សុផាត មេសា Archives - Kampuchea Thmey Daily

ម៉ាក់ សាមឿន និយាយច្បាស់ហើយមិនទាន់ឲ្យ សុផាត មេសា ជួប ពេជ្រ អាទិទេព នៅពេលនេះទេ

Sina Noun — Mon, 23 Mar 2026 07:34:45 +0000

លោក ម៉ាក់ សាមឿន ដែលជាពូបង្កើតរបស់កីឡាករ សុផាត មេសា ដែលកំពុងឡើងកូដនោះបានបញ្ជាក់ជាថ្មីទៀតហើយថា លោកមិនទាន់អនុញ្ញាតឲ្យក្មួយប្រុសរបស់លោកប្រកួតជាមួយ ពេជ្រ អាទិទេព នៅពេលនេះនោះទេ ព្រោះជាប់រៀននៅសកលវិទ្យាល័យ។

លោក ម៉ាក់ សាមឿន និង ពេជ្រ សុផាន់

ថ្លែងក្នុងកិច្ចសន្ទនារបស់លោក ម៉ាក់ សាមឿន និងលោក ពេជ្រ សុផាន់ គឺបានបញ្ជាក់ហើយថាលោកមិនទាន់អនុញ្ញាតឲ្យកីឡាករ សុផាត មេសា ដែលជាក្មួយប្រុសប្រកួតជាមួយជើងខ្លាំង ពេជ្រ អាទិទេព នោះទេអំឡុងពេលនេះ។ ព្រោះដោយសារតែក្មួយកំពុងជាប់រៀននៅសកលវិទ្យាល័យផង និងមិនសូវមានពេលវេលាគ្រប់គ្រាន់សម្រាប់ហ្វឹកហាត់ផង។

លោក ម៉ាក់ សាមឿន បន្ថែមទៀតថា ចាំបន្តិចទៀតក្មួយប្រុសរៀនចប់បរិញ្ញាបត្រសិនមានពេលវេលាគ្រប់គ្រាន់ចាំឲ្យជួបគ្នារវាងអ្នកទាំងពីរនេះ។ សុផាត មេសា បើទោះជាប្រកួតទទួលបានជ័យជម្នះពិសេសកម្មវិធីពានរង្វាន់នានាកន្លងទៅនេះមែន ប៉ុន្តែរូបគេមានពេលវេលាតិចតួចណាស់សម្រាប់ហ្វឹកហាត់។

កីឡាករ សុផាត មេសា

បញ្ជាក់ដែរថា សុផាត មេសា ជាកីឡាករជំនាន់ក្រោយ និងកំពុងលេចធ្លោបណ្ដើរៗផងដែរក្នុងវិស័យប្រដាល់គុនខ្មែរនាពេលនេះ។ បន្ទាប់ពីក្មួយប្រុសរបស់លោក ម៉ាក់ សាមឿន ឈ្នះពានរង្វាន់ជាបន្តបន្ទាប់រួចមកអ្នកគាំទ្រតាមបណ្ដាសង្គមហ្វេសបុកចាំផ្ដើមផ្គូរផ្គងរូបគេជាមួយ ពេជ្រ អាទិទេព ទៀតហើយ ព្រោះមើលឃើញពីសមត្ថភាពកើនឡើងដូចគ្នា និងជាកីឡាករទើបមានកេរ្តិ៍ឈ្មោះដូចគ្នាផង៕

កីឡាករ ពេជ្រ អាទិទេព

អត្ថបទដោយ៖ នួន ស៊ីណា

The post ម៉ាក់ សាមឿន និយាយច្បាស់ហើយមិនទាន់ឲ្យ សុផាត មេសា ជួប ពេជ្រ អាទិទេព នៅពេលនេះទេ appeared first on Kampuchea Thmey Daily.

លោក ម៉ាក់ សុផាត ចង់ឲ្យកូនដើរដល់ចំណុចល្បី និងមានជីវភាពធូរធាដូចរៀមច្បង ធឿន ធារ៉ា

Sina Noun — Fri, 20 Mar 2026 06:51:49 +0000

លោក ម៉ាក់ សុផាត ដែលជាឪពុកកីឡាករ សុផាត មេសា ថាគោលដៅរបស់លោកចង់ឲ្យកូនទទួលបានកេរ្តិ៍ឈ្មោះល្បីដូចជារៀមច្បង ធឿន ធារ៉ា និងមានជីវភាពធូរធា មានផ្ទះ មានឡាន ពីវិស័យប្រដាល់គុនខ្មែរនេះ និងបានចេញទៅប្រកួតនៅក្រៅប្រទេសផងដែរ។

