សេង សុខឃីម Archives - Kampuchea Thmey Daily

សេង សុខឃីម ថា «ត្រូវធ្វើជាមនុស្សស្រីដែលប្រុសណាក៏ចង់បាន មិនមែនជាមនុស្សស្រីដែលប្រុសណាក៏ធ្លាប់បាននោះទេ»

អ៊ិន ពិសី — Mon, 03 Feb 2025 07:18:05 +0000

តារាសម្ដែងស្រីចូលចិត្តស្លៀកពាក់បែបស៊ិចស៊ី អ្នកនាង សេង សុខឃីម ថា ត្រូវធ្វើជាមនុស្សស្រីដែលប្រុសណាក៏ចង់បាន មិនមែនជាមនុស្សស្រីដែលប្រុសណាក៏ធ្លាប់បាននោះទេ។

កាលពីយប់ថ្ងៃទី ២៨ ខែមករា ឆ្នាំ ២០២៥ កន្លងទៅ អ្នកនាង សេង សុខឃីម ធ្លាប់បានបង្ហោះនូវវីដេអូខ្លីមួយនៅលើបណ្ដាញសង្គមហ្វេសប៊ុករបស់ខ្លួនក្នុងសកម្មភាពអង្គុយម្នាក់ឯងយ៉ាងកម្សត់ ធ្វើឲ្យអ្នកគាំទ្រចាប់អារម្មណ៍ ព្រោះកន្លងមកធ្លាប់តែឃើញស្រីស្អាតរូបនេះ បង្ហាញពីភាពរឹងមាំ ប៉ុន្តែស្រាប់តែពេលនេះនាងប្រែទន់ខ្សោយអង្គុយយំគគ្រូកម្នាក់ឯងទៅវិញ។

អ្នកនាង សេង សុខឃីម បានរៀបរាប់ភ្ជាប់សំណេរខ្លីថា «ខ្ញុំជាមនុស្សស្រីដែលមានសំណាងណាស់ តែគ្មានសុភមង្គលសោះ»។ អ្នកនាងបន្តថា មនុស្សស្រីដែលមានទ្រព្យសម្បត្តិគ្រប់គ្រាន់ និងរូបសម្ផស្សស្រស់ស្អាត ប៉ុន្តែគ្មានភាពកក់ក្ដៅ គ្មានសុភមង្គល ព្រោះតែគ្រួសារបែកបាក់គ្នា…..ម្តាយត្រូវរស់ចិញ្ចឹមមើលថែកូនតែម្នាក់ឯង។ ស្រីស្រស់រូបនេះ បន្តទៀតថា ទោះនាងរឹងមាំអាចរស់ចិញ្ចឹមកូនម្នាក់ តែពេលខ្លះមានសម្ពាធផ្លូវចិត្តពីមជ្ឈដ្ឋានសង្គមខាងក្រៅក៏ធ្វើឲ្យមានអារម្មណ៍ពិបាកទទួលយកខ្លាំងដែរ។

យ៉ាងណាមិញ បន្ទាប់ពីបង្ហាញការមិនសប្បាយចិត្តមិនបានប៉ុន្មានផង ស្រាប់តែថ្មីៗ នេះ អតីតគូស្នេហ៍តារាចម្រៀង នាយចឺម គឺ អ្នកមេម៉ាយចាយសម្រស់ សេង សុខឃីម បានបង្ហោះសារសាជាថ្មីយ៉ាងដូច្នេះថា «ត្រូវធ្វើជាមនុស្សស្រីដែលប្រុសណាក៏ចង់បាន មិនមែនជាមនុស្សស្រីដែលប្រុសណាក៏ធ្លាប់បាននោះទេ»។

តាមការកត់សម្គាល់ តារាសម្ដែងស្រី អ្នកនាង សេង សុខឃីម កន្លងមកធ្លាប់ឆ្លងកាត់ជីវិតដ៏លំបាក និងការតស៊ូជាច្រើនដែលបង្រៀនឲ្យនាងកាន់តែមានភាពរឹងមាំសម្រាប់ជីវិត។ លើសពីនេះ សុខឃីម បច្ចុប្បន្នក៏បានបំពេញតួនាទីយ៉ាងល្អក្នុងការមើលថែរក្សាកូន ថ្វីត្បិតក្លាយជាស្ត្រីមេម៉ាយក្នុងពេលប៉ុន្មានឆ្នាំមកនេះក្ដី៕

អត្ថបទ ៖ ពិសី

The post សេង សុខឃីម ថា «ត្រូវធ្វើជាមនុស្សស្រីដែលប្រុសណាក៏ចង់បាន មិនមែនជាមនុស្សស្រីដែលប្រុសណាក៏ធ្លាប់បាននោះទេ» appeared first on Kampuchea Thmey Daily.

