ជារៀងរាល់ឆ្នាំ អង្គការសហប្រជាជាតិ បានកំណត់យកថ្ងៃទី២១ ខែកញ្ញា ជាថ្ងៃដ៏ពិសេស សម្រាប់បណ្តាប្រទេសនៅទូទាំងសកលលោក ប្រារព្ធ «ទិវាសន្តិភាពអន្តរជាតិ» ដើម្បីបង្ហាញនូវការប្តេជ្ញាចិត្តរួមគ្នា លើកគុណតម្លៃសន្តិភាព ក៏ដូចជាការរំលឹកដល់វីរភាពនានា ក្នុងការរួមចំណែកធ្វើឱ្យសម្រេចបាននូវសន្តិភាព។ តួយ៉ាង បើទោះបីជាស្ថិតក្នុងកាលៈទេសៈអស្ថិរភាពតាមព្រំដែនកម្ពុជា-ថៃបច្ចុប្បន្ន ក៏រាជរដ្ឋាភិបាលកម្ពុជានៅតែតម្កល់ «សន្តិភាព» ជាគុណតម្លៃខ្ពស់បំផុត ក្នុងការដោះស្រាយបញ្ហាផងដែរ។

កញ្ញា សុខគា គីមលាង បានបង្ហាញការយល់ឃើញថា សន្តិភាព នាំមកនូវសេចក្តីសុខជូនប្រជាជន និងការអភិវឌ្ឍន។មិនតែប៉ុណ្ណោះ អាចឱ្យយើងបានឃើញនូវហេដ្ឋារចនាសម្ព័ន្ធ និងសមិទ្ធផលនានា ខណៈទាំងនេះហើយ ជាអ្វីដែលពលរដ្ឋខ្មែរគ្រប់រូបចង់បានសម្រាប់ប្រទេសជាតិ។

នាដការីរូបនេះ បន្ថែមថា “នាងសូមអគុណទៅដល់អតីតនាយករដ្ឋមន្ត្រី «សម្តេចតេ ជោ ហ៊ុន សែន បិតានៃសន្តិភាព» និងសូមរគោរពដឹងគុណទៅកាន់វីរៈកងទ័ពដែលបានបូជាសាច់ស្រស់ឈាមស្រស់ដើម្បីបូរណភាពទឹកដី នៃប្រទេសកម្ពុជា ហើយសូមឱ្យបងៗកងទ័ពទាំង ១៨នាក់ ឆាប់វិលមកមាតុភូមិជួបជុំគ្រួសារវិញ”។

គួររំលឹកប្រសាសន៍សម្តេចធិបតី ក្នុងទិវាសន្តិភាពក្រោមមូលបទ «សកម្មភាព ដើម្បីសន្តិភាព៖ ការប្តេជ្ញាចិត្តរួមគ្នា សម្រាប់គោលដៅសកល» ឆ្នាំ២០២៣ លើកឡើងដូច្នេះថា សន្តិភាពមិនមែនជាអ្វីដែលកើតឡើងដោយចៃដន្យនោះទេ។ ដើម្បីកសាងសន្តិភាព យើងទាំងអស់គ្នាត្រូវពុះពារគ្រប់ឧបសគ្គ ប្រកាន់យ៉ាងខ្ជាប់ខ្ជួននូវស្មារតីសាមគ្គីភាព រួបរួមគ្នាជាធ្លុងមួយ និងភាតរភាពជាអន្តរជាតិ។ ភ្នក់ភ្លើងសង្គ្រាម សោកនាដកម្ម ការបែកបាក់រងទុក្ខវេទនាខ្លោចផ្សារកទីបំផុតគ្មាន ដែលប្រជាជាតិយើងបានឆ្លងកាត់ គឺជាមេរៀន និងបទពិសោធដ៏ជូរចត់ដែលមិនអាចបំភ្លេចបាន។ ខណៈទាំងអស់នេះហើយដែលនាំឱ្យយើងទាំងអស់គ្នាបានយល់យ៉ាងច្បាស់ ពីគុណតម្លៃនៃសន្តិភាព៕ ចាន់រ៉ា

The post កូនអាន យល់ថា គួរបន្តតម្កល់ «សន្តិភាព» ជាគុណតម្លៃខ្ពស់បំផុត ព្រោះសន្តិភាព ទើបនាំមកនូវការអភិវឌ្ឍន appeared first on Kampuchea Thmey Daily.

នាដការីស្រស់ស្អាត កូនអាន បានរៀបរាប់ឆន្ទ:ភ្ជាប់វីដេអូបែបនេះថា “ស្មារតីតែមួយ យើងឈរឲ្យរឹងមាំជាមួយគ្នាយើងឆ្ពោះទៅមុខជាមួយគ្នា រាងកាយមួយនេះ នឹងរួមដំណើរជាមួយបងប្អូនដោយមិនរុញរាឡើយ”។

កញ្ញា សុខគា គីមលាង ហៅ កូនអាន បន្តថា “សូមបួងសួងឱ្យទេវតាវត្ថុស័ក្តិសិទ្ធក្នុងចក្កវាឡតាមជួយថែរក្សាបងៗកងទ័ពដែលឈរការពារតាមខ្សែបន្ទាត់ព្រំដែនផង សូមឲ្យមានស្មារតីរឹងមាំសុខភាពល្អខ្ញុំ និងប្រជាជនកម្ពុជាឈរនៅជាមួយបងៗជាដរាបទៅ”។

