ជីវិតកម្សាន្ដ

សុខគា គីមលាង ស្នើរួមគ្នាគាំទ្រ “ល្ខោនយីកេកួយ” ខណៈការសម្តែងលើកទី២ ខិតជិតមកដល់

បានផុស

១ year មុន

នៅ

ថ្ងៃអង្គារ ៨ មេសា ២០២៥

ដោយ

នាដការីរបាំកញ្ញា សុខគា គីមលាង ហៅ កូនអាន ចេញមុខស្នើដល់កូនខ្មែរនិងយុវជនជំនាន់ក្រោយគួរនាំគ្នាចូលរួមថែរក្សា និងការពារនូវទម្រង់សិល្បៈបុរាណ “ល្ខោនយីកេកួយ” ដែលមានមូមូលដ្ឋានៅក្នុងខេត្តកំពង់ធំ ស្ទើរតែបាត់បង់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះការចេញមុខអំពាវនាវ និងបំផុសការគាំទ្រពីសំណាក់តារាស្រីកញ្ញា សុខគា គីមលាង ទៅកាន់សាធារណ:នេះស្របពេលដែលសិល្បៈបុរាណ “ល្ខោនយីកេកួយ” ត្រូវបានរៀបចាំធ្វើឡើងចំនួន២លើក ដោយលើកទី១ ធ្វើឡើងនៅផ្សារទំនើបជីមម៉ុង២៧១ កាលពីថ្ងៃទី៥-៦ ខែមេសា ខណ:លើកទី២នឹងធ្វើឡើងថ្ងៃទី ១១-១២ ខែមេសា នៅទីតាំងវត្តស្វាយអណ្តែត។

តាមរយ:វីដេអូដែលបានទៅចូលរួមទស្សនាដោយផ្ទាល់ការសម្តែទម្រង់សិល្ប:ខាងលើ នាដការី សុខគា គីមលាង បានបំផុសថាទម្រង់សិល្បៈល្ខោនយីកេកួយខេត្តកំពង់ធំ ដែលបច្ចុប្បន្ន គឺមានវត្តមានតែមួយចុងក្រោយប៉ុណ្ណោះ នៅក្នុងសហគមន៍ខេត្តកំពង់ធំដែលស្ទើរតែបាត់បង់ហើយ ។

កញ្ញា គីមលាង បានបញ្ជាក់ថា ល្ខោនខ្មែរដ៏ល្អអស្ចារ្យបែបនេះកូនខ្មែរគួរតែចូលគ្នាថែរក្សា ហើយអ្នកស្រលាញ់សិល្បៈវប្បធម៌ខ្មែរទាំងអស់គ្នា កុំភ្លេចមកគាំទ្រ និងបង្ហាញពីសំឡេងកូនខ្មែរចង់ថែរក្សាល្ខោនខ្មែរផង ហើយត្រៀមខ្លួនទស្សនាទស្សនីយភាព ល្ខោនយីកេកួយ ខេត្តកំពង់ធំ ។

នាដការីរបាំរូបនេះបានឱ្យដឹងថា នេះគឺជាលើកទីមួយហើយដែលនាងបានគ្រងសម្លៀកបំពាក់តាមបែបយីកេគួយ ដែលមានបងស្រីម្នាក់ជាអ្នករៀបចំសម្លៀកបំពាក់ និងគ្រឿងអលង្ការ ខណៈពេលដែលនាងពិតជាមានអារម្មណ៍សប្បាយរីករាយជាខ្លាំងដែលបានឃើញលោកគ្រូ អ្នកគ្រូ និងបងប្អូននៅទីនេះបាននាំគ្នាថែរក្សានូវទម្រង់សិល្បៈបុរាណមួយនេះដែលស្ទើរតែបាត់បង់ទៅហើយនោះ៕ អត្ថបទ៖ ចាន់រ៉ា

Related Topics:សុខគា គីមលាង