ទន្ទឹមនោះចំពោះកំណត់ត្រាពិភពលោក Guinness ភាគច្រើនគឺជាប្រមូលរថយន្តដ៏ធំបំផុតនៃរថយន្ត ៤×៤ ចំនួន ៧១៨ គ្រឿង ខណៈពេលដែលសារមន្ទីររថយន្ត Emirates National Auto Museum មានរាងជាពីរ៉ាមីតរបស់ទ្រង់មានរថយន្តជាង ២០០ គ្រឿងឯណោះ។ យោងតាមគេហទំព័រសារមន្ទីរ ទ្រង់ក៏បានសាងសង់សារមន្ទីរពិសេសមួយសម្រាប់យានជំនិះក្រៅផ្លូវនៅ Sharjah ដែលជាកន្លែងដែលអ្នកអាចរកឃើញនូវការបង្កើតរថយន្តដ៏លើសលប់មួយចំនួន រចនាដោយមហាសេដ្ឋី Sheikh ផ្ទាល់។

១ បន្ទប់​ពិភពលោកដ៏ទំនើប

ការបង្កើតដ៏ចម្លែកបំផុតមួយ បានក្លាយជាផ្នែកមួយនៃការប្រមូលរបស់រាជា Sheikh ហើយក៏គឺជាចរចរពិភពលោក​ដ៏ធំ នេះបើយោងតាមការចុះផ្សាយរបស់ Caravan Times ។ បន្ទប់ដ៏ធំនេះ​ត្រូវ​ការ​រថយន្ត​អូស​ដើម្បី​ផ្លាស់ទី​ជុំវិញ ប៉ុន្តែ​អ្វី​ដែល​ប្លែក​ជាង​នេះ​ទៅ​ទៀត​នោះ​ ​គឺ​មាន​បន្ទប់​ទទួល​ភ្ញៀវ​ចំនួន ៩ និង​បន្ទប់​ទឹក​ចំនួន ៩ នៅ​ខាង​ក្នុង​រង្វង់មូលនេះផងដែរ។

២ រថយន្ត Jeep ធំជាងគេបំផុត​នៅ​លើពិភពលោក

ការប្រមូលផ្ដុំរបស់រាជា Sheikh រួមមានការចម្លងដ៏ធំ​សម្បើមនៃរថយន្ត Willys Jeep សម័យ​សង្គ្រាម​លោក​លើក​ទី ២ដែលត្រូវបានគ្រងរាជ្យជា​រថយន្ត​ធំ​បំផុត​របស់​ពិភពលោក​ដោយ Guinness World Records ក្នុងឆ្នាំ២០១០។ វាមានកំពស់ជិត ៦.៥ម៉ែត្រ ដែលធ្វើឲ្យ​វាធំពេករហូតមិនអាច​ចូលចុះ​ សារមន្ទីររាងពីរ៉ាមីត។ ទោះយ៉ាងណា​លក្ខណៈ​ជាក់លាក់​ពិតប្រាកដ​មិន​ត្រូវបានគេចេញផ្សាយនោះទេ យោងទៅតាម Road and Track វាត្រូវបានបំពាក់​ដោយ​ម៉ាស៊ីន​តូច​មួយដែលអាចត្រូវបានគេមើលឃើញនៅពីក្រោយ​ក្រឡាចត្រង្គ(ក្រលាមានរាង៤ជ្រុងប៉ុនគ្នា)។

៣ រថយន្ត SUV ដ៏​ធំ​បំផុត​របស់​ពិភពលោក

ក្រៅ​ពី​រថយន្ត​ធំ​ជាង​គេ​របស់​ពិភពលោក ការ​ប្រមូល​ដ៏​ចម្លែក​របស់​សែរាជវង្ស​អារ៉ាប់ ក៏​ជា​ផ្ទះ​របស់​រថយន្ត SUV ធំ​បំផុត​របស់​ពិភពលោក​ផង​ដែរ។ ហៅថា Dhabiyan វាជារថយន្តដែលមានកង់ ១០ ប្រវែង ១០.៨ ម៉ែត្រ ដែលត្រូវបានលួចចូលគ្នាពីរថយន្តពាណិជ្ជកម្មផ្សេងៗគ្នា និងឡានយោធា នេះ​បើ​យោងទៅតាមកាសែត Times Now ។ វាមានទំហំធំណាស់ដែលវាធ្វើឲ្យ​រថយន្ត Ford F-150 មើលទៅដូចជាឡានក្មេងលេង។

៤​ រថយន្តភីកអាប់ដ៏ធំបំផុតរបស់ពិភពលោក

ជាការពិតណាស់រាជា Sheikh ក៏ជាម្ចាស់រថយន្តភីកអាប់​ដ៏ធំបំផុតរបស់ពិភពលោក ដែលជាការ​ចម្លងដ៏​ធំ​នៃ​រថយន្ត Dodge Power Wagon ឆ្នាំ ១៩៥០ ដែលមានទំហំត្រឹមតែ ៦៤ ដងនៃទំហំពិត​ប្រាកដ​នេះ​បើយោងតាម ​​Financial Express ។ ក្នុងនោះ​ក៏មាន​រឿងភ្ញាក់ផ្អើលមួយទៀតគឺ ឡានដឹកទំនិញ​ក៏ជាវីឡាដ៏ប្រណិ​តដែលមានបន្ទប់គេងម៉ាស៊ីនត្រជាក់ធំចំនួនបួន បន្ទប់ទទួល​ភ្ញៀវមួយ បន្ទប់ទឹក និងកន្លែងលំហែផងដែរ។