ធ្លាប់តែរឹងមាំ ! អតីតសង្សារនាយចឺម សេង សុខឃីម ស្រាប់តែអង្គុយយំគគ្រូក បង្ហាញភាពទន់ខ្សោយ

Chan Sotheavy — Wed, 29 Jan 2025 05:56:27 +0000

អតីតសង្សាតារាចម្រៀង នាយចឺម គឺអ្នកមេម៉ាយចាយសម្រស់ សេង សុខឃីម បានធ្វើមហាជននិងអ្នកគាំទ្រមានការភ្ញាក់ផ្អើលបន្ទាប់ពីឃើញនាង អង្គុយទួញសោកស្រក់ទឹកភ្នែកយំម្នាក់ឯងដោយមិនដឹងមូលហេតុ ខណ:មានអ្នកគាំទ្រមួយចំនួនបានសួរនាំគ្រប់គ្នា។

ជាក់ស្តែងកាលពីយប់ថ្ងៃទី២៨ ខែមករា ឆ្នាំ២០២៥ អ្នកនាងសេង សុខឃីមបានបង្ហោះវីដេអូខ្លីមួយនៅលើបណ្តាញសង្គមហ្វេសប៊ុករបស់ខ្លួន ក្នុងសកម្មភាពអង្គុយម្នាក់ឯងយ៉ាងកម្សត់ ធ្វើឲ្យអ្នកគាំទ្រចាប់អារម្មណ៍ ព្រោះកន្លងមកធ្លាប់តែឃើញអ្នកមេម៉ាយរូបស្រស់អ្នកនាង សេង សុខឃីម បង្ហាញពីភាពរឹងមាំ ប៉ុន្តែដឹងអីស្រាប់តែពេលនេះ នាងប្រែទន់ខ្សោយអង្គុយយំគគ្រូកម្នាក់ឯងទៅវិញ។

អ្នកនាង សេង សុឃីមបានរៀបរាប់ភ្ជាប់សំណេរខ្លីថា “ខ្ញុំជាមនុស្សស្រីដែលមានសំណាងណាស់ តែគ្មានសុភមង្គល”។ អ្នកនាងនិយាយទៀតថា មនុស្សស្រីដែលមានទ្រព្យសម្បតិគ្រប់គ្រាន់និងរូបសម្ផស្សស្រស់ស្អាត ប៉ុន្តែគ្មានភាពកក់ក្តៅគ្មានសុភមង្គមព្រោះតែគ្រួសារបែកបាក់គ្នា…ម្តាយត្រូវរស់ចិញ្ចឹមមើលថែកូនតែម្នាក់ឯង។

សេង សុខឃីម បន្តថា ទោះយើងរឹងមាំអាចរស់ចិញ្ចឹមកូនម្នាក់តែពេលខ្លះមានសម្ពាធផ្លូវចិត្តពីមជ្ឈដ្ឋានសង្គមខាងក្រៅក៏ធ្វើឲ្យយើងមានអារម្មណ៍ពិបាកទទួលយកខ្លាំងដែរ។ តាមរយ:នេះគឺមានអ្នកគាំទ្រមួយចំនួនបានលើកទឹកចិត្តនិងជម្រុញឲ្យនាងត្រូវតែរឹងមាំហើយតស៊ូទៅមុខទៀត។

ជាការពិត អ្នកនាង សេង សុឃីម ត្រវអ្នកគាំទ្រកត់សម្គាល់ថាកន្លងមកនាងបានឆ្លងកាត់ជីវិតដ៏លំបាកនិងការតស៊ូជាច្រើនដែលបានបង្រៀងឲ្យនាងកាន់តែមានភាពរឹងមាំសម្រាប់ជីវិត។ លើសពីនេះ សុខឃីម សព្វថ្ងៃក៏បានបំពេញតួនាទីយ៉ាងល្អក្នុងការមើលថែរក្សាកូនថ្វីត្បិតនាងក្លាយជាស្រ្តីមេម៉ាយក្នុងពេលប៉ុន្មានឆ្នាំមកនេះ៕ អត្ថបទ៖ ចាន់រ៉ា

The post ធ្លាប់តែរឹងមាំ ! អតីតសង្សារនាយចឺម សេង សុខឃីម ស្រាប់តែអង្គុយយំគគ្រូក បង្ហាញភាពទន់ខ្សោយ appeared first on Kampuchea Thmey Daily.

