សិច Archives - Kampuchea Thmey Daily

ស្រ្តីថៃ ធ្វើសកម្មភាពសិច ជាមួយបុរសបរទេស លើឆ្នេរខ្សាច់កណ្តាលវាល មិនខ្វល់អ្នកដើរកាត់

Sok Sovann — Sat, 24 Jan 2026 01:51:37 +0000

ម្តងហើយម្តងទៀត ប្រទេសថៃត្រូវអាម៉ាស់មុខលើពិភពលោកដោយសារតែអំពើអនាចារប្រព្រឹត្តដោយជនជាតិរបស់ខ្លួន ខណៈរឿងហេតុចុងក្រោយនេះ ស្រ្តីជនជាតិថៃម្នាក់បានធ្វើសកម្មភាពសិចទាំងកណ្តាលវាលជាមួយជនបរទេស លើឆ្នេរខ្សាច់ ដោយមិនខ្វល់អ្នកដើរកាត់។

ស្រ្តីថៃ ធ្វើសកម្មភាពសិច ជាមួយបុរសបរទេស លើឆ្នេរខ្សាច់កណ្តាលវាល នៅ ប៉ាតាយ៉ា (រូបថត៖ Bangkok Post)

តាមការផ្សាយរបស់ Bangkok Post កាលពីថ្ងៃសុក្រទី២៣ខែមករាឆ្នាំ២០២៦, អ្នកទាំងពីរបានធ្វើសកម្មភាពសិចទាំងកណ្តាលវាលនៅប៉ាតាយ៉ា ប៉ុន្តែត្រូវប៉ូលិសចាប់ខ្លួន ព្រោះថាទីតាំងដែលអ្នកទាំងពីរធ្វើសកម្មភាពគឺនៅចម្ងាយត្រឹមប៉ុន្មានម៉ែត្រប៉ុណ្ណោះ ពីប៉ុស្តិ៍ប៉ូលិស។

ដោយសារតែអ្នកទេសចរជាច្រើនមិនពេញចិត្តចំពោះសកម្មភាពដ៏អាក្រក់បែបនេះហើយប្តឹងទៅប៉ូលិស ទើបប៉ូលិសចាប់ខ្លួនអ្នកទាំងពីរ ហើយបើកការស៊ើបអង្កេតជាបន្ត។

កាលពីខែកញ្ញាឆ្នាំមុន ថៃត្រូវខ្មាសគេពេញពិភពលោកម្តងរួចមកហើយ បន្ទាប់ពីស្រ្តីជាជនជាតិរបស់ខ្លួនម្នាក់ រួមភេទជាមួយទេសចររុស្ស៊ីនៅលើរថយន្តបើកបរតាមផ្លូវ។

(រូបថត៖ ប៉ូលិសភូកេត)

តាមរយៈវីដេអូដែលថតបាន គេឃើញនារីថៃនិងទេសចររុស្ស៊ី បានប្រព្រឹត្តអំពើអនាចារនៅលើគូទរថយន្តភីកអាប់ កំពុងបើកបរតាមទីសាធារណៈក្នុងខេត្តភូកេត ដែលនេះជាការបង្ហាញពីភាពអនាធិបតេយ្យរបស់ប្រទេសថៃឲ្យពិភពលោកបានឃើញ។

ស្រ្តីរូបនោះមានវ័យ៤១ឆ្នាំជាអ្នកខេត្តភូកេតផ្ទាល់ ដោយទទួលបានប្រាក់ ១ ០០០បាតពីជនជាតិរុស្ស៊ី ដើម្បីថតវីដេអូនេះបង្កើតជាមាតិកាសម្រាប់បង្ហោះក្នុងបណ្តាញសង្គម។

ក្រោយមកប៉ូលិសក៏បានឃាត់ខ្លួនបុរសជនជាតិរុស្ស៊ីនៅឯអាកាសយានដ្ឋានសុវណ្ណភូមិ ពេលរូបគេប៉ុនប៉ងចាកចេញពីប្រទេសថៃ ដើម្បីសាកសួរនិងចាត់ការតាមនីតិវិធីច្បាប់៕

អត្ថបទ៖ សុខ សុវណ្ណ

ថៃ ខ្មាសគេពេញពិភពលោក ក្រោយនារីនៅភូកេត រួមភេទជាមួយជនបរទេស លើរថយន្តបើកតាមផ្លូវសាធារណៈ

The post ស្រ្តីថៃ ធ្វើសកម្មភាពសិច ជាមួយបុរសបរទេស លើឆ្នេរខ្សាច់កណ្តាលវាល មិនខ្វល់អ្នកដើរកាត់ appeared first on Kampuchea Thmey Daily.

