សេចក្តីប្រកាសនេះគឺចេញដោយក្រសួងសន្តិសុខមាតុភូមិ ហើយចំណាត់ការនេះ បង្ខំឲ្យនិស្សិតរាប់ពាន់នាក់ ត្រូវផ្ទេរចេញ បើមិនដូច្នោះទេនឹងប្រឈមហានិភ័យបាត់បង់ឋានៈស្របច្បាប់របស់ពួកគេ ជាក់ជាមិនខានឡើយ។ យ៉ាងណាសាកលវិទ្យាល័យ Harvard បានបញ្ចេញប្រតិកម្មខ្លាំង ដោយចាត់ទុកវាជារឿងខុសច្បាប់ហើយថែមទាំងព្រមានសងសឹកទៀតផង។

ហេតុផលនៅពីក្រោយការសម្រេចចិត្តនេះ ត្រូវបានរដ្ឋមន្ត្រីសន្តិសុខមាតុភូមិលោកស្រី Kristi Noem អះអាងថា គឺដោយសារសាកលវិទ្យាល័យ Harvard ញុះញង់ឲ្យមានអំពើហិង្សានិងការប្រឆាំងជនជាតិជ្វីហ្វ។

រឿងនេះកើតឡើង បន្ទាប់ពីសាកលវិទ្យាល័យ Harvard មិនព្រមធ្វើតាមសំណើរបស់លោកស្រី Noem ដែលសុំឲ្យផ្តល់ព័ត៌មានលម្អិតអំពីអ្នកកាន់ទិដ្ឋាការនិស្សិតបរទេសមួយចំនួនដែលចូលរៀននៅសាកលវិទ្យាល័យនេះ។

ទោះបីជាយ៉ាងណាក៏ដោយសាកលវិទ្យាល័យ Harvard បានទាត់ចោលការចោទប្រកាន់ទាំងនេះ ហើយប្តេជ្ញាគាំទ្រនិស្សិតបរទេសយ៉ាងពេញទំហឹង។

សូមជម្រាបថា នេះគឺជាយុទ្ធនាការដាក់សម្ពាធខ្លាំងបំផុតជាថ្មីរបស់លោក ត្រាំ លើសាកលវិទ្យាល័យ Harvard បន្ទាប់ពីរដ្ឋបាលទីក្រុងវ៉ាស៊ីនតោន ផ្តាច់ជំនួយ២លើកមកហើយចំពោះសាកលវិទ្យាល័យចាស់ជាងគេនិងមានកិត្យានុភាពបំផុតរបស់អាមេរិកមួយនេះ។

នេះបើយោងតាមស្ថិតិរបស់សាកលវិទ្យាល័យនេះ, Harvard បានចុះឈ្មោះនិស្សិតអន្តរជាតិជិត ៦ ៨០០នាក់ក្នុងឆ្នាំសិក្សា២០២៤-២០២៥ ពោលគឺស្មើនឹង២៧% នៃការចុះឈ្មោះចូលរៀនសរុបរបស់ខ្លួន៕

អត្ថបទ៖ សុខ សុវណ្ណ

ចុចអាន៖ សាកលវិទ្យាធិការ Harvard លាលែងពីតំណែង ចំពេលរឿងអាស្រូវលួច​ចម្លងស្នាដៃសិក្សា

The post រដ្ឋបាល ត្រាំ ហាមឃាត់សាកលវិទ្យាល័យ Harvard ពីការចុះឈ្មោះនិស្សិតបរទេស appeared first on Kampuchea Thmey Daily.

