យោងតាម Al Jazeera, ស្ថាប័ន​​ទាំង​នោះ​បាន​លើក​ឡើង​កាល​ពី​ថ្ងៃ​សុក្រ​ថា ពួក​គេ​បាន​សរសេរ​ជូន​ដំណឹង​ជា​បន្ទាន់​ ដល់ AFP អំពី​ការព្រួយ​បារម្ភ​របស់​ពួកគេ​ទាក់​ទង​នឹង​​ឧក្រិដ្ឋកម្មធ្ងន់ធ្ងរ។ ជា​ពិសេស​​ការញុះ​ញង់​ឱ្យ​មាន​សង្គ្រាម​ និង​ការ​តស៊ូ​មតិ​អំពើ​ប្រល័យ​ពូជសាសន៍​ ដោយ លោក​ Isaac Herzog អំឡុង​ពេល​ការ​វាយ​ប្រហារ​ ដោយ​យោធា​របស់​អ៊ី​ស្រា​អែល​នៅ​ហ្គាហ្សា ចាប់​តាំង​ពីថ្ងៃទី៧ ខែតុលា ឆ្នាំ២០២៣។

មជ្ឈមណ្ឌល​អូស្ត្រាលី​សម្រាប់​យុត្តិធម៌​អន្តរជាតិ ACIJ រួមមាន ​Al-Haq និងមជ្ឈមណ្ឌល Al Mezan ដែល​ធ្វើការ​លើ​​សិទ្ធិមនុស្ស​ បាន​​ដាក់​ស្នើ​បទចោទមានចំនួន​ ១០ទំព័រ ដែល​រៀប​រាប់​លម្អិត​អំពី​ការ​ចោទ​ប្រកាន់​ប្រឆាំង​នឹង ​លោក​ Herzog ក៏​ដូច​ជា​កាតព្វកិច្ច​របស់​ប្រទេសអូស្ត្រាលី​ក្រោម​ច្បាប់​អន្តរជាតិ និង​ច្បាប់​ក្នុង​ស្រុក​របស់​ខ្លួន​។

លោក Rawan Arraf នាយក​ប្រតិបត្តិ​នៅ ACIJ បាន​និយាយ​នៅ​ក្នុង​សេចក្តី​ថ្លែង​ការណ៍​មួយ​ថា៖ «កន្លែង​ដែល​រក​ឃើញ​ដោយ​អន្តរជាតិ​ ដែលអាច​ជឿ​ទុក​ចិត្ត​បាន​បង្ហាញ​ពី​ការញុះញង់​ឱ្យ​ប្រព្រឹត្ត​អំពើ​ប្រល័យ​ពូជ​សាសន៍ ជា​​កន្លែង​ដែល​ប្រទេស​មួយ​​មិនគួរ​​ធ្វើ​ឡើងនោះ ហើយ​អូស្ត្រាលី​មាន​ទាំងសិទ្ធិអំណាចផ្លូវច្បាប់ និង​ការ​ទទួល​ខុស​ត្រូវ​ក្នុង​សកម្មភាព​ជាក់​ស្តែង​ ដែល​បាន​ប្រព្រិត្តិផង​ដែរ​​»។

តែ​យ៉ាង​ណា លោក Arraf ក៏​​បាន​​លើក​ឡើង​​ដែរ​ថា រដ្ឋាភិបាល​​អូ​ស្ត្រាលី​​នឹង​​បង្ហាញ​​ការ​​មិន​​យក​​ចិត្ត​​ទុក​​ដាក់ខ្លាំង​ ​​ចំពោះ​​កាតព្វកិច្ច​​ផ្លូវ​​ច្បាប់​​អន្តរ​ជាតិ​​របស់​​ខ្លួនទេ ​ដោយ​​អនុញ្ញាត​​ឱ្យ​ លោក​ Herzog ចូល​​ក្នុង​​ប្រទេស​​អូស្ត្រាលី​​​ដោយ​​គ្មាន​​ការ​​ស៊ើប​អង្កេត​​របស់ AFP ឡើយ​៕

ប្រែសម្រួល៖ ណឺ មិនា

The post ​ប្រធានាធិបតីអ៊ីស្រាអែល លោក Herzog រងការស្នើ​ស៊ើបអង្កេត​លើ​បទចោទ​ឧក្រិដ្ឋកម្ម​សង្រ្គាម​​ appeared first on Kampuchea Thmey Daily.

