តាមរយៈសារបង្ហោះលើប្រព័ន្ធបណ្ដាញសង្គមហ្វេសប៊ុក ថ្ងៃទី១៩ ខែឧសភា ឆ្នាំ២០២៦ អ្នកនាង ស៊ីន យូប៊ីន បានលើកឡើងថា ខ្លួនពិតជាមានមោទនភាពខ្លាំងណាស់ ក្នុងការទទួលបានតួនាទីដ៏មានន័យនេះ ដើម្បីធ្វើជាតំណាងឱ្យវប្បធម៌ខ្មែរ លើឆាកអន្តរជាតិ ខណៈមិនត្រឹមតែជាកិត្តិយសផ្ទាល់ខ្លួនប៉ុណ្ណោះទេ ប៉ុន្តែក៏ជាឱកាសដ៏មានតម្លៃក្នុងការផ្សព្វផ្សាយអត្តសញ្ញាណជាតិខ្មែរ ទៅកាន់ពិភពលោកផងដែរ។

តារាសម្តែងល្បីឈ្មោះរូបនេះ បានរៀបរាប់យ៉ាងមានមោទនភាពថា ខ្លួនបំពេញតួនាទីនេះដោយមោទនភាព ព្រមជាមួយនឹងការចែករំលែកនូវសោភ័ណភាព ប្រវត្តិសាស្ត្រ និងព្រលឹងនៃវប្បធម៌ខ្មែរទៅកាន់ពិភពលោក។ សុីន យូប៊ីន បន្តថា “It’s time for the rightful home of a rich cultural heritage to share its story with the world” ដែលមានន័យថា ជាវេលាដ៏ត្រឹមត្រូវបំផុតសម្រាប់ម្ចាស់នៃបេតិកភណ្ឌវប្បធម៌ដ៏សម្បូរបែប ក្នុងការចែករំលែកអត្តសញ្ញាណពិតរបស់ខ្លួនជាមួយពិភពលោក។

ការតែងតាំងនេះ ត្រូវបានអ្នកគាំទ្រជាច្រើន ចាត់ទុកថា ជាមោទនភាពថ្មីមួយសម្រាប់វិស័យសិល្បៈ និងវប្បធម៌កម្ពុជា ខណៈសិល្បករខ្មែរ កាន់តែមានវត្តមាន និងទទួលស្គាល់លើឆាកអន្តរជាតិជាបន្តបន្ទាប់។ ជាពិសេស អ្នកនាង ស៊ីន យូប៊ីន តែងតែបង្ហាញពីការគាំទ្រ និងលើកតម្កើងវប្បធម៌ប្រពៃណីខ្មែរ តាមរយៈសកម្មភាពសិល្បៈ និងការចូលរួមកម្មវិធីធំៗជាច្រើនកន្លងមក។

ជាមួយនឹងការបង្ហាញខ្លួនក្នុងមហោស្រពភាពយន្តសិល្បៈអាស៊ី នៅម៉ាកាវ ឆ្នាំនេះ គេរំពឹងដែរថា អ្នកនាងនឹងក្លាយជាសំឡេងមួយដ៏សំខាន់ ក្នុងការនាំយកភាពស្រស់ស្អាតនៃសិល្បៈ និងបេតិកភណ្ឌខ្មែរ ទៅកាន់ក្រសែភ្នែកអន្តរជាតិកាន់តែទូលំទូលាយ៕

The post ស៊ីន យូប៊ីន ជាឯកអគ្គរដ្ឋទូតវប្បធម៌កម្ពុជា ក្នុងមហោស្រពភាពយន្តសិល្បៈអាស៊ី នៅម៉ាកាវ appeared first on Kampuchea Thmey Daily.

ក្នុងបទសម្ភាស កញ្ញា សុីន យូប៊ីន បង្ហាញការយល់ឃើញថា ការរៀបចំកម្មវិធីលំដាប់អន្តរជាតិនៅកម្ពុជាលើកនេះ តាមរយៈកម្មវិធី Bvlgari Aeterna គឺមិនត្រឹមជាការបង្ហាញផលិតផលគ្រឿងអលង្កាលំដាប់ពិភពលោកប៉ុណ្ណោះទេ គឺជាផ្តល់មុខមាត់របស់ប្រទេសជាតិផងដែរ ក៏ព្រោះតែអ្នកដែលចូលក្នុងកម្មវិធី សុទ្ធសឹងជាមនុស្សមានឥទ្ធិពល។