សាកលវិទ្យាល័យ ហាវឺដ គឺជាសាកលវិទ្យាល័យកម្រិតពិភពលោកមួយ ដែលមានឈ្មោះល្បីល្បាញនៅអាមេរិក ហើយឥស្សរជននៃក្រុមប្រឹក្សាអភិវឌ្ឍន៍កម្ពុជាចំនួន៣រូប ដែលបានសិក្សានៅសាកលវិទ្យាល័យនេះ គឺលោក ស៊ុន ចាន់ថុល លោក ហឿន សំនៀង និងលោក សួន សុផល។

១/ លោក ស៊ុន ចាន់ថុល

លោក ស៊ុន ចាន់ថុល ត្រូវ​បាន​មហាជនទទួលស្គាល់ថា ជាឥស្សរជនឆ្នើម១រូបដែលមានភាព​លេចធ្លោ តាមរយៈស្នាដៃសំខាន់ៗជាច្រើន ជាពិសេសការធ្វើទំនើបកម្មការងារតាមប្រព័ន្ធឌីជីថល រាប់ចាប់តាំងពីលោក នៅធ្វើជារដ្ឋមន្ត្រីក្រសួងពាណិជ្ជកម្ម ក្រោយមកជារដ្ឋមន្ត្រីក្រសួងសាធារណការ។ នៅក្នុងអាណត្តិទី៧ លោក ស៊ុន ចាន់ថុល ក៏ត្រូវបានដំឡើងតំណែងជាឧបនាយករដ្ឋមន្ត្រី ទទួលបន្ទុកជាអនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា (CDC)។ លោកឧបនាយករដ្ឋមន្ត្រី ស៊ុន ចាន់ថុល គឺជាអតីតនិស្សិតកម្ពុជា ដែលទទួលបានការសិក្សានៅសហរដ្ឋមេអារិក ក្នុងនោះ លោក បាន​បញ្ចប់ថ្នាក់​បរិញ្ញាបត្រ​ផ្នែក​គ្រប់គ្រង​ពាណិជ្ជកម្ម​ នៃសាកល​វិទ្យាល័យ​អាមេរិក​ ​កម្មវិធីគ្រប់គ្រងជាន់ខ្ពស់​ពីសាកលវិទ្យាល័យ Wharton រដ្ឋ Pennsylvania និងថ្នាក់អនុបណ្ឌិតរដ្ឋបាលសាធារណៈ នៃសាកលវិទ្យាល័យ ហាវឺដ (Harvard) នា​ឆ្នាំ១៩៩៩។  

តាមសាវតារ​ការងារ គឺដំបូងឡើយ លោក ស៊ុន ចាន់ថុល ធ្លាប់បម្រើការងារឱ្យក្រុមហ៊ុនឯកជនអន្តរជាតិធំៗមួយចំនួននៅអាមេរិក បារាំង និងថៃ មុនពេលដែលលោកចូលបម្រើការងាររដ្ឋ។ អតីតនិស្សិតនៃសាកលវិទ្យាល័យ ហាវឺដ រូបនេះ ធ្លាប់បានកាន់តួនាទី​​​ជា​រដ្ឋលេខាធិការ​ក្រសួងសេដ្ឋកិច្ច ជាអគ្គលេខាធិការនៃក្រុមប្រឹក្សាអភិវឌ្ឍន៍កម្ពុជា ជាទេសរដ្ឋមន្ត្រី ទទួលបន្ទុកជា​អនុប្រធាន​ក្រុម​ប្រឹក្សា​អភិវឌ្ឍន៍​កម្ពុជា និង​ធ្លាប់ជាប់ឆ្នោត​ជា​សមាជិក​សភា​តំណាងរាស្រ្តមណ្ឌលខេត្តកណ្ដាល ជាដើម។

២/ លោក ហឿន សំនៀង

លោក ហឿន សំនៀង គឺជាអតីតនាយកវិទ្យាល័យតេជោសែនសាធារណការ និងដឹកជញ្ជូន ប៉ុន្តែនៅក្នុងអាណត្តិរាជរដ្ឋាភិបាល នីតិកាលទី៧នេះ លោក ហឿន សំនៀង ក៏ត្រូវបានផ្លាស់មកបំពេញការងារនៅក្រុមប្រឹក្សាអភិវឌ្ឍន៍កម្ពុជា ក្រោមការដឹកនាំរបស់លោក ស៊ុន ចាន់ថុល ដែលជាមេចាស់របស់លោក កាលនៅក្រសួងសាធារណការ។ បច្ចុប្បន្ន លោក ហឿន សំនៀង កំពុងកាន់តួនាទីជាអគ្គលេខាធិការរងនៃអគ្គលេខាធិការដ្ឋានក្រុមប្រឹក្សាអភិវឌ្ឍន៍កម្ពុជា។