នាយ ចឺម មានអ្វីពិសេស ទើបអ្នកមេម៉ាយ សេង សុខឃីម មិនទាន់អស់អាល័យ

អ៊ិន ពិសី — Fri, 07 Jun 2024 06:50:30 +0000

ទោះបីមកទល់ពេលនេះចំណងស្នេហ៍រវាងតារាចម្រៀង នាយ ចឺម និងអតីតសង្សារអ្នកមេម៉ាយចាយសម្រស់អ្នកនាង សេង សុខឃីម បានដើរដល់ចំណុចបែកគ្នាហើយពិតមែន ជារឿយៗ នាងនៅតែបង្ហាញពីការនឹករលឹករម្លឹកអនុស្សាវរីយ៍ចាស់ជាមួយគ្នា។

ប្រាកដណាស់ក្រោយពីផ្តាច់ទំនាក់ទំនងស្នេហាជាមួយតារាចម្រៀងសម្បូរស្នេហ៍ដែលគេចាត់ទុកថាជាព្រាននារី គឺ នាយ ចឺម នោះ គិតមកដល់ពេលនេះមានរយៈពេលប្រមាណជាង ១ ឆ្នាំ មកហើយ។ អ្វីដែលចាប់អារម្មណ៍ ស្រាប់តែមុននេះ អតីតសង្សារតារាប្រុសរូបនេះ បានទម្លាយរូបថតរម្លឹកនូវអនុស្សាវរីយ៍ ថែមទាំងពោលមួយប្រយោគហាក់បារម្ភពីសុខទុក្ខ នាយ ចឺម ផងដែរ។

អ្នកនាង សេង សុខឃីម បានរៀបរាប់ភ្ជាប់វីដេអូអនុស្សាវរីយ៍ចាស់ៗ ជាមួយ នាយ ចឺម ដូច្នេះថា «បំភ្លេចអូនក៏មិនអ្វី តែបងត្រូវតែរស់នៅឲ្យមានក្តីសុខ ឈប់ដើម្បីអ្នកណាទៀត រឿងចាស់ហួសហើយ រម្លឹកបាន តែកុំស្អប់ កុំបន្ទោសនរណាម្នាក់ដាក់ក្នុងជីវិតរបស់អ្នក វាគ្រាន់តែជា, មេរៀន ,បទពិសោធ, ការចងចាំ,ដាស់តឿន និងក្រើនរម្លឹក»។

អតីតសង្សារ នាយ ចឺម បញ្ជាក់ថា ចាញ់គេ ក៏ព្រោះនាងស្មោះត្រង់នឹងគេ តែងតែគិតពីរឿងកន្លងមកចំពោះគេក្នុងផ្លូវល្អៗ គិតថា គេមានចិត្តបុណ្យដូចនាង មនុស្សត្រង់ មិនប្រាកដថាល្ងង់ គ្រប់យ៉ាងមកពីឲ្យតម្លៃលើ(ស្មោះត្រង់)។

គួររម្លឹកថា កាលពីចុងឆ្នាំ ២០២២ កន្លងទៅ អ្នកមេម៉ាយរូបស្រស់អ្នកនាង សេង សុខឃីម បានទម្លាយជុំវិញការបែកបាក់ស្នេហាជាមួយអតីតសង្សារ តារាចម្រៀងវ័យក្មេង នាយ ចឺម បង្កការភ្ញាក់ផ្អើលដល់អ្នកគាំទ្រ និងប្រើប្រាស់បណ្ដាញសង្គមហ្វេសប៊ុក។ ក្រោយដំណឹង នៃការបែកបាក់នេះ គេឃើញអ្នកនាង សេង សុខឃីម តែងទម្លាយសារចេញពីចិត្តជាបន្តបន្ទាប់៕

អត្ថបទ ៖ ចាន់រ៉ា

The post នាយ ចឺម មានអ្វីពិសេស ទើបអ្នកមេម៉ាយ សេង សុខឃីម មិនទាន់អស់អាល័យ appeared first on Kampuchea Thmey Daily.