ចូលចិត្តសកម្មភាពបែបនេះ បញ្ជាក់ថាញៀនសិចមែនទេ?

Sonya — Sun, 19 Dec 2021 10:05:00 +0000

ការវាយតម្លៃ សម្គាល់ទៅលើបញ្ហាញៀនសិច ជាប្រធានបទក្តៅគគុក ត្រូវគេលើកយកមកពិភាក្សាច្រើនឆ្នាំមកហើយ។ ប៉ុន្តែដោយសារចំណង់ចំណូលសិចយើងម្នាក់ៗខុសប្លែកពីគ្នា អាចធ្វើឲ្យងាយច្រឡំ ឬវាយតម្លៃខុស ថាយើង ឬនរណាម្នាក់ជាមនុស្សញៀនសិចណាស់។ សព្វថ្ងៃ មានចំណុច ៥ ងាយធ្វើឲ្យច្រឡំថា មនុស្សម្នាក់ញៀនសិចណាស់ ដែលការពិត គឺមិនមែនទាល់តែសោះ ដូច្នេះ អត្ថបទនេះនឹងបកស្រាយ។

១- ញៀនសិច គឺមានតែរឿងរួមភេទមួយមុខប៉ុណ្ណោះ?

ញៀនសិច មិនមែនផ្ដោតតែលើរឿងលើគ្រែមួយមុខនោះទេ។ វាកើតឡើងដោយសារតែមិនអាចគ្រប់គ្រងអត្តចរិតផ្លូវភេទខ្លួនបាន។ ញៀនជាមួយសិច មិនមែនមានន័យថា គ្រាន់តែចង់រួមភេទតែមួយមុខនោះទេ វាអាចមានមូលហេតុទាក់ទងផ្លូវចិត្ដជាច្រើនបណ្ដាលឲ្យប៉ះពាល់ដល់អត្តចរិតផ្លូវភេទ ដូចជា ស្ត្រេស ជំងឺថប់បារម្ភ បាក់ទឹកចិត្ត ឬអៀនខ្មាស ជាដើម។ អាការៈញៀនសិច ធ្វើឲ្យមានផលប៉ះពាល់អវិជ្ជមានជាច្រើនដល់គ្នាយើង អាចនឹងមានបញ្ហាធ្ងន់ធ្ងរក្នុងជីវិតរស់នៅប្រចាំថ្ងៃ ទាំងសកម្មភាព និងការប្រាស្រ័យទាក់ទងជាមួយមជ្ឈដ្ឋានខាងក្រៅ។ ចំពោះបញ្ហានេះ មានអ្នកជំនាញមួយចំនួន ចូលចិត្តប្រើពាក្យ បញ្ហាចង់រួមភេទខ្លាំង (Hypersexual disorder) ជាជាងពាក្យថា ញៀនសិច (Sex addiction)។

២- ចូលចិត្ដសម្រេចកាមដោយខ្លួនឯង ជាមនុស្សញៀនជាមួយសិច?