តាមរយៈអ្នកមានឥទ្ធិពលទាំងនេះទៀតសោត តារាស្រីដ៏លេចធ្លោរបស់កម្ពុជារូបនេះ ជឿជាក់ថា ពិភពលោកនឹងកាន់តែស្គាល់កិត្តិនាមរបស់កម្ពុជាថែមមួយកម្រិតទៀត។ តួយ៉ាង ក្នុងឱកាសនៃកម្មវិធីបង្ហាញផលិតផលគ្រឿងអលង្កាលំដាប់ពិភពលោក Bvlgari Aeterna មានទាំងតារាលំដាប់អន្តរជាតិ បុគ្គលល្បីឈ្មោះ រួមនឹងអភិជនផងដែរ។

ឆ្លៀតក្នុងឱកាសកម្មវិធីមហស្ចារ្យនេះ កញ្ញា សុីន យូប៊ីន បាននាំយកក្រមាខ្មែរជូនដល់ភ្ញៀវអន្តរជាតិ ដើម្បីបង្ហាញតម្លៃវប្បធម៌ និងអត្តសញ្ញាណជាតិផងដែរ។

ទន្ទឹមនេះ កញ្ញាស្នើដល់អ្នកមានឈាមជ័រជាខ្មែរទាំអស់ ចេះស្រឡាញ់ គាំទ្រនិងជួយគ្នា “ខ្មែរស្រលាញ់ខ្មែរ” រក្សានូវសេចក្តីល្អ ថ្លៃថ្នូរ អប្បកិរិយាល្អប្រពៃ និងចូលរួមរាល់ការរៀបចំកម្មវិធីធំៗណាមួយ ដើម្បីកម្ពុជារីកមុខមាត់លើឆាកអន្តរជាតិជាបន្តទៀត ៕

The post សុីន យូប៊ីន យល់ថា ការរៀបចំកម្មវិធីធំៗលំដាប់អន្តរជាតិ នឹងចំណេញដល់ការផ្សព្វផ្សាយទេសចរណ៍កម្ពុជា appeared first on Kampuchea Thmey Daily.

តាមរយៈសំណេរខ្លី របស់កញ្ញា សុីន យូប៊ីន បានរៀបរាប់ពីអត្តន័យន័យអក្សរទាំង ៥ ដែលរចនាជុំករ៉ូបរបស់កញ្ញាផងដែរ ដែលជាន័យចេញពី យ័ន្តធាតុទាំង៥ ដោយអក្សរ “ន” តំណាងឱ្យ ទឹក, “ម” តំណាងឱ្យ ដី, “ព” តំណាងឱ្យ ភ្លើង, “ទ” តំណាងឱ្យ ខ្យល់ និង “យ” តំណាងឱ្យ អាកាស ។ កញ្ញា ស៊ីន យូប៊ីន បញ្ជាក់ដែរថា រ៉ូបដែលរចនាយ៉ាងស្រស់ស្អាតនេះ កញ្ញាបានស្លៀកចូលរួមក្នុងកម្មវិធី The Cambodia Night នៅ Xiamen ប្រទេសចិន ។

គិតត្រឹមតែឆ្នាំ២០២៣ កញ្ញា ស៊ីន យូប៊ីន បានធ្វើឱ្យសាធារណជន មានការភ្ញាក់ផ្អើលជាប់ជានិច្ច នូវការបង្ហាញខ្លួនរបស់ កញ្ញា រាល់កម្មវិធីលើឆាកអន្តរជាតិម្តងៗ ព្រោះសិល្បការិនីរូបនេះ តែងមានឆន្ទៈនាំយកអត្តសញ្ញាណជាតិ ផ្សព្វផ្សាយគ្រប់ ទីកន្លែងដែលសិល្បការិនីរូបនេះបានទៅដល់។

គួររំលឹកថា តាមរយៈការស្លៀកពាក់ចូលរួមកម្មវិធីអន្តរជាតិនានា កញ្ញា សុីន យូប៊ីន បានរចនាម៉ូដរំលេចអក្សរ រូបភាព ឬក្បាច់រចនាជាដើម។ ជាក់ស្តែង កាលពីប៉ុន្មានខែមុន កញ្ញា ស៊ីន យូប៊ីន បានយកទង់ជាតិខ្មែរច្នៃដាក់លើសម្លៀកបំពាក់ រំលេចដោយនាគរាជ ចូលរួមក្នុងឱកាសមហោស្រពភាពយន្តទីក្រុងកានប្រទេសបារាំង និងបានស្លៀកឈុត ដែលប៉ាក់ដោយដៃក្បាច់ផ្កាចន្ទន៍ ទម្ងន់ជិត ១០គីឡូក្រាម លំអរដោយគ្រឿងអលង្ការដែលច្នៃតាមព្យញ្ជនៈ និងលេខខ្មែរ ចូលរួមកម្មវិធីធំមួយផ្សេងទៀត នៅប្រទេសថៃផងដែរ។ ទាំងនេះ គឺជាការតាំងចិត្តរបស់កញ្ញា ក្នុងការយកអ្វីៗជារបស់ខ្មែរទៅបង្ហាញបរទេស៕

The post កញ្ញា ស៊ីន យូប៊ីន នាំយកអត្តសញ្ញាណនៃយ័ន្តខ្មែរ លើឆាកកម្មវិធី The Cambodia Night នៅចិន appeared first on Kampuchea Thmey Daily.