ធ្លាប់ឈឺចាប់ សេង សុខឃីម សុំចិត្តឈប់សួររឿងអតីត

Din Thary — Fri, 24 Nov 2023 03:31:26 +0000

អតីតសង្សានាយ ចឺម គឺអ្នកមេម៉ាយចាយរាង សេង សុខឃីម បានទម្លាយពីអារម្មណ៍ឈឺចាប់របស់ខ្លួនបន្ទាប់ពីបរាជ័យនៅក្នុងរឿងស្នេហា។ ម្យ៉ាងទៀត សេង សុខឃីម ក៏ទទូចស្នើសុំដល់មហាជន អ្នកគាំទ្រឈប់សួរនាំរឿងអតីតកាលជាមួយអ្នកចាស់។

តារាស្រីកូនមួយអ្នកនាង សេង សុខឃីម បានបង្ហាញការឈឺចាប់ជាបន្តបន្ទាប់ក្រោយរូបគេត្រូវជួបស្នេហាក្បត់ចិត្តកន្លងមក។ ប៉ុន្តែនាងមិនបានបញ្ចេញ ឬសំដៅលើឈ្មោះនរណាម្នាក់ទេ គ្រាន់តែ សុខឃីម លើកឡើងជីវិតឈឺចាប់ថា ឱកាសរបស់លោកអស់តាំងពីថ្ងៃដែលលោកតាំងចិត្តក្បត់មកម៉្លេះ បោះបង់ខ្ញុំឲ្យអ្នកដទៃ ខ្ញុំបានពិសោធឲ្យលោកឃើញធាតុពិតរបស់លោក ហើយខ្ញុំគ្មានអីដែលត្រូវពិសោធទៀតទេ។

សេង សុខឃី បានបន្តថា តាំងពីយើងទាក់ទងគ្នារហូតដល់ពេលបែកគ្នា ពេលណាដែលគេស្មោះត្រង់ និងខ្លួនមិនថានាងលះបង់ដើម្បីគេប៉ុនណាក៏គេគិតថានាងមិនល្អ មែនហើយនាងមិនល្អទេ បន្តក៏មានតែរឿងឈឺក្បាល ព្រោះចាំមើលតែបំណាំមិនដែលគិតស្មោះត្រង់និងនាងទេ យើងបញ្ចប់គឺល្អហើយ។

អ្នកនាង សេង សុខឃីម បញ្ជាក់ថា“ខ្ញុំតែងតែងប្រាប់លោកគ្រប់ពេលថា លោកជាមនុស្សចុងក្រោយរបស់ ខ្ញុំហើយ សូមលោកកុំក្បត់ខ្ញុំណា ព្រោះទម្រាំខ្ញុំស្គាល់លោកមានគេធ្វើឲ្យខ្ញុំខកចិត្តច្រើនលើកណាស់មកហើយ តែចុងក្រោយលោកគឺជាមនុស្សដែលធ្វើឲ្យខ្ញុំខកបំណង និងឈឺចាប់បំផុតស្មានមិនដល់ ចិត្តលោកឃោឃៅហ៊ានបែបនេះដាក់ខ្ញុំ ហើយចោទថាខ្ញុំមិនល្អ មែនហើយខ្ញុំមិនល្អទេបន្តក៏មានតែរឿងឈឺក្បាល“។

បន្ថែមពីនេះអ្នកនាង សេង សុខឃីម បានស្នើដល់ចិត្តអ្នកគាំទ្រថា ឈប់សួរអ្វីពីគេទៀតទៅក៏មិនបាច់ប្រាប់អ្វីពីគេឲ្យខ្ញុំដឹងដែរ ពួកខ្ញុំបានបែកគ្នាហើយ ខ្ញុំបានពិសោធឃើញធាតុពិតគេហើយ គឺគ្មានអី្វត្រូវទ្រាំបន្តពិសោធចិត្តគេទៀតទេ។