កីឡាករ សុផាត មេសា

លោក ម៉ាក់ សុផាត បានឲ្យដឹងថា មហិច្ចតារបស់លោករួមទាំងកូនប្រុសផ្ទាល់គឺចង់ទទួលបានភាពជោគជ័យឈ្នះខ្សែក្រវាត់នៅថ្ងៃខាងមុខនេះដូចជារៀមច្បង ធឿន ធារ៉ា ផល សុភ័ណ្ឌ ម៉ឺន មេឃា ជាដើមដែលមានជីវភាពធូរធា មានផ្ទះ ឡាន ផ្ទាល់ខ្លួន។ បន្ថែមពីនេះចង់ឲ្យកូនមានឱកាសចេញទៅប្រកួតនៅក្រៅប្រទេសផ្សព្វផ្សាយគុនខ្មែរ និងដណ្ដើមបានកិត្តិយសជូនប្រទេសជាតិ។

សុផាត មេសា និងលោកតា

ឪពុករបស់ សុផាត មេសា រូបនេះបន្ថែមទៀតថា ដើម្បីឆ្ពោះទៅរកភាពជោគជ័យនេះលោកបន្តជំរុញលើកទឹកចិត្តឲ្យកូនខំប្រឹងប្រែងហ្វឹកហាត់ និងស្ដាប់ដំបូន្មានលោកតា ញ៉ូវ ម៉ាក់ អ៊ំ ពូ បន្តទៀត។ មួយវិញទៀតត្រូវតែប្រុងប្រយ័ត្នចំពោះដំណើរវែងឆ្ងាយតទៅមុខទៀត។ ពោលកាន់តែល្បីកាន់តែត្រូវប្រយ័ត្នទាំងការហ្វឹកហាត់ និងឥរិយាបថរស់នៅប្រចាំថ្ងៃផងដែរ។

បញ្ជាក់ដែរថា សុផាត មេសា ជាកីឡាករវ័យក្មេង និងកំពុងចាប់ផ្ដើមមានកេរ្តិ៍ឈ្មោះក្នុងវិស័យប្រដាល់គុនខ្មែរ។ រូបគេឈ្នះពាន ៣លើកជាប់ៗគ្នាមកហើយ។ មេសា ជាកូនប្រុសរបស់លោក ម៉ាក់ សុផាត ត្រូវជាចៅរបស់លោក ព្រឹទ្ធាចារ្យ ញ៉ូវ ម៉ាក់៕

លោក ម៉ាក់ សុផាត និងកូនប្រុស

អត្ថបទដោយ៖ នួន ស៊ីណា

The post លោក ម៉ាក់ សុផាត ចង់ឲ្យកូនដើរដល់ចំណុចល្បី និងមានជីវភាពធូរធាដូចរៀមច្បង ធឿន ធារ៉ា appeared first on Kampuchea Thmey Daily.

ឪពុករបស់ សុផាត មេសា រឹតតែជំរុញទឹកចិត្តពេលឃើញមហាជនគាំទ្រកូនច្រើន

Sina Noun — Mon, 16 Mar 2026 04:39:49 +0000

សុផាត មេសា បន្ទាប់ពីឈ្នះពានរង្វាន់ម៉ារ៉ាតុងដណ្ដើមប្រាក់លានកាលពីថ្ងៃសៅរ៍ ទី១៤ ខែមីនា ឆ្នាំ២០២៦ នេះមានការចែករំលែកច្រើន និងសរសើរចំពោះសមត្ថភាពរបស់គេនៅលើបណ្ដាញសង្គមហ្វេសបុក ស្របពេលឪពុកសប្បាយរីករាយជាខ្លាំងនៅពេលឃើញមានការគាំទ្រច្រើនចំពោះកូនបែបនេះ។

លោក ម៉ាក់ សុផាត ដែលជាឪពុករបស់ សុផាត មេសា បានឲ្យដឹងថា បន្ទាប់កូនប្រុសប្រកួតឈ្នះពានរង្វាន់កាលពីថ្ងៃទី១៤ មីនា ២០២៦ នេះគឺបានឃើញមានមហាជនអ្នកគាំទ្រច្រើនសរសើរចំពោះសមត្ថភាពពិសេសការយកឈ្នះរៀមច្បងនៅវគ្គផ្ដាច់ព្រ័ត្រ។ លោកផ្ទាល់ក៏ដូចគ្នាសប្បាយចិត្តរកអ្វីប្រៀបពុំបានឡើងចំពោះជ័យជម្នះ និងឃើញការគាំទ្រមកលើកូនច្រើនដូចនេះ។