យោង​តាម​សេចក្ដី​បំភ្លឺ​ព័ត៌មាន​របស់​នាយកដ្ឋាន​ប្រឆាំង​បទល្មើស​បច្ចេកវិទ្យា នៃ​អគ្គស្នងការដ្ឋាន​នគរបាល​ជាតិ ដែល​ទើប​ទទួល​បាន​នៅ​ថ្ងៃ​ទី ១៦ វិច្ឆិកា​នេះ បញ្ជាក់​ឲ្យ​ដឹង​ថា ថ្មីៗ​នេះ ក្រុមហ៊ុន French OL Group ជ្រក​ក្រោម​គេហទំព័រ​ភ្នាល់​បាល់ ឈ្មោះ ol669.vip និង ol66B.online បាន​ធ្វើ​សកម្មភាព​អូសទាញ​ប្រជាពលរដ្ឋ​ឲ្យ​សាកល្បង និង​ចូលរួម​ជា​សមាជិក​វិនិយោគ​ដាក់​ប្រាក់ ដោយ​អនុវត្ត​តាម​ការ​ណែនាំ​របស់​ក្រុមហ៊ុន នឹង​ទទួល​បាន​ប្រាក់ចំណេញ និង​ប្រយោជន៍​ផ្សេងៗ។ ប៉ុន្តែ​នៅ ពេល​មាន​សមាជិក​បន្ត​ដាក់​ប្រាក់​វិនិយោគ​កាន់តែ​ច្រើន ក្រុមហ៊ុន មិន​បាន​ផ្ទេរ​ប្រាក់​ជូន​សមាជិក​វិញ​ទេ ហើយ​សមាជិក​ទាំងនោះ ក៏​មិន​អាច​ដក​ប្រាក់​របស់​ខ្លួន​ត្រឡប់​មក​វិញ​បាន​ដែរ។

នាយកដ្ឋាន​ប្រឆាំង​បទល្មើស​បច្ចេកវិទ្យា បញ្ជាក់​ថា ក្រោយពី​ទទួល​បាន​ព័ត៌មាន​អំពី​សេចក្ដី​បដិសេធ​របស់​ក្រសួងការបរទេស និង​កិច្ច​សហ​ប្រតិបត្តិការ​អន្តរជាតិ កាលពី​ថ្ងៃ​ទី ២៥ ខែ​តុលា ឆ្នាំ ២០២២ នាយកដ្ឋាន បាន​ចាត់​មន្ត្រី​ជំនាញ​ឲ្យ​ធ្វើការ​ស្រាវជ្រាវ ស៊ើបអង្កេត រក​បទល្មើស​របស់​ក្រុមហ៊ុន និង​ម្ចាស់​ក្រុមហ៊ុន​ខាងលើ ដើម្បី​ឈាន​ដល់​ការ​ចាត់​វិធានការ​តាម​នីតិវិធី​ច្បាប់។ ករណី​នេះ កំពុង​ស្ថិត​ក្នុង​ដំណាក់កាល​ស៊ើបអង្កេត​នៅឡើយ នាយកដ្ឋាន មិនទាន់​អាច​ជូនដំណឹង​លម្អិត បានទេ ព្រោះ​អាច​ធ្វើ​ឲ្យ​ប៉ះពាល់​ដល់​ដំណើរ នៃ​ការ​ស៊ើបអង្កេត។

ទន្ទឹម​នឹង​នេះ ក៏​មាន​ប្រជាពលរដ្ឋ​មួយ​ចំនួន បាន​អញ្ជើញ​មក​ដាក់​ពាក្យបណ្ដឹង​ដោយ​ផ្ទាល់​នៅ​នាយកដ្ឋាន​ប្រឆាំង​បទល្មើស​បច្ចេកវិទ្យា​ផង​ដែរ។

នាយកដ្ឋាន​ប្រឆាំង​បទល្មើស​បច្ចេកវិទ្យា អះអាង​ថា រាល់​ពាក្យបណ្ដឹង​របស់​ប្រជាពលរដ្ឋ ត្រូវ​បាន​នាយកដ្ឋាន យកចិត្តទុកដាក់​ខ្ពស់​ក្នុង​ការ​អនុវត្ត ស្រាវជ្រាវ ស៊ើបអង្កេត ឲ្យ​មាន​ប្រសិទ្ធភាព ដើម្បី​ឈាន​ដល់​ការ​បង្ការ ទប់ស្កាត់ និង​បង្ក្រាប​ទាន់​ពេលវេលា។

បន្ថែម​ពី​លើ​នេះ នាយកដ្ឋាន​ប្រឆាំង​បទល្មើស​បច្ចេកវិទ្យា បាន​អំពាវនាវ​ដល់​សាធារណជន​ទាំងអស់ សូម​ប្រុងប្រយ័ត្ន​ក្នុង​ការ​ផ្ទេរ​ប្រាក់ ឬ​វិនិយោគ​ណាមួយ តាម​ប្រព័ន្ធ​អនឡាញ (Online) ដោយ​ត្រូវ​ពិនិត្យ​លើ​ឯកសារ​គតិយុត្តិ​របស់​ក្រុមហ៊ុន និង​អត្តសញ្ញាណ​ជន​ទទួល​ប្រាក់​ឲ្យ​ច្បាស់លាស់ មុននឹង​ឈាន​ដល់​ការ​សម្រេចចិត្ត​ផ្ទេរ​ប្រាក់។ ក្នុង​នោះ ខណៈ​បច្ចុប្បន្ន​នេះ នាយកដ្ឋាន​ប្រឆាំង​បទល្មើស​បច្ចេកវិទ្យា បាន​ទទួល​ពាក្យបណ្ដឹង​ជាច្រើន​គួរ​ឲ្យ​កត់សម្គាល់ ពាក់ព័ន្ធ​បទល្មើស​ឆបោក ជាពិសេស​ការ​វិនិយោគ​តាម​បណ្ដាញ​សង្គម ដែល​មិន​មាន​ប្រភព​ច្បាស់លាស់៕