គេធ្លាប់នៅចាំបានថាកាលពីអំឡុងចុងឆ្នាំ២០២២ កន្លងទៅអ្នកមេម៉ាយរូបស្រស់អ្នកនាង សេង សុខឃីម បានទម្លាយជុំវិញការបែកបាក់ស្នេហាជាមួយអតីតសង្សាតារាចម្រៀងវ័យក្មេងនាយចឺម បង្កការភ្ញាក់ ផ្អើលដល់អ្នកគាំទ្រ និងប្រើប្រាស់បណ្តាញសង្គមហ្វេសប៊ុក។ ក្រោយដំណឹងនៃការបែកបាក់នេះគេឃើញអ្នកនាង សេង សុខឃីម តែងទម្លាយសារចេញពីចិត្តជាបន្តបន្ទាប់៕

អត្ថបទ៖ចាន់រ៉ា

The post ធ្លាប់ឈឺចាប់ សេង សុខឃីម សុំចិត្តឈប់សួររឿងអតីត appeared first on Kampuchea Thmey Daily.

អតីតសង្សារ នាយ ចឺម ហាក់មិនអស់អាល័យ បន្តទម្លាយរូបភាពអនុស្សាវរីយ៍ចាស់ៗ

Din Thary — Mon, 14 Aug 2023 08:04:13 +0000

មហាជនធ្លាប់បានដឹង និងនៅចាំហើយថា កាលពីអំឡុងចុងឆ្នាំ២០២២ កន្លងទៅ អ្នកមេម៉ាយរូបស្រស់អ្នកនាង សេង សុខឃីម បានទម្លាយរឿងរ៉ាវជុំវិញការបែកបាក់ស្នេហាជាមួយអតីតសង្សារតារាចម្រៀងវ័យក្មេង នាយ ចឺម ដែលបង្កការភ្ញាក់ផ្អើលដល់អ្នកគាំទ្រ និងប្រើប្រាស់បណ្ដាញសង្គមហ្វេសប៊ុកជាច្រើន។

យ៉ាងណា បន្ទាប់ពីលេចឮដំណឹងនៃការបែកបាក់នេះ គេឃើញថាអ្នកនាង សេង សុខឃីម គឺតែងតែទម្លាយសារចេញពីចិត្តជាបន្តបន្ទាប់។

ជាការពិតណាស់ ក្រោយពីផ្ដាច់ទំនាក់ទំនងស្នេហាជាមួយតារាចម្រៀងសម្បូរស្នេហ៍ នាយ ចឺម គិតមកដល់ពេលនេះមានរយៈពេលប្រមាណ ១ឆ្នាំ មកហើយ ។ ខណៈជារឿយៗ អតីតសង្សារតារាប្រុសរូបនេះ គឺអ្នកមេម៉ាយចាយសម្រស់ សេង សុខឃីម បានទម្លាយរូប ថតរម្លឹកនូវអនុស្សាវរីយ៍អមដោយខ្លឹមសារមួយចំនួន ។

តួយ៉ាងថ្មីៗមុននេះ អតីតសង្សានាយ ចឺម អ្នកនាង សេង សុខឃីម បានរម្លឹកដល់អតីតកាល និងអនុស្សាវរីយ៍ល្អៗជាច្រើនធ្លាប់សាងឡើងរួមគ្នាជាមួយនាយ ចឺម។ ក្នុងនោះអ្នកនាង សុខឃីម ក៏បានកាត់ភ្ជាប់រូបភាពបញ្ចូលចិត្តជាមួយខ្លឹមសារបទចម្រៀងកម្សត់ហាក់នឹកដល់អតីតសង្សារចាស់ទៀតផង។

អ្នកមេម៉ាយចាយរាងរូបស្រស់ សេង សុខឃីម បានបញ្ចេញខ្លឹមសារខ្លីដូច្នេះថា “ការចាកចេញមិនមែនសុទ្ធ តែមកពីអស់ចិត្តនោះទេជួនកាលមានរឿងខ្លះទទួល យកមិនបានទើបគ្មានជម្រើសអ្វីក្រៅពីចាកចេញ”។ ជាមួយគ្នានេះ មានខ្លះបានសួរថានឹកគេមែន? ជូនពរឱ្យស្រលាញ់គ្នាវិញ ហើយស្រលាញ់រឹតតែខ្លាំងដល់ចាស់កោងខ្នង, យើងមានអនុស្សាវរីយ៍មិនអាចភ្លេចបាន៕

អត្ថបទ៖ ចាន់រ៉ា

The post អតីតសង្សារ នាយ ចឺម ហាក់មិនអស់អាល័យ បន្តទម្លាយរូបភាពអនុស្សាវរីយ៍ចាស់ៗ appeared first on Kampuchea Thmey Daily.

