លោក Narongwit Chodchoy នាយកសួនសត្វបានឲ្យដឹងថា ការចាប់អារម្មណ៍របស់សាធារណជនចំពោះកូនដំរីទឹកអាយុពីរខែបានធ្វើឱ្យចំនួនអ្នកទស្សនាកើនឡើង ៥០ភាគរយ។ មនុស្សសរុបចំនួន៨១៧៨៦​នាក់បានទៅទស្សនាសួនសត្វក្នុងរយៈពេល១៩ថ្ងៃដំបូងនៃខែកញ្ញា ដោយរកចំណូលបាន ១២,៩៧ លានបាត (៣៩៣៩០០ដុល្លារអាមេរិក) ពីការលក់សំបុត្រ។

សួនសត្វរំពឹងថា នឹងមានអ្នកទស្សនាលើសពីមួយលាននាក់ និងទទួលបានប្រាក់ចំណូលសរុបជាង ២០០លានបាត (៦ លានដុល្លារអាមេរិក) ក្នុងឆ្នាំនេះ។ លោក Narongwit បានបន្ថែមថា«ការស្រលាញ់ចូលចិត្ត Moo Deng នឹងទាក់ទាញភ្ញៀវបរទេសកាន់តែច្រើន ជាពិសេសមកពីប្រទេសអាស៊ីផ្សេងទៀតដូចជា ជប៉ុន ចិន និងកូរ៉េខាងត្បូង»។

ថ្មីៗនេះ សួនសត្វបានបើកការផ្សាយបន្តផ្ទាល់រយៈពេល ២៤ម៉ោងនៅលើ zoodiolive.com ដោយបង្ហាញអំពី Moo Deng និងសត្វដទៃទៀត ដែលទាក់ទាញអ្នកទស្សនាប្រហែល ៤៤០០០ នាក់កាលពីយប់ថ្ងៃទី ២០ខែកញ្ញា។

ចំពោះអ្នកទៅទស្សនាផ្ទាល់ចាប់អារម្មណ៍ជាពិសេសក្នុងការទស្សនា Moo Deng ពីម៉ោង៧ៈ៤៥ ព្រឹកដល់ម៉ោង ៩ព្រឹកនៅពេល​ដែលកូនដំរីទឹកញីនេះសកម្មបំផុត និងអំឡុងពេលបំបៅពេលរសៀលរបស់ម្តាយវា Jona។​ ក្នុងរយៈពេលនេះ អ្នកទស្សនាត្រូវតែតម្រង់ជួរ ហើយត្រូវបានអនុញ្ញាតមានពេលតែ ៥នាទីដើម្បីទស្សនា Moo Deng។ ចំពោះអ្នក​ដែល​ចង់​ទស្សនាបន្ថែម​ទៀត ត្រូវ​តម្រង់​ជួរ​ម្ដង​ទៀត។​

លើសពីនេះ សួនសត្វបានទាក់ទាញប្រជាប្រិយភាពរបស់ Moo Deng ដោយលក់អាវយឺតចំនួន ៧០០ឈុតដំបូងដែលមានរូបកូនដំរីទឹកនេះមានតម្លៃ ៣២៩ បាត (១០ដុល្លារអាមេរិក) ក្នុងមួយអាវថែមទៀត៕

អត្ថបទ៖ ប៊ុន សុភាព

The post សួនសត្វ​នៅ​ថៃ​​រំពឹង​រក​ចំណូល​​​​​​​៦លាន​ដុល្លារ​​ពី​ភ្ញៀវ​ជាង​​១​លាន​នាក់ព្រោះ​កូនដំរីទឹក Moo Deng appeared first on Kampuchea Thmey Daily.

បន្ទាប់​ពី​ឃើញរូបថត​ដែល​បង្ហាញ​ពី​សត្វ​ខ្លាឃ្មុំមួយក្បាល​ឈរ​ត្រង់​ភ្លឹង ធ្វើឲ្យអ្នក​ប្រើ​អ៊ីនធឺណិតជាច្រើន​បាន​ចោទ​សួរ​ថា​ “តើ​ខ្លាឃ្មុំ​របស់​សួន​សត្វ​នេះ​ពិត​ឬ​អត់?” ។

ជាការឆ្លើយតប សួនសត្វបានអះអាងនៅលើបណ្តាញសង្គមអ៊ីនធឺណិតថា ខ្លាឃ្មុំនេះមកពីប្រទេសម៉ាឡេស៊ីមានទំហំតូចជាងខ្លាឃ្មុំដទៃទៀត ហើយមើលទៅខុសប្លែកពីគេ ប៉ុន្តែវាជាសត្វពិត ។

ជាទូទៅ សត្វខ្លាឃ្មុំព្រះអាទិត្យមានទំហំប៉ុនសត្វឆ្កែធំៗ វាមានកម្ពស់ខ្ពស់បំផុត ១.៦ ម៉ែត្រ និងទម្ងន់ធ្ងន់បំផុត ៦៥ គីឡូក្រាមប៉ុណ្ណោះ

ទន្ទឹមនោះ ក៏មានសួនសត្វចិនផ្សេងៗទៀត ធ្លាប់រងការចោទប្រកាន់ថាលាបពណ៌លើរោមសត្វឆ្កែដើម្បីបន្លំធ្វើជាចចក ឬឆ្មាអាហ្វ្រិកផងដែរ ៕

ប្រែសម្រួល៖ វារី

ប្រភព៖ newssky

ចុចអាន៖ ស្វាឪនៅសួនសត្វអាមេរិកបង្កើតកូន បង្កការភ្ញាក់ផ្អើល ព្រោះស្មានថាឈ្មោល

The post សួនសត្វចិនកំពុងរងការរិះគន់ រឿងយកមនុស្សបន្លំធ្វើខ្លាឃ្មុំ appeared first on Kampuchea Thmey Daily.