៥ រថយន្ត Supersized Hummer H1 ធំមហិមា

ភាគច្រើនរថយន្ត Hummer H1 គឹ​មាន​ទំហំតូច ទោះជាយ៉ាងណាស្ដេច Sheikh Hamad បាន​សម្រេចចិត្ត​បង្កើតរថយន្តចម្លង​ដ៏ធំ​នៃ​រថយន្ត SUV ដែលមាន​ឫសគល់​ពី​យោធា។ យោងតាម ​​World Record Academy យានជំនិះ​មិន​គួរឲ្យ​ជឿនេះត្រូវបានបង្ហាញកាលពីដើមឆ្នាំនេះ ហើយ​ត្រូវ​បាន​ប្រគល់​ជូន​កំណត់ត្រាពិភពលោក​សម្រា​ប់រថយន្ត Hummer ដ៏ធំបំផុតដែលមានស្រាប់ វាមាន​ទំហំធំ​ជាង Hummer H1 ធម្មតា​ដល់ទៅ ៣ ដង​តាម​មាត្រដ្ឋាន និង ២៧ដង​ដោយ​បរិ​មាណ៕

ប្រែសម្រួល៖ សាង ស្រីល័ក្ខ

ចុចអាន៖សែរាជវង្សអារ៉ាប់ Sheikh Hamad សព្វព្រះរាជហឫទ័យខ្លាំងក្លាលើរថយន្តទំនើប ដូចស្ដេច ស៊ុលតង់បេះបិទ

ចុចអាន៖ទម្លាយរឿង ៨ យ៉ាង ពីស្តេចស៊ុលតង់ កម្រមានសារព័ត៌មានផ្សាយលម្អិត

The post ភ្ញាក់ផ្អើលខ្លាំង បើដឹងថា សែរាជវង្សអារ៉ាប់ Sheikh Hamad កាន់កំណត់ត្រាពិភពលោក Guinness ធំជាងគេ appeared first on Kampuchea Thmey Daily.

រាជា Sheikh Hamad bin Hamdan al Nahyan ឬ Sheikh Hamad ទ្រង់​ក៏​សព្វ​ព្រះរាជហឫទ័យ​មិន​ខុស​ពី​ស្តេចស៊ុល​តង់ដែរ។ សែរាជវង្ស​អារ៉ាប​មួយ​អង្គ​នេះ​ គឺ​ជា​ក្សត្រ​ដែល​ឈ្លក់​វង្វេង​នឹង​រថយន្ត​ខ្លាំង​បំផុត។ ទ្រង់​បានចំណាយពេលពេញមួយជីវិត​ ដើម្បី​ប្រមូល​នូវ​ការ​បង្កើតរថយន្តដ៏កម្រ និង​ចម្លែក​រាប់រយគ្រឿង រួមទាំងមួយចំនួនដែល​មានកំណត់ត្រាពិភព​លោក​ផងដែរ។ សែរ​រាជវង្ស​របស់​ទ្រង់​បាន​គ្រប់គ្រងទីក្រុង Abu Dhabi អស់​រយៈពេលជាង៣ សតវត្ស​មក​ហើយ ហើយទ្រព្យសម្បត្តិរបស់ទ្រង់​ភាគច្រើនបានមកពីការគ្រប់គ្រងរបស់គ្រួសារទ្រង់​លើ​ឃ្លាំង​ប្រេង​របស់ Abu Dhabi ដែលរួមមាន៩៥ ភាគរយនៃប្រេងរបស់ UAE នេះបើតាម Celebrity Net Worth បានរាយការណ៍ក្នុងឆ្នាំ ២០១៨។

ព្រះអង្គម្ចាស់ Sheikh ត្រូវបានគេចាប់អារម្មណ៍ជាមួយ​នឹងការចំណាយច្រើន​ហួសហេតុរបស់​ទ្រង់​ ដោយ​សាងសង់​ព្រៃ​ដាក់រថយន្ត។ បុរស​អាយុ ៧៤ ឆ្នាំ​នេះ​ចូល​ចិត្តរស់​នៅ​តាម​បាវចនាថា “go big or go home” ដែល​ជា​ភស្តុតាង​យ៉ាង​ច្បាស់ពីការ​ប្រមូល​រថយន្ត​ដ៏​ធំ ​ដែល​បាន​បំបែក​នៅ​ទូទាំង​សារមន្ទីរ​ចំនួន ៤ នៅ​អារ៉ាប់រួម ម៉ារ៉ុក និងកន្លែងផ្សេងៗទៀត។