ជាការគួរឱ្យចាប់អារម្មណ៍នោះ លោក ហឿន សំនៀង គឺមានអតីតភាពជាភិក្ខុសង្ឃនៃសំណាក់ព្រះពុទ្ធសាសនា អស់ រយៈពេលប្រមាណជិត២០ឆ្នាំ។ តែបើទោះបីស្ថិតក្នុងភេទជាភិក្ខុ យ៉ាងណាក្ដី លោក ហឿន សំនៀង បានទទួលការសិក្សាខ្ពង់ខ្ពស់រហូតបានចេញទៅសិក្សានៅប្រទេសមហាអំណាចសហរដ្ឋអាមេរិក ដោយបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ ជំនាញរដ្ឋបាលសាធារណៈ ពីសកលវិទ្យាល័យ ហាវឺដ និងថ្នាក់បរិញ្ញាបត្រ ជំនាញគ្រប់គ្រង ពីសាកលវិទ្យាល័យ St. Ambrose University រដ្ឋអាយូវ៉ា សហរដ្ឋអាមេរិក។

៣/ លោក សួន សុផល

លោក សួន សុផល ក៏ជាបញ្ញាវន្តកម្ពុជាមួយរូបដែរ ដែលបានទៅសិក្សានៅសាកលវិទ្យាល័យ ហាវឺដ ដូចគ្នាជាមួយនឹងលោកឧបនាយករដ្ឋមន្ត្រី ស៊ុន ចាន់ថុល និងលោក ហឿន សំនៀង ហើយស្របពេលគ្នានេះ លោក ក៏កំពុងបំពេញកិច្ចការងារនៅក្រោមដំបូលក្រុមប្រឹក្សាអភិវឌ្ឍន៍កម្ពុជា (CDC) ផងដែរ។ លោក សួន សុផល មានតួនាទីជាអគ្គលេខាធិការ រងនៃគណៈកម្មាធិការវិនិយោគកម្ពុជា ហើយលោក បានបញ្ចប់ការសិក្សាដោយជោគជ័យថា្នក់អនុបណ្ឌិត ជំនាញគ្រប់គ្រងសាធារណៈ ពីសាកលវិទ្យាល័យ ហាវឺដ (Harvard)៕

The post អតីតនិស្សិតសាកលវិទ្យាល័យ ហាវឺដ ៣រូប កំពុងកាន់តួនាទីសំខាន់នៅក្រុមប្រឹក្សាអភិវឌ្ឍន៍កម្ពុជា appeared first on Kampuchea Thmey Daily.

យ៉ាង​ណា​ប្រភព​សារព័ត៌​មាន​ RT បាន​​ឲ្យ​ដឹង​ថា ការ​ចុះ​ចេញ​ពី​តំណែង​របស់​លោក​ស្រី​សាកលវិទ្យាធិការ បាន​បញ្ចប់​ទៅ​​​ដោយ​នៅ​ជាប់​ជា​មួយ​​នឹង​​រឿង​ក្តី​ចោទ​ប្រកាន់​អំពី​ការ​លួច​ស្នាដៃ​សិក្សា​ចំនួន​ ៥០ ​ករណី​។ រយៈ​ពេល​​ជាង​ ១ ​ខែ​ចុង​ក្រោយ​នេះ លោក​ស្រី Gay បាន​រង​ការ​ចោទ​ប្រកាន់​​បឋម​ចំនួន​ ៥០​ ករណី​ អំពី​ការ​លួច​ចម្លង​ស្នាដៃ​សិក្សា​ តាម​រយៈ​​ការ​​និក្ខេប​បទ​​ថ្នាក់​បណ្ឌិត​របស់​​លោក​ស្រី។

