អគ្គនាយកមន្ទីរពេទ្យគន្ធបុប្ផា គូសបញ្ជាក់ថា អស់រយៈពេល៣២ឆ្នាំមកហើយ ព្រះបរមរតនកោដ្ឋ សម្ដេច​ព្រះ នរោត្ដម សីហនុ និងព្រះវររាជមាតាជាតិខ្មែរ នរោត្តម មុនិនាថ សីហនុ តែងតែគាំទ្រដល់មន្ទីរពេទ្យគន្ធបុប្ផាដែលមានបេសកកម្មសង្គ្រោះជីវិតកុមារ និងស្ត្រីកម្ពុជា។

លោក Denis Lurent មន្ទីរពេទ្យគន្ធបុប្ជាអាចបំពេញបេសកកកម្មសង្គ្រោះជីវិតកុមារ និងស្ត្រីកម្ពុជាទៅបាន គឺដោយសារមានកិច្ចសហការគាំទ្រពីមូលនិធិគន្ធបុប្ជាស្វីស ក៏ដូចជាមូលនិធិគន្ធបុប្ជាកម្ពុជា ដែលជាក្តីស្រម៉ៃមួយរបស់លោកវេជ្ជបណ្ឌិត Beat Richner  ដែលលោកចង់ឱ្យមន្ទីរពេទ្យគន្ធបុប្ជា ជាមន្ទីរពេទ្យគ្រប់គ្រងដោយបុគ្គលិក និងគ្រូពេទ្យខ្មែរហើយឥឡូវនេះក្តីស្រម៉ៃរបស់លោក គឺបានសមេ្រចហើយ ព្រោះបច្ចុប្បន្នមន្ទីរពេទ្យគន្ធបុប្ផាទាំងនៅរាជធានីភ្នំពេញ និងនៅសៀមរាប គឺមន្ទីរពេទ្យដំណើរការទៅបានដោយមានគ្រូពេទ្យ និងបុគ្គលិកខ្មែរទាំងអស់។

នាយករង នៃអង្គភាពប្រតិបត្តិមូលនិធិគន្ធបុប្ផាកម្ពុជា លោក យោគ សាមឌី  មានជំនឿយ៉ាងមុតមាំថា ព្រះរាជទ្រព្យរបស់ព្រះវររាជមាតាជាតិខ្មែរ នឹងបន្តចូលរួមដល់ចីរភាពរបស់មន្ទីរពេទ្យគន្ធបុប្ជាទាំងនៅរាជធានីភ្នំពេញ និងនៅសៀមរាប ឱ្យបន្តបេសកម្មសង្រ្គោះជីវិតកុមារកម្ពុជារាប់លាននាក់ និងបន្តបេសកម្មមនុស្សធម៌។

របាយការណ៍សង្ខេបឱ្យដឹងថា ក្នុងឆ្នាំ២០២៥ មន្ទីរពេទ្យគន្ធបុប្ផាទាំងនៅសៀមរាប និងនៅរាជធានីភ្នំពេញ បានផ្តល់សេវាពិនិត្យ និងព្យាបាលជំងឺជូនទារក កុមារ និងស្ត្រីមានផ្ទៃពោះសរុបចំនួនជាង១, ៤ លានករណី ក្នុងនេះរួមមាន ៖ ការពិនិត្យ និងព្យាបាលនៅផ្នែកពិគ្រោះជំងឺក្រៅជិត១១ម៉ឺនករណី។ ទារក និងកុមារមានជំងឺធ្ងន់ធ្ងរដាក់ឱ្យសម្រាកព្យាបាលនៅក្នុងមន្ទីរពេទ្យជាង ២៣ម៉ឺននាក់។ កុមារឆ្លងជំងឺគ្រុនឈាមជិត២ម៉ឺន៣នាក់។ កុមារដែលត្រូវព្យាបាល និងវះកាត់ទូទៅជិត៣ម៉ឺន៥ពាន់នាក់។ កុមារមានជំងឺបេះដូងពីកំណើតដែលត្រូវវះកាត់ជាង ១ពាន់នាក់។ ស្រ្តីមានផ្ទៃពោះបានមកទទួលសេវាពិនិត្យ និងតាមដានផ្ទៃពោះនៅផ្នែកជំងឺក្រៅនៅមន្ទីរពេទ្យគន្ធបុប្ផាសៀមរាបជិត១១ម៉ឺនករណី និងសម្រាលកូនជាង ២ម៉ឺន៥ពាន់នាក់។