​លើស​ពី​នេះ ទ្រង់​ទទួល​បាន​រហស្សនាម​ថា ‘Rainbow Sheikh’ ដោយសារតែមានរសនិយម​ស្នេហាលើរថយន្តខ្លាំង។ ជាពិសេសនោះគឺទ្រង់​ក៏ជា​អ្នកគាំទ្រដ៏ធំនៃពណ៌​ឥន្ទធនូខុសៗគ្នា លើរថយន្តជាច្រើនពីការប្រមូល​ដែលត្រូវបានដាក់ចេញ រួមទាំងរថយន្ត Fiat 500 ផងដែរ។ នៅដើម​ឆ្នាំ ១៩៩០ ទ្រង់​បានសុំឲ្យក្រុមហ៊ុន Mercedes បង្កើត​កងនាវា S-class ដែល​បាន​គ្រប់ពណ៌នៃឥន្ទធនូ ជាកាដូសម្រាប់ពិធីមង្គលការថែមទៀត។

យោងតាម ​​Road and Track ទោះបីជាសេដ្ឋី Sheikh ជាម្ចាស់រថយន្តរាប់​មិនអស់​ ដែលដាក់តាំងបង្ហាញនៅសារមន្ទីរ​ចំនួនបួនផ្សេងគ្នាក៏ដោយ អ្នកនឹង​ភ្ញាក់ផ្អើលនៅពេលដឹងថា​ ការប្រមូលរថយន្តដ៏ធំរបស់ទ្រង់​មិនមានរថយន្តទំនើបតែមួយទេ។ រថយន្ត​ស្ព័រតែមួយគត់នៅក្នុងការប្រមូលគឺជារថយន្ត Porsche Boxster ជំនាន់ដំបូង។ ទ្រង់តែងតែ​ទិញរថយន្តទំនើបកម្រ និងថ្លៃបំផុតរបស់ពិភពលោក ទៅរក​យានជំនិះក្រៅ​ផ្លូវ​ដ៏​ប្រណិត ឡាន​ចម្លងទំនើបៗ រថយន្ត​បុរាណ​របស់អាមេរិក និងរថយន្ត Mercedes-Benz ។ អ្វី​ដែល​គួរ​ឲ្យចាប់​អារម្មណ៍​នោះគឺ​មួយ​ភាគ​បី​នៃ​ការ​ប្រមូល​​គឺ​ផលិត​ពី​រថយន្ត Mercedes ខណៈ​ដែល​ទ្រង់​មិន​មាន​រថយន្ត​តែ​មួយ​គ្រឿង​ដែល​ផលិត​ដោយ Audi ឬ BMW។

ដោយឡែកនៅលើ Instagram របស់ទ្រង់​មានការ​ងប់ងល់ដ៏ការធំលើ​រថយន្តចម្លង​ដ៏ប្រណីតនិងរថយន្តផ្សេងៗ។ សែរាជវង្ស​អារ៉ាប​នេះ ឈ្លក់​វង្វេងខ្លាំងក្លានិងឈានទៅការ​ពង្រីក​លើស​ពី​រថយន្តទៅទៀត។

ទន្ទឹមនោះទ្រង់ក៏ជាអ្នកកាន់កំណត់ត្រាពិភពលោកហ្គីណេស ជាច្រើនចំពោះព្រះ​កិត្តិនាម​ទ្រង់ សម្រាប់ការប្រមូលរថយន្តដ៏ធំបំផុតនៃរថយន្ត ៤×៤ ចំនួន ៧១៨គ្រឿង ខណៈពេលដែលសារមន្ទីររថយន្ត Emirates National Auto Museum មានរាងជាពីរ៉ាមីតរបស់ទ្រង់ មានរថយន្តជាង ២០០គ្រឿង យោងតាមគេហទំព័រសារមន្ទីរ ទ្រង់ក៏បានសាងសង់សារមន្ទីរពិសេសមួយសម្រាប់យានជំនិះក្រៅផ្លូវនៅ Sharjah ដែលជាកន្លែងដែលមនុស្សទូទាំងពិភពលោក អាចឃើញនូវការបង្កើតរថយន្តដ៏ងប់ងុលមួយចំនួន ដែលរចនាដោយសែរាជវង្សអង្គនេះផ្ទាល់តែម្ដង៕

ប្រែសម្រួល៖ សាង ស្រីល័ក្ខ

ចុចអាន៖ទម្លាយរឿង ៨ យ៉ាង ពីស្តេចស៊ុលតង់ កម្រមានសារព័ត៌មានផ្សាយលម្អិត

ចុចអាន៖ស្ត្រីមូស្លីម ១០ រូប មានជាងគេលើពិភពលោក ក្នុងនោះក៏មានបុត្រីស្ដេចស៊ុលតង់ ២ អង្គដែរ

The post សែរាជវង្សអារ៉ាប់ Sheikh Hamad សព្វព្រះរាជហឫទ័យខ្លាំងក្លាលើរថយន្តទំនើប ដូចស្ដេច ស៊ុលតង់បេះបិទ appeared first on Kampuchea Thmey Daily.