដែលត្រូវបានជ្រើសរើស​យ៉ាងល្អ នឹងក្លាយជាអាវុធទំនុកចិត្តសម្ងាត់របស់អ្នក។ ទឹកអប់ប្រៀបដូចជាយុថ្កាផ្លូវចិត្ត នៅពេលអ្នកចាប់ដបមួយ ហើយបាញ់វាលើដងខ្លួន អ្នកធ្វើវាដើម្បឲ្យមានអារម្មណ៍ប្រសើរឡើង ដើម្បីបំពេញរូបភាពផ្ទាល់ខ្លួន នោះផ្សារភ្ជាប់ដំណើរការនេះ ជាមួយនឹង​អារម្មណ៍រឹងមាំដែលផ្តល់ទំនុកចិត្ត​ដល់យើងខ្លួនឯង៕

ប្រែសម្រួល៖ សាង ស្រីល័ក្ខ

ចុចអាន៖៣ចំណុច​​ដែល​អាច​បំផ្លាញ​ការ​និយាយ​លើ​ឆាក ទោះ​អ្នក​មាន​ទំនុកចិត្ត​ខ្ពស់​យ៉ាង​ណា​ក្តី

ចុចអាន៖សមត្ថភាព​ធំ​មួយ​ក្នុង​ភាព​ជា​អ្នកដឹកនាំ គឺ​ស្គាល់​បញ្ហា​មុន​ពេល​ក្លាយ​មក​ជា​អាសន្ន

The post ៨ គន្លឹះ កាន់តែមានទំនុកចិត្តក្នុងជីវិត ទោះបីជួបជជែកជាមួយមនុស្សប្លែកមុខ appeared first on Kampuchea Thmey Daily.

កំណត់​បញ្ហា​អាទិភាព

ការ​មក​ដំណោះស្រាយ​អ្វីៗឆាប់​ពេក ច្រើន​តែ​មិន​អាចស្រង់បញ្ហាបានពេញលេញទេ។ ផ្ទុយ​ទៅវិញ មេដឹកនាំ​ចាំបាច់ត្រូវ ចេះ​វិនិយោគ​ពេលវេលា​ស្វែងយល់និងកំណត់វិសាលភាពនៃបញ្ហាដើម្បីបង្កើតដំណោះស្រាយល្អ ៗ ដែលមិនមែន​លទ្ធផល​បានមក បន្តិច​ទៀតកើតមកវិញច្រំដែល។

គេត្រូវ​វិភាគបញ្ហា

មេដឹកនាំ​ត្រូវចេះវាយតម្លៃកំរិតដែលបញ្ហា ឧទាហរណ៍ថា​បើទុកបន្ត វា​ជះឥទ្ធិពលដល់ផ្នែកណាទៀត? ការវិភាគ​គឺរកមើលលំអិត​ជាមួយ​សួរសំណួរថា តើនរណានរណាបង្ករ? មកពីអ្វី? កាលពីពេលណា? នៅកន្លែងណា?

ប្រើទិន្នន័យ

ទិន្នន័យផ្តល់នូវទស្សនវិស័យផ្អែកលើការពិត លើបញ្ហា ហើយអាចជួយកំណត់បញ្ហាបានត្រឹមត្រូវភាគរយច្រើន។ ស្វែងយល់ពីប្រភេទទិន្នន័យដែលមានតាមវិធីច្បាស់លាស់ ដែលអាចគាំទ្រទៅដល់​ដំណោះស្រាយ។

ការនិយាយតទល់

មេដឹកនាំ​ត្រូវចេះរបៀបនិយាយឲ្យចេញចម្លើយពិត! កុំនិយាយថា​ខ្ញុំហត់ណាស់​ នៅចំពោះមុខការដោះស្រាយបញ្ហា! ចូរបណ្ដុះជំនាញទំនាក់ទំនងល្អ ៗ ដើម្បី ​ឲ្យយើងអាចបញ្ជូនទិន្នន័យ​នៃបញ្ហាច្បាស់ដល់អ្នកពាក់ព័ន្ធសំខាន់ៗរហូតដល់វាត្រូវបានដោះស្រាយ។