ការចេញមុខប្រកាសពីឆន្ទ:ដោយភាពអង់អាចក្លាហានរបស់តារាសម្តែង និងជាបេក្ខភាពបវរកញ្ញារូបនេះ គឺស្របពេលមានការប៉ះទង្គិចគ្នារវាងកងទ័ពកម្ពុជា-ថៃ បណ្តាលឱ្យទាហានខ្មែរម្នាក់ស្លាប់នៅព្រំដែនប្រាសាទព្រះហារកាលពីថ្ងៃទី២៨ ខែឧសភា ឆ្នាំ២០២៥។

កត់សម្គាល់ឃើញថានាការី សុគា គីមលាង ក៏ធ្លាប់បានតាំងចិត្តខ្ពស់ក្នុងការចូលរួមថែរក្សាសម្បត្តិវប្បធម៌-អរិយធម៌ ខណ:កន្លងមកក៏ត្រូវបានទស្សនិកជនដឹងថា នាងតែងតែមានភាពលេចធ្លោលើសកម្មភាពផ្សព្វផ្សាយវប្បធម៌សិល្ប:ខ្មែរ។សកម្មភាពនេះតែងទទួលបានការកោតសរសើរនិងគាំទ្រពីសំណាក់មហាជនខ្មែរគ្រប់វ័យ៕ ចាន់រ៉ា

The post កូនអាន ថា ខ្លួនមិនរុញរាទេ បើជាតិត្រូវការដើម្បីជាតិមាតុភូមិ appeared first on Kampuchea Thmey Daily.

ចំពោះការចេញមុខអំពាវនាវ និងបំផុសការគាំទ្រពីសំណាក់តារាស្រីកញ្ញា សុខគា គីមលាង ទៅកាន់សាធារណ:នេះស្របពេលដែលសិល្បៈ​បុរាណ “ល្ខោន​យីកេ​កួយ” ត្រូវបានរៀបចាំធ្វើឡើងចំនួន២លើក ដោយលើកទី១ ធ្វើ​ឡើង​នៅ​ផ្សារ​ទំនើប​ជី​ម​ម៉ុង២៧១ កាលពីថ្ងៃ​ទី​៥-៦ ខែមេសា ខណ:លើកទី២នឹងធ្វើឡើងថ្ងៃ​ទី​ ១១-១២ ខែមេសា នៅ​ទីតាំង​វត្ត​ស្វាយ​អណ្តែត។

តាមរយ:វី​ដេ​អូដែល​បាន​ទៅ​ចូលរួម​ទស្សនា​ដោយ​ផ្ទាល់​ការ​សម្តែទម្រង់​សិល្ប:ខាងលើ​ នាដការី សុខ​គា គី​ម​លាង បានបំផុសថាទម្រង់​សិល្បៈ​ល្ខោន​យីកេ​កួយ​ខេត្តកំពង់ធំ ​ដែល​បច្ចុប្បន្ន​ គឺមាន​វត្តមាន​តែ​មួយ​ចុង​ក្រោយ​ប៉ុណ្ណោះ​ នៅ​ក្នុង​សហគមន៍​ខេត្តកំពង់ធំដែលស្ទើរតែ​បាត់បង់​ហើយ ។

កញ្ញា គីមលាង បានបញ្ជាក់​ថា ល្ខោន​ខ្មែរ​ដ៏​ល្អ​អស្ចារ្យ​បែប​នេះកូន​ខ្មែរ​គួរតែ​ចូល​គ្នា​ថែរក្សា ហើយ​អ្នក​ស្រលាញ់​សិល្បៈ​វប្ប​ធ​ម៌ខ្មែរ​ទាំងអស់​គ្នា កុំ​ភ្លេច​មក​គាំទ្រ និង​បង្ហាញ​ពី​សំឡេង​កូន​ខ្មែរ​ចង់​ថែរក្សា​ល្ខោន​ខ្មែរ​ផង​ ហើយ​ត្រៀមខ្លួន​ទស្សនា​ទស្សនីយភាព ល្ខោន​យីកេ​កួយ​ ខេត្តកំពង់ធំ ។

នាដការីរបាំរូបនេះបានឱ្យដឹងថា នេះ​គឺជា​លើក​ទី​មួយ​ហើយដែល​នាង​បាន​គ្រង​សម្លៀក​បំពាក់តាមបែបយីកេគួ​យ ដែល​មាន​បងស្រី​ម្នាក់​ជា​អ្នក​រៀបចំ​សម្លៀក​បំពាក់ និង​គ្រឿងអលង្ការ ខណៈ​ពេល​ដែល​នាង​ពិតជា​មាន​អារម្មណ៍​សប្បាយ​រីករាយជាខ្លាំង​ដែល​បានឃើញ​លោកគ្រូ អ្នកគ្រូ និង​បងប្អូន​នៅ​ទី​នេះ​បាន​នាំ​គ្នា​ថែរក្សា​នូវ​ទម្រង់​សិល្បៈ​បុរាណ​មួយ​នេះ​ដែល​ស្ទើរតែ​បាត់បង់ទៅហើយនោះ៕ អត្ថបទ៖ ចាន់រ៉ា

The post សុខគា គីមលាង ស្នើរួមគ្នាគាំទ្រ “ល្ខោនយីកេកួយ” ខណៈការសម្តែងលើកទី២ ខិតជិតមកដល់ appeared first on Kampuchea Thmey Daily.