កីឡា

លោក ម៉ាក់ សុផាត ចង់ឲ្យកូនដើរដល់ចំណុចល្បី និងមានជីវភាពធូរធាដូចរៀមច្បង ធឿន ធារ៉ា

បានផុស

៤ ខែ មុន

នៅ

ថ្ងៃសុក្រ ២០ មីនា ២០២៦

ដោយ

លោក ម៉ាក់ សុផាត ដែលជាឪពុកកីឡាករ សុផាត មេសា ថាគោលដៅរបស់លោកចង់ឲ្យកូនទទួលបានកេរ្តិ៍ឈ្មោះល្បីដូចជារៀមច្បង ធឿន ធារ៉ា និងមានជីវភាពធូរធា មានផ្ទះ មានឡាន ពីវិស័យប្រដាល់គុនខ្មែរនេះ និងបានចេញទៅប្រកួតនៅក្រៅប្រទេសផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ សុផាត មេសា

លោក ម៉ាក់ សុផាត បានឲ្យដឹងថា មហិច្ចតារបស់លោករួមទាំងកូនប្រុសផ្ទាល់គឺចង់ទទួលបានភាពជោគជ័យឈ្នះខ្សែក្រវាត់នៅថ្ងៃខាងមុខនេះដូចជារៀមច្បង ធឿន ធារ៉ា ផល សុភ័ណ្ឌ ម៉ឺន មេឃា ជាដើមដែលមានជីវភាពធូរធា មានផ្ទះ ឡាន ផ្ទាល់ខ្លួន។ បន្ថែមពីនេះចង់ឲ្យកូនមានឱកាសចេញទៅប្រកួតនៅក្រៅប្រទេសផ្សព្វផ្សាយគុនខ្មែរ និងដណ្ដើមបានកិត្តិយសជូនប្រទេសជាតិ។

សុផាត មេសា និងលោកតា

ឪពុករបស់ សុផាត មេសា រូបនេះបន្ថែមទៀតថា ដើម្បីឆ្ពោះទៅរកភាពជោគជ័យនេះលោកបន្តជំរុញលើកទឹកចិត្តឲ្យកូនខំប្រឹងប្រែងហ្វឹកហាត់ និងស្ដាប់ដំបូន្មានលោកតា ញ៉ូវ ម៉ាក់ អ៊ំ ពូ បន្តទៀត។ មួយវិញទៀតត្រូវតែប្រុងប្រយ័ត្នចំពោះដំណើរវែងឆ្ងាយតទៅមុខទៀត។ ពោលកាន់តែល្បីកាន់តែត្រូវប្រយ័ត្នទាំងការហ្វឹកហាត់ និងឥរិយាបថរស់នៅប្រចាំថ្ងៃផងដែរ។

បញ្ជាក់ដែរថា សុផាត មេសា ជាកីឡាករវ័យក្មេង និងកំពុងចាប់ផ្ដើមមានកេរ្តិ៍ឈ្មោះក្នុងវិស័យប្រដាល់គុនខ្មែរ។ រូបគេឈ្នះពាន ៣លើកជាប់ៗគ្នាមកហើយ។ មេសា ជាកូនប្រុសរបស់លោក ម៉ាក់ សុផាត ត្រូវជាចៅរបស់លោក ព្រឹទ្ធាចារ្យ ញ៉ូវ ម៉ាក់៕