រឿង​អាស្រូវ​នេះ​បាន​ផ្ទុះ​ឡើង​នៅ​ពេល​ដែល​ សកម្មជន​គណបក្ស​នយោបាយ​មួយ​រូបនៃ​គណបក្ស​អភិរក្ស​ បាន​បង្ហាញ​​ព័ស្តុតាង​ ពី​ការ​​លើក​ឡើង​ត្រង់​ៗ​តាម​ពាក្យ​របស់​អ្នក​សិក្សា​មុន​ៗ​​សម្រាប់​ស្នាដៃ​សិក្សា​​នា​ឆ្នាំ​១៩៩៧​របស់​​​នាង​ ដែល​មាន​ចំណង​ជើង​ថា “ការ​​ត្រួត​ពិនិត្យ​៖ ភាព​ជោគ​ជ័យ​នៃ​​ការ​បោះ​ឆ្នោត​​​​ដោយ​​ប្រជាជាតិ​ស្បែក​ខ្មៅ និង​កំណែ​ទម្រង់​នយោបាយ​អាមេរិក​”។ ​​​​​​

​​​​​

“វា​ជា​ការ​សម្រេច​ចិត្ត​ដ៏​ពិបាក ប៉ុន្តែ​ជា​​ក្តី​ស្រលាញ់​​ដ៏​ជ្រាល​ជ្រៅ​​សម្រាប់​សាលា Harvard ហើយការសរសេររបស់ខ្ញុំ​នេះ​ គឺដើម្បី​​​ប្រកាស​ថា​ខ្ញុំ​ចុះ​ចេញ​ពី​តំណែង​សាកលវិទ្យាធិការ​​​ហើយ។ ក្រោយ​ពី​ពិភាក្សា​ជា​មួយ​សមាជិក​នៃ​​​គណៈ​គ្រប់គ្រង​​ស្ថាប័ន​ វា​ច្បាស់​ណាស់​ថា​ ការ​ចុះ​ចេញ​ពី​តំណែង​នេះ គឺ​ជា​ប្រយោជន៍​ដល់​ Harvard”។ នេះ​បើ​តាម​ខ្លឹម​សារ​ថ្លែង​ការ​របស់​លោក​ស្រី Claudine Gay។

​​គួរ​រំឭក​ដែរ​ថា លោក​ស្រី Claudine Gay គឺ​ជា​ថ្នាក់​ដឹក​នាំ​ តំណែង​សាកលវិទ្យាធិការ​ស្បែក​ខ្មៅ​ដំបូង​គេ​​នៃ​​ប្រវត្តិ​សាកលវិទ្យាល័យ ​។ ក្រោយ​បំពេញ​តួនាទី​រយៈ​ពេល ​៦​ ខែ និង ​១​ ថ្ងៃ លោក​ស្រី​បាន​ប្រកាស​​លាលែង​ពី​តំណែង​ ដែល​ជា​អាណត្តិ​គ្រប់​គ្រង​រយៈ​ពេល​ខ្លី​បំផុត​ក្នុង​ប្រវត្តិសាស្រ្ត​គ្រឹះ​ស្ថាន​អប់រំ​​ដែល​មាន​អាយុ​កាល​ ៣៨៨ ​​ឆ្នាំ​របស់​សហរដ្ឋអាមេរិក​មួយ​នេះ​ ៕

ប្រែ​សម្រួល​៖ មាន រតនា

ប្រភព​៖ BBC , RT

The post សាកលវិទ្យាធិការ Harvard លាលែងពីតំណែង ចំពេលរឿងអាស្រូវលួច​ចម្លងស្នាដៃសិក្សា appeared first on Kampuchea Thmey Daily.