តម្លាភាព

ភាពត្រឹមត្រូវមិនកុហក​បោកប្រាស់​លំអៀង​ គឺជាអង្គសំខាន់នៃការប្រាស្រ័យទាក់ទងដើម្បីធានាបាននូវការយល់ដឹងអំពីបញ្ហាទាំងអស់ឈានដល់ដំណោះស្រាយ ព្រោះអ្នកត្រូវយល់ពីទស្សនៈនិងកង្វល់ផ្សេងៗជាមុនច្បាស់​សិន មុននឹងរើសបាននូវវិធីដោះស្រាយត្រឹមត្រូវ។ ពេលខ្លះវាអាចតម្រូវ ឲ្យសមាជិកក្រុមទទួលខុសត្រូវចំពោះការផ្តល់យោបល់ត្រឡប់ប្រកបដោយភាពស្មោះត្រង់ ។ ក្នុងនាមជាមេដឹកនាំ ចូរចាំថា មិនមែនគ្រប់គ្នាសុទ្ធតែមានអារម្មណ៍ស្រួល ក្នុងការចែករំលែក ឬហ៊ាន បញ្ចេញ​មតិអវិជ្ជមានឬជំទាស់នោះទេ។

ត្រូវបើកចិត្តអោយទូលាយ

ការដោះស្រាយបញ្ហាមិនអាចធ្វើបានល្អទេប្រសិនបើអ្នកដឹកនាំមានការធុញទ្រាន់ ឬ ឲ្យតម្លៃស្ថានការណ៍ទាប។ អ្នកនាំ​តម្រូវ ឲ្យមាន​សមត្ថភាពដើម្បីវាយតម្លៃបញ្ហា និងបើកចំហដើម្បីទទួលយកហានិភ័យស្វែងរកវិធីសាស្រ្តដែលប្រសើរនិងថ្មីជាងបច្ចុប្បន្ន។ ការដោះស្រាយបញ្ហាត្រូវបានធ្វើឡើងយ៉ាងល្អបំផុតនៅពេលដែលមនុស្សជាច្រើនអាចចូលរួមចំណែកជាគំនិតនិងជំនាញ។

រៀនពីកំហុស

នៅពេលដែលបញ្ហាត្រូវបានរកឃើញនិងវិភាគរួចរាល់ត្រឹមត្រូវ ឈានដល់ដំណោះស្រាយ​លើកទីមួយ ការរៀនពីកំហុសគឺជាផ្នែកមួយនៃការលូតលាស់និងការអភិវឌ្ឍ។ កំហុសអាចផ្តល់នូវឱកាសនៃការរៀនសូត្រនិងធ្វើ​ឲ្យប្រសើរឡើងនូវដំណើរការក៏ដូចជាវិធីសាស្រ្តរបស់រចនាសម្ព័នដឹកនាំក្នុងស្ថាប័នទាំងមូល ដរាបណាអ្នកពេញចិត្តនឹងចាត់វាថាជាឱកាសរៀន៕

ប្រែសម្រួល៖ ស្រស់

ចុចអាន៖ភាព​ជា​អ្នកដឹកនាំ​កំពូល​ក្នុង​វិបត្តិ​កូវីដ​ តើ​អ្នក​គួរ​ប្រកាន់​កិរិយា​បែប​ណា?

ចុចអាន៖ជួប​សមាជិក​ក្រុម​ដែល​ពិបាក​ធ្វើការ​ជាមួយ ​ក្នុងនាម​ជា​មេក្រុម ​គួរ​ធ្វើ​យ៉ាងម៉េច?

The post សមត្ថភាព​ធំ​មួយ​ក្នុង​ភាព​ជា​អ្នកដឹកនាំ គឺ​ស្គាល់​បញ្ហា​មុន​ពេល​ក្លាយ​មក​ជា​អាសន្ន appeared first on Kampuchea Thmey Daily.