សេង សុខឃីម បង្ហាញជីវិតស្រស់បំព្រង ក្រោយរកបានអ្នកថ្មីស្អំបេះដូង

Din Thary — Wed, 19 Jul 2023 07:09:14 +0000

អ្នកមេម៉ាយចាយសម្រស់អ្នកនាង សេង សុខឃីម ដែលធ្លាប់ជាអតីតសង្សារតារាចម្រៀងនាយ ចឺម បន្ទាប់ពីបែកផ្លូវគ្នាជាមួយអតីតសង្សារបានប្រមាណជា ១ឆ្នាំ ស្រាប់តែថ្មីៗនេះ ស្រីស្អាតកូន១ សុឃីម បានទម្លាយចំណងស្នេហាថ្មីជាមួយបុរសវ័យប្រហែលគ្នាម្នាក់ ដែលមានរូបរាងសង្ហា បង្អួតភ្នែកមហាជនអ្នកគាំទ្រ។

មហាជននៅចាំហើយថា កាលពីអំឡុងចុងឆ្នាំ២០២២ កន្លងទៅ អ្នកមេម៉ាយរូបស្រស់អ្នកនាង សេង សុខឃីម បានទម្លាយការបែកបាក់ជុំវិញរឿងស្នេហាជាមួយអតីតសង្សារវ័យក្មេងនាយ ចឺម ដែលបង្កការភ្ញាក់ផ្អើលដល់អ្នកគាំទ្រ និងអ្នកប្រើប្រាស់ពេញបណ្ដាញសង្គម។

យ៉ាងណាមិញ ក្រោយដំណឹងនៃការបែកបាក់នេះ គេឃើញថា អ្នកនាង សេង សុខឃីម តែងតែទម្លាយសារចេញពីចិត្តជាបន្តបន្ទាប់ឱ្យមហាជនបានដឹង។

ប៉ុន្តែយ៉ាងណាក្តី ស្រីស្អាតកូន១ អ្នកនាង សេង សុឃីម អំឡុងពេលបែកបាក់ស្នេហាជាមួយនាយ ចឺម ជិត ១ឆ្នាំមកនេះ នាងពុំធ្លាប់បង្ហាញ ឬបង្ហើបពីទំនាក់ទំនងស្នេហាជាមួយបុរសណាម្នាក់ឡើយ។ អ្វីដែលចាប់អារម្មណ៍ទើបតែថ្មីៗនេះ អ្នកនាង សេង សុឃីម បានទម្លាយដំណឹងទំនាក់ទំនងស្នេហាថ្មីជាមួយបុរសរូបសង្ហាម្នាក់ ស្ថិតក្នុងលក្ខណៈស្និទ្ធស្នាលគ្នាខ្លាំង។

ភ្ជាប់ជាមួយរូបភាពមួយសន្លឹក ពន្លយខ្លឹមសារអមដោយពាក្យសម្ដីផ្អែមល្ហែម សេង សុខឃីម បានបញ្ជាក់ថា «ក្តីស្រឡាញ់ និងទង្វើ ដែលបងផ្ដល់ឱ្យអូនកន្លងមក ប្រៀបដូចជាត្រូវឆ្នោតរង្វាន់ធំ មិនបាច់ស្រឡាញ់អ្នកមាន ហាយសូ តាមដែលអ្នកដទៃប្រាប់ ត្រឹមមនុស្សប្រុសធម្មតាម្នាក់តែអាចធ្វើឱ្យអូនក្លាយជាមនុស្សស្រីពិសេស មានតម្លៃ កាន់ដៃគ្នាខំតស៊ូទៅមុខរហូតទៅសុំឱ្យក្តីស្រឡាញ់នេះបែបនេះរហូតទៅ»។

អ្នកមេម៉ាយ សេង សុខឃីម បាននិយាយទៀតថា«ខ្ញុំស្រឡាញ់អ្នកធម្មតាៗ តែខ្ញុំដូចជាព្រះនាងអីចឹង ខំធ្វើបុណ្យសូមផ្សងជួបមនុស្សប្រុសល្អ កុំឱ្យជួបអាប្រុសសន្ដានសត្វឆ្កែមានតែញីគ្រប់ទិស»។

តាមរយៈដំណឹងនេះបានធ្វើឱ្យអ្នកគាំទ្រ សេង សុខឃីម សម្ដែងនូវការអបអរ និងជូនពរនាងដែលរកបានអ្នកថ្មីមកស្អំបេះដូងបំបាត់ការឈឺចាប់កន្លងមក៕

អត្ថបទ៖ ចាន់រ៉ា

The post សេង សុខឃីម បង្ហាញជីវិតស្រស់បំព្រង ក្រោយរកបានអ្នកថ្មីស្អំបេះដូង appeared first on Kampuchea Thmey Daily.