សុផាត មេសា យកពានជូនតា

ឪពុករបស់ សុផាត មេសា ខាងលើបន្ថែមទៀតថា លោកនៅតែបន្តជំរុញលើកទឺកចិត្តកូនឲ្យរឹតតែខំប្រឹងប្រែងហ្វឹកហាត់បន្ថែមទៀតមិនត្រូវធ្វេសប្រហែស និងមានការប្រុងប្រយ័ត្នកាន់តែខ្ពស់ដើម្បីបន្តដំណើរលើវិថីកីឡាមួយបានកាន់តែយូរ។ គោលដៅបន្តទៅទៀតគឺបង្កើនសមត្ថភាព កេរ្តិ៍ឈ្មោះ ដើម្បីឈានទៅរកភាពជោគជ័យ និងមានជីវភាពធូរធាដូចរៀមច្បងក្នុងផ្សេងៗក្នុងវិស័យប្រដាល់គុនខ្មែរនេះ។

បញ្ជាក់ដែរថា សុផាត មេសា ជាកូនប្រុសលោក ម៉ាក់ សុផាត អតីតអ្នកប្រដាល់សកល និងជាចៅប្រុសរបស់លោកព្រឹទ្ធាចារ្យ ញ៉ូវ ម៉ាក់ ផងដែរ។ រូបគេឈ្នះពានរង្វាន់ម៉ារ៉ាតុងដណ្ដើមប្រាក់លានលើកចុងក្រោយនេះកាលពីថ្ងៃទី១៤ ខែមីនា ឆ្នាំ២០២៦ នៅជុំទី១ ផ្ដួល ប៉ុង ធារី ឲ្យបោះបង់ការប្រកួតនៅទឹកទី១ និងជុំទី២ វគ្គផ្ដាច់ព្រ័ត្រផ្ដួល ណង សាវ ឲ្យបោះបង់ការប្រកួតនៅទឹកទី១ ទទួលបានពានរង្វាន់១ អមដោយទឹកប្រាក់ ៨លានរៀល៕

អត្ថបទដោយ៖ នួន ស៊ីណា

The post ឪពុករបស់ សុផាត មេសា រឹតតែជំរុញទឹកចិត្តពេលឃើញមហាជនគាំទ្រកូនច្រើន appeared first on Kampuchea Thmey Daily.

មកដឹងប្រវត្តិកីឡាករគុនខ្មែរ សុផាត មេសា មានទាំងសមត្ថភាពសម្រស់ក៏បាន

Sina Noun — Tue, 09 Sep 2025 07:17:14 +0000

មកដឹងពីប្រវត្តិកីឡាករគុនខ្មែរ សុផាត មេសា សមត្ថភាពប្រកួតក៏ខ្លាំង ៥៩ដង ផ្ដួលដៃគូឲ្យសន្លប់ ៤០ដង រីឯសម្រស់វិញស្អាតមិនចាញ់តារានោះឡើយ។ តើកីឡាករគុនខ្មែររូបនេះមានប្រភពមកពីណា និងមានកម្រិតនៃការសិក្សាយ៉ាងណាខ្លះទៅ។

កីឡាករ សុផាត មេសា

កីឡាករ សុផាត មេសា កើតនៅឆ្នាំ២០០៥ បច្ចុប្បន្ននេះមានអាយុ ២០ឆ្នាំ។ រូបគេមានឪពុកឈ្មោះ ម៉ាក់ សុផាត ម្ដាយឈ្មោះ នាង ចាន់ថន និងមានបងប្អូនបង្កើតចំនួន ៤នាក់។ កីឡាករវ័យក្មេងរូបនេះក៏ជាប់ឈាមជ័រជាអ្នកប្រដាល់ផងដែរ ពោលឪពុករបស់ខ្លួនជាអតីតអ្នកប្រដាល់សកលជម្រើសជាតិពីមុន។ រូបគេក៏ជាក្មួយបង្កើតរបស់លោកអាជ្ញាកណ្ដាលល្បីឈ្មោះ ម៉ាក់ សាមឿន និងត្រូវជាចៅរបស់លោកព្រឹទ្ធាចារ្យ ញ៉ូវ ម៉ាក់ ផងដែរ។

កីឡាករ សុផាត មេសា

សុផាត មេសា បញ្ចប់បាក់ឌុបនៅឆ្នាំ២០២៣ ដែលកាលនោះរូបគេសិក្សានៅវិទ្យាល័យទួលអំពិល ក្នុងខណ្ឌដង្កោ រាជធានីភ្នំពេញ។ បច្ចុប្បន្នក្មួយប្រុសរបស់លោក ម៉ាក់ សាមឿន រូបនេះកំពុងសិក្សាបរិញ្ញាបត្រផ្នែកច្បាប់ក្នុងឆ្នាំទី៣ នៅសកលវិទ្យាល័យអាស៊ីអឺរ៉ុបផងដែរ។