តាមរយៈនេះ មន្ទីរពេទ្យគន្ធបុប្ផាបានចំណាយថវិកាសរុបចំនួនជាង ៤៦ លានដុល្លារអាម៉េរិក ដើម្បីបន្តបេសកកម្មរបស់ខ្លួន ក្នុងផ្តល់សេវាពិនិត្យ និងព្យាលជំងឺទារក និងកុមារ ព្រមទាំងសេវាសម្ភពជូនស្ត្រីមានផ្ទៃពោះ ដោយឥតគិតថ្លៃ និងប្រកបដោយគុណភាព៕

The post អគ្គនាយកមន្ទីរពេទ្យគន្ធបុប្ផា៖ព្រះរាជទ្រព្យដែលហ្លួងម៉ែប្រទានជាប្រចាំ បានសង្គ្រោះជីវិតកុមារ និងស្ត្រីកម្ពុជា appeared first on Kampuchea Thmey Daily.

ក្រសួងព្រះបរមរាជវាំង ឱ្យដឹងថា ព្រះករុណាព្រះមហាក្សត្រ សម្តេចព្រះបរមនាថ នរោត្តម សីហមុនី និងសម្តេចព្រះមហាក្សត្រី សម្តេចព្រះវររាជមាតាជាតិខ្មែរ នរោត្តម មុនិនាថ សីហនុ ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គតែងតែមានព្រះរាជហឫទ័យ នឹករឭកដល់ប្រជារាស្ត្រជាកូនចៅ ចៅទូតរបស់ព្រះអង្គ នៅទូទាំងប្រទេស។ ជាពិសេស ព្រះអង្គ ទាំងទ្វេតែងតែមានព្រះរាជហឫទ័យព្រួយបារម្ភដល់យុទ្ធជន និងយុទ្ធនារី នៅតាមព្រំដែន និងប្រជារាស្ត្រ ដែលកំពុងជួបទុក្ខលំបាក។

ក្រសួងព្រះបរមរាជវាំង បន្ថែមថា ក្នុងពេលបច្ចុប្បន្ននេះ ព្រះករុណាជាអម្ចាស់ជីវិតលើត្បូង និងសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គកំពុងគង់ប្រថាប់នៅទីក្រុងប៉េកាំង ប្រទេសចិន តាមសំណូមពររបស់ថ្នាក់ដឹកនាំចិន និងវេជ្ជបណ្ឌិតនៃមន្ទីរពេទ្យប៉េកាំង ដើម្បីពិនិត្យព្រះរាជសុខភាពតាមពេលវេលាដែលពេទ្យបានកំណត់។

សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ប្រសូតនៅថ្ងៃទី១៨ ខែមិថុនា ឆ្នាំ១៩៣៦។ មកដល់ថ្ងៃទី១៨ ខែមិថុនា ឆ្នាំ២០២៥ សម្ដេចម៉ែ ទ្រង់ចម្រើនព្រះជន្មគម្រប់​ ៨៩ យាងចូល​ ៩០ព្រះវស្សា​៕

The post សម្តេចម៉ែ មានព្រះប្រឈួនកំពុងគង់ប្រថាប់ក្នុងមន្ទីរពេទ្យនៅចិន ដោយមានក្រុមគ្រូពេទ្យថែរក្សាថ្វាយបានយ៉ាងល្អ​ appeared first on Kampuchea Thmey Daily.