សេង សុខឃីម ទម្លាយរឿងក្នុងចិត្តពាក់ព័ន្ធអតីតស្វាមី និងការចិញ្ចឹមកូន

Sokhom Khon — Wed, 31 May 2023 09:00:56 +0000

អ្នកមេម៉ាយចាយសម្រស់ សេង សុខឃីម ដែលជាអតីតសង្សានាយ ចឺម នាពេលកន្លងមកគេមិនត្រូវបានដឹងទេថា ស្រីស្អាតរូបនេះក្រោយពេលបែកបាក់អតីតស្វាមីមុននាងឆ្លងកាត់រឿងរ៉ាវលំបាក់នៅក្នុងជីវិតបែបណានោះទេ។ គ្រាន់តែដឹងថា បច្ចុប្បន្ននាងមានជីវិតរស់នៅយ៉ាងបំព្រងដោយរស់នៅចិញ្ចឹញកូនប្រុសជាទីស្រលាញ់ស្មើរជីវិត។

ថ្វីត្បិតកន្លងទៅគេពុំធ្លាប់ដឹងជីវិតរស់នៅរបស់អ្នកនាង សេង សុខឃីម រឿងរ៉ាវយ៉ាងណាក៏ពិតមែន ។ប៉ុន្តែមុននេះអ្នកមេម៉ាយស្រស់ស្អាត សេង សុឃីម បានទម្លាយរឿងខ្លះៗពាក់ព័ន្ធអតីតស្វាមី និងការចិញ្ចឹមកូនបន្ទាប់ពីការបែកបាក់គ្នាប៉ុន្មានឆ្នាំមកនេះ។

អ្នកនាង សេង សុខឃី បានរៀបរាប់ពីដំណើរជីវិតថា នាងលែងលះអាហារកិច្ច គេថាជួយ តែមិនដែលជួយ នាងក៏មិនដែលទាមទារ មិនមែននាងខ្លាំងទេ នាងចេញមកតែខ្លួន និងយកកូនប្រុសមកផ្ទះវិញ តែនាងមិនសុំគេឡេីយ ទោះក្រយ៉ាងមិចក៏ដោយ ព្រោះបើគេមានចិត្តជាឪពុក គេនឹងមើលថែកូនហើយ តែបើគេគ្មានចិត្តចាត់ទុកថាគេជាមនុស្សមិនចេះស្រលាញ់កូន នាងគិតត្រូវដែលលែងលះគេ។

អ្នកមេម៉ាយ សេង សុខឃីម បានបន្តថា បើអ្នកសំរេចចិត្តថាចង់ចិញ្ចឹមកូនម្នាក់ឯង ហើយកុំយករឿងកូនមកទាមទារលុយពីគេ កុំនិយាយរឿងឪពុកមិនល្អ មិនដែលមើលថែនិយាយឲ្យកូនស្អប់ ខឹង ឪពុក ធ្វើបែបនេះ ស្មើនឹងយើងជាម្តាយអ្នកដាក់សម្ពាធឲ្យកូនមានអារម្មណ៍ថាខ្លួនឯងខ្វះភាពកក់ក្តៅពីឳពុក-ល-។ យើងធ្វើបែបនេះកាន់តែធ្វើឲ្យខ្លួនឯងអត់តម្លៃនិយាយក្នុងនាមមនុស្សស្រី។

ចំពោះការលើកឡើងរបស់ សេង សុខឃីម នេះ បានធ្វើឲ្យមានការបញ្ចេញមតិវែកញែកមួយចំនួនដោយខ្លះយល់ឃើញដូចការលើកឡើងរបស់អ្នកនាង សេង សុខឃីម ខណ:មានខ្លះទៀតបានបញ្ចេញមតិថា សេង សុខឃីម ហាក់មានចេតនាដៀមដាមដល់អ្នកដទៃដែលកំពុងជួបបញ្ហាបែបនេះ៕

អត្ថបទ៖ ចាន់រ៉ា

The post សេង សុខឃីម ទម្លាយរឿងក្នុងចិត្តពាក់ព័ន្ធអតីតស្វាមី និងការចិញ្ចឹមកូន appeared first on Kampuchea Thmey Daily.