ជាការពិត សម្រេចកាមច្រើនពេក អាចជាសញ្ញាដំបូងនៃបញ្ហាញៀនសិច ប៉ុន្តែបើការសម្រេចកាម មិនបានធ្វើឲ្យប៉ះពាល់ដល់ជីវិតរស់នៅប្រចាំថ្ងៃទេនោះ មានន័យថា យើងមិនបានញៀនសិចដូចការលើកឡើងនោះទេ។ ផ្ទុយមកវិញ សម្រេចកាមញឹកញាប់ អាចផ្ដល់គុណសម្បត្តិជាច្រើនដល់សុខភាព ទាំងផ្លូវកាយ និងផ្លូវចិត្ដ។ ម្យ៉ាងវិញទៀត បញ្ហាញៀនសិច គឺមិនមែនសំដៅលើរឿងសម្រេចកាមតែមួយមុខនោះទេ វាអាចមានទម្រង់ជាច្រើនបែបទៀត ដូចជា ញៀនជាមួយភាពយន្ដអាសអាភាស ចូលចិត្តទៅផ្ទះបន ការបង្ហាញប្រដាប់ភេទជាសារធារណៈ ចូលចិត្ដលួចមើលគេរួមភេទ និងសកម្មភាពមួយចំនួនទៀត ដូចជាមានដៃគូរួមភេទច្រើន បៀតបៀនផ្លូវភេទអ្នកដទៃ ចាប់រំលោភ និងសកម្មភាពច្រើនផ្សេងទៀត។

៣- ចូលចិត្តផិតក្បត់ស្នេហា ជាមនុស្សញៀនសិច?

ពិតណាស់ បើមានបញ្ហាញៀនសិច អាចនឹងមានអំពើក្បត់លួចលាក់កើតឡើងច្រើនដង អាចប្ដូរដៃគូរួមភេទច្រើន ហើយគ្នាយើងស្ថិតក្នុងជំពូកនេះ ក៏មិនមែនជាមនុស្សស្មោះមួយនឹងមួយដែរ។ យ៉ាងណា ក៏យើងមិនអាចចាត់ទុកគ្នាយើង ដែលក្បត់ប្ដី ឬប្រពន្ធខ្លួនឯង ជាមនុស្សញៀនសិចបានដែរ។ គ្នាយើង មានបញ្ហាញៀនសិច ភាគច្រើនមានអារម្មណ៍ថាធ្វើខុស ខ្មាសរាល់សកម្មភាពបានធ្វើ និងព្យាយាមចង់បញ្ឈប់ កាត់បន្ថយ ឬគ្រប់គ្រងសកម្មភាពប្រថុយប្រថានបែបនេះទៀត។ គ្នាយើងញៀនសិច មានការពិបាកក្នុងការគ្រប់គ្រងចំណង់ផ្លូវភេទ ប៉ុន្តែចំពោះគ្នាយើងក្បត់ប្ដី ក្បត់ប្រពន្ធវិញ ចូលចិត្ដទាក់ទងជាមួយដៃគូខ្លួនតាមរយៈផ្ញើសារបែបញ៉ែ ផ្ញើសារតាមអនឡាញ ឬទូរសព្ទទៅញ៉ែគ្នាជាដើម។

៤- មើលរឿងអាសអាភាព ជាមនុស្សញៀនសិច?

ចំណុចនេះ គឺខុសទាំងស្រុងតែម្តង ព្រោះការពិតទៅ រឿងអាសអាភាស មានអត្ថប្រយោជន៍ច្រើន ដោយសារអាចជួយឲ្យយើងបានរៀន និងស្វែងយល់ពីផ្លូវភេទកាន់តែច្បាស់។ យើងអាចចាត់ទុករឿងអាសអាភាស ជាប្រភពមួយ ជួយឲ្យយើងរៀនចេះពីតិចនិក ក៏ដូចជាគំនិតថ្មីៗដើម្បីយកមកអនុវត្ដក្នុងជីវិតផ្លូវភេទយើងផ្ទាល់។ មើលរឿងសិចដើម្បីរំសាយអារម្មណ៍ បង្កើនភាពស្រើបស្រាល និងរៀនពីអ្វីដែលថ្មីគ្មានទាក់ទងគ្នា ជាមួយបញ្ហាញៀនសិចឡើយ បើសកម្មភាពនេះ មិនបានគំរាមកំហែងដល់ទំនាក់ទំនង ឬជីវិតប្រចាំថ្ងៃយើងនោះ។

៥- មានតែប្រុសៗទើបញៀនសិច?