អត្ថបទ ៖ សំអឿន

The post សមត្ថកិច្ចកំពុងស៊ើបអង្កេតក្រុមហ៊ុន និងម្ចាស់ក្រុមហ៊ុន French OL Group ដែលក្លែងបន្លំ LOGO ក្រសួងការបរទេសកម្ពុជា appeared first on Kampuchea Thmey Daily.

គ្រប់​រឿង​ក្ដី​របស់​សុភាប្រុស ​​តែងតែ​នាំ​អារម្មណ៍​ប្រិយ​មិត្ត​អ្នក​អាន​ឲ្យ​អន្លង់អន្លោច​តាម​ឈុត​ឆាក​របស់​តួ​នីមួយៗ ​និង​តក់ស្លុត​នូវ​ការ​សម្លាប់​មិន​ស្គាល់​អត្តសញ្ញាណ​របស់​ឃាតក​លាក់មុខជានិច្ចកាល។

សម្រាប់​រសជាតិ​ថ្មី​ស្រឡាង​របស់​សុភាប្រុស​មួយនេះ​ មាន​ចំណងជើង​ថា “បន្ទប់ពិសោធន៍ L-34” ដែល​និយាយ​ពី​បន្ទប់​ពិសោធន៍​មួយ​​មិន​ប្រក្រតី និង​មិន​មាន​មន្ត្រី​វេជ្ជសាស្ត្រ​ណា​ម្នាក់ អាច​បកស្រាយ​បាន​នៅ​ឡើយ។

ជាពិសេស​សាច់​រឿង​បែប​ស៊ើប​ក្ដី​នេះ​ បាន​បង្ហើប​ពី​ឈុត​ឆាក​ភ័យខ្លាច​នៃ​បន្ទប់​ពិសោធន៍​នោះ​ថា​ មិន​ថា​ក្មេង​ឬ​ចាស់​ដែល​ទៅ​ម្ដុំ​នោះ​ តែងតែ​បាត់ខ្លួន​ជា​បន្តបន្ទាប់​មិន​លើកលែង​សូម្បី​អ្នក​សារព័ត៌មាន ​ក៏​បាន​រក​ឃើញ​ថា​ ស្លាប់​មួយ​គ្រួសារ​ដោយសារ​តែ​តាម​រឿង​ក្ដី​ស្មុគស្មាញ​នេះ។

“បន្ទប់ពិសោធន៍ L-34” ​បាន​នាំ​អារម្មណ៍​មិត្ត​អ្នក​អាន​ប្លែក​មួយ​បែប​ទៀត​ ​ខុស​ពី​ភាគ​និនាន​មុនៗ​ដោយសារ​សាច់រឿង​នេះ​ និយាយ​ពី​បន្ទប់​ពិសោធន៍​ចម្លែក​មួយ​ ខុស​ពី​បន្ទប់​ផ្សេង​ដែល​យើង​ធ្លាប់​អាន​ស្នាដៃរបស់​អ្នកនិពន្ធ ​ម៉ីសន សុធារី​ កន្លង​មក។

តៀម​ខ្លួន​បំបែក​ក្ដី​ជាមួយ​សុភាប្រុស!

តើ​អ្នក​ឆ្លាត​ជាង​ប៉ូលិស​ព្រហ្មទណ្ឌ​ដែរ​ឬទេ ក្នុង​ការ​បំបែក​រឿង​ក្ដី​នេះ​ជាមួយ​សុភាប្រុស?

តាមដាន​ទាំងអស់​គ្នា​នៅ​លើ Meysansotheary.com ដែល​ជិត​ចេញ​នា​ពេល​ឆាប់ៗ​ខាងមុខនេះ!

អត្ថបទ៖ សាង ស្រីល័ក្ខ

ចុចអាន៖ល្ខោនវិទ្យុ “កំណាត់ផ្លូវចុងក្រោយ” ដោយ ម៉ីសន សុធារី កំពុងគាស់កកាយនូវអតីតកាលដ៏ខ្មៅងងឹត ក្នុងប្រវត្តិសាស្ត្រខ្មែរ

ចុចអាន៖ប្រលោមលោករន្ធត់ព្រឺព្រួចថ្មីសន្លាងរបស់ ពេជ្របណ្ឌិត ត្រៀមចេញផ្សាយនៅខែក្រោយ

The post សំណុំរឿងសុភាប្រុស “បន្ទប់ពិសោធន៍ L-34” កំពុងនាំអ្នកអានទៅបំបែកក្ដីបែបរន្ធត់ម្ដងទៀត appeared first on Kampuchea Thmey Daily.