អតីតសង្សារ ប្រាប់ទំនាក់ទំនងឡើងវិញជាមួយ នាយ ចឺម ជាថ្មី!

អ៊ិន ពិសី — Fri, 05 May 2023 04:37:30 +0000

ក្រោយផ្ដាច់ទំនាក់ទំនងស្នេហាជាមួយតារាចម្រៀងសម្បូរស្នេហ៍ នាយ ចឺម មានរយៈពេលប្រមាណជិត ១ ឆ្នាំ មកនោះ ថ្មីៗនេះស្រាប់តែអតីតសង្សារតារាប្រុសរូបនេះ គឺអ្នកមេម៉ាយចាយសម្រស់ សេង សុខឃីម បានទម្លាយរម្លឹកនូវអនុស្សាវរីយ៍ឡើងវិញ ហើយថែមទាំងបញ្ជាក់ពីទំនាក់ទំនងរវាងនាង និងនាយ ចឺម ជាថ្មី។

គេធ្លាប់ចាំបានថា កាលពីអំឡុងចុងឆ្នាំ ២០២២ កន្លងទៅ អ្នកមេម៉ាយរូបស្រស់ សេង សុខឃីម បានទម្លាយជុំវិញការបែកបាក់ស្នេហាជាមួយនាយ ចឺម បង្កការភ្ញាក់ផ្អើលដល់អ្នកគាំទ្រ និងប្រើប្រាស់បណ្ដាញសង្គមហ្វេសប៊ុក។ ក្រោយដំណឹង នៃការបែកបាក់នេះគេឃើញអ្នកនាង សេង សុខឃីម តែងទម្លាយសារចេញពីចិត្តជាបន្តបន្ទាប់។

យ៉ាងណាមិញ ក្រោយរឿងរ៉ាវនេះត្រូវបានស្ងប់ស្ងាត់មួយរយៈពេល បន្ទាប់ពីការចែកផ្លូវដើរផ្សេងគ្នានោះ ស្រាប់តែអ្នកនាង សេង សុខឃីម បានរម្លឹកដល់អតីតកាល និងអនុស្សាវរីយ៍ល្អជាច្រើនធ្លាប់សាងឡើងរួមគ្នាជាមួយ នាយ ចឺម។ ក្នុងនោះ អ្នកនាង សុខឃីម ក៏បានបញ្ជាក់ច្បាស់ជុំវិញទំនាក់ទំនងជាមួយនាយ ចឺម អំឡុងបច្ចុប្បន្ននេះផងដែរ។

អ្នកមេម៉ាយចាយរាងរូបស្រស់ សេង សុខឃីម បានបញ្ចេញវីដេអូមួយ ដោយភ្ជាប់នឹងខ្លឹមសារខ្លីដូច្នេះថា «អនុស្សាវរីយ៍ល្អៗ ខ្ញុំនឹងចាំទុក ពេលនេះត្រឹមជាបងប្រុស គឺល្អបំផុតហើយ»។ មានការលើកឡើងផ្សះផ្សាពីអ្នកគាំទ្រមួយចំនួន ដោយចង់ឲ្យអ្នកទាំងពីរត្រូវគ្នាវិញ ក្នុងនោះមានមតិថា ត្រូវគ្នាវិញទៅបង , មិត្តភាពក្លាយជាស្នេហា តែស្នេហាមិនអាចក្លាយជាមិត្តភាពបានទេ។ ឆ្លើយតបចំពោះការលើកឡើងនេះ អ្នកនាង សេង សុខឃីម បានបញ្ជាក់ទៅវិញច្បាស់ៗថា ពេញនេះអាចហើយបង៕

អត្ថបទ ៖ ចាន់រ៉ា

The post អតីតសង្សារ ប្រាប់ទំនាក់ទំនងឡើងវិញជាមួយ នាយ ចឺម ជាថ្មី! appeared first on Kampuchea Thmey Daily.