នេះបើយោងតាមសារលិខិតថ្លែងអំណរព្រះរាជគុណមួយច្បាប់របស់លោកឃួង ស្រេង អភិបាលរាជធានីភ្នំពេញ ដែលសារលិខិតនេះមានន័យថា៖ សូមក្រាបបង្គំទូលថ្វាយ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និង សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត។

បពិត្រ ព្រះករុណាជាអម្ចាស់ជីវិតលើត្បូង និងសម្តេចព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត! ក្នុងនាមរដ្ឋបាលរាជធានីភ្នំពេញ និងក្នុងនាមគណៈបញ្ជាការឯកភាពរដ្ឋបាលរាជធានីភ្នំពេញ ទូលព្រះបង្គំ យើងខ្ញុំទាំងអស់គ្នា សូមថ្លែងអំណរព្រះរាជគុណយ៉ាងជ្រាលជ្រៅជាទីបំផុត ដោយបានទទួលនូវព្រះរាជទ្រព្យចំនួន ៧.០០០.០០០៛ (ប្រាំពីរលានរៀល) ដែលជាការព្រះរាជទាន់ដ៏ថ្លៃថ្លាបំផុតអំពី ព្រះករុណាជាអម្ចាស់ជីវិតលើត្បូង និងសម្តេចព្រះមហាក្សត្រី ព្រះវររាជ មាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យ ប្រោសព្រះរាជូបត្ថម្ភដល់កងកម្លាំង (ប្រាំលានរៀល) ក្រុមគ្រូពេទ្យប្រចាំការ និងក្រុមអ្នកសម្អាតអនាម័យ (ពីរលានរៀល) ក្នុងព្រះរាជពិធីបុណ្យអុំទូក បណ្តែតប្រទីប និងអកអំបុក សំពះព្រះខែ ឆ្នាំ២០២៤។

ទូលព្រះបង្គំ យើងខ្ញុំទាំងអស់គ្នា សូមព្រះបរមរាជានុញ្ញាតអភិវន្ទលំឱនកាយវាចាចិត្ត ក្រាបបង្គំសម្តែងនូវកត្តញ្ញូកតវេទិតាធម៌ ដ៏ជ្រាលជ្រៅ ថ្វាយចំពោះ ព្រះករុណាជាអម្ចាស់ជីវិតលើត្បូង និងសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ចំពោះការព្រះរាជទាននូវព្រះរាជទ្រព្យដ៏ថ្លៃថ្លា ដែលជាការលើកទឹកចិត្តដ៏ធំធេង ដល់ កងកម្លាំង ក្រុមគ្រូពេទ្យប្រចាំការ និងក្រុមអ្នកសម្អាតអនាម័យ ដែលជាប្រជារាស្ត្ររបស់ព្រះអង្គ ដើម្បីបន្តថែរក្សាសន្តិសុខ សុវត្ថិភាព និងសណ្តាប់ធ្នាប់សាធារណៈ ក៏ដូចជាសេវាសុខាភិបាលបឋម និងការសម្អាតអនាម័យ-បរិស្ថាន បម្រើជូនភ្ញៀវ ទេសចរណ៍ជាតិ និងអន្តរជាតិ ដែលអញ្ជើញមកទស្សនា និងដើរកម្សាន្តក្នុងព្រះរាជពិធីបុណ្យនេះ ប្រកបដោយភាពអធិកអធម និងសប្បាយរីករាយយ៉ាងក្រៃលែង។