កីឡាករ សុផាត មេសា

និស្សិតច្បាបប់រូបនេះចូលហ្វឹកហាត់ប្រដាល់ក្នុងក្លឹបបញ្ជាការដ្ឋានកាំភ្លើងធំ នៅឆ្នាំ ២០២២ និងបានឡើងប្រកួតសរុប ៥៩ដង ឈ្នះ៥១ ចាញ់៦ និងស្មើពិន្ទុ២ដង ធ្លាប់ផ្ដួលដៃគូឲ្យសន្លប់រហូតដល់ទៅ ៤០ដងឯណោះ។ រូបគេជាម្ចាស់ពាន និងជាម្ចាស់ប្រាក់លានតាមបណ្ដាកម្មវិធីប្រកួតផ្សេងៗនៅស្ថានីយទូរទស្សន៍មួយចំនួនផងដែរពីមុនមក។ សុផាត មេសា ខណៈពេលនេះក៏ជាបេក្ខភាពមួយរូបដែលកំពុងប្រកួតសន្សំពិន្ទុឆ្ពោះទៅដណ្ដើមខ្សែក្រវាត់ IPCC ទម្ងន់ ៥៧គីឡូក្រាមរបស់ស្ថានីយទូរទស្សន៍ថោនទៀតផង។

កីឡាករ សុផាត មេសា និងឪពុក

ក្រៅតែពីសមត្ថភាពប្រកួតបានល្អហើយនោះ សុផាត មេសា ក៏ទទួលបានការស្រឡាញ់គាំទ្រពីនារីៗផងដែរតាមរយៈសម្រស់ដ៏ស្រស់ស្អាត និងរាងកាយសាច់ដុំកង់របស់រូបគេ។ ក្រោយបញ្ចប់ការប្រកួតគេតែងឃើញមានអ្នកគាំទ្រសុំថតជាមួយរូបគេជាហូរហែរផងដែរ។ តាមដានមើលថាកីឡាករវ័យក្មេងរូបនេះអាចក្រសោបភាពល្បីល្បាញដល់កម្រិតណា និងឈ្នះបានខ្សែក្រវាត់ប៉ុន្មានគ្រឿងក្នុងវិថីប្រដាល់គុនខ្មែរនេះតទៅមុខទៀត៕

កីឡាករ សុផាត មេសា

អត្ថបទដោយ៖ នួន ស៊ីណា

The post មកដឹងប្រវត្តិកីឡាករគុនខ្មែរ សុផាត មេសា មានទាំងសមត្ថភាពសម្រស់ក៏បាន appeared first on Kampuchea Thmey Daily.

សុផាត មេសា Archives - Kampuchea Thmey Daily

ម៉ាក់​ សាមឿន​ និយាយ​ច្បាស់​ហើយ​មិន​ទាន់​ឲ្យ​ សុផាត​ មេសា​ ជួប​ ពេជ្រ​ អាទិទេព​ នៅ​ពេល​នេះ​ទេ​

លោក​ ម៉ាក់​ សុផាត​ ចង់ឲ្យកូនដើរដល់ចំណុចល្បី​ និងមានជីវភាពធូរធា​ដូចរៀមច្បង​ ធឿន​ ធារ៉ា​

ឪពុក​របស់​ សុផាត​ មេសា​ រឹតតែ​ជំរុញ​ទឹក​ចិត្ត​ពេល​ឃើញ​មហាជន​គាំទ្រកូន​ច្រើន​

មក​ដឹង​ប្រវត្តិកីឡាករគុន​ខ្មែរ​​ សុផាត​ មេសា​ មានទាំង​សមត្ថភាព​សម្រស់​ក៏​បាន​

ម៉ាក់ សាមឿន និយាយច្បាស់ហើយមិនទាន់ឲ្យ សុផាត មេសា ជួប ពេជ្រ អាទិទេព នៅពេលនេះទេ

លោក ម៉ាក់ សុផាត ចង់ឲ្យកូនដើរដល់ចំណុចល្បី និងមានជីវភាពធូរធាដូចរៀមច្បង ធឿន ធារ៉ា

ឪពុករបស់ សុផាត មេសា រឹតតែជំរុញទឹកចិត្តពេលឃើញមហាជនគាំទ្រកូនច្រើន

មកដឹងប្រវត្តិកីឡាករគុនខ្មែរ សុផាត មេសា មានទាំងសមត្ថភាពសម្រស់ក៏បាន