មិនត្រឹមតែអាចសម្តែង តារាស្រីរបស់ស្ថានីយទូរទស្សន៍ភីអិនអិនរូបនេះ បានធ្វើឱ្យអ្នកគាំទ្រជាតិ និងអន្តរជាតិ មានការភ្ញាក់ផ្អើល និងកោតស្ញប់ស្ញែងយ៉ាងខ្លាំង ចំពោះសមត្ថភាព និងទេព​កោសល្យដ៏ប៉ិនប្រសប់លើវិស័យសិល្បៈ របស់កញ្ញា ដែលអាចច្រៀងបានទាំងភាសាជាតិ អង់គ្លេស ថៃ វៀតណាម និងចិនជាដើម។

ប្រឡូកក្នុងវិស័យសិល្បៈប្រហែលជាជាង ១០ឆ្នាំមកនេះ តារាស្រីរូបនេះ តែងបន្តអភិវឌ្ឍនសមត្ថភាពរបស់ខ្លួនជានិច្ច និងបានចូលរួមសម្តែងភាពយន្ត និងរឿងភាគជាច្រើន ទាំងក្នុងប្រទេស និងក្រៅប្រទេស។ ពេលនេះ កម្ពុជាថ្មី សូមលើកយកសមិទ្ធផលធំៗ របស់តារាលំដាប់ប្រទេសរូបនេះ សម្រេចបានក្នុងវិថីសិល្បៈ រយៈពេលកន្លងមកនេះ។

នៅឆ្នាំ២០១៣ យូប៊ីន បានក្លាយជាម្ចាស់ពាន The Winner of freshie girl រដូវកាលទី១២ ដែលនោះ អាចចាត់ថាជាជំហានដំបូងក្នុងវិថីសិល្បៈរបស់កញ្ញា។ ក្រោយមក ដោយសារតែសមត្ថភាពក្នុងការសម្តែង នៅឆ្នាំ២០១៧ តារាស្រីរូបនេះ ក៏ទទួលបានពានជាតារាស្រីឆ្នើម Best Actress award និងនៅឆ្នាំ២០១៩ និងឆ្នាំ២០២០។

រំលងតែប្រហែលជា ២ឆ្នាំនៃស្ថានភាពវិបត្តិជំងឺកូវីដ១៩ ក្នុងកម្មវិធី Popular Actress award 2023 នៅប្រទេសថៃ យូប៊ីន យកបានពានរង្វាន់មួយទៀត ជាតារាស្រីដ៏មានប្រជាប្រិយ និងថ្មីៗនេះ កញ្ញាក៏ទើបនឹង ទទួលបានពានរង្វាន់​​ “Shining international award “ ពីកម្មវិធី HOFS 2023​ នៅសិង្ហបុរីផងដែរ។

គួរបញ្ជាក់ថា ក្រៅពីលើកពានធំៗ តារាស្ត្រីកម្ពុជារូបនេះ ត្រូវបានអញ្ជើញឱ្យចូលសម្តែងក្នុងកម្មវិធីក្រៅប្រទេសជាច្រើន មិនថាអាស៊ី និងអឺរ៉ុប។ អ្វីដែលគួរឱ្យកត់សម្គាល់ ក្នុងឆ្នាំ២០២៣នេះ​ កញ្ញា​​ សុីន យូប៊ីន បានឡើងឆាកអន្តរជាតិជាបន្តបន្ទាប់ ពិសេសថ្មីៗនេះ កញ្ញាក៏បានទៅចូលរួមជាគូ ជាមួយនឹងតារាប្រុសដ៏មានប្រជាប្រិយរបស់កម្ពុជា គឺ​លោក ខាត់ វៃហាំង ដោយអ្នកទាំងពីរបានទៅសម្តែងនៅ វៀតណាម ក៏ដូចជាក្នុងការបិទកម្មវិធី នៃការបើកកម្មវិធីព្រឹត្តិការណ៍ខួបលើកទី១០ នៃ​មហោស្រព​ភាពយន្តអន្តរជាតិ Silk Road International Film Festival ដែលធ្វើឡើងនៅ ទីក្រុងហ្វូចូវ ខេត្តហ្វូចៀន ប្រទេសចិន​​៕

The post សុីន យូប៊ីន កំពុងឈរលើតំណែង​ជាតារាស្រីដ៏លេចធ្លោរបស់កម្ពុជា appeared first on Kampuchea Thmey Daily.