ស្ថិតក្នុងឱកាសដ៏មហាជ័យមង្គលាភិរម្យថ្លៃថ្លានេះ ទូលព្រះបង្គំ យើងខ្ញុំទាំងអស់គ្នា សូមក្រាបបង្គំសម្តែងថ្វាយនូវព្រះសព្ទ សាធុការពរជ័យ និងសូមលើកហត្ថប្រណម្យបួងសួងដល់គុណបុណ្យព្រះរតនត្រ័យ កែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតាថែរក្សាទឹកដីនៃព្រះរាជាណាចក្រកម្ពុជា ឫទ្ធិបារមីទេវតាថែរក្សាព្រះមហាស្វេតច្ឆត្រ សូមជួយបីបាច់ថែរក្សា អភិបាល ប្រោះព្រំព្រះសព្ទសាធុការពរជ័យ បគ្រប់ប្រការ ថ្វាយជូន ព្រះករុណាជាអម្ចាស់ជីវិត វិតលើត្បូង នឹងសម្តេចព្រះមហាក្សត្រី បានស ដើម្បីគង់ប្រថាប់ជាម្លប់ដ៏សុខក្សេមក្សាន្តសម្រាប់ប្រជារាស្ត្រខ្មែរជានិច្ចនិរន្តរ៍។ សុខៈ ពលៈ កុំបីឃ្លៀងឃ្លាតឡើយ សូមព្រះករុណាជាអម្ចាស់ជីវិតលើត្បូង និងសម្តេចព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ទ្រង់ព្រះមេត្តាទទួលនូវភក្តីភាពដ៏ស្មោះស្ម័គ្រ និងអភិវន្ទនកិច្ចដ៏ខ្ពង់ខ្ពស់បំផុតពីទូលព្រះបង្គំ យើងខ្ញុំទាំងអស់គ្នា៕

អត្ថបទ៖ ស្រីរ័ត្ន

The post ព្រះមហាក្សត្រនិងសម្តេចព្រះមហាក្សត្រី នរោត្តម មុនិនាថ សីហនុ ព្រះរាជូបត្ថម្ភដល់កងកម្លាំង ក្រុមគ្រូពេទ្យប្រចាំការ និងក្រុមអ្នកសម្អាតអនាម័យ៧លានរៀល appeared first on Kampuchea Thmey Daily.

ក្នុងសម័យប្រជុំដំបូង ព្រឹទ្ធសភា នាថ្ងៃទី៣ ខែមេសា ឆ្នាំ២០២៤ សម្ដេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជាប្រធានគណបក្សប្រជាជនកម្ពុជា ដែលជាបេក្ខជនជាប់ឆ្នោតព្រឹទ្ធសភា ត្រូវបានសមាជិក-សមាជិកាព្រឹទ្ធសភា បោះឆ្នោតគាំទ្រជាឯកច្ឆន្ទដោយសំឡេង ៦២លើ៦២ ឱ្យធ្វើជាប្រធានព្រឹទ្ធសភាកម្ពុជា សម្រាប់នីតិកាលទី៥។

សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ បានប្រទានព្រះរាជសារសម្តែងនូវក្តីសោមនស្សរីករាយអបអរសាទរសម្តេចតេជោ ហ៊ុន សែន ដែលត្រូវបានសម័យប្រជុំដំបូងនៃព្រឹទ្ធសភា នីតិកាលទី៥ បោះឆ្នោតជ្រើសតាំងជាប្រធានព្រឹទ្ធសភាកម្ពុជា សម្រាប់នីតិកាលទី៥នេះ។

សម្ដេចព្រះមហាក្សត្រី បានបង្ហាញនូវការកោតសរសើរចំពោះសម្តេចតេជោ ដែលមានគុណបំណាច់ដ៏ថ្លៃថ្លា វីរភាពដ៏ឧត្តុង្គឧត្តម ក្នុងភារកិច្ចជាអគ្គមគ្គុទ្ទេសក៍ដឹកនាំប្រទេសប្រកបដោយគតិបណ្ឌិតដ៏ឆ្នើម ប៉ិនប្រសប់ និងឈ្លាសវៃ ធ្វើឱ្យកម្ពុជា មានសុខសន្តិភាព ស្ថិរភាពសង្គម និងការអភិវឌ្ឍជាតិរីកចម្រើនលើគ្រប់វិស័យ និងទទួលបានមហាជោគជ័យក្នុងការដឹកនាំប្រទេសជាតិមានភាពល្បីរន្ទឺនៅលើឆាកជាតិ និងអន្តរជាតិ។