គ្មានការសិក្សាណា អាចបញ្ជាក់ថា ភេទណាមួយញៀនសិចច្រើនជាងភេទណាមួយនោះឡើយ។ អ្នកជំនាញបានលើកឡើងថា ទាំងប្រុសទាំងស្រី សុទ្ធអាចញៀនសិចស្មើគ្នា។ ប៉ុន្តែប្រុសៗច្រើនញៀនរួមភេទ ឬសម្រេចកាមច្រើន ចំណែកឯស្រីៗវិញ ចូលចិត្ដរួមភេទបែបចម្រុះ ទទួលក្ដីស្រលាញ់ និងមានភាពរ៉ូមែនទិក៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ៧ សំណួរពីរឿងរួមភេទ ទាំងប្រុសទាំងស្រីឆ្ងល់ខ្លាំង តែខ្មាសអត់ហ៊ានសួរ!

ចុចអាន៖ អាកប្បកិរិយាងាយសម្គាល់នៃមនុស្សដែលញៀននឹងរឿងភេទសម្ព័ន្ធ

The post ចូលចិត្តសកម្មភាពបែបនេះ បញ្ជាក់ថាញៀនសិចមែនទេ? appeared first on Kampuchea Thmey Daily.

បុរសសាច់ដុំត្រៀមចូលរោងការជាមួយតុក្កតាសិច

Sok Sovann — Sat, 21 Nov 2020 08:08:24 +0000

អ្នកលេងកាយវប្បកម្មម្នាក់បានប្តេជ្ញាសម្រេចផែនការរៀបការជាមួយតុក្កតាសិចរបស់គាត់ថ្វីបើត្រូវពន្យារពេលកាលពីកន្លងទៅបន្ទាប់ពីគាត់ត្រូវគេវាយប្រហារនៅតាមផ្លូវដោយសារការស្លៀកពាក់មិនសមរម្យក៏ដោយ។

លោក Yuri Tolochko មកពីប្រទេសកាហ្សាក់ស្ថានបានរស់នៅជាមួយតុក្កតាសិចឈ្មោះ Margo អស់រយៈពេលមួយឆ្នាំកន្លះមកហើយ។

គាត់បានជួបនាងជាលើកដំបូងនៅក្លិបរាត្រីមួយហើយពីដំបូង អ្នកទាំងពីរមានគម្រោងរៀបការនៅខែមីនាឆ្នាំនេះមុនពេលជំងឺរាតត្បាតកូវីដ១៩ធ្វើឲ្យពិភពលោកវឹកវរ។

ឥឡូវនេះ លោក Yuri បានប្រាប់សារព័ត៌មាន Daily Star ថា ពិធីរៀបការត្រូវបានពន្យារពេលជាលើកទី២បន្ទាប់ពីគាត់ត្រូវគេវាយប្រហារក្នុងអំឡុងការប្រមូលផ្តុំរបស់មនុស្សភេទទី៣ក្នុងទីក្រុង Almaty នៃប្រទេស កាហ្សាក់ស្ថាន នៅថ្ងៃទី៣១ខែតុលា។

គាត់ត្រូវរបួសខួរក្បាលនិងបាក់ខ្ទង់ច្រមុះបន្ទាប់ពីស្លៀកពាក់ជាស្ត្រីសម្រាប់ការដើរក្បួន។

គាត់ពន្យល់ថា “ខ្ញុំចូលចិត្តដំណើរការនៃការរួមភេទដោយខ្លួនឯងហើយទិសដៅផ្លូវភេទមិនសំខាន់ទេនៅទីនេះ”។

ខណៈពិភាក្សាអំពីជីវិតផ្លូវភេទរបស់គាត់ជាមួយ Margo លោក Yuri បានបន្ថែមថា “រឿងរ៉ាវរបស់យើងធ្វើឲ្យខ្ញុំចាប់អារម្មណ៍ច្រើនជាងការរួមភេទដោយខ្លួនឯង។ ខ្ញុំចូលចិត្តធ្វើទារុណកម្ម ខ្ញុំអាចស៊ូទ្រាំនឹងការឈឺចាប់ជាច្រើន។ Margo មានសមត្ថភាពដែលមនុស្សផ្សេងទៀតមិនអាចធ្វើបាន”៕

ប្រែសម្រួលដោយ៖ Vann Vann

ប្រភព៖ Daily Star

The post បុរសសាច់ដុំត្រៀមចូលរោងការជាមួយតុក្កតាសិច appeared first on Kampuchea Thmey Daily.