សម្ដេចម៉ែ ក៏បានសម្ដែងព្រះហឫទ័យជឿជាក់ថា សម្តេចតេជោ ហ៊ុន សែន ព្រមទាំងសមាជិក សមាជិកា នឹងបន្តដឹកនាំព្រឹទ្ធសភា ក្នុងការរៀបចំ និងពិនិត្យច្បាប់ជាតិ ឱ្យបានគ្រប់គ្រាន់ ត្រឹមត្រូវ ស្របតាមរដ្ឋធម្មនុញ្ញកម្ពុជា នឹងមានការគោរពប្រតិបត្តិច្បាប់ឱ្យបានល្អ ដោយថែរក្សាវប្បធម៌ ប្រពៃណី ទំនៀមទម្លាប់ សីលធម៌ជាតិ ព្រមទាំងការពារបរិស្ថាន និងធនធានធម្មជាតិឱ្យបានគង់វង្ស។ ហ្លួងម៉ែ បានចាត់ទុកថា កិច្ចការទាំងនេះ ជាកត្តាគន្លឹះដ៏សំខាន់សម្រាប់ទ្រទ្រង់ដល់ស្ថិរភាព សង្គម និងសេដ្ឋកិច្ចជាតិ៕

The post សម្ដេចម៉ែ៖ សម្ដេចតេជោ នឹងបន្តដឹកនាំព្រឹទ្ធសភារៀបចំច្បាប់ឱ្យបានគ្រប់គ្រាន់ ស្របតាមរដ្ឋធម្មនុញ្ញ appeared first on Kampuchea Thmey Daily.

យោងតាមព្រះរាជសារ ព្រះរាជដំណាក់ខេត្តសៀមរាប មានអាយុកាល ៧០ ឆ្នាំ មកហើយ ដោយបន្សល់នូវអនុស្សាវរីយ៍ប្រវត្តិសាស្ត្រ នៃព្រះរាជបូជនីយកិច្ចតស៊ូទាមទាឯករាជ្យ នៃព្រះករុណា ព្រះមហាក្សវិរៈក្សត្រ សម្ដេចនរោត្តម សីហនុ៕

The post សម្តេចព្រះមហាក្សត្រី នរោត្តម មុនិនាថ សីហនុ ចេញព្រះរាជសារ ក្រោយឧបទ្ទវហេតុអគ្គិភ័យឆេះរាជដំណាក់នៅសៀមរាប appeared first on Kampuchea Thmey Daily.

The post ឯកឧត្តម ឃួង ស្រេង ផ្ញើសារជូនពរ សម្ដេចព្រះមហាក្សត្រី នរោត្តម មុនិនាថ សីហនុ ព្រះប្រធានកិត្តិយសកាកបាទក្រហមកម្ពុជា ក្នុងឱកាសខួបទី ១៥៩ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ ២០២២ appeared first on Kampuchea Thmey Daily.

ក្រៅពីនេះ មានសម្ភារជាច្រើនទៀតដូចជា សាប៊ូដុំ Express ចំនួន ២ឡាំង ទឹកសុទ្ធ OGEU Pyrénées ចំនួន ២ឡាំង និងសាប៊ូទឹក MU YU MING ចំនួន ១ឡាំង ជូន​ អង្គការ​ដេីម្បី​ភាព​ញញឹម​នៃកុមារ​ P.S.E (Pour un Sourire d’Enfant)​ ដើម្បីប្រើប្រាស់សម្រាប់ជាឧត្តមប្រយោជន៍ដល់កុមារក្រីក្រងាយរងគ្រោះ ស្ថិត​នៅខណ្ឌស្ទឹង​មាន​ជ័យ​ រាជធានី​ភ្នំពេញ​៕

The post សម្តេចម៉ែ ប្រោសព្រះរាជទានព្រះរាជទ្រព្យផ្ទាល់ ចំនួន ២មុឺនដុល្លារ ជូនអង្គការដើម្បីភាពញញឹមនៃកុមារ appeared first on Kampuchea Thmey Daily.

The post «​សម្តេចម៉ែ ប្រោស​ព្រះរាជទាន​ព្រះរាជ​ទ្រព្យ ៣​ម៉ឺន​ដុល្លារ​អាមេរិក ជូន​មន្ទីរពេទ្យ​ហ្លួង​ម៉ែ​» appeared first on Kampuchea Thmey Daily.